ਅੰਮ੍ਰਿਤਸਰ (ਜ. ਬ., ਨਵਦੀਪ) : ਅੱਖਾਂ ਬੰਦ ਕਰ ਕੇ ਸੂਈ 'ਚ ਧਾਗਾ ਪਾਉਣਾ, ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਸਾਈਕਲ ਚਲਾਉਣਾ, ਬੰਦ ਅੱਖਾਂ ਨਾਲ ਟੀ. ਵੀ. ਦੇਖਣਾ, ਕਿਤਾਬਾਂ ਪੜ੍ਹਨਾ, ਡਰਾਇੰਗ ਬਣਾਉਣਾ, ਇਹ ਸਭ ਕੰਮ ਜੋ ਖੁੱਲ੍ਹੀਆਂ ਅੱਖਾਂ ਨਾਲ ਵੀ ਮੁਸ਼ਕਲ ਨਾਲ ਹੁੰਦੇ ਹਨ, ਨੂੰ ਬੰਦ ਅੱਖਾਂ ਨਾਲ ਚੁਟਕੀਆਂ ਵਜਾਉਂਦੇ ਨਿਖਿਲ ਕਰ ਦਿਖਾਉਂਦਾ ਹੈ, ਜੋ ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਅੰਮ੍ਰਿਤਸਰ-ਲਾਹੌਰ ਨੈਸ਼ਨਲ ਹਾਈਵੇ 'ਤੇ ਸਕੇਟਿੰਗ ਕਰ ਕੇ ਆਪਣਾ ਨਾਂ ਇੰਟਰਨੈਸ਼ਨਲ ਬੁੱਕ ਆਫ ਰਿਕਾਰਡ ਵਿਚ ਦਰਜ ਕਰਵਾ ਚੁੱਕਾ ਹੈ। ਹੁਣ ਉਹ 15 ਅਗਸਤ ਨੂੰ ਆਜ਼ਾਦ ਮੁਲਕ ਦੀਆਂ ਅੱਖਾਂ ਖੋਲ੍ਹਣ ਲਈ ਆਪਣੀਆਂ ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਸ਼ਹਿਰ ਤੋਂ ਸਰਹੱਦ ਤੱਕ ਸਕੇਟਿੰਗ ਕਰਨ ਜਾ ਰਿਹਾ ਹੈ। ਕਹਿੰਦਾ ਹੈ ਕਿ ਮੈਂ ਜੰਮੂ-ਕਸ਼ਮੀਰ 'ਚ ਸੈਨਿਕਾਂ ਨੂੰ ਪੱਥਰ ਮਾਰਨ ਦੀ ਘਟਨਾ ਤੋਂ ਦੁਖੀ ਹਾਂ, ਮੇਰਾ ਸੁਨੇਹਾ ਹੈ ਕਿ ਸੈਨਿਕਾਂ ਦਾ ਸਨਮਾਨ ਤੇ ਆਪਣੀ ਇੱਛਾ ਨਾਲ ਖੂਨ ਦਾਨ ਕਰੋ।
ਪਿਤਾ ਬੋਲੇ- 'ਕਬਾੜੀ' ਦੇ ਘਰ 'ਕੁਬੇਰ'
ਪਿਤਾ ਕਰਨ ਮਹਾਜਨ ਕਹਿੰਦੇ ਹਨ ਕਿ ਮੈਂ ਪੁਰਾਣੇ ਲੋਹੇ ਦਾ ਕਾਰੋਬਾਰੀ ਹਾਂ, ਮੈਂ ਤਾਂ ਇਹੀ ਕਹਾਂਗਾ ਕਿ ਭਗਵਾਨ ਨੇ 'ਕਬਾੜੀ' ਦੇ ਘਰ 'ਕੁਬੇਰ' ਭੇਜਿਆ ਹੈ।
ਮਾਂ ਨੇ ਕਿਹਾ- ਬੇਟੇ ਨੂੰ ਦੁਨੀਆ ਦੇਖੇ
ਮਾਂ ਸੀਮਾ ਮਹਾਜਨ ਕਹਿੰਦੀ ਹੈ ਕਿ ਮੇਰੇ ਬੇਟੇ ਨੂੰ ਦੁਨੀਆ ਦੇਖੇ। ਇਕ ਦਿਨ ਅੱਖਾਂ 'ਤੇ ਪੱਟੀ ਬੰਨ੍ਹ ਕੇ ਜਹਾਜ਼ ਉਡਾਏ, ਮੈਨੂੰ ਉਸ ਦਿਨ ਦਾ ਇੰਤਜ਼ਾਰ ਹੈ।
ਭੈਣਾਂ ਬੋਲੀਆਂ- ਆਵਰ ਗ੍ਰੇਟ ਬ੍ਰਦਰ
ਭੈਣਾਂ ਮਹਿਕ ਤੇ ਤਾਨੀਆ ਕਹਿੰਦੀਆਂ ਹਨ ਕਿ ਸਾਡੀਆਂ ਸਾਰੀਆਂ ਸਹੇਲੀਆਂ ਸਾਡੇ ਨਾਲ ਸੈਲਫੀ ਲੈਂਦੀਆਂ ਹਨ, ਨਿਖਿਲ ਦੀ ਵਜ੍ਹਾ ਨਾਲ ਲੋਕ ਸਾਨੂੰ ਹੁਣ ਜਾਣਨ ਲੱਗੇ ਹਨ। ਆਵਰ ਗ੍ਰੇਟ ਬ੍ਰਦਰ।
ਸਕੂਲ 'ਚ ਗੂਗਲ ਬੁਆਏ ਕਿਹਾ ਜਾਣ ਲੱਗਾ
ਨਿਖਿਲ ਨੇ ਜਗ ਬਾਣੀ ਨਾਲ ਖਾਸ ਗੱਲਬਾਤ 'ਚ ਕਿਹਾ ਕਿ ਮੈਨੂੰ ਪਹਿਲੀ ਵਾਰ ਬੰਦ ਅੱਖਾਂ ਨਾਲ ਦੇਖਣ ਦਾ ਅਨੁਭਵ ਉਸ ਰਾਤ ਹੋਇਆ ਜਦੋਂ ਮੈਂ ਅਤੇ ਪਾਪਾ ਭਾਰਤ-ਪਾਕਿ 'ਚ ਚੱਲ ਰਿਹਾ ਕ੍ਰਿਕਟ ਮੈਚ ਦੇਖ ਰਹੇ ਸੀ। ਮਾਂ ਨੇ ਮੈਨੂੰ ਝਿੜਕਦਿਆਂ ਕਿਹਾ ਕਿ ਟੀ. ਵੀ. ਦੇਖਣ ਦੀ ਕੋਈ ਸੀਮਾ ਹੁੰਦੀ ਹੈ, ਚਲੋ ਚੁੱਪਚਾਪ ਅੱਖਾਂ ਬੰਦ ਕਰ ਕੇ ਸੌਂ ਜਾਓ। ਉਦੋਂ ਮਾਂ ਨੇ ਟੀ. ਵੀ. ਦੀ ਆਵਾਜ਼ ਸਾਈਲੈਂਟ ਕਰ ਦਿੱਤੀ ਅਤੇ ਪਾਪਾ ਨੂੰ ਕਿਹਾ ਕਿ ਤੁਸੀਂ ਨਿਖਿਲ ਨੂੰ ਸੌਣ ਦਿਓ, ਟੀ. ਵੀ. ਦੀ ਆਵਾਜ਼ ਬੰਦ ਕਰ ਕੇ ਮੈਚ ਦੇਖਣਾ ਹੈ ਤਾਂ ਦੇਖੋ, ਨਹੀਂ ਤਾਂ ਸੌਂ ਜਾਓ। ਮੈਂ ਡਰ ਨਾਲ ਅੱਖਾਂ ਬੰਦ ਕਰ ਕੇ ਪੈ ਗਿਆ। ਮੈਂ ਉਝ ਹੀ ਅੱਖਾਂ ਬੰਦ ਕਰ ਕੇ ਟੀ. ਵੀ. ਵੱਲ ਦੇਖਿਆ ਤਾਂ ਮੈਨੂੰ ਲੱਗਾ ਕਿ ਮੈਨੂੰ ਦਿਸ ਰਿਹਾ ਹੈ। ਮੈਂ ਉਸ ਰਾਤ ਕਰੀਬ 2 ਘੰਟਿਆਂ ਤੱਕ ਬੰਦ ਅੱਖਾਂ ਨਾਲ ਟੀ. ਵੀ. 'ਤੇ ਸਾਰਾ ਮੈਚ ਦੇਖਿਆ। ਉਸ ਰਾਤ ਤੋਂ ਬਾਅਦ ਮੈਂ ਬੰਦ ਅੱਖਾਂ ਨਾਲ ਦੇਖਣ ਦੀ ਖੁਸ਼ੀ ਬਟੋਰਨ ਲੱਗਾ, ਅੱਜ ਮੈਂ ਬੰਦ ਅੱਖਾਂ ਨਾਲ ਸਭ ਕੁਝ ਦੇਖ ਸਕਦਾ ਹਾਂ। ਹੁਣ ਤਾਂ ਪ੍ਰੈਕਟਿਸ ਹੋ ਗਈ ਹੈ। ਨਿਖਿਲ ਐਕਟਰ ਬਣਨ ਲਈ ਜਦੋਂ ਬਾਲੀਵੁੱਡ ਕੋਰੀਓਗ੍ਰਾਫਰ ਪੰਕਜ ਐਂਡ ਪ੍ਰੀਤੀ ਤੋਂ ਸਿੱਖਣ ਗਿਆ ਤਾਂ ਉਨ੍ਹਾਂ ਨੇ ਇਸ ਦੀ ਪ੍ਰਤਿਭਾ ਮਿਡਬ੍ਰੇਨ ਤਕਨੀਕ ਤੋਂ ਸੰਵਾਰੀ। ਨਿਖਿਲ ਹੁਣ ਤੱਕ 25 ਤੋਂ ਵੱਧ ਡਾਂਸ ਮੁਕਾਬਲੇ ਜਿੱਤ ਚੁੱਕਾ ਹੈ। ਕਹਿੰਦਾ ਹੈ ਕਿ ਮੈਂ ਬਾਲੀਵੁੱਡ ਸਟਾਰ ਬਣਾਂਗਾ। ਨਿਖਿਲ ਅਰੁਣ ਜੋਤੀ ਸਕੂਲ ਰਾਮਬਾਗ 'ਚ ਪੜ੍ਹਦਾ ਹੈ। ਜਦੋਂ ਉਹ 10 ਸਾਲ ਦਾ ਸੀ, ਉਦੋਂ ਬੰਦ ਅੱਖਾਂ ਨਾਲ ਉਸ ਨੂੰ ਦਿਸਣ ਲੱਗਾ ਸੀ। ਜਾਪਾਨੀ ਤਕਨੀਕ ਬ੍ਰੇਨ ਐਕਸ ਅਤੇ ਮਿਡਬ੍ਰੇਨ ਦੀ ਐਕਸਰਸਾਈਜ਼ ਨਾਲ ਇਹ ਸਭ ਆਸਾਨ ਹੈ। ਉਧਰ, ਡਾ. ਕੁਨਾਲ ਮਹਾਜਨ ਕਹਿੰਦੇ ਹਨ ਕਿ ਇਹ ਕੁਦਰਤੀ ਦੇਣ ਹੈ, ਲੱਗਦਾ ਹੈ ਨਿਖਿਲ ਕੋਲ 'ਸਿਕਸ ਸੈਂਸ' ਹੈ।
ਭਾਰਤ ਬੰਦ : ਮੋਹਾਲੀ ਪੁਲਸ ਵਲੋਂ ਸੁਰੱਖਿਆ ਪ੍ਰਬੰਧ ਮਜ਼ਬੂਤ
NEXT STORY