ਜਲੰਧਰ- ਜਲੰਧਰ ਵਾਸੀਆਂ ਸਮੇਤ ਟਰੇਨ ਵਿਚ ਸਫ਼ਰ ਕਰਨ ਵਾਲਿਆਂ ਲਈ ਅਹਿਮ ਖ਼ਬਰ ਸਾਹਮਣੇ ਆਈ ਹੈ। ਜਲੰਧਰ ਕੈਂਟ ਸਟੇਸ਼ਨ ਦੇ ਸ਼ਾਨਦਾਰ ਕਾਇਆਕਲਪ ਤੋਂ ਬਾਅਦ ਹੁਣ ਜਲੰਧਰ ਸਿਟੀ ਰੇਲਵੇ ਸਟੇਸ਼ਨ ਨੂੰ ਵੀ ਵਰਲਡ ਕਲਾਸ ਬਣਾਉਣ ਦੀ ਦਿਸ਼ਾ ਵਿਚ ਭਾਰਤੀ ਰੇਲਵੇ ਨੇ ਪਹਿਲਾ ਵੱਡਾ ਕਦਮ ਵਧਾ ਦਿੱਤਾ ਹੈ। ਕਰੀਬ 93 ਕਰੋੜ ਰੁਪਏ ਦੀ ਲਾਗਤ ਨਾਲ ਤਿਆਰ ਹੋਣ ਵਾਲੇ ਇਸ ਰੀ-ਡਿਵੈਲਪਮੈਂਟ ਪ੍ਰਾਜੈਕਟ ਦਾ ਕੰਮ ਰੇਲਵੇ ਨੇ ਅਧਿਕਾਰਤ ਰੂਪ ਨਾਲ ਸ਼ੁਰੂ ਕਰ ਦਿੱਤਾ ਹੈ। ਹਾਲ ਹੀ ਵਿਚ ਪੀ. ਐੱਮ. ਮੋਦੀ ਨੇ ਐਲਾਨ ਕੀਤਾ ਸੀ ਕਿ ਸਿਟੀ ਸਟੇਸ਼ਨ ਦਾ ਕਾਇਆਕਲਪ ਵੀ ਜਲਦੀ ਹੀ ਕੀਤਾ ਜਾਵੇਗਾ। ਰੇਲਵੇ ਦੀਆਂ ਟੀਮਾਂ ਨੇ ਜ਼ਮੀਨ 'ਤੇ ਕੰਮ ਸੰਭਾਲ ਲਿਆ ਹੈ ਅਤੇ ਨਿਰਮਾਣ ਕੰਮ ਪੂਰੀ ਤੇਜ਼ੀ ਨਾਲ ਸ਼ੁਰੂ ਹੋ ਚੁੱਕਾ ਹੈ।
ਇਹ ਵੀ ਪੜ੍ਹੋ: ਪੰਜਾਬੀਆਂ ਦੇ ਅਚਾਨਕ ਖੜਕਣ ਲੱਗੇ ਫੋਨ! 8 ਜ਼ਿਲ੍ਹਿਆਂ ਲਈ ਵੱਡੀ ਚਿਤਾਵਨੀ, ਅਗਲੇ 3 ਘੰਟੇ ਬੇਹੱਦ ਅਹਿਮ
ਜ਼ਿਕਰਯੋਗ ਹੈ ਕਿ ਹਾਲ ਹੀ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਕਰੋੜਾਂ ਰੁਪਏ ਦੀ ਲਾਗਤ ਨਾਲ ਹਾਈਟੈੱਕ ਕੀਤੇ ਗਏ ਕੈਂਟ ਸਟੇਸ਼ਨ ਦਾ ਉਦਘਾਟਨ ਕਰਨ ਜਲੰਧਰ ਆਏ ਸਨ। ਰੇਲਵੇ ਸੂਤਰਾਂ ਮੁਤਾਬਕ ਪੂਰੇ ਪੁਨਰ ਵਿਕਾਸ ਪ੍ਰਾਜੈਕਟ ਨੂੰ ਦੋ ਸਾਲਾਂ ਦੀ ਸਮਾਂ ਸੀਮਾ ਦੇ ਅੰਦਰ ਪੂਰਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ।
ਇਸ ਕਾਇਆਕਲਪ ਮਗਰੋਂ ਸਟੇਸ਼ਨ 'ਚ ਨਾ ਸਿਰਫ਼ ਇਕ ਸ਼ਾਨਦਾਰ ਅਤੇ ਆਧੁਨਿਕ ਸਟੇਸ਼ਨ ਇਮਾਰਤ ਹੋਵੇਗੀ ਸਗੋਂ ਯਾਤਰੀਆਂ ਦੀ ਸਹੂਲਤ ਲਈ ਅੰਤਰਰਾਸ਼ਟਰੀ ਪੱਧਰ ਦੀਆਂ ਸਹੂਲਤਾਂ ਵੀ ਹੋਣਗੀਆਂ, ਜਿਵੇਂ ਕਿ ਇਕ ਵਿਸ਼ਾਲ ਏਅਰ ਕਾਨਕੋਰਸ, ਰਿਟੇਲ ਅਤੇ ਫੂਡ ਪਲਾਜ਼ਾ, ਵਾਈ-ਫਾਈ ਸੁਵਿਧਾ, ਆਧੁਨਿਕ ਟਾਇਲਟਸ ਅਤੇ ਵ੍ਹੀਲਚੇਅਰ ਫਰੈਂਡਲੀ ਰੈਂਪ ਵਰਗੀਆਂ ਕੌਮਾਂਤਰੀ ਪੱਧਰ ਦੀਆਂ ਸਹੂਲਤਾਂ ਵੀ ਮੌਜੂਦ ਹੋਣਗੀਆਂ। ਸਟੇਸ਼ਨ ਦਾ ਡਿਜ਼ਾਇਨ ਇਕੋ-ਫਰੈਂਡਲੀ ਹੋਵੇਗਾ, ਜਿਸ ਨਾਲ ਇਥੇ ਕੁਦਰਤੀ ਰੌਸ਼ਨੀ ਅਤੇ ਹਵਾਦਾਰੀ ਨੂੰ ਯਕੀਨੀ ਬਣਾਏਗਾ।
ਇਹ ਵੀ ਪੜ੍ਹੋ: ਜੰਮੂ-ਕਸ਼ਮੀਰ 'ਚ ਡਿਊਟੀ ਦੌਰਾਨ ਪੰਜਾਬ ਦਾ ਜਵਾਨ ਸ਼ਹੀਦ, ਨਵੰਬਰ 'ਚ ਹੋਣਾ ਸੀ ਵਿਆਹ
ਜਾਣੋ ਮਾਸਟਰ ਪਲਾਨ
ਰੇਲਵੇ ਅਧਿਕਾਰੀਆਂ ਅਤੇ ਜਾਣਕਾਰਾਂ ਮੁਤਾਬਕ ਪਹਿਲੇ ਫੇਜ਼ ਵਿਚ ਕਾਜ਼ੀ ਮੰਡੀ ਅਤੇ ਸੂਰਿਆ ਇਨਕਲੇਵ ਵੱਲੋਂ ਸਥਿਤ ਸੈਕਿੰਡ ਐਂਟਰੀ ਗੇਟ ਅਤੇ ਫਰੰਟ ਦੀਆਂ ਪੁਰਾਣੀਆਂ ਇਮਾਰਤਾਂ ਨੂੰ ਡਿਗਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਜੀ.ਆਰ.ਪੀ. ਥਾਣੇ ਦੇ ਕੋਲ ਵਾਲੇ ਹਿੱਸੇ ਵਿਚ ਭਾਰੀ ਮਸ਼ੀਨਰੀ ਅਤੇ ਸਟ੍ਰਕਚਰ ਤਿਆਰ ਕਰਨ ਵਾਲੀਆਂ ਵਿਸ਼ੇਸ਼ ਟੀਮਾਂ ਪਹੁੰਚ ਚੁੱਕੀਆਂ ਹਨ ਅਤੇ ਬੁਨਿਆਦੀ ਢਾਂਚਾ ਖੜ੍ਹਾ ਕਰਨ ਦੀ ਤਿਆਰੀ ਪੂਰੀ ਹੈ। ਯਾਤਰੀਆਂ ਨੂੰ ਆਉਣ-ਜਾਣ ਵਿਚ ਕਿਸੇ ਤਰ੍ਹਾਂ ਦੀ ਕੋਈ ਪਰੇਸ਼ਾਨੀ ਨਾ ਹੋਵੇ, ਇਸ ਦੇ ਲਈ ਐਂਟਰੀ ਗੇਟ ਨੂੰ ਅਜੇ ਨਹੀਂ ਤੋੜਿਆ ਜਾਵੇਗਾ। ਪਹਿਲਾਂ ਸੈਕਿੰਡ ਐਂਟਰੀ ਵੱਲ ਨਵੀਂ ਬਿਲਡਿੰਗ, ਰਸਤਾ ਅਤੇ ਬੁਨਿਆਦੀ ਢਾਂਚਾ ਤਿਆਰ ਕੀਤਾ ਜਾਵੇਗਾ। ਜਦੋਂ ਇਹ ਹਿੱਸਾ ਪੂਰੀ ਤਰ੍ਹਾਂ ਨਾਲ ਚਾਲੂ ਹੋ ਜਾਵੇਗਾ, ਉਸ ਦੇ ਬਾਅਦ ਹੀ ਐਂਟਰੀ ਗੇਟ ਤੋੜਿਆ ਜਾਵੇਗਾ ਤਾਂਕਿ ਟਰੇਨਾਂ ਦੀ ਆਵਾਜਾਈ ਅਤੇ ਯਾਤਰੀਆਂ ਦੀ ਆਵਾਜਾਈ ਪ੍ਰਭਾਵਿਤ ਨਾ ਹੋਵੇ।
ਇਹ ਵੀ ਪੜ੍ਹੋ: ਰਜਿਸਟਰੀਆਂ ਕਰਵਾਉਣ ਵਾਲੇ ਦੇਣ ਧਿਆਨ! ਤਕਨੀਕੀ ਬਦਲਾਅ ਕਾਰਨ ਝੱਲਣੀ ਪਵੇਗੀ ਨਵੀਂ ਮੁਸੀਬਤ
ਜਲੰਧਰ ਕੈਂਟ ਦੀ ਤਰਜ਼ 'ਤੇ ਮਿਲਣਗੀਆਂ ਏਅਰਪੋਰਟ ਵਰਗੀਆਂ ਆਧੁਨਿਕ ਸਹੂਲਤਾਂ
ਅੰਮ੍ਰਿਤ ਭਾਰਤ ਯੋਜਨਾ ਦੇ ਤਹਿਤ ਬਣਨ ਵਾਲੇ ਇਸ ਸਟੇਸ਼ਨ 'ਤੇ ਯਾਤਰੀਆਂ ਨੂੰ ਉਹੀ ਆਧੁਨਿਕ ਅਤੇ ਹਾਈਟੈੱਕ ਸਹੂਲਤਾਂ ਮਿਲਣਗੀਆਂ, ਜੋ ਹਾਲ ਹੀ ਵਿਚ ਜਲੰਧਰ ਕੈਂਟ ਸਟੇਸ਼ਨ 'ਤੇ ਸ਼ੁਰੂ ਕੀਤੀਆਂ ਗਈਆਂ ਹਨ। ਸਫ਼ਰ ਕਰਨ ਵਾਲੇ ਯਾਤਰੀਆਂ ਵਾਤਾਵਰਣ ਦੇ ਅਨੁਕੂਲ ਏ ਸੀ ਲਾਊਂਜ ਅਤੇ ਆਧੁਨਿਕ ਵੇਟਿੰਗ ਹਾਲ ਤਿਆਰ ਕੀਤੇ ਜਾ ਰਹੇ ਹਨ। ਬਜ਼ੁਰਗਾਂ, ਦਿਵਿਆਂਗਾਂ ਅਤੇ ਭਾਰੀ ਸਾਮਾਨ ਦੇ ਨਾਲ ਯਾਤਰਾ ਕਰਨ ਵਾਲੇ ਲੋਕਾਂ ਲਈ ਐਸਕੇਲੇਟਰ ਅਤੇ ਲਿਫ਼ਟ ਦੀ ਸਹੂਲਤ ਦਿੱਤੀ ਜਾਵੇਗੀ। ਇਸ ਦੇ ਇਲਾਵਾ ਟਿਕਟ ਦੀਆਂ ਲੰਬੀਆਂ ਲਾਈਨਾਂ ਨਾਲ ਮੁਕਤੀ ਦਿਵਾਉਣ ਲਈ ਵੱਖਰੇ ਤੌਰ 'ਤੇ ਆਧੁਨਿਕ ਟਿਕਟ ਕਾਊਂਟਰ ਤਿਆਰ ਕੀਤੇ ਜਾਣਗੇ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਆਬਕਾਰੀ ਵਿਭਾਗ ਦਾ ਸੀਨੀਅਰ ਸਹਾਇਕ ਗ੍ਰਿਫ਼ਤਾਰ, ਕਾਰਨਾਮਾ ਜਾਣ ਹੋਵੋਗੇ ਹੈਰਾਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
'ਬੱਚਿਆਂ ਦੇ ਮੋਢਿਆਂ 'ਤੇ ਰੱਖ ਕੇ ਬੰਦੂਕ ਨਾ ਚਲਾਓ', ਪੜ੍ਹੋ ਸੁਨੀਲ ਜਾਖੜ ਦਾ ਵੱਡਾ ਬਿਆਨ
NEXT STORY 
