ਸਿਡਨੀ— ਆਸਟ੍ਰੇਲੀਆ ਦੇ ਤੇਜ਼ ਗੇਂਦਬਾਜ਼ ਮਿਸ਼ੇਲ ਸਟਾਰਕ ਨੇ ਟੀ-20 ਵਿਸ਼ਵ ਕੱਪ 'ਚ ਅਫਗਾਨਿਸਤਾਨ ਖਿਲਾਫ ਸੁਪਰ ਅੱਠ ਪੜਾਅ ਦੇ ਮੈਚ 'ਚੋਂ ਬਾਹਰ ਰੱਖੇ ਜਾਣ 'ਤੇ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ। ਟੀ-20 ਵਿਸ਼ਵ ਕੱਪ 2021 ਦੀ ਚੈਂਪੀਅਨ ਆਸਟ੍ਰੇਲੀਆਈ ਟੀਮ ਨੂੰ ਅਫਗਾਨਿਸਤਾਨ ਹੱਥੋਂ 21 ਦੌੜਾਂ ਨਾਲ ਅਣਕਿਆਸੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਅਤੇ ਟੀਮ ਸੈਮੀਫਾਈਨਲ ਤੱਕ ਵੀ ਨਹੀਂ ਪਹੁੰਚ ਸਕੀ। ਆਸਟਰੇਲੀਆ ਨੇ ਸਟਾਰਕ ਦੀ ਥਾਂ ਐਸ਼ਟਨ ਐਗਰ ਨੂੰ ਮੈਦਾਨ ਵਿੱਚ ਉਤਾਰਿਆ ਸੀ ਪਰ ਉਹ ਕੋਈ ਵਿਕਟ ਨਹੀਂ ਲੈ ਸਕਿਆ।
ਸਟਾਰਕ ਨੇ ਕਿਹਾ, 'ਟੀਮ ਪ੍ਰਬੰਧਨ ਨੇ ਮੈਚ ਅੱਪ 'ਤੇ ਭਰੋਸਾ ਕੀਤਾ ਕਿਉਂਕਿ ਪਿਛਲੇ ਮੈਚ 'ਚ ਉਸ ਮੈਦਾਨ 'ਤੇ ਸਪਿਨਰ ਖੇਡ ਰਹੇ ਸਨ। ਇਸ ਲਈ ਐਸ਼ਟਨ ਨੂੰ ਮੌਕਾ ਦਿੱਤਾ ਗਿਆ। ਉਸ ਨੇ ਪਾਵਰਪਲੇ 'ਚ ਚੰਗੀ ਗੇਂਦਬਾਜ਼ੀ ਕੀਤੀ। ਉਸ ਨੇ ਕਿਹਾ, 'ਪਰ ਅਫਗਾਨਿਸਤਾਨ ਨੇ ਸਪਿਨ ਬਹੁਤ ਵਧੀਆ ਖੇਡੀ ਅਤੇ ਸ਼ਾਇਦ ਸਾਡੇ ਤੋਂ ਬਿਹਤਰ ਸਥਿਤੀ ਦਾ ਮੁਲਾਂਕਣ ਕੀਤਾ। ਅਸੀਂ ਕੁਝ ਗਲਤੀਆਂ ਕੀਤੀਆਂ ਅਤੇ ਨਤੀਜੇ ਭੁਗਤਣੇ ਪਏ।
ਉਨ੍ਹਾਂ ਨੇ ਟੂਰਨਾਮੈਂਟ ਦੇ ਸ਼ੈਡਿਊਲ 'ਤੇ ਵੀ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰਦੇ ਹੋਏ ਕਿਹਾ, 'ਅਸੀਂ ਗਰੁੱਪ ਗੇੜ 'ਚ ਇੰਗਲੈਂਡ ਤੋਂ ਅੱਗੇ ਸੀ ਅਤੇ ਅਚਾਨਕ ਵੱਖਰੇ ਗਰੁੱਪ 'ਚ ਆ ਗਏ। ਸਾਨੂੰ ਦੋ ਮੈਚ ਦਿਨ ਰਾਤ ਦੇ ਮਿਲੇ ਤੇ ਤੀਜਾ ਮੈਚ ਦਿਨ ਦਾ ਸੀ। ਅਸੀਂ ਵਧੀਆ ਤਿਆਰੀ ਨਹੀਂ ਕਰ ਸਕੇ। ਸਾਡੀ ਫਲਾਈਟ ਲੇਟ ਸੀ ਅਤੇ ਹੋਟਲ ਏਅਰਪੋਰਟ ਤੋਂ ਡੇਢ ਘੰਟੇ ਦੂਰ ਸੀ। ਮੈਚ ਅਗਲੀ ਸਵੇਰ ਖੇਡਿਆ ਜਾਣਾ ਸੀ।
ਗੰਭੀਰ ਦੀ ਤਨਖਾਹ ਦੇ ਕਰਾਰ ’ਤੇ ਅਜੇ ਹਸਤਾਖਰ ਨਹੀਂ
NEXT STORY 
