ਮੁੱਲਾਂਪੁਰ ਦਾਖਾ (ਕਾਲੀਆ) — ਇਥੋਂ ਦੇ ਪ੍ਰੇਮ ਨਗਰ 'ਚ ਇਕ ਝੁੱਗੀ ਨੂੰ ਭਿਆਨਕ ਅੱਗ ਲੱਗ ਗਈ। ਇਸ ਦਰਦਨਾਕ ਹਾਦਸੇ 'ਚ ਪਿਓ-ਪੁੱਤ ਜਿਊਂਦੇ ਸੜ ਗਏ। ਕੌਂਸਲਰ ਜਸਵਿੰਦਰ ਸਿੰਘ ਹੈਪੀ ਨੇ ਦੱਸਿਆ ਕਿ ਇਸ ਹਾਦਸੇ ਦੌਰਾਨ ਝੁੱਗੀ 'ਚ ਸੁੱਤੇ ਪਿਓ-ਪੁੱਤ ਦੀ ਜਿਊਂਦੇ ਸੜਨ ਕਾਰਨ ਦਰਦਨਾਕ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਨਾਰਾਇਣ 36 ਸਾਲ ਅਤੇ ਉਸ ਦਾ ਪੁੱਤਰ ਰੌਸ਼ਨ 13 ਸਾਲ ਵਜੋਂ ਹੋਈ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਮ੍ਰਿਤਕ ਨਾਰਾਇਣ ਦੀ ਪਤਨੀ ਆਪਣੀ ਧੀ ਕੋਲ ਬਿਹਾਰ ਗਈ ਸੀ, ਜਿਸ ਕਾਰਨ ਦੋਵੇਂ ਪਿਓ-ਪੁੱਤ ਝੁੱਗੀ 'ਚ ਇਕੱਲੇ ਸਨ। ਮੌਕੇ 'ਤੇ ਪਹੁੰਚੀ ਥਾਣਾ ਦਾਖਾ ਪੁਲਸ ਵੱਲੋਂ ਝੁੱਗੀ ਨੂੰ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਫਿਲਹਾਲ ਏ. ਐੱਸ. ਆਈ. ਨਿਰਮਲ ਸਿੰਘ ਨੇ ਲਾਸ਼ਾਂ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।
Year Ender 2019 : 'ਪੰਜਾਬ' ਦੀ ਸਿਆਸਤ ਨੇ ਦੇਖੇ ਕਈ ਰੰਗ, ਉਤਰਾਅ-ਚੜ੍ਹਾਅ ਵਾਲਾ ਰਿਹਾ ਸਾਲ
NEXT STORY 
