ਨਵੀਂ ਦਿੱਲੀ — ਤੇਲ ਦੀਆਂ ਕੀਮਤਾਂ ਵਿਚ ਪਿਛਲੇ 15 ਦਿਨਾਂ ਤੋਂ ਵਾਧਾ ਜਾਰੀ ਹੈ। ਇਸ ਦੌਰਾਨ ਕੇਂਦਰ ਸਰਕਾਰ ਦੇਸ਼ ਦੀ ਜਨਤਾ ਨਾਲ ਮਜ਼ਾਕ ਕਰ ਰਹੀ ਹੈ। ਕੇਂਦਰ ਸਰਕਾਰ ਹੁਣ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਦਿਨ ਪ੍ਰਤੀ ਦਿਨ 1-1 ਪੈਸੇ ਦੀ ਦਰ ਨਾਲ ਕਮੀ ਕਰ ਰਹੀ ਹੈ। ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ ਲਗਾਤਾਰ ਵਾਧੇ ਕਾਰਨ ਵਿਰੋਧੀਆਂ ਦੇ ਨਿਸ਼ਾਨੇ 'ਤੇ ਰਹੀ ਨਰਿੰਦਰ ਮੋਦੀ ਦੀ ਸਰਕਾਰ ਲਈ ਬੁੱਧਵਾਰ ਨੂੰ ਦੋਵਾਂ ਈਂਧਨਾਂ ਦੀ ਕੀਮਤ 'ਚ ਕਮੀ ਸਕੂਨ ਭਰੀ ਖਬਰ ਰਹੀ। ਪਰ ਇਹ ਰਾਹਤ ਹੈ ਜਾਂ ਮਜ਼ਾਕ ਇਸ 'ਤੇ ਚਰਚਾ ਸ਼ੁਰੂ ਹੋ ਗਈ ਹੈ। ਪੈਟਰੋਲ ਸਿਰਫ 1 ਪੈਸੇ ਸਸਤਾ ਹੋਇਆ ਹੈ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸਵੇਰੇ ਇਹ ਖਬਰ ਸੀ ਕਿ ਪੈਟਰੋਲ 60 ਪੈਸੇ ਸਸਤਾ ਹੋਇਆ ਹੈ। ਪੈਟਰੋਲੀਅਮ ਮੰਤਰਾਲੇ ਨੇ ਕਿਹਾ ਕਿ ਤਕਨੀਕੀ ਕਾਰਨਾਂ ਕਰਕੇ ਇਹ ਗਲਤੀ ਹੋ ਗਈ। ਤੇਲ ਦੀਆਂ ਕੀਮਤਾਂ 60 ਪੈਸੇ ਨਹੀਂ 1 ਪੈਸੇ ਘੱਟ ਹੋਈਆਂ ਹਨ। ਮੰਤਰਾਲੇ ਵਲੋਂ ਕਿਹਾ ਗਿਆ ਕਿ ਗਲਤੀ ਨਾਲ ਸਵੇਰੇ 60 ਪੈਸੇ ਦੀ ਹੈਡਲਾਈਨ ਜਾਰੀ ਹੋ ਗਈ ਸੀ। ਜ਼ਿਕਰਯੋਗ ਹੈ ਕਿ ਪਿਛਲੇ 16 ਦਿਨਾਂ ਤੋਂ ਡੀਜ਼ਲ 3.40 ਰੁਪਏ ਅਤੇ ਪੈਟਰੋਲ 3.80 ਪੈਸੇ ਪ੍ਰਤੀ ਲੀਟਰ ਮਹਿੰਗਾ ਹੋ ਗਿਆ ਹੈ।
ਅੱਜ ਤੋਂ ਹਵਾਈ ਸਫਰ ਹੋਵੇਗਾ ਮਹਿੰਗਾ, ਇੰਡੀਗੋ ਨੇ ਲਗਾਇਆ ਸਰਚਾਰਜ
NEXT STORY 
