ਬਿਜਨੈੱਸ ਡੈਸਕ - ਆਰ.ਬੀ.ਆਈ. ਬੈਂਕ ਛੁੱਟੀਆਂ ਦੀ ਸੂਚੀ ਦੇ ਅਨੁਸਾਰ ਸ਼ੁੱਕਰਵਾਰ 18 ਅਪ੍ਰੈਲ, 2025 ਨੂੰ ਬੈਂਕ ਬੰਦ ਰਹਿਣਗੇ। ਜੇਕਰ ਤੁਹਾਡੇ ਕੋਲ ਇਸ ਦਿਨ ਬੈਂਕ ਨਾਲ ਸਬੰਧਤ ਕੋਈ ਕੰਮ ਹੈ, ਤਾਂ ਵੀਰਵਾਰ ਨੂੰ ਹੀ ਆਪਣੇ ਸਾਰੇ ਕੰਮ ਪੂਰੇ ਕਰ ਲਓ। ਭਾਰਤੀ ਰਿਜ਼ਰਵ ਬੈਂਕ ਦੀਆਂ ਛੁੱਟੀਆਂ ਦੀ ਸੂਚੀ ਦੇ ਅਨੁਸਾਰ, 18 ਅਪ੍ਰੈਲ ਨੂੰ ਗੁੱਡ ਫਰਾਈਡੇ ਹੈ। ਇਸ ਲਈ ਕਈ ਸੂਬਿਆਂ ਵਿੱਚ ਬੈਂਕ ਬੰਦ ਰਹਿਣਗੇ। ਇਹ ਤਿਉਹਾਰ ਈਸਾਈਆਂ ਦੇ ਪ੍ਰਮੁੱਖ ਤਿਉਹਾਰਾਂ ਵਿੱਚ ਸ਼ਾਮਲ ਹੈ। ਜੋ ਕਿ ਯਿਸੂ ਮਸੀਹ ਦੇ ਬਲੀਦਾਨ ਨੂੰ ਯਾਦ ਕਰਨ ਲਈ ਮਨਾਇਆ ਜਾਂਦਾ ਹੈ। ਰਿਜ਼ਰਵ ਬੈਂਕ ਦੀ ਛੁੱਟੀਆਂ ਦੀ ਲਿਸਟ ਮੁਤਾਬਕ ਇਹ ਦਿਨ ਪਬਲਿਕ ਛੁੱਟੀ ਹੈ। ਇਸ ਕਾਰਨ ਸਾਰੇ ਪ੍ਰਾਈਵੇਟ, ਸਰਕਾਰੀ ਅਤੇ ਸਹਿਕਾਰੀ ਬੈਂਕ ਬੰਦ ਹੁੰਦੇ ਹਨ।
ਕਿੱਥੇ-ਕਿੱਥੇ ਹੋਵੇਗੀ ਬੈਂਕਾਂ 'ਚ ਛੁੱਟੀ ?
ਗੁੱਡ ਫਰਾਈਡੇ ਕਾਰਨ 18 ਅਪ੍ਰੈਲ, ਸ਼ੁੱਕਰਵਾਰ ਨੂੰ ਕਈ ਸੂਬਿਆਂ ਵਿੱਚ ਬੈਂਕ ਬੰਦ ਰਹਿਣਗੇ। ਇਨ੍ਹਾਂ ਵਿੱਚ ਰਾਜਸਥਾਨ, ਅਸਾਮ, ਤ੍ਰਿਪੁਰਾ, ਹਿਮਾਚਲ ਪ੍ਰਦੇਸ਼, ਜੰਮੂ, ਸ੍ਰੀਨਗਰ ਵਰਗੇ ਸੂਬੇ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਬੈਂਕ ਉਨ੍ਹਾਂ ਸੂਬਿਆਂ ਵਿੱਚ ਕੰਮ ਕਰਨਗੇ ਜਿੱਥੇ ਆਰ.ਬੀ.ਆਈ. ਦੀ ਬੈਂਕ ਛੁੱਟੀਆਂ ਦੀ ਸੂਚੀ ਵਿੱਚ ਕੋਈ ਛੁੱਟੀ ਨਹੀਂ ਹੈ। ਤੁਸੀਂ ਆਪਣੀ ਨਜ਼ਦੀਕੀ ਬੈਂਕ ਸ਼ਾਖਾ ਤੋਂ ਬੈਂਕ ਛੁੱਟੀਆਂ ਦੀ ਪੁਸ਼ਟੀ ਕਰ ਸਕਦੇ ਹੋ।
ਬੈਂਕ ਛੁੱਟੀਆਂ ਦੀ ਸੂਚੀ
ਭਾਰਤੀ ਰਿਜ਼ਰਵ ਬੈਂਕ ਦੀ ਬੈਂਕ ਛੁੱਟੀਆਂ ਦੀ ਸੂਚੀ ਦੇ ਅਨੁਸਾਰ, ਅਪ੍ਰੈਲ 2025 ਵਿੱਚ ਕੁੱਲ 15 ਬੈਂਕ ਛੁੱਟੀਆਂ ਹਨ। ਇਨ੍ਹਾਂ ਵਿੱਚ ਐਤਵਾਰ ਅਤੇ ਦੂਜੇ ਅਤੇ ਚੌਥੇ ਸ਼ਨੀਵਾਰ ਦੀਆਂ ਛੁੱਟੀਆਂ ਵੀ ਸ਼ਾਮਲ ਹਨ। ਹੁਣ ਅਗਲੀ ਬੈਂਕ ਛੁੱਟੀ 18 ਅਪ੍ਰੈਲ 2025 ਨੂੰ ਆ ਰਹੀ ਹੈ। ਇਸ ਤੋਂ ਬਾਅਦ, ਆਓ ਦੇਖਦੇ ਹਾਂ ਕਿ ਬੈਂਕ ਹੋਰ ਕਿੰਨੇ ਦਿਨ ਬੰਦ ਰਹਿਣਗੇ -
– 20 ਅਪ੍ਰੈਲ 2025, ਐਤਵਾਰ: ਹਫਤਾਵਾਰੀ ਛੁੱਟੀ ਕਾਰਨ ਪੂਰੇ ਭਾਰਤ ਵਿੱਚ ਬੈਂਕ ਬੰਦ ਰਹਿਣਗੇ।
- 21 ਅਪ੍ਰੈਲ 2025, ਸੋਮਵਾਰ: ਮਿਜ਼ੋਰਮ ਅਤੇ ਖਾਸ ਕਰਕੇ ਅਗਰਤਲਾ ਵਿੱਚ ਗਰੀਆ ਪੂਜਾ ਕਾਰਨ ਬੈਂਕ ਬੰਦ ਰਹਿਣਗੇ।
- 26 ਅਪ੍ਰੈਲ 2025, ਸ਼ਨੀਵਾਰ: ਭਾਰਤ ਵਿੱਚ ਬੈਂਕ ਬੰਦ ਰਹਿਣਗੇ ਕਿਉਂਕਿ ਇਹ ਮਹੀਨੇ ਦਾ ਚੌਥਾ ਸ਼ਨੀਵਾਰ ਹੈ।
– 27 ਅਪ੍ਰੈਲ 2025, ਐਤਵਾਰ: ਇਹ ਹਫਤਾਵਾਰੀ ਛੁੱਟੀ ਹੈ ਇਸ ਲਈ ਪੂਰੇ ਭਾਰਤ ਵਿੱਚ ਬੈਂਕ ਬੰਦ ਰਹਿਣਗੇ।
- 29 ਅਪ੍ਰੈਲ 2025, ਮੰਗਲਵਾਰ: ਭਗਵਾਨ ਪਰਸ਼ੂਰਾਮ ਜਯੰਤੀ ਦੇ ਕਾਰਨ ਹਿਮਾਚਲ ਪ੍ਰਦੇਸ਼ ਵਿੱਚ ਬੈਂਕ ਬੰਦ ਰਹਿਣਗੇ।
- 30 ਅਪ੍ਰੈਲ, 2025, ਬੁੱਧਵਾਰ: ਬੰਗਲੁਰੂ ਵਿੱਚ ਬਸਵ ਜਯੰਤੀ ਅਤੇ ਅਕਸ਼ੈ ਤ੍ਰਿਤੀਆ ਦੇ ਕਾਰਨ ਬੈਂਕ ਬੰਦ ਰਹਿਣਗੇ।
ਸੋਨੇ ਨੇ ਤੋੜ 'ਤਾ ਰਿਕਾਰਡ! ਲੱਖ ਰੁਪਏ ਪਾਰ ਕਰ ਗਈ ਕੀਮਤ
NEXT STORY 
