ਜਲੰਧਰ— ਜਲੰਧਰ ’ਚ ਨਗਰ ਨਿਗਮ ਦੀਆਂ ਚੋਣਾਂ ਨੂੰ ਲੈ ਕੇ ਮਾਹੌਲ ਗਰਮਾ ਚੁੱਕਾ ਹੈ। ਅੱਜ ਇਸੇ ਸਿਲਸਿਲੇ ’ਚ ਨਗਰ ਨਿਗਮ ਹਾਊਸ ਦੀ ਮੀਟਿੰਗ ਕੀਤੀ ਗਈ। ਮੀਟਿੰਗ ’ਚ ਕਮਿਸ਼ਨਰ ਅਤੇ ਕੌਂਸਲਰਾਂ ਦੇ ਇਲਾਵਾ ਨਗਰ ਨਿਗਮ ਦੇ ਅਧਿਕਾਰੀ ਵੀ ਸ਼ਾਮਲ ਹੋਏ। ਮੀਟਿੰਗ ਦੀ ਸ਼ੁਰੂਆਤ ’ਚ ਹੀ ਕੌਂਸਲਰ ਅਤੇ ਨਿਗਮ ਅਧਿਕਾਰੀ ਆਹਮੋ-ਸਾਹਮਣੇ ਹੋ ਗਏ।
ਇਹ ਵੀ ਪੜ੍ਹੋ : ਠੰਡ ਤੋਂ ਬਚਣ ਲਈ ਬਾਲ਼ੀ ਅੰਗੀਠੀ, ਦਮ ਘੁਟਣ ਕਾਰਨ ਮਾਂ ਸਣੇ ਦੋ ਬਚਿਆਂ ਦੀ ਮੌਤ
ਇਸ ਮੀਟਿੰਗ ’ਚ ਕੌਂਸਲਰਾਂ ਅਤੇ ਅਧਿਕਾਰੀਆਂ ਵੱਲੋਂ ਅੰਦੋਲਨ ਦੌਰਾਨ ਸ਼ਹੀਦ ਹੋਏ ਕਿਸਾਨਾਂ ਨੂੰ ਵੀ ਸ਼ਰਧਾਜਲੀ ਦਿੱਤੀ ਗਈ। ਇਸੇ ਦੇ ਨਾਲ ਹੀ ਸ਼ਹਿਰ ’ਚ ਲਗਾਈ ਜਾਣ ਵਾਲੀ ਐੱਲ. ਈ. ਡੀ. ਲਾਈਟਾਂ ਅਤੇ ਨੀਲੇ ਕਾਰਡਾਂ ਨੂੰ ਲੈ ਕੇ ਵੀ ਜੰਮ ਕੇ ਬਵਾਲ ਮਚਾਇਆ ਗਿਆ। ਮੀਟਿੰਗ ’ਚ ਕੌਂਸਲਰਾਂ ਨੇ ਕਿਹਾ ਕਿ ਐੱਲ. ਈ. ਡੀ. ਲਾਈਟਾਂ ਦੇ ਮਾਮਲੇ ’ਚ ਕੋਈ ਵੀ ਉਚਿਤ ਵਿਵਸਥਾ ਨਹੀਂ ਕੀਤੀ ਗਈ ਹੈ। ਇੰਨਾ ਪੈਸਾ ਖ਼ਰਚ ਹੋਣ ਦੇ ਬਾਵਜੂਦ ਕੰਮ ਅਧੂਰਾ ਹੈ। ਉਥੇ ਹੀ ਦੂਜੇ ਪਾਸੇ ਇਸ ਮੀਟਿੰਗ ’ਚ ਗੈਰ ਕਾਨੂੰਨੀ ਕਾਲੋਨੀਆਂ ’ਤੇ ਨਿਗਮ ਅਫ਼ਸਰਾਂ ਵੱਲੋਂ ਕਾਰਵਾਈ ਨਾ ਕੀਤੇ ਜਾਣ ’ਤੇ ਵੀ ਹੰਗਾਮਾ ਕੀਤਾ ਗਿਆ।
ਇਹ ਵੀ ਪੜ੍ਹੋ : ਸ਼ਰਮਸਾਰ: ਮੋਗਾ ’ਚ 2 ਬੱਚਿਆਂ ਦੇ ਪਿਓ ਵੱਲੋਂ ਤੀਜੀ ਜਮਾਤ ’ਚ ਪੜ੍ਹਦੀ ਬੱਚੀ ਨਾਲ ਜਬਰ-ਜ਼ਿਨਾਹ
‘ਜਲੰਧਰ ਨਿਗਮ ’ਤੇ ਲਾਗੂ ਨਹੀਂ ਹੁੰਦਾ ਕੋਡ ਆਫ ਕੰਡਕਟ’
ਇਥੇ ਇਹ ਵੀ ਦੱਸਣਯੋਗ ਹੈ ਕਿ ਪੰਜਾਬ ਵਿਚ ਲੋਕਲ ਬਾਡੀਜ਼ ਸੰਸਥਾਨਾਂ ਦੀਆਂ ਚੋਣਾਂ ਦਾ ਐਲਾਨ ਹੋ ਚੁੱਕਿਆ ਹੈ ਅਤੇ ਇਸ ਹਿਸਾਬ ਨਾਲ ਸੂਬੇ ਵਿਚ ਚੋਣਾਵੀ ਕੋਡ ਆਫ ਕੰਡਕਟ ਲਾਗੂ ਹੈ ਪਰ ਜਲੰਧਰ ਨਿਗਮ ’ਤੇ ਇਹ ਕੋਡ ਲਾਗੂ ਨਹੀਂ ਹੁੰਦਾ। ਇਹ ਦਾਅਵਾ ਬੀਤੇ ਦਿਨ ਵਿਧਾਨ ਸਭਾ ਹਲਕਾ ਸੈਂਟਰ ਤੋਂ ਵਿਧਾਇਕ ਅਤੇ ਮੇਅਰ ਜਗਦੀਸ਼ ਰਾਜਾ ਨੇ ਕੀਤਾ ਸੀ। ਇਨ੍ਹਾਂ ਦੋਵਾਂ ਨੇ ਦੱਸਿਆ ਸੀ ਕਿ ਉਦਘਾਟਨਾਂ ਦੇ ਸਿਲਸਿਲੇ ਵਿਚ ਉਨ੍ਹਾਂ ਨੇ ਚੋਣ ਇੰਚਾਰਜ ਅਤੇ ਏ. ਡੀ. ਸੀ. ਵਿਸ਼ੇਸ਼ ਸਾਰੰਗਲ ਨਾਲ ਗੱਲ ਕੀਤੀ ਸੀ। ਉਨ੍ਹਾਂ ਕਿਹਾ ਸੀ ਕਿ ਜਲੰਧਰ ਵਿਚ ਇਹ ਕੋਡ ਲਾਗੂ ਨਹੀਂ ਹੈ। ਇਸ ਲਈ ਉਦਘਾਟਨ ਵੀ ਕੀਤੇ ਜਾ ਸਕਦੇ ਹਨ। ਮੇਅਰ ਜਗਦੀਸ਼ ਰਾਜਾ ਨੇ ਦੱਸਿਆ ਸੀ ਕਿ ਜਲੰਧਰ ਨਿਗਮ ’ਤੇ ਕੋਡ ਲਾਗੂ ਨਾ ਹੋਣ ਦੀ ਸੂਰਤ ਵਿਤ ਤਹਿਸ਼ੁਦਾ ਪ੍ਰੋਗਰਾਮ ਦੇ ਅਨੁਸਾਰ ਸੋਮਵਾਰ ਨੂੰ ਬਾਅਦ ਦੁਪਹਿਰ ਕੌਂਸਲਰ ਹਾਊਸ ਦੀ ਬੈਠਕ ਹੋਣ ਦੀ ਗੱਲ ਕਹੀ ਸੀ।
ਕਿਹੜਾ ਕੌਂਸਲਰ ਕੀ-ਕੀ ਬੋਲਿਆ
ਵਿੱਕੀ ਕਾਲੀਆ : 6 ਨਵੰਬਰ ਅਤੇ 1 ਦਸੰਬਰ ਦੀਆਂ ਮੀਟਿੰਗਾਂ ਵਿਚ ਨਾਜਾਇਜ਼ ਕਾਲੋਨੀਆਂ ਦਾ ਮੁੱਦਾ ਉੱਠਿਆ, ਪ੍ਰੋਸੀਡਿੰਗ ਵਿਚ ਵੀ ਆਇਆ ਪਰ ਕੋਈ ਐਕਸ਼ਨ ਨਹੀਂ। ਕੀ ਕੌਂਸਲਰ ਸਵਾਲ ਪੁੱਛ ਕੇ ਅਤੇ ਖਾ-ਪੀ ਕੇ ਚਲੇ ਜਾਣ ਲਈ ਹਾਊਸ ਵਿਚ ਆਉਂਦੇ ਹਨ? ਭੀਮਜੀ ਪੈਲੇਸ ਵਾਲੇ ਰਾਕੇਸ਼ ਗੁਪਤਾ ਦੀਆਂ 18 ਨਾਜਾਇਜ਼ ਕਾਲੋਨੀਆਂ ’ਤੇ ਕੋਈ ਕਾਰਵਾਈ ਨਹੀਂ ਹੋਈ। ਸੁਭਾਨਾ ਵਿਚ 15 ਸਾਲ ਪਹਿਲਾਂ ਬਣੀਆਂ ਦੁਕਾਨਾਂ ਨੂੰ ਤਾਂ ਤੋੜ ਦਿੱਤਾ ਗਿਆ ਪਰ 12 ਏਕੜ ਵਿਚ ਨਾਜਾਇਜ਼ ਕਮਰਸ਼ੀਅਲ ਬਿਲਡਿੰਗਾਂ ਨੂੰ ਕੁਝ ਨਹੀਂ ਕਿਹਾ ਜਾ ਰਿਹਾ।
ਮਿੰਟੂ ਜੁਨੇਜਾ : ਸਮਾਰਟ ਸਿਟੀ ਤਹਿਤ ਪਾਰਕ ਦਾ ਕੰਮ ਰੋਕਿਆ ਹੋਇਆ ਹੈ। ਹਾਦਸਾ ਵੀ ਹੋ ਚੁੱਕਿਆ ਹੈ। ਕਮਿਸ਼ਨਰ ਦਾ ਜਵਾਬ ਸੀ ਕਿ ਟੈਂਕੀ ਵਾਲੀ ਪਾਰਕ ਦਾ ਕੰਮ ਦੁਬਾਰਾ ਸ਼ੁਰੂ ਕਰਵਾ ਦਿੱਤਾ ਗਿਆ ਹੈ ਅਤੇ ਗਰੀਨ ਬੈਲੇਟ ਦਾ ਕੰਮ ਵੀ ਜਲਦ ਹੋ ਜਾਵੇਗਾ। ਠੇਕੇਦਾਰ ਦਾ ਕੰਮ 31 ਮਾਰਚ ਤੱਕ ਵਧਾ ਦਿੱਤਾ ਗਿਆ ਹੈ।
ਮਨਦੀਪ ਜੱਸਲ : ਜਗ੍ਹਾ-ਜਗ੍ਹਾ ਪੁਲਸ ਨਾਕਿਆਂ ’ਤੇ ਲੱਗੇ ਬੈਰੀਕੇਡਾਂ ’ਤੇ ਨਾਜਾਇਜ਼ ਇਸ਼ਤਿਹਾਰ ਲੱਗੇ ਹੋਏ ਹਨ, ਜਿਨ੍ਹਾਂ ’ਤੇ ਤੁਰੰਤ ਐਕਸ਼ਨ ਲਿਆ ਜਾਵੇ। ਹਸਪਤਾਲਾਂ ਅਤੇ ਕੰਪਨੀਆਂ ਦੇ ਇਸ਼ਤਿਹਾਰ ਉਤਾਰ ਕੇ ਉਨ੍ਹਾਂ ’ਤੇ ਪੁਲਸ ਵਾਲਿਆਂ ਦੀਆਂ ਤਸਵੀਰਾਂ ਲਾਈਆਂ ਜਾਣ।
ਕੰਵਲਜੀਤ ਕੌਰ ਗੁੱਲੂ : ਗੋਪਾਲ ਨਗਰ ਵਿਚ ਗੁਰੂ ਰਵਿਦਾਸ ਮੰਦਰ ਵਾਲੀ ਸੜਕ ’ਤੇ ਬਣੀ ਬਿਲਡਿੰਗ ਅਤੇ ਗਲੀ ਛੋਟੀ ਕਰਨ ਦੇ ਮਾਮਲੇ ਵਿਚ ਲਿਖਤੀ ਸ਼ਿਕਾਇਤ ਦਿੱਤੀ ਜਾ ਚੁੱਕੀ ਹੈ ਪਰ ਅਜੇ ਤੱਕ ਕੋਈ ਕਾਰਵਾਈ ਨਹੀਂ ਹੋਈ।
ਰਾਜੀਵ ਓਂਕਾਰ ਟਿੱਕਾ : ਵਾਰਡ ਦੇ 8 ਪਾਰਕਾਂ ਦੇ ਸੁੰਦਰੀਕਰਨ ਲਈ 40 ਲੱਖ ਰੁਪਏ ਦਾ ਐਸਟੀਮੇਟ ਪਾਸ ਕਰਨ ਲਈ ਨਿਗਮ ਪ੍ਰਸ਼ਾਸਨ ਦਾ ਧੰਨਵਾਦ। ਜੇਕਰ ਨਿਗਮ ਅਧਿਕਾਰੀ ਕੌਂਸਲਰਾਂ ਨੂੰ ਲਿਖਤੀ ਰੂਪ ਵਿਚ ਜਵਾਬ ਦੇਣਗੇ ਤਾਂ ਕੀ ਭਵਿੱਖ ਵਿਚ ਉਨ੍ਹਾਂ ਜਵਾਬਾਂ ਪ੍ਰਤੀ ਉਨ੍ਹਾਂ ਦੀ ਜ਼ਿੰਮੇਵਾਰੀ ਤੈਅ ਹੋਵੇਗੀ।
ਸ਼ੈਲੀ ਖੰਨਾ : ਮੇਰੇ ਵਾਰਡ ਦੇ ਕੰਮ ਪਿਛਲੇ ਕਾਫੀ ਸਮੇਂ ਤੋਂ ਲਟਕੇ ਹੋਏ ਹਨ। ਨਿਗਮ ਨੂੰ ਉਨ੍ਹਾਂ ਕੰਮਾਂ ਦੀ ਸੂਚੀ ਵੀ ਦਿੱਤੀ ਗਈ ਹੈ ਪਰ ਪਿਛਲੇ ਹਾਊਸ ਵਿਚ ਪੁੱਛੇ ਗਏ ਸਵਾਲਾਂ ਦੇ ਵੀ ਜਵਾਬ ਨਹੀਂ ਮਿਲੇ।
ਜਸਪਾਲ ਕੌਰ ਭਾਟੀਆ : ਧਰਨੇ ਦੀ ਚਿਤਾਵਨੀ ਦੇਣ ’ਤੇ ਵਾਰਡ ਦੇ ਕੁਝ ਕੰਮ ਤਾਂ ਹੋਏ ਪਰ ਅਜੇ ਵੀ ਸਫਾਈ ਸੇਵਕ ਨਹੀਂ ਦਿੱਤੇ ਜਾ ਰਹੇ ਅਤੇ ਨਾ ਹੀ ਕੁਝ ਇਕ ਦੀ ਹਾਜ਼ਰੀ ਮੇਰੇ ਵਾਰਡ ਵਿਚ ਲੱਗ ਰਹੀ ਹੈ। ਵਿਰੋਧੀ ਧਿਰ ਦੇ ਵਾਰਡਾਂ ਦੇ ਪ੍ਰਸਤਾਵ ਹਾਊਸ ਦੇ ਏਜੰਡੇ ਵਿਚ ਨਹੀਂ ਪਾਏ ਗਏ ਅਤੇ ਐੱਲ. ਈ. ਡੀ. ਮਾਮਲਿਆਂ ਵਿਚ ਵੀ 2-2 ਵਾਰਡਾਂ ਦੀ ਲਾਟਰੀ ਕੱਢ ਕੇ ਵਿਰੋਧੀ ਧਿਰ ਨਾਲ ਭੇਦਭਾਵ ਕੀਤਾ ਜਾ ਰਿਹਾ ਹੈ।
ਅੰਜਲੀ ਭਗਤ : 10 ਵਾਰਡਾਂ ਲਈ ਸੀਵਰੇਜ ਦੀ ਸਫਾਈ ਵਾਸਤੇ ਸਿਰਫ ਇਕ ਜੈਟਿੰਗ ਮਸ਼ੀਨ ਨਾਕਾਫੀ ਹੈ, ਜਿਸ ਕਾਰਣ ਕਈ ਵਾਰਡਾਂ ਵਿਚ ਸੀਵਰੇਜ ਦੀ ਸਮੱਸਿਆ ਰਹਿੰਦੀ ਹੈ। ਕਮਿਸ਼ਨਰ ਦਾ ਜਵਾਬ ਸੀ ਕਿ ਸਮਾਰਟ ਸਿਟੀ ਫੰਡ ਨਾਲ 3 ਕਰੋੜ ਰੁਪਏ ਦੀਆਂ ਮਸ਼ੀਨਾਂ ਖਰੀਦੀਆਂ ਜਾ ਰਹੀਆਂ ਹਨ।
ਕੌਂਸਲਰ ਅੰਜਲੀ ਨੇ ਜਦੋਂ ਕਿਹਾ ਕਿ ਉਨ੍ਹਾਂ ਦੇ ਵਾਰਡ ਵਿਚ 40 ਰੇਹੜੀਆਂ ਲੱਗਦੀਆਂ ਹਨ, ਕਿਸੇ ਦੀ ਪਰਚੀ ਨਹੀਂ ਕੱਟੀ ਜਾਂਦੀ, ਪ੍ਰਾਈਵੇਟ ਵਸੂਲੀ ਹੁੰਦੀ ਹੈ ਤਾਂ ਹਾਊਸ ਵਿਚ ਉਨ੍ਹਾਂ ਦੀ ਗੱਲ ਨਾ ਸੁਣੇ ਜਾਣ ’ਤੇ ਉਹ ਬਹੁਤ ਨਾਰਾਜ਼ ਹੋਈ ਅਤੇ ਸਾਫ ਕਿਹਾ ਕਿ ਜੇਕਰ ਸੁਣਵਾਈ ਹੀ ਨਹੀਂ ਕਰਨੀ ਤਾਂ ਮੀਟਿੰਗ ਬੁਲਾਉਂਦੇ ਹੀ ਕਿਉਂ ਹੋ?
ਡਾ. ਤਮਨਰੀਤ ਕੌਰ : ਇੰਦਰਾ ਕਾਲੋਨੀ ਦੀਆਂ ਕਈ ਗਲੀਆਂ ਵਿਚ ਨਵੀਂ ਪਾਈਪਲਾਈਨ ਪਾਉਣ ਦੇ ਬਾਵਜੂਦ ਗੰਦਾ ਪਾਣੀ ਸਪਲਾਈ ਹੋ ਰਿਹਾ ਹੈ। ਸਾਰੀਆਂ ਗਲੀਆਂ ਵਿਚ ਪਾਈਪਾਂ ਕਿਉਂ ਨਹੀਂ ਪਾਈਆਂ ਗਈਆਂ, ਸਟਰੀਟ ਲਾਈਟ ਦੇ ਵੱਡੇ ਫਾਲਟ ਨੂੰ ਦੂਰ ਕਰਨ ਵਿਚ ਵੀ ਸਮੱਸਿਆ ਆ ਰਹੀ ਹੈ।
ਕਮਿਸ਼ਨਰ ਦਾ ਜਵਾਬ ਸੀ ਕਿ ਇੰਪਰੂਵਮੈਂਟ ਟਰੱਸਟ ਕੋਲੋਂ ਐੱਨ. ਓ. ਸੀ. ਨਾ ਮਿਲਣ ਕਾਰਣ ਇੰਦਰਾ ਕਾਲੋਨੀ ਨਿਵਾਸੀਆਂ ਨੂੰ ਪੂਰਾ ਲਾਭ ਨਹੀਂ ਮਿਲ ਪਾ ਰਿਹਾ।
ਚੰਦਰਜੀਤ ਕੌਰ ਸੰਧਾ : ਓਲਡ ਗਰੀਨ ਐਵੇਨਿਊ ਦਾ ਵਿਕਾਸ ਕਾਰਜ ਉਦਘਾਟਨ ਦੀ ਉਡੀਕ ਕਰ ਰਿਹਾ ਹੈ, ਰਾਜਾ ਗਾਰਡਨ ਵਿਚ ਵੀ ਨਵੀਆਂ ਸੜਕਾਂ ਬਣਵਾਈਆਂ ਜਾਣ, ਅਮਨ ਨਗਰ ਵੱਲ ਵੀ ਧਿਆਨ ਦਿੱਤਾ ਜਾਵੇ, ਨਿਗਮ ਦੀ ਲਾਇਬਰੇਰੀ ਦੀਆਂ ਕਿਤਾਬਾਂ ਨੂੰ ਸਹੀ ਜਗ੍ਹਾ ’ਤੇ ਰਖਵਾਇਆ ਜਾਵੇ, ਜਿਸ ਬਾਰੇ ਲਿਟਰੇਰੀ ਫੋਰਮ ਮੰਗ ਵੀ ਕਰ ਚੁੱਕੀ ਹੈ।
ਕਮਿਸ਼ਨਰ ਦਾ ਜਵਾਬ ਸੀ ਕਿ ਕਿਸੇ ਘਰ ਵਿਚ ਪਈਆਂ 23-24 ਹਜ਼ਾਰ ਕਿਤਾਬਾਂ ਨੂੰ ਸਹੀ ਟਿਕਾਣੇ ਲਾਉਣ ਲਈ ਕਈ ਕੋਸ਼ਿਸ਼ਾਂ ਕੀਤੀਆਂ ਜਾ ਚੁੱਕੀਆਂ ਹਨ, ਚੰਡੀਗੜ੍ਹ ਵਿਚ ਉੱਚ ਿਸੱਖਿਆ ਵਿਭਾਗ ਤੱਕ ਨਾਲ ਸੰਪਰਕ ਕੀਤਾ ਗਿਆ ਹੈ।
ਹਾਊਸ ’ਚ ਪਾਸ ਹੋਏ ਪ੍ਰਸਤਾਵ
ਲਿੰਕ ਰੋਡ ਤੋਂ ਕੂਲ ਰੋਡ, ਮਾਸਟਰ ਮੋਤਾ ਸਿੰਘ ਨਗਰ ਤੋਂ ਕਿਡਨੀ ਹਸਪਤਾਲ ਦੋਨੋਂ ਸਾਈਡ ਦੀ ਰੋਡ ਅਤੇ ਗੜ੍ਹਾ ਰੋਡ ਪਿਮਸ ਵਾਲੀ ਸੜਕ ਕਮਰਸ਼ੀਅਲ ਐਲਾਨੀ
ਵਰਿਆਣਾ ਡੰਪ ਦੀ ਐਨਵਾਇਰਮੈਂਟ ਸਟੱਡੀ ਦਾ ਪ੍ਰਸਤਾਵ ਪਾਸ
ਮੁਹੱਲਾ ਆਬਾਦਪੁਰਾ ਦੀ ਮੇਨ ਸੜਕ ਦਾ ਨਾਂ ਸ. ਸਵਰਨ ਸਿੰਘ ਦੇ ਨਾਂ ’ਤੇ ਰੱਖਿਆ ਗਿਆ
120 ਫੁੱਟੀ ਰੋਡ ਨਰੂਲਾ ਪੈਲੇਸ ਚੌਕ ਦਾ ਨਾਂ ਯਸ਼ਪਾਲ ਡਾਲੀਆ ਦੇ ਨਾਂ ’ਤੇ ਰੱਖਿਆ
ਹੰਸਰਾਜ ਸਟੇਡੀਅਮ ਦੇ ਪਿੱਛੇ ਟੇਬਲ ਟੈਨਿਸ ਐਸੋਸੀਏਸ਼ਨ ਦੀ ਲੀਜ਼ ਵਧਾਈ
ਕਰੋੜਾਂ ਰੁਪਏ ਦੇ ਵਿਕਾਸ ਕਾਰਜਾਂ ਨੂੰ ਮਨਜ਼ੂਰੀ ਦਿੱਤੀ
ਵਾਟਰ ਸਪਲਾਈ ਦੀ ਰਿਕਵਰੀ ਵਧਾਉਣ ’ਤੇ ਹੋਈ ਚਰਚਾ
ਇਹ ਵੀ ਪੜ੍ਹੋ : ਕਿਸਾਨ ਸੰਘਰਸ਼ ਦੀ ਹਮਾਇਤ ਕਰਨ ਵਾਲਿਆਂ ’ਤੇ UAPA ਲਾ ਕੇ ਭਾਜਪਾ ਫੈਲਾਅ ਰਹੀ ਹੈ ਰਾਜਨੀਤਿਕ ਅੱਤਵਾਦ : ਖਹਿਰਾ
ਨੋਟ: ਨਗਰ-ਨਿਗਮ ਦੀ ਕੀਤੀ ਗਈ ਇਸ ਮੀਟਿੰਗ ਸਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ ’ਚ ਦਿਓ ਜਵਾਬ
ਮੇਜਰ ਸਿੰਘ ਤੇ ਸਿਮਰਨਜੀਤ ਸਿੰਘ ਦੇ ਵਿਵਾਦ ਵਿਚ ਫੇਸਬੁੱਕ ਵਾਰ ਸ਼ੁਰੂ
NEXT STORY 
