ਨਵੀਂ ਦਿੱਲੀ — ਕੋਰੋਨਾ ਲਾਗ ਮਹਾਮਾਰੀ ਜਿਥੇ ਕਈ ਲੋਕਾਂ ਲਈ ਮੁਸੀਬਤ ਲੈ ਕੇ ਆਈ ਹੈ ਉਥੇ ਕੁਝ ਲੋਕਾਂ ਲਈ ਵੱਡੇ ਮੌਕੇ ਵੀ ਲੈ ਕੇ ਆਈ ਹੈ। ਦੇਸ਼ ਦੀਆਂ ਪੈਕਡ ਮਾਲ ਬਣਾਉਣ ਵਾਲੀਆਂ ਕੰਪਨੀਆਂ ਲਈ ਇਹ ਮਹਾਮਾਰੀ ਮੌਕੇ ਲੈ ਕੇ ਆਈ ਹੈ। ਅਪ੍ਰੈਲ ਤੋਂ ਅਗਸਤ ਦੇ ਪੰਜ ਮਹੀਨਿਆਂ ਵਿਚ ਇਨ੍ਹਾਂ ਕੰਪਨੀਆਂ ਨੇ ਦਰਜਨਾਂ ਨਵੇਂ ਉਤਪਾਦ ਲਾਂਚ ਕੀਤੇ ਹਨ। ਇਸ ਵਿਚ ਸਬਜ਼ੀਆਂ ਦੇ ਧੋਣ ਤੋਂ ਲੈ ਕੇ ਇਮਿਊਨਿਟੀ ਵਧਾਉਣ ਵਾਲੇ ਫ਼ਲਾਂ ਦੇ ਰਸ ਅਤੇ ਹਲਦੀ ਦੀ ਆਈਸ ਕਗੇ ਉਤਪਾਦ ਸ਼ਾਮਲ ਹਨ। ਕੋਰੋਨਾ ਯੁੱਗ ਵਿਚ ਉਪਭੋਗਤਾਵਾਂ ਵਿਚ ਅਜਿਹੇ ਉਤਪਾਦਾਂ ਦੀ ਮੰਗ ਵੱਧ ਰਹੀ ਹੈ। ਇਹ ਕੰਪਨੀਆਂ ਨੂੰ ਚਮੜੀ ਦੀ ਦੇਖਭਾਲ ਅਤੇ ਘਰਾਂ ਦੀ ਦੇਖਭਾਲ ਵਰਗੀਆਂ ਸ਼੍ਰੇਣੀਆਂ ਵਿਚ ਵਿਕਰੀ ਵਿਚ ਭਾਰੀ ਗਿਰਾਵਟ ਦੀ ਭਰਪਾਈ ਕਰਨ ਦਾ ਮੌਕਾ ਦੇ ਰਹੀ ਹੈ।
ਪੈਕਡ ਫੂਡ ਸੈਕਟਰ ਵਿਚ ਦੇਸ਼ ਦੀ ਤੀਜੀ ਸਭ ਤੋਂ ਵੱਡੀ ਸੂਚੀਬੱਧ ਕੰਪਨੀ ਆਈ.ਟੀ.ਸੀ. ਨੇ ਪਿਛਲੇ 5 ਮਹੀਨਿਆਂ ਵਿਚ 40 ਨਵੇਂ ਉਤਪਾਦ ਲਾਂਚ ਕੀਤੇ ਹਨ। ਇਨ੍ਹਾਂ ਵਿਚ ਸਬਜ਼ੀਆਂ ਅਤੇ ਫਰਸ਼ ਸਾਫ਼ ਕਰਨ ਵਾਲੇ ਉਤਪਾਦ ਅਤੇ ਇਮਿਊਨਿਟੀ ਵਧਾਉਣ ਵਾਲੇ ਪੀਣ ਵਾਲੇ ਪਦਾਰਥ ਸ਼ਾਮਲ ਹਨ। ਪਿਛਲੇ ਸਾਲ ਕੰਪਨੀ ਨੇ ਕੁੱਲ 60 ਨਵੇਂ ਉਤਪਾਦ ਲਾਂਚ ਕੀਤੇ ਸਨ। ਆਈ.ਟੀ.ਸੀ. ਦੇ ਚੇਅਰਮੈਨ ਸੰਜੀਵ ਪੁਰੀ ਨੇ ਪਿਛਲੇ ਮਹੀਨੇ ਏ.ਜੀ.ਐਮ. ਵਿਖੇ ਕਿਹਾ ਸੀ ਕਿ ਇਸ ਮਹਾਮਾਰੀ ਦੌਰਾਨ ਕੰਪਨੀ ਦਾ ਪੂਰਾ ਜ਼ੋਰ ਖਪਤਕਾਰਾਂ ਦੀ ਵੱਧ ਰਹੀ ਮੰਗ ਨੂੰ ਪੂਰਾ ਕਰਨ ਲਈ ਨਵੀਨਤਾ ਉੱਤੇ ਹੈ। ਕੰਪਨੀ ਦੇ ਸੈਵਲੋਨ ਸੈਨੀਟਾਈਜ਼ਰ ਦੀ ਵੱਧ ਰਹੀ ਮੰਗ ਨੂੰ ਪੂਰਾ ਕਰਨ ਲਈ ਨਿਰਮਾਣ ਸਮਰੱਥਾ ਵਿਚ 275 ਗੁਣਾ ਵਾਧਾ ਕੀਤਾ ਗਿਆ ਹੈ।
ਇਹ ਵੀ ਦੇਖੋ: ਕਸਟਮ ਵਿਭਾਗ ਪੂਰੇ ਦੇਸ਼ ’ਚ 31 ਅਕਤੂਬਰ ਤੋਂ ਲਾਗੂ ਕਰੇਗਾ ਫੇਸਲੈੱਸ ਮੁਲਾਂਕਣ ਸਹੂਲਤ
ਹਲਦੀ ਉਤਪਾਦਾਂ ਦੀ ਲਗਾਤਾਰ ਵਧ ਰਹੀ ਮੰਗ
ਵਿਪਰੋ ਕੰਜ਼ਿਊਮਰ ਕੇਅਰ ਐਂਡ ਲਾਈਟਿੰਗ ਦੇ ਪ੍ਰਧਾਨ (ਉਪਭੋਗਤਾ ਦੇਖਭਾਲ ਦਾ ਕਾਰੋਬਾਰ) ਅਨਿਲ ਚੁੱਘ ਨੇ ਕਿਹਾ, 'ਅਪ੍ਰੈਲ 2020 ਤੋਂ ਨਵੇਂ ਉਤਪਾਦ ਸਾਡੇ ਲਈ ਬਹੁਤ ਮਹੱਤਵਪੂਰਨ ਰਹੇ ਹਨ। ਇਸ ਦੌਰਾਨ ਕੰਪਨੀ ਨੇ ਸਾਬਣ, ਹੈਂਡ ਵਾੱਸ਼, ਸੈਨੀਟਾਈਜ਼ਰਜ਼, ਰੋਗਾਣੂ ਰੋਕੂ, ਐਂਟੀ ਕੀਟਾਣੂ ਡੀਟਰਜੈਂਟ ਅਤੇ ਫੈਬਰਿਕ ਕੰਡੀਸ਼ਨਰ ਲਾਂਚ ਕੀਤੇ ਹਨ'।
ਇਹ ਵੀ ਦੇਖੋ: RBI ਕ੍ਰੈਡਿਟ-ਡੈਬਿਟ ਕਾਰਡ ਧਾਰਕਾਂ ਲਈ 30 ਸਤੰਬਰ ਤੋਂ ਲਾਗੂ ਕਰੇਗਾ ਨਵੇਂ ਨਿਯਮ
ਹਲਦੀ ਬਾਰੇ ਆਯੁਸ਼ ਮੰਤਰਾਲੇ ਦੀ ਚੱਲ ਰਹੀ ਸਲਾਹ ਨੇ ਇਸ ਨਾਲ ਜੁੜੇ ਉਤਪਾਦਾਂ ਦੀ ਸ਼ੁਰੂਆਤ ਨੂੰ ਵੀ ਤੇਜ਼ੀ ਦਿੱਤੀ। ਅਮੂਲ ਨੇ ਹਲਦੀ ਦੀ ਆਈਸ ਕਰੀਮ ਅਤੇ ਹਲਦੀ ਵਾਲਾ ਦੁੱਧ ਲਾਂਚ ਕੀਤਾ। ਡਾਬਰ ਦੇ ਸੀ.ਈ.ਓ. ਮੋਹਿਤ ਮਲਹੋਤਰਾ ਨੇ ਕਿਹਾ, 'ਕੋਰੋਨਾ ਮਹਾਮਾਰੀ ਦੇ ਫੈਲਣ ਤੋਂ ਬਾਅਦ, ਅਸੀਂ ਤਿੰਨ ਮਹੀਨਿਆਂ ਵਿਚ 40 ਤੋਂ ਵੱਧ ਨਵੇਂ ਉਤਪਾਦਾਂ ਦੀ ਸ਼ੁਰੂਆਤ ਕੀਤੀ'। ਇਸੇ ਤਰ੍ਹਾਂ ਮੈਰੀਕੋ ਨੇ ਸ਼ਹਿਦ, ਹਲਦੀ ਦੇ ਦੁੱਧ ਦਾ ਮਿਸ਼ਰਣ ਅਤੇ ਹਲਦੀ-ਅਦਰਕ ਦਾ ਦੁੱਧ ਬਾਜ਼ਾਰ ਵਿਚ ਲਾਂਚ ਕੀਤਾ ਹੈ।
ਇਹ ਵੀ ਦੇਖੋ: ਬਿਜਲੀ ਖਪਤਕਾਰ ਨੂੰ ਪਹਿਲੀ ਵਾਰ ਮਿਲਣਗੇ ਅਧਿਕਾਰ , ਸਰਕਾਰ ਲੈ ਕੇ ਆ ਰਹੀ ਹੈ ਨਵਾਂ ਕਾਨੂੰਨ
ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ 'ਚ ਹੋਈ ਭਾਰੀ ਕਟੌਤੀ, ਇੱਥੇ ਜਾਣੋ ਆਪਣੇ ਸ਼ਹਿਰ 'ਚ ਤੇਲ ਦੇ ਭਾਅ
NEXT STORY 
