ਜਲੰਧਰ— ਵਰਲਡ ਕੈਂਸਰ ਕੇਅਰ ਚੈਰੀਟੇਬਲ ਸੋਸਾਇਟੀ ਦੇ ਕੁਲਵੰਤ ਸਿੰਘ ਧਾਰੀਵਾਲ ਨੇ ਕਿਹਾ ਕਿ ਪੰਜਾਬ ਇਕ ਵਾਰ ਫਿਰ ਅੱਤਵਾਦ ਵਾਂਗ ਕੈਂਸਰ ਦਾ ਸੰਤਾਪ ਝੱਲ ਰਿਹਾ ਹੈ। ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਸਬੰਧੀ 500 ਲੰਗਰ ਲਾਏ ਗਏ ਪਰ ਕਿਸੇ ਇਕ ਨੇ ਵੀ ਦਵਾਈ ਦਾ ਲੰਗਰ ਨਹੀਂ ਲਾਇਆ। ਅੱਜ ਲੋੜ ਹੈ ਕਿ ਅਸੀਂ ਗੁਰੂ ਨਾਨਕ ਦੇਵ ਜੀ ਦੀਆਂ ਉਨ੍ਹਾਂ ਸਿੱਖਿਆਵਾਂ 'ਤੇ ਚੱਲੀਏ, ਜਿਨ੍ਹਾਂ ਤੋਂ ਅਸੀਂ ਦੂਰ ਚਲੇ ਗਏ ਹਾਂ। ਧਾਲੀਵਾਲ ਪੰਜਾਬ ਕੇਸਰੀ ਗਰੁੱਪ ਵੱਲੋਂ ਬੀਤੇ ਦਿਨ ਕਰਵਾਏ ਗਏ 116ਵੇਂ ਸ਼ਹੀਦ ਪਰਿਵਾਰ ਫੰਡ ਸਮਾਰੋਹ ਨੂੰ ਸੰਬੋਧਨ ਕਰ ਰਹੇ ਸਨ। ਸਾਨੂੰ ਰਾਤ ਨੂੰ ਸੌਣ ਤੋਂ ਪਹਿਲਾਂ ਪੂਰੇ ਦਿਨ 'ਚ ਕੀਤੇ ਕੰਮਾਂ ਦਾ ਹਿਸਾਬ ਕਰਨਾ ਚਾਹੀਦਾ ਹੈ। ਅੱਜ 95 ਫੀਸਦੀ ਦਾਨ ਧਰਮ ਅਸਥਾਨਾਂ ਨੂੰ ਕਰਦੇ ਹਾਂ, ਦੂਜੇ ਸਾਰੇ ਕੰਮ ਧੂਮਧਾਮ ਨਾਲ ਕਰਦੇ ਹਾਂ, ਜਿਸ ਕਾਰਨ ਪੰਜਾਬ ਕੈਂਸਰ ਦੀ ਰਾਜਧਾਨੀ ਬਣ ਚੁੱਕਾ ਹੈ। ਕੋਈ ਹਸਪਤਾਲ ਨੂੰ ਦਾਨ ਨਹੀਂ ਦਿੰਦਾ। ਅੱਜ ਦਾਨ ਦੇਣ ਦੀ ਦਿਸ਼ਾ ਨੂੰ ਬਦਲਣਾ ਜ਼ਰੂਰੀ ਹੈ।
ਧਾਰੀਵਾਲ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਵਰਲਡ ਕੈਂਸਰ ਸੋਸਾਇਟੀ ਦੀਆਂ 9 ਬੱਸਾਂ ਨੂੰ ਰਵਾਨਾ ਕੀਤਾ। ਸੋਸਾਇਟੀ ਨੇ ਪੰਜਾਬ ਦੇ 12788 ਪਿੰਡਾਂ 'ਚੋਂ 9000 ਪਿੰਡਾਂ ਦੇ ਲੋਕਾਂ ਦਾ ਚੈੱਕਅਪ ਸੜਕਾਂ 'ਤੇ ਹੀ ਕਰ ਦਿੱਤਾ। ਬੱਸਾਂ 'ਚ ਹੀ 7 ਵੱਡੀਆਂ ਬੀਮਾਰੀਆਂ ਦਾ ਚੈੱਕਅਪ ਕੀਤਾ ਗਿਆ। ਮੈਂ ਦਵਾਈਆਂ ਦਾ ਲੰਗਰ ਲਾਇਆ ਨਾ ਕਿ ਜਲੇਬੀਆਂ ਦਾ। ਇਥੇ ਨੇਤਾ ਸੜਕਾਂ, ਫੰਡ, ਇਥੋਂ ਤੱਕ ਗਰੀਬਾਂ ਦੀਆਂ ਦਵਾਈਆਂ ਤੱਕ ਖਾਂ ਜਾਂਦੇ ਹਨ। ਗੁਰੂ ਦਾ ਮੂੰਹ ਗੁਰੂ ਦੀ ਗੋਲਕ ਹੁੰਦਾ ਹੈ। ਗਰੀਬਾਂ ਦਾ ਟੁਕੜਾ ਖਾ ਕੇ ਲੰਗਰ ਲੱਗਦੇ ਹਨ। ਉਨ੍ਹਾਂ ਕਿਹਾ ਕਿ ਕੈਂਸਰ ਦਾ ਇਲਾਜ ਹੈ, ਜੇਕਰ ਇਸ ਨੂੰ ਪਹਿਲੀ ਸਟੇਜ਼ 'ਤੇ ਫੜ੍ਹ ਲਿਆ ਜਾਵੇ। ਸੋਸਾਇਟੀ ਨੇ ਦੋ ਸੈਂਟਰ 1 ਜਲੰਧਰ ਅਤੇ ਇਕ ਮਾਲਵਾ ਨੂੰ ਦਿੱਤਾ ਅਤੇ ਆਉਣ ਵਾਲੇ ਸਮੇਂ 'ਚ ਦੋ ਹੋਰ ਸੈਂਟਰ ਬਣਾਏ ਜਾਣਗੇ। ਉਨ੍ਹਾਂ ਕਿਹਾ ਕਿ ਸਬਜ਼ੀਆਂ ਨੂੰ ਟੀਕੇ ਲਾਉਣੇ ਬੰਦ ਕਰੋ, ਮਿਲਾਵਟੀ ਦੁੱਧ 'ਤੇ ਰੋਕ ਲਾਓ , ਆਖਿਰ ਕਦੋਂ ਤੱਕ ਬੱਚਿਆਂ ਨੂੰ ਮਾਰਦੇ ਰਹੋਗੇ। ਉਨ੍ਹਾਂ ਕਿਹਾ ਕਿ ਜੇ ਮੈਂ ਮਰ ਵੀ ਜਾਵਾਂ ਪਰ ਦਵਾਈਆਂ ਦੇ ਲੰਗਰ ਇੰਝ ਹੀ ਲੱਗਦੇ ਰਹਿਣਗੇ।
ਸੁਪਰੀਮ ਕੋਰਟ ਦੇ ਫੈਸਲੇ ਨੇ ਸਾਬਿਤ ਕੀਤਾ ਕਿ ਸਾਰੇ ਧਰਮਾਂ ਤੋਂ ਉੱਪਰ ਹੈ ਦੇਸ਼ ਦਾ ਕਾਨੂੰਨ : ਪਾਸਲਾ
ਸਮਾਗਮ 'ਚ ਸ਼ਿਰਕਤ ਕਰਨ ਆਏ ਕਾਮਰੇਡ ਮੰਗਤ ਰਾਮ ਪਾਸਲਾ ਨੇ ਕਿਹਾ ਕਿ ਅੱਤਵਾਦ ਦੇ ਕਿਸ ਦੌਰ ਤੋਂ ਪੰਜਾਬ ਦੇ ਲੋਕ ਨਿਕਲੇ ਹਨ, ਉਸ ਦੀ ਗਵਾਹੀ ਹਿੰਦ ਸਮਾਚਾਰ ਗਰੁੱਪ ਦਾ ਇਹ ਸਾਂਝਾ ਮੰਚ ਭਰਦਾ ਹੈ, ਜਿਸ ਨੇ ਪੰਜਾਬ 'ਚ ਅਮਨ ਅਤੇ ਸ਼ਾਂਤੀ ਲਿਆਉਣ 'ਚ ਸਭ ਤੋਂ ਵੱਡਾ ਯੋਗਦਾਨ ਪਾਇਆ। ਜਦੋਂ ਅਸੀਂ ਇੱਥੇ ਆਉਣ ਲਈ ਘਰੋਂ ਨਿਕਲਦੇ ਸੀ, ਉਦੋਂ ਘਰ ਵਾਲਿਆਂ ਨੂੰ ਕਹਿ ਕੇ ਆਉਂਦੇ ਸੀ ਕਿ ਸ਼ਾਇਦ ਵਾਪਸ ਨਾ ਮੁੜੀਏ। ਪੰਜਾਬ ਦਾ ਅਮਨ ਇਕ ਦਿਨ 'ਚ ਪੈਦਾ ਨਹੀਂ ਹੋਇਆ ਅਤੇ ਨਾ ਹੀ ਕਿਸੇ ਇਕ ਵਿਅਕਤੀ ਨੇ ਪੈਦਾ ਕੀਤਾ ਹੈ। ਪੰਜਾਬ ਦੇ ਸ਼ਹੀਦਾਂ ਅਤੇ ਲੋਕਾਂ ਨੇ ਅਮਨ ਚੈਨ ਲਿਆਉਣ 'ਚ ਆਪਣਾ ਹਿੱਸਾ ਪਾਇਆ ਹੈ। ਇਕ ਧਰਮ ਲਈ ਕਿਸੇ ਦੂਜੇ ਨੂੰ ਮਾਰਨਾ ਅਤੇ ਨਿੰਦਾ ਨਾ ਕਰਨ ਦੀ ਆਵਾਜ਼ ਇਸੇ ਮੰਚ ਤੋਂ ਉੱਠੀ ਸੀ। ਪਾਸਲਾ ਨੇ ਕਿਹਾ ਕਿ ਆਜ਼ਾਦੀ ਦੀ ਲੜਾਈ ਦੌਰਾਨ ਜਲਿਆਂਵਾਲਾ ਬਾਗ 'ਚ ਗੋਲੀਆਂ ਦਾ ਸਾਹਮਣਾ ਕਰਨ ਦੌਰਾਨ ਅਜਿਹੀ ਸ਼ਿਕਾਇਤ ਨਹੀਂ ਮਿਲੀ ਕਿ ਕਿਸੇ ਮੁਸਲਮਾਨ ਸਿੱਖ ਅਤੇ ਹਿੰਦੂ ਨੇ ਦੂਜੇ ਨੂੰ ਧੱਕਾ ਮਾਰ ਕੇ ਅੱਗੇ ਨਿਕਲਣ ਦੀ ਕੋਸ਼ਿਸ਼ ਕੀਤੀ ਹੋਵੇ ਤਾਂ ਕਿ ਉਹ ਬਚ ਜਾਵੇ ਅਤੇ ਦੂਜਾ ਮਾਰਿਆ ਜਾਵੇ।
ਪਾਸਲਾ ਨੇ ਕਿਹਾ ਕਿ ਦੇਸ਼ ਦੀ ਆਜ਼ਾਦੀ ਤੋਂ ਬਾਅਦ ਸਾਰੇ ਧਰਮਾਂ ਦੇ ਲੋਕਾਂ ਨੇ ਧਰਮ ਨਿਰਪੱਖਤਾ, ਜਮਹੂਰੀਅਤ, ਇਕ ਦੂਜੇ ਨੂੰ ਗੱਲਬਾਤ ਕਰਨ ਲਈ ਤਿੰਨ ਵੱਡੇ ਸਤੰਭ ਖੜ੍ਹੇ ਕੀਤੇ ਅਤੇ ਇਹ ਤਿੰਨਾਂ ਸਤੰਭਾਂ 'ਤੇ ਅੱਤਵਾਦੀਆਂ ਨੇ ਹਮਲੇ ਕੀਤੇ। ਇਸ ਮੰਚ ਤੋਂ ਆਵਾਜ਼ ਉਠੀ ਸੀ ਕਿ ਭਗਤ ਸਿੰਘ, ਰਾਜਗੁਰੂ ਅਤੇ ਸੁਖਦੇਵ ਦੇ ਦੇਸ਼ ਨੂੰ ਕੋਈ ਵੰਡ ਨਹੀਂ ਸਕੇਗਾ। ਸੁਪਰੀਮ ਕੋਰਟ ਦੇ ਫੈਸਲੇ ਨੇ ਸਾਬਤ ਕੀਤਾ ਕਿ ਸਾਰੇ ਧਰਮਾਂ ਤੋਂ ਉਪਰ ਦੇਸ਼ ਦਾ ਕਾਨੂੰਨ ਹੈ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਨਾਲ ਸਾਡੇ ਸਬੰਧ ਚੰਗੇ ਨਹੀਂ ਹਨ। ਪਾਕਿ ਫੌਜ ਇੱਥੇ ਅੱਤਵਾਦ ਭੇਜਦੀ ਹੈ, ਗੋਲੀਆਂ ਚਲਾਉਂਦੀ ਹੈ, ਸਾਡੇ ਲੋਕ ਸ਼ਹੀਦ ਹੁੰਦੇ ਹਨ ਪਰ ਇੰਨੇ ਤਣਾਅ ਦੇ ਬਾਵਜੂਦ ਦੋਹਾਂ ਦੇਸ਼ਾਂ ਦਾ ਆਪਸੀ ਭਾਈਚਾਰਾ ਅਤੇ ਸਹਿਯੋਗ ਅਮਰ ਰਹਿ ਸਕਦਾ ਹੈ।
ਇਹ ਕਰਤਾਰਪੁਰ ਦੇ ਕੋਰੀਡੋਰ ਨੇ ਸਾਬਤ ਕੀਤਾ ਹੈ। ਖੇਡਾਂ ਨਹੀਂ ਹੋਣਗੀਆਂ, ਜੰਗ ਲਗ ਸਕਦੀ ਹੈ, ਇਹ ਛੋਟੀ ਸੋਚ ਹੈ। ਸਾਨੂੰ ਅਮਨ ਚਾਹੀਦਾ ਪਰ ਦੇਸ਼ ਦੀ ਏਕਤਾ ਅਤੇ ਅਖੰਡਤਾ ਦੇ ਬਦਲੇ 'ਚ ਨਹੀਂ। ਜਦ ਲੋੜ ਪਵੇਗੀ ਲੋਕ ਆਪਣੀ ਜਾਨ ਦੀ ਪ੍ਰਵਾਹ ਨਹੀਂ ਕਰਨਗੇ। ਕੋਰੀਡੋਰ ਦਾ ਖੁੱਲ੍ਹਣਾ ਦੱਸਦਾ ਹੈ ਕਿ ਪਾਕਿ ਦੀਆਂ ਹਕੂਮਤਾਂ ਚਾਹੇ ਜੋ ਵੀ ਕਰਨ ਪਰ ਦੋਵਾਂ ਦੇਸ਼ਾਂ ਦੇ ਲੋਕ ਆਪਸੀ ਭਾਈਚਾਰਾ ਅਤੇ ਸਾਂਝ ਚਾਹੁੰਦੇ ਹਨ। ਹਕੂਮਤਾਂ ਕੁਝ ਵੀ ਕਹਿਣ ਭਾਰਤ-ਪਾਕਿ ਦੇ ਸਬੰਧ ਚੰਗੇ ਰਹਿ ਸਕਦੇ ਹਨ।
ਸੁਲਤਾਨਪੁਰ ਲੋਧੀ 'ਚ ਲੱਗੀਆਂ ਰੌਣਕਾਂ, ਸਜਾਇਆ ਗਿਆ ਅਲੌਕਿਕ ਨਗਰ ਕੀਰਤਨ (ਤਸਵੀਰਾਂ)
NEXT STORY 
