ਪਟਿਆਲਾ (ਮਨਦੀਪ ਸਿੰਘ ਜੋਸਨ) : ਪੰਜਾਬ ਰਾਜ ਬਿਜਲੀ ਕਾਰਪੋਰੇਸ਼ਨ ਲਿਮਟਿਡ (ਪੀ. ਐਸ. ਪੀ. ਸੀ. ਐਲ.) ਦੇ ਸੀ. ਐਮ. ਡੀ. ਏ. ਵੇਨੂੰ ਪ੍ਰਸਾਦ ਨੇ ਖ਼ੁਲਾਸਾ ਕੀਤਾ ਕਿ ਪੰਜਾਬ ਰਾਜ ਬਿਜਲੀ ਕਾਰਪੋਰੇਸ਼ਨ ਲਿਮਟਿਡ ਨੇ ਆਉਣ ਵਾਲੇ ਝੋਨੇ ਦੇ ਸੀਜ਼ਨ ਲਈ ਬਿਹਤਰ ਪੱਧਰੀ ਬਿਜਲੀ ਦੇ ਪ੍ਰਬੰਧ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ਖੇਤੀਬਾੜੀ ਖ਼ਪਤਕਾਰਾਂ ਨੂੰ ਬਿਹਤਰ ਬਿਜਲੀ ਸਪਲਾਈ ਯਕੀਨੀ ਬਣਾਉਣ ਲਈ ਪੀ. ਐਸ. ਪੀ. ਸੀ. ਐਲ. ਨੇ ਪੰਜਾਬ ਵਿੱਚ ਪਿੰਡਾਂ ਦੇ ਬਿਜਲੀ ਦੇ ਬੁਨਿਆਦੀ ਢਾਂਚੇ ਨੂੰ ਵੀ ਮਜ਼ਬੂਤ ਕੀਤਾ ਹੈ।
ਇਹ ਵੀ ਪੜ੍ਹੋ : ਮਖੂ 'ਚ ਚਿੱਟੇ ਦੀ ਭੇਟ ਚੜ੍ਹਿਆ ਨੌਜਵਾਨ, ਪਰਿਵਾਰ ਨੇ ਰੋਂਦਿਆਂ ਬਿਆਨ ਕੀਤਾ ਦਰਦ
ਉਨ੍ਹਾਂ ਇਹ ਵੀ ਭਰੋਸਾ ਦਿੱਤਾ ਕਿ ਪੰਜਾਬ ਦੇ ਸਾਰੇ ਬਿਜਲੀ ਖ਼ਪਤਕਾਰਾਂ ਨੂੰ ਨਿਰੰਤਰ, ਨਿਰਵਿਘਨ ਅਤੇ ਕੁਆਲਟੀ ਬਿਜਲੀ ਸਪਲਾਈ ਮੁਹੱਈਆ ਕਰਵਾਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਪੀ. ਐਸ. ਪੀ. ਸੀ. ਐਲ. ਨੇ ਆਉਣ ਵਾਲੇ ਝੋਨੇ ਦੇ ਸੀਜ਼ਨ ਦੌਰਾਨ 13000 ਮੈਗਾਵਾਟ ਤੋਂ ਵੱਧ ਦੀ ਚੋਟੀ ਦੀ ਮੰਗ ਨੂੰ ਪੂਰਾ ਕਰਨ ਲਈ ਪ੍ਰਬੰਧ ਕੀਤੇ ਹਨ। ਉਨ੍ਹਾਂ ਨੇ ਖ਼ੁਲਾਸਾ ਕੀਤਾ ਕਿ ਪੀ. ਐਸ. ਪੀ. ਸੀ. ਐਲ. ਨੇ 15 ਜੂਨ ਤੋਂ 30 ਸਤੰਬਰ, 2021 ਤੱਕ ਦੀ ਮਿਆਦ ਲਈ ਥੋੜ੍ਹੇ ਸਮੇਂ ਦੇ ਤਕਰੀਬਨ 2400 ਮੈਗਾਵਾਟ ਬਿਜਲੀ ਦੀ ਖਰੀਦ ਅਤੇ ਬੈਂਕਿੰਗ ਪ੍ਰਬੰਧ ਕੀਤੇ ਹਨ।
ਇਹ ਵੀ ਪੜ੍ਹੋ : ਵੱਡੀ ਖ਼ਬਰ : ਪਤਨੀ ਦਾ ਤੇਜ਼ਧਾਰ ਹਥਿਆਰ ਨਾਲ ਗਲਾ ਵੱਢ ਪਤੀ ਫ਼ਰਾਰ, ਲਹੂ-ਲੁਹਾਨ ਹਾਲਤ 'ਚ ਮਿਲੀ ਲਾਸ਼
ਉਨ੍ਹਾਂ ਕਿਹਾ ਕਿ ਰਾਜ ਵਿੱਚ ਲਗਭਗ 6500 ਮੈਗਾਵਾਟ ਬਿਜਲੀ ਉਤਪਾਦਨ, ਕੇਂਦਰ ਦੇ ਸੈਕਟਰ ਉਤਪਾਦਨ ਵਾਲੀਆਂ ਸਟੇਸ਼ਨਾਂ ਵਿੱਚ ਰਾਜ ਦਾ 4600 ਮੈਗਾਵਾਟ ਹਿੱਸਾ ਅਤੇ ਬੀ. ਬੀ. ਐਮ. ਬੀ. ਪਲਾਂਟ ਅਤੇ 2400 ਮੈਗਾਵਾਟ ਦੇ ਪ੍ਰਬੰਧ ਥੋੜ੍ਹੇ ਸਮੇਂ ਦੇ ਅਧਾਰ 'ਤੇ ਉਪਲੱਬਧ ਹਨ। ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ, ਪੀ. ਐਸ. ਪੀ. ਸੀ. ਐਲ. ਨੇ ਏ. ਟੀ. ਸੀ. ਟੀ. ਟੀ. ਸੀ. ਸੀਮਾ ਦੇ ਵਾਧੇ ਲਈ ਇਹ ਮਾਮਲਾ ਐਨਆਰਐਲਡੀਸੀ ਪੀਐਸਟੀਸੀਐਲ ਕੋਲ ਉਠਾਇਆ ਹੈ, ਤਾਂ ਜੋ ਬਿਜਲੀ ਦੇ ਆਯਾਤ ਵਿਚ ਕੋਈ ਪ੍ਰਸਾਰਣ ਦੀਆਂ ਰੁਕਾਵਟਾਂ ਨਾ ਹੋਣ।
ਇਹ ਵੀ ਪੜ੍ਹੋ : ਕੈਪਟਨ ਤੇ ਖਹਿਰਾ ਨੂੰ ਝਟਕਾ, ਕਰੀਬੀਆਂ ਸਮੇਤ ਕਈ ਨਵੇਂ ਚਿਹਰੇ ‘ਆਪ’ ’ਚ ਸ਼ਾਮਲ
ਪੀ. ਐਸ. ਪੀ. ਸੀ. ਐਲ. ਪਹਿਲਾਂ ਹੀ ਝੋਨੇ ਦੇ ਸੀਜ਼ਨ ਲਈ ਟਰਾਂਸਮਿਸ਼ਨ ਕੋਰੀਡੋਰਾਂ ਦੀ ਬੁਕਿੰਗ ਦੇ ਉੱਨਤ ਪੜਾਅ 'ਤੇ ਹੈ। ਉਨ੍ਹਾਂ ਕਿਹਾ ਕਿ ਪੀ. ਐਸ. ਪੀ. ਸੀ. ਐਲ. ਨੇ ਜੁਲਾਈ 2020 ਦੇ ਮਹੀਨੇ ਵਿਚ (ਕੋਵੀਡ-19 ਮਹਾਂਮਾਰੀ ਦੇ ਬਾਵਜੂਦ) 13148 ਮੈਗਾਵਾਟ ਬਿਜਲੀ ਝੋਨੇ ਦੇ ਸੀਜ਼ਨ ਦੌਰਾਨ ਸਫਲਤਾਪੂਰਵਕ ਮੰਗ ਪੂਰੀ ਕੀਤੀ ਸੀ।
ਨੋਟ : ਪੀ. ਐਸ. ਪੀ. ਸੀ. ਐਲ. ਵੱਲੋਂ ਆਉਣ ਵਾਲੇ ਝੋਨੇ ਦੇ ਸੀਜ਼ਨ ਲਈ ਕੀਤੇ ਪ੍ਰਬੰਧਾਂ ਬਾਰੇ ਦਿਓ ਆਪਣੀ ਰਾਏ
ਕੋਰੋਨਾ ਨਾਲ 2 ਦਿਨਾਂ ’ਚ 20 ਦੀ ਮੌਤ ; 662 ਦੀ ਰਿਪੋਰਟ ਆਈ ਪਾਜ਼ੇਟਿਵ
NEXT STORY 
