ਸਪੋਰਟਸ ਡੈਸਕ : ਕ੍ਰਿਕਟ ਜਗਤ ਵਿਚ ਪਿਛਲੇ ਕੁਝ ਸਾਲਾਂ ਵਿਚ ਜੇਕਰ ਕੋਈ ਬੱਲੇਬਾਜ਼ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕਰਦਾ ਹੈ ਤਾਂ ਉਸ ਦੀ ਤੁਲਨਾ ਭਾਰਤੀ ਟੀਮ ਦੇ ਮੌਜੂਦਾ ਕਪਤਾਨ ਅਤੇ ਦੁਨੀਆ ਦੇ ਨੰਬਰ ਇਕ ਬੱਲੇਬਾਜ਼ ਵਿਰਾਟ ਕੋਹਲੀ ਨਾਲ ਕੀਤੀ ਜਾਂਦੀ ਹੈ। ਹਾਲਾਂਕਿ ਇਸ ਸੂਚੀ ਵਿਚ ਇਕ ਨਾਂ ਬਾਬਰ ਆਜ਼ਮ ਦਾ ਵੀ ਹੈ ਜਿਸਦੀ ਲਗਾਤਾਰ ਤੁਲਨਾ ਇਸ ਖਿਡਾਰੀ ਨਾਲ ਕੀਤੀ ਜਾਂਦੀ ਰਹੀ ਹੈ। ਅਜਿਹੇ 'ਚ ਇਸ ਮੁੱਧੇ 'ਤੇ ਵਾਰ-ਵਾਰ ਕੋਹਲੀ ਨਾਲ ਨਾਂ ਜੋੜਨ 'ਤੇ ਆਜ਼ਮ ਨੇ ਕਿਹਾ ਕਿ 'ਮੇਰੀ ਕੋਹਲੀ ਨਾਲ ਤੁਲਨਾ ਨਾ ਕਰੋ'।
ਪਿਛਲੇ 2-3 ਸਾਲਾਂ ਵਿਚ ਜੇਕਰ ਦੇਖੀਏ ਤਾਂ ਬਾਬਰ ਨੇ ਆਪਣੀ ਬੱਲੇਬਾਜ਼ੀ ਦੇ ਦਮ 'ਤੇ ਪਾਕਿਸਤਾਨ ਨੂੰ ਕਈ ਮੈਚ ਜਿਤਾਏ ਹਨ ਅਤੇ ਪੂਰੀ ਦੁਨੀਆ ਵਿਚ ਆਪਣਾ ਲੋਹਾ ਮਨਵਾਇਆ ਹੈ। ਉੱਥੇ ਹੀ ਬਾਬਰ ਨੇ ਇਕ ਵੈਬਸਾਈਟ ਨਾਲ ਗੱਲਬਾਤ ਦੌਰਾਨ ਕਿਹਾ, ''ਲੋਕ ਅਕਸਰ ਮੇਰੀ ਤੁਲਨਾ ਵਿਰਾਟ ਕੋਹਲੀ ਨਾਲ ਕਰਦੇ ਹਨ ਪਰ ਵਿਰਾਟ ਬਹੁਤ ਵੱਡੇ ਖਿਡਾਰੀ ਹਨ। ਮੈਨੂੰ ਨਹੀਂ ਲਗਦਾ ਕਿ ਮੈਂ ਕਿਤੇ ਵੀ ਵਿਰਾਟ ਦੋ ਨੇੜੇ ਹਾਂ। ਵਿਰਾਟ ਮੌਜੂਦਾ ਸਮੇਂ ਕਰੀਅਰ ਦੀ ਸਰਵਸ੍ਰੇਸ਼ਠ ਫਾਰਮ 'ਚ ਹੈ। ਉਹ ਟੈਸਟ ਅਤੇ ਵਨ ਡੇ ਵਿਚ ਨੰਬਰ ਇਕ ਸਥਾਨ 'ਤੇ ਹੈ। ਬਾਬਰ ਇਸ ਸਮੇਂ ਟੀ-20 ਰੈਂਕਿੰਗ ਵਿਚ ਨੰਬਰ ਇਕ ਸਥਾਨ 'ਤੇ ਹੈ। ਉਹ ਵਨ ਡੇ ਰੈਂਕਿੰਗ ਵਿਚ ਨੰਬਰ 5 'ਤੇ ਮੌਜੂਦ ਹੈ।''
ਬਾਬਰ ਨੇ ਅੱਗੇ ਕਿਹਾ, ''ਮੈਨੂੰ ਅਜੇ ਆਪਣਾ ਕਰੀਅਰ ਸ਼ੁਰੂ ਕੀਤਾ ਹੈ, ਜਦਕਿ ਵਿਰਾਟ ਕਰੀਅਰ ਵਿਚ ਬਹੁਤ ਕੁਝ ਹਾਸਲ ਕਰ ਚੁੱਕੇ ਹਨ। ਮੈਨੂੰ ਅਜੇ ਬਹੁਤ ਕੁਝ ਸਿੱਖਣ ਦੀ ਜ਼ਰੂਰਤ ਹੈ। ਜੇਕਰ ਮੈਂ ਵਿਰਾਟ ਕੋਹਲੀ ਦੀ ਤਰ੍ਹਾਂ ਪ੍ਰਦਰਸ਼ਨ ਕਰਨ 'ਚ ਸਫਲ ਰਿਹਾ ਤਾਂ ਹੀ ਮੇਰੀ ਤੁਲਨਾ ਉਸ ਨਾਲ ਕੀਤੀ ਜਾਣੀ ਚਾਹੀਦੀ ਹੈ। ਫਿਲਹਾਲ ਵਿਰਾਟ ਨਾਲ ਮੇਰੀ ਤੁਲਨਾ ਨਹੀਂ ਹੋ ਸਕਦੀ।'' ਬਾਬਰ ਆਜ਼ਮ ਟੀ-20 ਕਰੀਅਰ ਦੇ 29 ਮੈਚਾਂ ਵਿਚ 53.72 ਦੀ ਔਸਤ ਨਾਲ 1,182 ਦੌੜਾਂ ਬਣਾ ਚੁੱਕੇ ਹਨ। ਵਨ ਡੇ ਵਿਚ ਬਾਬਰ ਦੇ ਬੱਲੇ ਨਾਲ 59 ਮੈਚਾਂ ਵਿਚ 51.29 ਦੀ ਔਸਤ ਨਾਲ 2,462 ਦੌੜਾਂ ਨਿਕਲੀਆਂ ਹਨ। ਟੈਸਟ ਕ੍ਰਿਕਟ ਵਿਚ ਉਸ ਦਾ ਪ੍ਰਦਰਸ਼ਨ ਇੰਨਾ ਖਾਸ ਨਹੀਂ ਹੈ। ਬਾਬਰ ਆਜ਼ਮ ਨੇ ਟੈਸਟ ਕਰੀਅਰ ਦੇ 21 ਮੈਚਾਂ ਵਿਚ 35.28 ਦੀ ਔਸਤ ਨਾਲ 1,235 ਦੌੜਾਂ ਬਣਾਈਆਂ ਹਨ।
ਸਾਨੂੰ ਭਾਰਤ ਨਾਲ ਖੇਡਣ ਲਈ ਅਜਿਹੇ ਕਦਮ ਚੁੱਕਣ ਦੀ ਜ਼ਰੂਰਤ : ਵਸੀਮ ਖਾਨ
NEXT STORY 
