ਕਪੂਰਥਲਾ (ਵਿਪਨ ਮਹਾਜਨ)— ਸ਼੍ਰੀ ਗੁਰੂ ਰਵਿਦਾਸ ਭਾਈਚਾਰੇ ਵੱਲੋਂ ਪੰਜਾਬ ਬੰਦ ਨੂੰ ਲੈ ਕੇ ਅੱਜ ਕਪੂਰਥਲਾ ਸ਼ਹਿਰ ਮੁਕੰਮਲ ਬੰਦ ਰਿਹਾ। ਸ਼ਹਿਰ 'ਚ ਭਾਈਚਾਰੇ ਦੇ ਲੋਕਾਂ ਨੇ ਰੋਸ਼ ਮਾਰਚ ਕੱਢਿਆ ਅਤੇ ਰੋਸ ਮਾਰਚ ਦੌਰਾਨ ਕੁਝ ਖੁੱਲ੍ਹੀਆਂ ਦੁਕਾਨਾਂ ਵਾਲਿਆਂ ਨੂੰ ਅਪੀਲ ਕਿ ਦੁਕਾਨਾਂ ਬੰਦ ਕਰ ਲੈਣ। ਜਿਸ 'ਤੇ ਦੁਕਾਨਦਾਰਾਂ ਨੇ ਦੁਕਾਨਾਂ ਬੰਦ ਕਰ ਦਿੱਤੀਆਂ। ਇਸ ਰੋਸ ਦੌਰਾਨ ਰਵਿਦਾਸ ਭਾਈਚਾਰੇ ਦੇ ਲੋਕਾਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੇ ਤੁਗਲਕਾਬਾਦ ਨਵੀਂ ਦਿੱਲੀ ਵਿਖੇ ਰਵਿਦਾਸ ਮੰਦਿਰ ਨੂੰ ਤੋੜਨ ਦੇ ਜੋ ਆਦੇਸ਼ ਦਿੱਤੇ ਹਨ, ਉਹ ਫੈਸਲਾ ਗਲਤ ਹੈ। ਇਹ ਮੋਦੀ ਸਰਕਾਰ ਦੀ ਦਲਿਤ ਭਾਈਚਾਰੇ ਖਿਲਾਫ ਬਹੁਤ ਵੱਡੀ ਸਾਜਿਸ਼ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਜਿਹੜੀ ਬੇਅਦਬੀ ਕੀਤੀ ਹੈ, ਉਸ ਨੂੰ ਰਵਿਦਾਸ ਭਾਈਚਾਰਾ ਅਤੇ ਦਲਿਤ ਸਮਾਜ ਕਿਸੇ ਵੀ ਕੀਮਤ ਅਤੇ ਸਹਿਣ ਨਹੀਂ ਕਰੇਗਾ।
ਅੱਜ ਦੇ ਬੰਦ ਨੂੰ ਲੈ ਕੇ ਬੱਸ ਸਟੈਂਡ, ਸਦਰ ਬਾਜਾਰ, ਸੱਤ ਨਰਾਇਣ ਬਾਜਾਰ, ਬਾਨੀਆ ਬਾਜਾਰ, ਅੰਮ੍ਰਿਤ ਬਾਜਾਰ, ਸਰਾਫਾਂ ਬਾਜਾਰ, ਕਸੇਰੀਆ ਬਾਜਾਰ, ਕਸਾਬਾਂ ਬਾਜਾਰ, ਕੈਮਪੁਰਾ ਬਾਜਾਰ, ਸੁਲਤਾਨਪੁਰ ਰੋਡ, ਮਾਲ ਰੋਡ, ਰੈਡ ਕ੍ਰਾਸ ਮਾਰਕਿਟ, ਸ਼ਾਲੀਮਾਰ ਬਾਗ ਰੋਡ, ਰੇਲਵੇ ਸਟੇਸ਼ਨ, ਪੁਰਾਣੀ ਸਬਜ਼ੀ ਮੰਡੀ, ਨਵੀਂ ਸਬਜੀ ਮੰਡੀ, ਕਚਿਹਰੀ, ਹਸਪਤਾਲ, ਸਕੂਲ, ਕਾਲਜ ਬੇਰੌਣਕ ਰਹੇ। ਇਸ ਤੋਂ ਇਲਾਵਾ ਸ਼ਹਿਰ ਦੇ ਵੱਡੇ ਮਾਲ, ਸ਼ੋਰੂਮ ਸਮੇਤ ਪੈਟ੍ਰੋਲ ਪੰਪ ਵੀ ਬੰਦ ਨਜਰ ਆਏ।
ਜ਼ਿਕਰਯੋਗ ਹੈ ਕਿ ਡੀ. ਸੀ. ਕਪੂਰਥਲਾ ਵੱਲੋਂ ਜ਼ਿਲੇ ਦੇ ਸਿੱਖਿਆ ਸੰਸਥਾਨਾਂ ਨੂੰ ਪਹਿਲਾਂ ਹੀ ਬੰਦ ਕਰਨ ਦੇ ਹੁਕਮ ਦੇ ਦਿੱਤੇ ਗਏ ਸਨ। ਕਪੂਰਥਲਾ ਵਿਖੇ ਸੁਰੱਖਿਆ ਪ੍ਰਬੰਧਾਂ ਦੀ ਕਮਾਨ ਐੱਸ. ਪੀ. ਤੇਜਬੀਰ ਸਿੰਘ ਹੁੰਦਲ, ਡੀ. ਐੱਸ. ਪੀ ਸਬ ਡਿਵੀਜ਼ਨ ਹਰਿੰਦਰ ਸਿੰਘ ਗਿੱਲ, ਥਾਣਾ ਸਿਟੀ ਇੰਚਾਰਜ ਪਰਮਜੀਤ ਸਿੰਘ, ਪੀ.ਸੀ.ਆਰ ਇੰਚਾਰਜ ਭੁਪਿੰਦਰ ਸਿੰਘ, ਟ੍ਰੈਫਿਕ ਇੰਚਾਰਜ ਦੀਪਕ ਸ਼ਰਮਾ ਦੇ ਨਾਲ ਹੋਰ ਪੁਲਸ ਅਧਿਕਾਰੀ ਅਤੇ ਕਰਮਚਾਰੀ ਬਾਖੂਬੀ ਨਿਭਾ ਰਹੇ ਹਨ।
ਪੰਜਾਬ ਬੰਦ ਹੋਣ 'ਤੇ ਬਟਾਲਾ ਦੇ ਬਾਜ਼ਾਰਾਂ 'ਚ ਪੱਸਰੀ ਸੁੰਨ, ਸਕੂਲ-ਕਾਲਜ ਬੰਦ (ਵੀਡੀਓ)
NEXT STORY 
