ਨਵੀਂ ਦਿੱਲੀ- ਦੇਸ਼ 'ਚ ਬਿਜਲੀ ਦੀ ਘਾਟ (ਬਿਜਲੀ ਦੀ ਲੋੜ ਅਤੇ ਸਪਲਾਈਦਾ ਅੰਤਰ) ਇਸ ਸਾਲ ਨਵੰਬਰ 'ਚ ਘਟ ਕੇ 0.2 ਫੀਸਦੀ ਰਹਿ ਗਈ ਹੈ। ਸਰਕਾਰੀ ਅੰਕੜਿਆਂ ਤੋਂ ਇਹ ਜਾਣਕਾਰੀ ਮਿਲੀ ਹੈ। ਇਸ ਸਾਲ ਅਪ੍ਰੈਲ 'ਚ ਬਿਜਲੀ ਦੀ ਘਾਟ ਦੋ ਫੀਸਦੀ ਸੀ। ਹਾਲਾਂਕਿ ਪਿਛਲੇ ਮਹੀਨੇ ਦੇ ਮੁਕਾਬਲੇ ਨਵੰਬਰ 'ਚ ਬਿਜਲੀ ਦੀ ਲੋੜ ਅਤੇ ਸਪਲਾਈ ਦਾ ਅੰਤਰ ਵਧਿਆ ਹੈ। ਅਕਤੂਬਰ 'ਚ ਬਿਜਲੀ ਦੀ ਘਾਟ 0.1 ਫੀਸਦੀ (12.4 ਮਿਲੀਅਨ ਯੂਨਿਟ) ਸੀ। ਨਵੰਬਰ 2021 'ਚ ਬਿਜਲੀ ਦੀ ਘਾਟ 0.2 ਫੀਸਦੀ (23.3 ਕਰੋੜ) ਯੂਨਿਟ ਰਹ ਸੀ।
ਅੰਕੜੇ ਦੱਸਦੇ ਹਨ ਕਿ ਇਸ ਸਾਲ ਅਪ੍ਰੈਲ 'ਚ ਬਿਜਲੀ ਦੀ ਘਾਟ 275.2 ਕਰੋੜ ਯੂਨਿਟ ਸੀ, ਜੋ ਨਵੰਬਰ 'ਚ ਘੱਟ ਕੇ 19.9 ਕਰੋੜ ਯੂਨਿਟ ਰਹਿ ਗਈ। ਮਈ 'ਚ ਬਿਜਲੀ ਦੀ ਘਾਟ 60.9 ਕਰੋੜ ਯੂਨਿਟ (0.4 ਫੀਸਦੀ), ਜੂਨ 'ਚ 79.6 ਕਰੋੜ ਯੂਨਿਟ (0.6 ਫੀਸਦੀ), ਜੁਲਾਈ 'ਚ 43.4 ਕਰੋੜ ਯੂਨਿਟ (0.3 ਫੀਸਦੀ), ਅਗਸਤ 'ਚ 46.5 ਕਰੋੜ ਯੂਨਿਟ (0.4 ਫੀਸਦੀ) ਅਤੇ ਸਤੰਬਰ 'ਚ 31.2 ਕਰੋੜ ਯੂਨਿਟ (0.2 ਫੀਸਦੀ) ਸੀ।
ਚਾਲੂ ਵਿੱਤੀ ਸਾਲ ਦੇ ਪਹਿਲੇ ਅੱਠ ਮਹੀਨਿਆਂ ਯਾਨੀ ਅਪ੍ਰੈਲ-ਨਵੰਬਰ ਦੌਰਾਨ ਬਿਜਲੀ ਦੀ ਘਾਟ ਵਧ ਕੇ 0.6 ਫੀਸਦੀ ਹੋ ਗਈ ਹੈ। ਇਹ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 0.4 ਫੀਸਦੀ ਸੀ। ਇਸ ਮਿਆਦ 'ਚ ਬਿਜਲੀ ਦੀ ਘਾਟ 569.1 ਕਰੋੜ ਯੂਨਿਟ ਰਹੀ, ਜੋ ਪਿਛਲੇ ਵਿੱਤੀ ਸਾਲ ਦੀ ਇਸੇ ਮਿਆਦ 'ਚ 405.8 ਕਰੋੜ ਯੂਨਿਟ ਸੀ। ਪੂਰੇ ਵਿੱਤੀ ਸਾਲ 2021-22 'ਚ ਬਿਜਲੀ ਦੀ ਘਾਟ 578.7 ਕਰੋੜ ਯੂਨਿਟ ਜਾਂ 0.4 ਫੀਸਦੀ ਰਹੀ ਸੀ।
ਤੇਲ ਦੀ MRP ਤੈਅ ਕਰਨ ਦਾ ਕੋਈ ਨਿਯਮ ਨਹੀਂ, ਕਿਸਾਨਾਂ ਨੂੰ ਸਹਿਣਾ ਪੈ ਰਿਹਾ ਘਾਟਾ
NEXT STORY 
