ਜਲੰਧਰ(ਵਰੁਣ): ਫਗਵਾੜਾ ਦੇ ਜਗਪਾਲਪੁਰ 'ਚ ਗੁਆਂਢ 'ਚ ਰਹਿੰਦੇ ਐੱਨ. ਆਰ. ਆਈ. ਦੇ ਘਰੋਂ ਲਾਇਸੈਂਸੀ ਅਸਲਾ ਚੋਰੀ ਕਰਨ ਵਾਲੇ ਮੁਲਜ਼ਮ ਤੋਂ ਪੁਲਸ ਨੇ 32 ਬੋਰ ਦਾ ਵੈਪਨ ਵੀ ਬਰਾਮਦ ਕਰ ਲਿਆ ਹੈ। ਮੁਲਜ਼ਮ ਤੋਂ ਕੁਝ ਹੋਰ ਗੋਲੀਆਂ ਮਿਲੀਆਂ ਹਨ ਅਤੇ ਬਰਾਮਦ ਕੁਲ ਗੋਲੀਆਂ ਦੀ ਗਿਣਤੀ 275 ਹੋ ਚੁੱਕੀ ਹੈ। ਇਨ੍ਹਾਂ 'ਚੋਂ 258 ਗੋਲੀਆਂ 32 ਬੋਰ ਦੇ ਵੈਪਨ ਦੀਆਂ ਹਨ।
ਥਾਣਾ ਅੱਠ ਦੇ ਇੰਚਾਰਜ ਕਮਲਜੀਤ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮ ਇੰਦਰਜੀਤ ਸਿੰਘ ਉਰਫ ਇੰਦਰ ਪੁੱਤਰ ਦਵਿੰਦਰ ਸਿੰਘ ਨਿਵਾਸੀ ਜਗਪਾਲਪੁਰ ਫਗਵਾੜਾ ਤੋਂ 30 ਨਵੰਬਰ ਨੂੰ ਦੋਨਾਲੀ ਅਤੇ ਕੁਝ ਗੋਲੀਆਂ ਬਰਾਮਦ ਕੀਤੀਆਂ ਗਈਆਂ ਸਨ ਜਦਕਿ 32 ਬੋਰ ਦਾ ਵੈਪਨ ਅਤੇ ਚੋਰੀ ਹੋਈਆਂ ਗੋਲੀਆਂ ਹਾਲੇ ਬਰਾਮਦ ਕਰਨੀਆਂ ਬਾਕੀ ਸਨ। ਪੁਲਸ ਨੇ ਰਿਮਾਂਡ 'ਤੇ ਲੈ ਕੇ ਮੁਲਜ਼ਮ ਇੰਦਰਜੀਤ ਸਿੰਘ ਤੋਂ ਪੁੱਛਗਿੱਛ ਕੀਤੀ ਤਾਂ ਉਸ ਦੀ ਨਿਸ਼ਾਨਦੇਹੀ 'ਤੇ ਪੁਲਸ ਨੇ 32 ਬੋਰ ਦਾ ਵੈਪਨ ਵੀ ਬਰਾਮਦ ਕਰ ਲਿਆ। ਮੁਲਜ਼ਮ ਤੋਂ ਦੋਨਾਲੀ ਦੀਆਂ ਕੁਲ 17 ਅਤੇ 32 ਬੋਰ ਦੀਆਂ ਕੁਲ 258 ਗੋਲੀਆਂ ਬਰਾਮਦ ਹੋ ਚੁੱਕੀਆਂ ਹਨ। ਇਸ ਤੋਂ ਇਲਾਵਾ ਉਸ ਤੋਂ ਇਕ ਜਨਰੇਟਰ ਵੀ ਮਿਲਿਆ ਹੈ ਜੋ ਚੋਰੀ ਦਾ ਹੀ ਹੈ। ਥਾਣਾ ਇੰਚਾਰਜ ਕਮਲਜੀਤ ਸਿੰਘ ਨੇ ਕਿਹਾ ਕਿ ਇਸ ਵਾਰਦਾਤ 'ਚ ਮੁਲਜ਼ਮ ਇੰਦਰਜੀਤ ਸਿੰਘ ਦਾ ਸਾਥੀ ਸੁਖਜਿੰਦਰ ਸਿੰਘ ਉਰਫ ਸੋਢੀ ਨਿਵਾਸੀ ਜਗਪਾਲਪੁਰ ਵੀ ਸ਼ਾਮਲ ਸੀ ਜੋ ਅਜੇ ਫਰਾਰ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਉਸ ਨੂੰ ਜਲਦੀ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।
ਸ਼ਹੀਦ ਐਕਸਪ੍ਰੈੱਸ 'ਚੋਂ ਉਤਰੇ 31 ਨਗ ਜੀ. ਐੱਸ. ਟੀ. ਮੋਬਾਇਲ ਵਿੰਗ ਨੇ ਫੜਨੇ ਚਾਹੇ ਪਰ ਨਹੀਂ ਮਿਲੀ ਡਿਲਿਵਰੀ
NEXT STORY 
