ਬੀਜਿੰਗ - ਦੁਨੀਆ ਦੇ ਤੀਜੇ ਸਭ ਤੋਂ ਵੱਡੇ ਅਰਬਪਤੀ ਅਤੇ ਅਲੀਬਾਬਾ ਸਮੂਹ ਦਾ ਮਾਲਕ ਜੈਕ ਮਾ ਪਿਛਲੇ ਦੋ ਮਹੀਨਿਆਂ ਤੋਂ ਲਾਪਤਾ ਹੈ। ਚੀਨ ਵਿਚ ਤਕਨੀਕੀ ਦੁਨੀਆਂ 'ਤੇ ਰਾਜ ਕਰਨ ਵਾਲੇ ਜੈਕ ਮਾ ਨੂੰ ਪਿਛਲੇ ਦੋ ਮਹੀਨਿਆਂ ਤੋਂ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨਾਲ ਹੋਏ ਵਿਵਾਦ ਦੇ ਬਾਅਦ ਨਹੀਂ ਦੇਖਿਆ ਗਿਆ ਹੈ। ਜੈਕ ਮਾ ਨੇ ਪਿਛਲੇ ਸਾਲ ਅਕਤੂਬਰ ਵਿਚ ਸ਼ੰਘਾਈ ਵਿਚ ਇੱਕ ਭਾਸ਼ਣ ਵਿਚ ਚੀਨ ਦੇ ਵਿੱਤੀ ਰੈਗੂਲੇਟਰਾਂ ਅਤੇ ਸਰਕਾਰੀ ਬੈਂਕਾਂ ਦੀ ਤਿੱਖੀ ਅਾਲੋਚਨਾ ਕੀਤੀ ਸੀ।
ਜੈਕ ਮਾ ਜੋ ਕਿ ਦੁਨੀਆ ਭਰ ਦੇ ਕਰੋੜਾਂ ਲੋਕਾਂ ਲਈ ਇੱਕ ਰੋਲ ਮਾਡਲ ਰਿਹਾ ਹੈ। ਉਸ ਨੇ ਸਰਕਾਰ ਨੂੰ ਅਜਿਹੇ ਸਿਸਟਮ ਵਿਚ ਬਦਲਾਅ ਕਰਨ ਦੀ ਮੰਗ ਕੀਤੀ ਸੀ ਜੋ ‘ਕਾਰੋਬਾਰ ਵਿਚ ਨਵੀਆਂ ਚੀਜ਼ਾਂ ਪੇਸ਼ ਕਰਨ ਦੇ ਯਤਨ ਨੂੰ ਦਬਾਵੇਗੀ’। ਉਸਨੇ ਗਲੋਬਲ ਬੈਂਕਿੰਗ ਨਿਯਮਾਂ ਨੂੰ 'ਬਜ਼ੁਰਗ ਲੋਕਾਂ ਦਾ ਕਲੱਬ' ਕਰਾਰ ਦਿੱਤਾ ਸੀ। ਚੀਨ ਦੀ ਸੱਤਾਧਾਰੀ ਕਮਿਊਨਿਸਟ ਪਾਰਟੀ ਇਸ ਭਾਸ਼ਣ ਤੋਂ ਬਾਅਦ ਭੜਕ ਗਈ। ਜੈਕ ਮਾ ਦੇ ਭਾਸ਼ਣ ਨੂੰ ਕਮਿਊਨਿਸਟ ਪਾਰਟੀ 'ਤੇ ਹਮਲਾ ਮੰਨਿਆ ਗਿਆ ਸੀ। ਇਸਦੇ ਬਾਅਦ ਜੈਕ ਮਾ ਦੀਆਂ ਮੁਸੀਬਤਾਂ ਸ਼ੁਰੂ ਹੋ ਗਈਆਂ ਅਤੇ ਉਸਦੇ ਕਾਰੋਬਾਰ ਵਿਰੁੱਧ ਅਸਾਧਾਰਣ ਪਾਬੰਦੀਆਂ ਲਗਾਈਆਂ ਗਈਆਂ।
ਇਹ ਵੀ ਵੇਖੋ - ਰਿਲਾਇੰਸ ਸਟੋਰ ’ਚ ਵਿਕ ਰਿਹੈ ਸੀ ਘਟੀਆ ਘਿਓ, ਮੈਨੇਜਰ ਨੂੰ ਲੱਗਾ ਲੱਖਾਂ ਰੁਪਏ ਜੁਰਮਾਨਾ
ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੇ ਆਦੇਸ਼ 'ਤੇ ਸਖ਼ਤ ਕਾਰਵਾਈ
ਨਵੰਬਰ ਵਿਚ ਚੀਨੀ ਅਧਿਕਾਰੀਆਂ ਨੇ ਜੈਕ ਮਾ ਨੂੰ ਜ਼ੋਰਦਾਰ ਝਟਕਾ ਦਿੱਤਾ ਅਤੇ ਉਸਦੇ ਐਂਟੀ ਸਮੂਹ ਦਾ 37 ਅਰਬ ਡਾਲਰ ਦਾ ਆਈ.ਪੀ.ਓ. ਮੁਅੱਤਲ ਕਰ ਦਿੱਤਾ। ਵਾਲ ਸਟ੍ਰੀਟ ਜਨਰਲ ਦੀ ਰਿਪੋਰਟ ਦੇ ਅਨੁਸਾਰ, ਜੈਕ ਮਾ ਦੇ ਐਂਟੀ ਸਮੂਹ ਦੇ ਆਈਪੀਓ ਨੂੰ ਰੱਦ ਕਰਨ ਦਾ ਆਦੇਸ਼ ਸਿੱਧੇ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਤੋਂ ਆਇਆ ਸੀ। ਫਿਰ ਜੈਕ ਮਾ ਨੂੰ ਕ੍ਰਿਸਮਸ ਦੀ ਸ਼ਾਮ ਨੂੰ ਚੀਨ ਤੋਂ ਬਾਹਰ ਨਾ ਜਾਣ ਲਈ ਕਿਹਾ ਗਿਆ ਸੀ ਜਦ ਤਕ ਕਿ ਉਸ ਦੇ ਅਲੀਬਾਬਾ ਸਮੂਹ ਦੇ ਖਿਲਾਫ ਚੱਲ ਰਹੀ ਜਾਂਚ ਪੂਰੀ ਨਹੀਂ ਹੋ ਜਾਂਦੀ।
ਇਹ ਵੀ ਵੇਖੋ - ਭਾਰਤ ’ਤੇ 200 ਸਾਲ ਤੱਕ ਰਾਜ ਕਰਨ ਵਾਲੀ East India Company ਦੇ ਮਾਲਕ ਹਨ ਇਹ ਭਾਰਤੀ
ਜੈਕ ਮਾ ਫਿਰ ਨਵੰਬਰ ਵਿਚ ਆਪਣੇ ਟੀਵੀ ਸ਼ੋਅ 'ਅਫਰੀਕਾ ਬਿਜ਼ਨਸ ਹੀਰੋਜ਼' ਦੇ ਫਾਈਨਲ ਤੋਂ ਠੀਕ ਪਹਿਲਾਂ ਰਹੱਸਮਈ ਢੰਗ ਨਾਲ ਅਲੋਪ ਹੋ ਗਿਆ। ਇੰਨਾ ਹੀ ਨਹੀਂ ਉਸ ਦੀ ਤਸਵੀਰ ਨੂੰ ਵੀ ਸ਼ੋਅ ਤੋਂ ਹਟਾ ਦਿੱਤਾ ਗਿਆ। ਅਲੀਬਾਬਾ ਸਮੂਹ ਦੇ ਬੁਲਾਰੇ ਨੇ ਕਿਹਾ ਕਿ ਜੈਕ ਮਾ ਹੁਣ ਵਿਵਾਦ ਕਾਰਨ ਜੱਜਾਂ ਦੇ ਪੈਨਲ ਦਾ ਹਿੱਸਾ ਨਹੀਂ ਰਿਹਾ। ਹਾਲਾਂਕਿ ਸ਼ੋਅ ਦੇ ਅੰਤ ਤੋਂ ਕਈ ਹਫ਼ਤੇ ਪਹਿਲਾਂ, ਜੈਕ ਮਾ ਨੇ ਟਵੀਟ ਕੀਤਾ ਸੀ ਕਿ ਉਹ ਸਾਰੇ ਮੁਕਾਬਲੇਬਾਜ਼ਾਂ ਨੂੰ ਮਿਲਣ ਲਈ ਲੰਮਾ ਸਮਾਂ ਇੰਤਜ਼ਾਰ ਨਹੀਂ ਕਰ ਸਕਦਾ। ਉਦੋਂ ਸਮੇਂ ਤੋਂ ਉਸ ਦੇ ਤਿੰਨ ਟਵਿੱਟਰ ਅਕਾਊਂਟਸ ਤੋਂ ਕੋਈ ਪੋਸਟ ਨਹੀਂ ਕੀਤੀ ਗਈ ਹੈ। ਪਹਿਲਾਂ ਉਹ ਲਗਾਤਾਰ ਟਵੀਟ ਕਰਦੇ ਰਹਿੰਦੇ ਸਨ।
ਇਹ ਵੀ ਵੇਖੋ - ਭੰਨਤੋੜ ਦੀਆਂ ਘਟਨਾਵਾਂ ਦਾ ਮਾਮਲਾ: ਰਿਲਾਇੰਸ ਨੇ ਕਿਹਾ- ਖੇਤੀਬਾੜੀ ਕਾਨੂੰਨਾਂ ਨਾਲ ਕੋਈ ਲੈਣਾ-ਦੇਣਾ ਨਹੀਂ
ਚੀਨ ਵਿਚ ਅਾਲੋਚਕਾਂ ਨੂੰ 'ਚੁੱਪ ਕਰਾਉਣ' ਦਾ ਰਿਹਾ ਹੈ ਇਤਿਹਾਸ
ਚੀਨ ਵਿਚ ਜੈਕ ਮਾ ਦੀ ਅਵਾਜ਼ ਨੂੰ ਦਬਾਏ ਜਾਣ ਦਾ ਮਾਮਲਾ ਚੀਨ ਵਿਚ ਪਹਿਲਾ ਨਹੀਂ ਹੈ। ਚੀਨ ਨੇ ਆਪਣੇ ਦੇਸ਼ ਵਿਚ ਵੱਡੀ ਗਿਣਤੀ ਵਿਚ ਲੋਕਾਂ ਨੂੰ ਹਿਰਾਸਤ ਵਿਚ ਲਿਆ ਹੈ ਜੋ ਕਮਿਊਨਿਸਟ ਪਾਰਟੀ ਜਾਂ ਸ਼ੀ ਜਿਨਪਿੰਗ ਸਰਕਾਰ ਦੀਆਂ ਨੀਤੀਆਂ ਦੀ ਅਲੋਚਨਾ ਕਰਦੇ ਹਨ। ਇਸ ਤੋਂ ਪਹਿਲਾਂ ਜ਼ੀ ਜਿਨਪਿੰਗ ਦੀ ਆਲੋਚਨਾ ਕਰਨ ਵਾਲਾ ਪ੍ਰਾਪਰਟੀ ਕਾਰੋਬਾਰੀ ਰੇਨ ਜ਼ਿਕਿਆਂਗ ਲਾਪਤਾ ਹੋ ਗਿਆ ਸੀ। ਉਸਨੇ ਸ਼ੀ ਜਿਨਪਿੰਗ ਨੂੰ ਕੋਰੋਨਾ ਨਾਲ ਸਹੀ ਢੰਗ ਨਾਲ ਨਜਿੱਠਣ ਲਈ ‘ਪ੍ਰੈਂਕੈਸਟਰ’ ਦੱਸਿਆ। ਬਾਅਦ ਵਿਚ ਉਸ ਨੂੰ 18 ਸਾਲਾਂ ਲਈ ਜੇਲ੍ਹ ਭੇਜਿਆ ਗਿਆ ਸੀ। ਇਕ ਹੋਰ ਚੀਨੀ ਅਰਬਪਤੀ, ਜਿਆਨ ਜਿਨਹੁਆ, 2017 ਤੋਂ ਘਰ ਨਜ਼ਰਬੰਦ ਹਨ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਇਸ ਸ਼ਹਿਰ 'ਚ ਹਵਾਈ ਅੱਡੇ ਪਹੁੰਚਣਾ ਹੋਇਆ ਸਸਤਾ, ਸ਼ੁਰੂ ਹੋਈ ਰੇਲਗੱਡੀ
NEXT STORY 
