ਇਸ ਸਮੇਂ ਜਦਕਿ ਦੇਸ਼ ਕੋਰੋਨਾ ਇਨਫੈਕਸ਼ਨ ਕਾਰਨ ਲਾਕਡਾਊਨ ’ਚ ਹੈ, ਇਸ ਦੇ ਬਾਵਜੂਦ ਆਮ ਜੁਰਮਾਂ ਦੇ ਨਾਲ-ਨਾਲ ਸਿਆਸੀ ਹੱਤਿਆਵਾਂ ਦਾ ਸਿਲਸਿਲਾ ਵੀ ਲਗਾਤਾਰ ਜਾਰੀ ਹੈ ਅਤੇ ਸਥਿਤੀ ਕਿਹੋ ਜਿਹਾ ਰੂਪ ਧਾਰਨ ਕਰ ਚੁੱਕੀ ਹੈ ਇਹ ਸਿਰਫ ਲਗਭਗ 3 ਹਫਤਿਅਾਂ ਦੀਅਾਂ ਹੇਠ ਲਿਖੀਅਾਂ ਮਿਸਾਲਾਂ ਤੋਂ ਸਪੱਸ਼ਟ ਹੈ :
* 03 ਮਈ ਨੂੰ ਰਾਜਸਥਾਨ ’ਚ ‘ਬਾਰਾਂ’ ਜ਼ਿਲੇ ਦੇ ਮਾਂਗਰੋਲ ’ਚ ਨਗਰ ਕਾਂਗਰਸ ਦੇ ਪ੍ਰਧਾਨ ਵਿਨੋਦ ਚੋਪੜਾ ਦੀ ਹੱਤਿਆ ਦੇ ਦੋਸ਼ ’ਚ 2 ਵਿਅਕਤੀਅਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ।
* 07 ਮਈ ਨੂੰ ਕਰਨਾਟਕ ਦੇ ਗੋਕਕ ਸ਼ਹਿਰ ’ਚ ‘ਆਦਿ ਜੰਬਵਾ ਸੇਨੇ’ ਨਾਂ ਦੇ ਇਕ ਦਲਿਤ ਸੰਗਠਨ ਦੇ ਨੇਤਾ ‘ਸਿੱਦੂ ਅਰਜੁਨ ਕਨਮਾਡੀ’ ਦੇ 3 ਅਣਪਛਾਤੇ ਵਿਅਕਤੀਆਂ ਨੇ ਉਸ ਦੇ ਘਰ ’ਚ ਦਾਖਲ ਹੋ ਕੇ ਡਾਂਗਾਂ ਅਤੇ ਛੜਾਂ ਨਾਲ ਹਮਲਾ ਕਰਕੇ ਹੱਤਿਆ ਕਰ ਦਿੱਤੀ।
* 15 ਮਈ ਨੂੰ ਬਿਹਾਰ ਦੇ ਵੈਸ਼ਾਲੀ ਜ਼ਿਲੇ ’ਚ ਇਕ ਪੰਚਾਇਤ ਦੀ ਮੁਖੀਆ ਪੂਨਮ ਦੇਵੀ ਦੇ ਪਤੀ ਲਵ ਕੁਮਾਰ ਦੀ ਸਿਆਸੀ ਰੰਜਿਸ਼ ਦੇ ਕਾਰਨ ਹੱਤਿਆ ਕਰ ਦਿੱਤੀ ਗਈ।
* 17 ਮਈ ਨੂੰ ਬਿਹਾਰ ਦੇ ਬੇਗੁਸਰਾਯ ’ਚ ਭਾਰਜਯੁਮੋ ਦੇ ਨੇਤਾ ਧੀਰਜ ਭਾਰਦਵਾਜ ਨੂੰ ਉਨ੍ਹਾਂ ਦੇ ਵਿਰੋਧੀਅਾਂ ਨੇ ਉਨ੍ਹਾਂ ਦੇ ਘਰ ਦੇ ਘਰ ਦੇ ਨੇੜੇ ਹੀ ਸ਼ਰੇਆਮ ਗੋਲੀਅਾਂ ਨਾਲ ਭੁੰਨ ਦਿੱਤਾ।
* 19 ਮਈ ਨੂੰ ਉੱਤਰ ਪ੍ਰਦੇਸ਼ ਦੇ ਸੰਭਲ ਜ਼ਿਲੇ ’ਚ ਸਪਾ ਨੇਤਾ ‘ਛੋਟੇ ਲਾਲ ਦਿਵਾਕਰ’ ਅਤੇ ਉਸ ਦੇ ਬੇਟੇ ਸੁਨੀਲ ਨੂੰ ਉਨ੍ਹਾਂ ਦੇ ਵਿਰੋਧੀਅਾਂ ਨੇ ਗੋਲੀਅਾਂ ਨਾਲ ਭੁੰਨ ਦਿੱਤਾ।
* 21 ਮਈ ਨੂੰ ਉੱਤਰ ਪ੍ਰਦੇਸ਼ ਦੇ ਰਾਮਪੁਰ ’ਚ ਭਾਜਪਾ ਨੇਤਾ ਅਨੁਰਾਗ ਸ਼ਰਮਾ ਦੀ ਅਣਪਛਾਤੇ ਬਦਮਾਸ਼ਾਂ ਨੇ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ।
* 24 ਮਈ ਨੂੰ ਪੰਜਾਬ ’ਚ ਬਟਾਲਾ ਦੇ ਪਿੰਡ ‘ਸੈਦ ਮੁਬਾਰਕ ਚੱਕ ਕੁਲੀਅਾਂ’ ਵਿਚ ਛੱਪੜ ’ਤੇ ਕਬਜ਼ਾ ਕਰਨ ਤੋਂ ਰੋਕਣ ’ਤੇ ਹੋਏ ਝਗੜੇ ’ਚ ਸ਼੍ਰੋਮਣੀ ਅਕਾਲੀ ਦਲ ਦੇ ਸਥਾਨਕ ਨੇਤਾ ਮਨਜੋਧ ਦੀ ਹੱਤਿਆ ਅਤੇ ਉਸ ਦੇ ਦੋ ਸਾਥੀਅਾਂ ਨੂੰ ਜ਼ਖਮੀ ਕਰ ਦਿੱਤਾ ਗਿਆ।
* 24 ਮਈ ਨੂੰ ਬਿਹਾਰ ਦੇ ਗੋਪਾਲਗੰਜ ’ਚ ਮਾਕਪਾ (ਮਾਲੇ) ਦੇ ਨੇਤਾ ਜੇ. ਪੀ. ਯਾਦਵ ਦੇ ਪਿਤਾ ਮਹੇਸ਼ ਚੌਧਰੀ, ਮਾਤਾ ‘ਸੰਕੇਸ਼ੀਆ ਦੇਵੀ’ ਅਤੇ ਭਰਾ ਦੀ ਹੱਤਿਆ ਦੇ ਸੰਬੰਧ ’ਚ ਜਦ (ਯੂ) ਵਿਧਾਇਕ ਅਮਰਿੰਦਰ ਪਾਂਡੇ ਦੇ ਭਰਾ ਅਤੇ ਭਤੀਜੇ ਨੂੰ ਗ੍ਰਿਫਤਾਰ ਕੀਤਾ ਗਿਆ।
* 26 ਮਈ ਨੂੰ ਬਿਹਾਰ ਦੇ ਗੋਪਾਲਗੰਜ ’ਚ ਜਦ (ਯੂ) ਵਿਧਾਇਕ ਅਮਰਿੰਦਰ ਪਾਂਡੇ ਦੇ ਕਰੀਬੀ ਸ਼ਸ਼ੀਕਾਂਤ ਤਿਵਾੜੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ।
* 26 ਮਈ ਨੂੰ ਪੰਜਾਬ ’ਚ ਨਵਾਂਸ਼ਹਿਰ ਦੇ ਰਾਣੇਵਾਲ ’ਚ ‘ਆਪ’ ਦੇ ਬੂਥ ਪ੍ਰਧਾਨ ਪਰਮਜੀਤ ਸਿੰਘ ਨੂੰ 2 ਵਿਅਕਤੀਅਾਂ ਨੇ ਜੀਪ ਦੇ ਹੇਠਾਂ ਦਰੜ ਕੇ ਮਾਰ ਦਿੱਤਾ।
ਯਕੀਨਨ ਹੀ ਸੱਚੇ ਲੋਕਤੰਤਰ ’ਚ ਇਸ ਤਰ੍ਹਾਂ ਦੀਆਂ ਬਦਲਾਖੋਰੀ ਦੀਅਾਂ ਘਟਨਾਵਾਂ ਲਈ ਕੋਈ ਥਾਂ ਨਹੀਂ ਹੋਣੀ ਚਾਹੀਦੀ ਪਰ ਉਕਤ ਘਟਨਾਵਾਂ ਤੋਂ ਜਾਪਦਾ ਹੈ ਕਿ ਸਮਾਂ ਬੀਤਣ ਦੇ ਨਾਲ-ਨਾਲ ਸਾਡੇ ਲੋਕਤੰਤਰ ’ਚ ਹਿੱਸੇਦਾਰੀ ਵੱਖ-ਵੱਖ ਸਿਆਸੀ ਪਾਰਟੀਅਾਂ ਦੇ ਕੁੱਝ ਕੁ ਨੇਤਾ ਪਰਿਪੱਕ ਹੋਣ ਦੀ ਬਜਾਏ ਵਿਰੋਧਤਾ ਦੇ ਕਾਰਨ ਸਵਾਰਥੀ, ਅਸਹਿਣਸ਼ੀਲਤਾ ਅਤੇ ਹਿੰਸਕ ਹੁੰਦੇ ਜਾ ਰਹੇ ਹਨ।
–ਵਿਜੇ ਕੁਮਾਰ
ਨੇਪਾਲ ਸਰਕਾਰ ਵਲੋਂ ਭਾਰਤੀ ਇਲਾਕਿਅਾਂ ਨੂੰ ਆਪਣਾ ਦੱਸਣ ਵਾਲਾ ਨਕਸ਼ਾ ਵਾਪਸ ਲੈਣ ਦਾ ਸਹੀ ਫ਼ੈਸਲਾ
NEXT STORY 
