ਸੰਗਰੂਰ,(ਬਾਵਾ): ਥਾਣਾ ਸਿਟੀ ਸੰਗਰੂਰ ਪੁਲਿਸ ਨੇ ਇਕ ਨਬਾਲਗ ਲੜਕੀ ਤੋਂ ਜਬਰੀ ਸੈਕਸ ਕਰਵਾਉਣ ਅਤੇ ਕਬਜੇ 'ਚ ਰੱਖਣ ਦੇ ਦੋਸ਼ ਵਿਚ ਚਾਰ ਔਰਤਾਂ ਵਿਰੁੱਧ ਮੁਕੱਦਮਾ ਦਰਜ ਕਰ ਇਕ ਔਰਤ ਨੂੰ ਗ੍ਰਿਫਤਾਰ ਕਰਨ ਦਾ ਦਾਅਵਾ ਕੀਤਾ ਹੈ। ਥਾਣਾ ਇੰਚਾਰਜ ਇੰਸਪੈਕਟਰ ਗੁਰਭਜਨ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਉਨ੍ਹਾਂ ਪਾਸ ਪੀੜਤ ਲੜਕੀ (17) ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਕੁਝ ਮਹਿਨੇ ਪਹਿਲਾਂ ਉਸ ਦੀ ਮਾਤਾ ਇਕ ਚੋਰੀ ਦੇ ਕੇਸ ਵਿਚ ਜੇਲ ਚਲੀ ਗਈ ਸੀ। ਜਿਸ ਕਾਰਨ ਉਹ ਪ੍ਰੇਸ਼ਾਨ ਰਹਿਣ ਲੱਗੀ। ਇਕ ਦਿਨ ਉਸ ਨੂੰ ਨਿਸ਼ਾ ਵਾਸੀ ਸੰਗਰੂਰ ਨਾਮੀ ਔਰਤ ਬਜਾਰ ਵਿਚ ਮਿਲ ਗਈ ਅਤੇ ਉਸ ਤੋਂ ਪ੍ਰੇਸ਼ਾਨੀ ਦਾ ਕਾਰਨ ਪੁਛਿਆ, ਸਾਰੀ ਗੱਲ ਦੱਸਣ ਉਪਰੰਤ ਨਿਸ਼ਾ ਨੇ ਉਸ ਨੂੰ ਭਰੋਸਾ ਦਿਵਾਇਆ ਕਿ ਉਸ ਦੀ ਮਾਤਾ ਦੀ ਜ਼ਮਾਨਤ ਕਰਵਾਉਣ ਲਈ ਪੈਸਿਆਂ ਦਾ ਇਤਜਾਮ ਕਰਵਾਉਣ ਲਈ ਉਸ ਨੂੰ ਕੰਮ 'ਤੇ ਲਗਵਾਉਂਣ ਦਾ ਭਰੋਸਾ ਦੇ ਕੇ ਆਪਣੇ ਨਾਲ ਲੈ ਗਈ। ਥਾਣਾ ਸਿਟੀ ਵਿਚ ਦਰਜ ਬਿਆਨਾਂ ਮੁਤਾਬਕ ਨੀਸ਼ਾ ਪੀੜਤ ਲੜਕੀ ਤੋਂ ਪੇਸ਼ਾ ਕਰਵਾਉਣ ਲੱਗ ਪਈ ਅਤੇ ਫਿਰ ਉਸ ਨੂੰ ਅੱਗੇ ਕਿਸੇ ਹੋਰ ਔਰਤ ਦੇ ਹਾਵਾਲੇ ਕਰ ਦਿੱਤਾ।
ਕਰੀਬ ਤਿੰਨ ਮਹੀਨਿਆ ਵਿਚ ਪੀੜਤ ਲੜਕੀ ਨੂੰ ਸ਼ਹਿਰ ਦੀਆਂ ਚਾਰ ਵੱਖ-ਵੱਖ ਔਰਤਾਂ ਨੇ ਪੈਸੇ ਲੈ ਕੇ ਰਾਤਾਂ ਨੂੰ ਭੇਜਣਾ ਸ਼ੁਰੂ ਕਰ ਦਿੱਤਾ ਅਤੇ ਪੀੜਤ ਨੂੰ ਉਸ ਦੀ ਮਾਤਾ ਦੀ ਜ਼ਮਾਨਤ ਲਈ ਪੈਸੇ ਵੀ ਨਹੀਂ ਦਿੱਤੇ । ਪੀੜਤ ਲੜਕੀ ਦਾ ਪਿਤਾ ਜਦ ਆਪਣੀ ਲੜਕੀ ਨੂੰ ਛੁਡਾਉਣ ਉਕਤ ਔਰਤਾਂ ਪਾਸ ਜਾਂਦਾ ਤਾਂ ਉਹ ਲੜਕੀ ਨੂੰ ਛੁਪਾ ਦਿੰਦੀਆਂ ਸਨ। ਪੀੜਤਾ ਦੇ ਬਿਆਨਾ ਮੁਤਾਬਕ ਉਹ ਕਿਸੇ ਤਰ੍ਹਾਂ ਉਕਤ ਔਰਤਾਂ ਦੇ ਚੁੰਗਲ ਵਿਚੋਂ ਨਿਕਲ ਕੇ ਆਪਣੇ ਪਿਤਾ ਕੋਲ ਪਹੁੰਚ ਗਈ। ਥਾਣਾ ਮੁਖੀ ਨੇ ਦੱਸਿਆ ਕਿ ਪੀੜਤ ਲੜਕੀ ਦੇ ਬਿਆਨਾ 'ਤੇ ਥਾਣਾ ਸਿਟੀ ਸੰਗਰੂਰ ਵਿਚ ਨਿਸ਼ਾ, ਕਮਲਜੀਤ ਕੌਰ, ਰੈਨੂੰ ਅਤੇ ਸੋਨਾ ਵਾਸੀ ਸੰਗਰੂਰ ਵਿਰੁੱਧ ਮੁਕੱਦਮਾ ਦਰਜ ਕਰਕੇ ਪੜਤਾਲ ਉਕਤ ਔਰਤਾਂ ਦੇ ਘਰਾਂ 'ਤੇ ਛਾਪੇਮਾਰੀ ਕੀਤੀ ਗਈ ਅਤੇ ਕਮਲਜੀਤ ਕੌਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ । ਉਨ੍ਹਾਂ ਦੱਸਿਆ ਕਿ ਗ੍ਰਿਫਤਾਰ ਕਮਲਜੀਤ ਨੂੰ ਅੱਜ ਅਦਾਲਤ ਵਿਚ ਪੇਸ ਕੀਤਾ ਜਾਵੇਗਾ ਅਤੇ ਬਾਕੀਆਂ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਜਿਨ੍ਹਾਂ ਨੂੰ ਜਲਦੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ। ਉਨ੍ਹਾ ਦੱਸਿਆ ਕਿ ਮਾਮਲੇ ਦੀ ਗੰਭੀਰਤਾਂ ਨਾਲ ਪੜਤਾਲ ਕੀਤੀ ਜਾਵੇਗੀ ਤਾਂ ਜੋ ਪੀੜਤ ਨੂੰ ਇਨਸਾਫ ਦਿਵਾਇਆ ਜਾ ਸਕੇ।
ਹੁਣ ਸੁਖਪਾਲ ਖਹਿਰਾ ਘੇਰਣਗੇ ਕੈਪਟਨ ਦਾ ਘਰ
NEXT STORY 
