ਬਿਜ਼ਨੈੱਸ ਡੈਸਕ- ਹਿੰਡਨਬਰਗ ਰਿਪੋਰਟ ਦੇ ਡਰ ਦੇ ਵਿਚਾਲੇ ਸੋਮਵਾਰ (12 ਅਗਸਤ) ਨੂੰ ਭਾਰਤੀ ਸ਼ੇਅਰ ਬਾਜ਼ਾਰ ਘਾਟੇ ਨਾਲ ਖੁੱਲ੍ਹੇ। ਸੈਂਸੈਕਸ-ਨਿਫਟੀ ਅੱਧਾ ਫੀਸਦੀ ਡਿੱਗਿਆ। ਕਾਰੋਬਾਰ ਦੇ ਅੰਤ 'ਤੇ, ਬਾਜ਼ਾਰ ਸਪਾਟ ਬੰਦ ਹੋਇਆ। ਸੈਂਸੈਕਸ 56 ਅੰਕ ਡਿੱਗ ਕੇ 79,648 'ਤੇ ਅਤੇ ਨਿਫਟੀ 20 ਅੰਕਾਂ ਦੀ ਗਿਰਾਵਟ ਨਾਲ 24,347 'ਤੇ ਬੰਦ ਹੋਇਆ। ਅਡਾਨੀ ਗਰੁੱਪ ਦੇ ਸਾਰੇ 10 ਸ਼ੇਅਰਾਂ ਵਿਚੋਂ 8 ਡਿੱਗ ਰਹੇ ਹਨ ਅਤੇ 2 ਵੱਧ ਰਹੇ ਹਨ। ਅਡਾਨੀ ਟੋਟਲ ਗੈਸ, ਅਡਾਨੀ ਐਨਰਜੀ ਸਲਿਊਸ਼ਨ ਅਤੇ ਅਡਾਨੀ ਵਿਲਮਰ 3% ਤੋਂ ਵੱਧ ਹੇਠਾਂ ਹਨ। ਅਡਾਨੀ ਗਰੁੱਪ ਦੀ ਫਲੈਗਸ਼ਿਪ ਕੰਪਨੀ ਅਡਾਨੀ ਇੰਟਰਪ੍ਰਾਈਜਿਜ਼ ਵੀ ਲਗਭਗ 1% ਹੇਠਾਂ ਹੈ। ਅਡਾਨੀ ਗ੍ਰੀਨ ਐਨਰਜੀ ਅਤੇ ਅੰਬੂਜਾ ਸੀਮੈਂਟ ਲਗਭਗ 1% ਵਧੇ ਹਨ। ਹਿੰਡਨਬਰਗ ਨੇ ਸ਼ਨੀਵਾਰ ਨੂੰ ਜਾਰੀ ਆਪਣੀ ਰਿਪੋਰਟ 'ਚ ਦਾਅਵਾ ਕੀਤਾ ਹੈ ਕਿ ਮਾਧਬੀ ਪੁਰੀ ਬੁਚ ਅਤੇ ਉਸ ਦੇ ਪਤੀ ਧਵਲ ਬੁਚ ਦੀ ਅਡਾਨੀ ਗਰੁੱਪ ਨਾਲ ਜੁੜੀ ਇਕ ਆਫਸ਼ੋਰ ਕੰਪਨੀ 'ਚ ਹਿੱਸੇਦਾਰੀ ਹੈ। ਦੋਸ਼ ਹੈ ਕਿ ਇਨ੍ਹਾਂ ਫੰਡਾਂ ਦੀ ਵਰਤੋਂ ਅਡਾਨੀ ਸਮੂਹ ਦੇ ਸ਼ੇਅਰਾਂ ਦੀਆਂ ਕੀਮਤਾਂ ਨੂੰ ਵਧਾਉਣ ਲਈ ਕੀਤੀ ਗਈ ਸੀ।
ਇਹ ਖ਼ਬਰ ਵੀ ਪੜ੍ਹੋ - ਹਿੰਡਨਬਰਗ ਕੰਪਨੀ ਦੇ ਸ਼ੇਅਰ ਚਾਰ ਫੀਸਦੀ ਡਿੱਗੇ
ਏਸ਼ੀਆਈ ਬਾਜ਼ਾਰ 'ਚ ਅੱਜ ਮਿਸ਼ਰਤ ਕਾਰੋਬਾਰ
ਏਸ਼ੀਆਈ ਬਾਜ਼ਾਰ 'ਚ ਅੱਜ ਰਲਿਆ-ਮਿਲਿਆ ਕਾਰੋਬਾਰ ਹੈ। ਹਾਂਗਕਾਂਗ ਦਾ ਹੈਂਗ ਸੇਂਗ 0.31% ਦੀ ਗਿਰਾਵਟ ਨਾਲ 17,036 'ਤੇ ਕਾਰੋਬਾਰ ਕਰ ਰਿਹਾ ਹੈ। ਚੀਨ ਦਾ ਸ਼ਿੰਘਾਈ ਕੰਪੋਜ਼ਿਟ 0.013% ਅਤੇ ਕੋਰੀਆ ਦਾ ਕੋਸਪੀ 1.07% ਡਿੱਗਿਆ। ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰ ਦਾ ਡਾਓ ਜੋਂਸ 0.13 ਫੀਸਦੀ ਵਧ ਕੇ 39,497 'ਤੇ ਬੰਦ ਹੋਇਆ। ਨੈਸਡੈਕ ਵੀ 0.51% ਵਧ ਕੇ 16,745 'ਤੇ ਬੰਦ ਹੋਇਆ। S&P500 0.47% ਦੇ ਵਾਧੇ ਨਾਲ 5,344 'ਤੇ ਬੰਦ ਹੋਇਆ। ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (FIIs) ਨੇ 9 ਅਗਸਤ ਨੂੰ 406.72 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ। ਇਸ ਮਿਆਦ ਦੇ ਦੌਰਾਨ, ਘਰੇਲੂ ਸੰਸਥਾਗਤ ਨਿਵੇਸ਼ਕਾਂ (DII) ਨੇ ਵੀ 3,979.59 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ ਭਾਵ ਵਿਦੇਸ਼ੀ ਨਿਵੇਸ਼ਕ ਨੇ ਪਿਛਲੇ ਹਫਤੇ ਦੇ ਆਖਰੀ ਦਿਨ ਖਰੀਦਦਾਰੀ ਕੀਤੀ ਸੀ।
ਪਿਛਲੇ ਹਫਤੇ ਬਾਜ਼ਾਰ 'ਚ ਤੇਜ਼ੀ ਦੇਖਣ ਨੂੰ ਮਿਲੀ ਸੀ : ਇਸ ਤੋਂ ਪਹਿਲਾਂ ਪਿਛਲੇ ਹਫਤੇ ਦੇ ਆਖਰੀ ਦਿਨ ਭਾਵ 9 ਅਗਸਤ ਨੂੰ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਦੇਖਣ ਨੂੰ ਮਿਲੀ ਸੀ। ਸੈਂਸੈਕਸ 819 ਅੰਕਾਂ ਦੇ ਵਾਧੇ ਨਾਲ 79,705 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਨਿਫਟੀ 'ਚ 250 ਅੰਕਾਂ ਦਾ ਵਾਧਾ ਹੋਇਆ, ਇਹ 24,367 ਦੇ ਪੱਧਰ 'ਤੇ ਬੰਦ ਹੋਇਆ।
ਇਹ ਖ਼ਬਰ ਵੀ ਪੜ੍ਹੋ - REA ਇੰਡੀਆ ਦਾ ਮਾਲੀਆ ਪਹਿਲੀ ਤਿਮਾਹੀ 'ਚ 31 ਫੀਸਦੀ ਵਧ ਕੇ 563 ਕਰੋੜ ਰੁਪਏ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਮਜ਼ਬੂਤ ਸਪਾਟ ਮੰਗ ਕਾਰਨ ਸੋਨੇ ਵਾਅਦਾ ਕੀਮਤਾਂ ਵਿਚ ਤੇਜ਼ੀ
NEXT STORY 
