ਸਪੋਰਟਸ ਡੈਸਕ : ਆਈਪੀਐਲ (IPL) 2026 ਦੇ ਸੀਜ਼ਨ 'ਚ ਸ਼ਾਨਦਾਰ ਸ਼ੁਰੂਆਤ ਕਰਨ ਵਾਲੀ ਪੰਜਾਬ ਕਿੰਗਜ਼ ਦੀ ਟੀਮ ਹੁਣ ਟੂਰਨਾਮੈਂਟ ਤੋਂ ਬਾਹਰ ਹੋਣ ਦੀ ਕਗਾਰ 'ਤੇ ਪਹੁੰਚ ਗਈ ਹੈ। ਸੀਜ਼ਨ ਦੇ ਅੱਧ ਤੱਕ ਅੰਕ ਸੂਚੀ ਵਿੱਚ ਨੰਬਰ-1 'ਤੇ ਕਾਬਜ਼ ਰਹਿਣ ਵਾਲੀ ਇਸ ਟੀਮ ਨੂੰ ਹੁਣ ਲਗਾਤਾਰ 5 ਮੈਚਾਂ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ, ਜਿਸ ਕਾਰਨ ਪਲੇਆਫ ਦੀ ਰਾਹ ਬੇਹੱਦ ਮੁਸ਼ਕਲ ਹੋ ਗਈ ਹੈ।
ਨੰਬਰ-1 ਤੋਂ ਚੌਥੇ ਸਥਾਨ 'ਤੇ ਖਿਸਕੀ ਟੀਮ
ਸ਼੍ਰੇਅਸ ਅਈਅਰ ਦੀ ਅਗਵਾਈ ਵਾਲੀ ਪੰਜਾਬ ਕਿੰਗਜ਼ ਨੇ ਸੀਜ਼ਨ ਦੀ ਸ਼ੁਰੂਆਤ ਲਗਾਤਾਰ 7 ਮੈਚਾਂ ਵਿੱਚ ਅਜੇਤੂ ਰਹਿ ਕੇ ਕੀਤੀ ਸੀ ਅਤੇ 13 ਅੰਕ ਹਾਸਲ ਕੀਤੇ ਸਨ ਪਰ ਪਿਛਲੇ 5 ਮੈਚਾਂ ਵਿੱਚ ਲਗਾਤਾਰ ਮਿਲੀ ਹਾਰ ਕਾਰਨ 12 ਮੈਚਾਂ ਤੋਂ ਬਾਅਦ ਵੀ ਟੀਮ ਦੇ ਅੰਕ 13 ਹੀ ਹਨ। ਇੱਕ ਸਮੇਂ ਸਿਖਰ 'ਤੇ ਰਹਿਣ ਵਾਲੀ ਇਹ ਟੀਮ ਹੁਣ ਚੌਥੇ ਸਥਾਨ 'ਤੇ ਆ ਗਈ ਹੈ ਤੇ ਜਲਦੀ ਹੀ ਟਾਪ-4 ਵਿੱਚੋਂ ਬਾਹਰ ਹੋ ਸਕਦੀ ਹੈ।
ਪਲੇਆਫ ਲਈ ਹੁਣ ਕੀ ਹੈ ਰਾਹ?
ਪੰਜਾਬ ਕਿੰਗਜ਼ ਕੋਲ ਹੁਣ ਸਿਰਫ਼ 2 ਮੈਚ ਬਾਕੀ ਹਨ। ਪਲੇਆਫ ਵਿੱਚ ਥਾਂ ਪੱਕੀ ਕਰਨ ਲਈ ਟੀਮ ਨੂੰ ਇਹ ਦੋਵੇਂ ਮੁਕਾਬਲੇ ਜਿੱਤਣੇ ਲਾਜ਼ਮੀ ਹਨ। ਪੰਜਾਬ ਦਾ ਅਗਲਾ ਮੈਚ 17 ਮਈ ਨੂੰ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਨਾਲ ਹੈ ਅਤੇ ਆਖਰੀ ਮੈਚ 23 ਮਈ ਨੂੰ ਲਖਨਊ ਸੁਪਰ ਜਾਇੰਟਸ (LSG) ਨਾਲ ਹੋਵੇਗਾ। ਜੇਕਰ ਟੀਮ ਦੋਵੇਂ ਮੈਚ ਜਿੱਤਦੀ ਹੈ, ਤਾਂ ਉਹ 17 ਅੰਕਾਂ ਨਾਲ ਅਗਲੇ ਦੌਰ ਵਿੱਚ ਪਹੁੰਚ ਸਕਦੀ ਹੈ। ਹਾਲਾਂਕਿ, RCB ਵਿਰੁੱਧ ਜਿੱਤ ਦਰਜ ਕਰਨਾ ਪੰਜਾਬ ਲਈ ਵੱਡੀ ਚੁਣੌਤੀ ਹੋਵੇਗੀ ਕਿਉਂਕਿ ਪਿਛਲੇ ਸੀਜ਼ਨ ਦੇ ਫਾਈਨਲ ਸਮੇਤ ਟੀਮ ਲਗਾਤਾਰ 3 ਮੈਚ RCB ਤੋਂ ਹਾਰ ਚੁੱਕੀ ਹੈ।
ਚੇਨਈ ਤੇ ਰਾਜਸਥਾਨ ਤੋਂ ਵੱਡਾ ਖਤਰਾ
ਪੰਜਾਬ ਕਿੰਗਜ਼ ਲਈ ਇਸ ਵੇਲੇ ਚੇਨਈ ਸੁਪਰ ਕਿੰਗਜ਼ (CSK) ਅਤੇ ਰਾਜਸਥਾਨ ਰਾਇਲਜ਼ (RR) ਸਭ ਤੋਂ ਵੱਡਾ ਖਤਰਾ ਬਣੀਆਂ ਹੋਈਆਂ ਹਨ। ਚੇਨਈ ਦੇ 11 ਮੈਚਾਂ ਵਿੱਚ 12 ਅੰਕ ਹਨ ਅਤੇ ਜੇਕਰ ਉਹ ਲਖਨਊ ਵਿਰੁੱਧ ਆਪਣਾ ਅਗਲਾ ਮੈਚ ਜਿੱਤ ਲੈਂਦੀ ਹੈ, ਤਾਂ ਉਹ ਪੰਜਾਬ ਨੂੰ ਪਿੱਛੇ ਛੱਡ ਕੇ ਚੌਥੇ ਸਥਾਨ 'ਤੇ ਆ ਜਾਵੇਗੀ। ਇਸੇ ਤਰ੍ਹਾਂ ਰਾਜਸਥਾਨ ਰਾਇਲਜ਼ ਦੇ ਵੀ 11 ਮੈਚਾਂ ਵਿੱਚ 12 ਅੰਕ ਹਨ ਅਤੇ ਉਨ੍ਹਾਂ ਦੇ ਅਗਲੇ ਮੈਚ ਕਮਜ਼ੋਰ ਲੈਅ ਵਿੱਚ ਚੱਲ ਰਹੀਆਂ ਟੀਮਾਂ (ਦਿੱਲੀ, ਮੁੰਬਈ ਅਤੇ ਲਖਨਊ) ਨਾਲ ਹਨ, ਜੋ ਪੰਜਾਬ ਦੀਆਂ ਉਮੀਦਾਂ 'ਤੇ ਪਾਣੀ ਫੇਰ ਸਕਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਅੰਪਾਇਰ ਨਾਲ ਪੰਗਾ ਲੈਣਾ ਪਿਆ ਮਹਿੰਗਾ ! IPL ਵਿਚਾਲੇ ਕੋਚ ਨੂੰ ਠੋਕਿਆ ਮੋਟਾ ਜੁਰਮਾਨਾ
NEXT STORY 
