ਮੁੰਬਈ (ਏਜੰਸੀ)- ਆਪਣੀ ਦਮਦਾਰ ਅਦਾਕਾਰੀ ਅਤੇ ਵਿਲੱਖਣ ਆਵਾਜ਼ ਨਾਲ ਦਰਸ਼ਕਾਂ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੇ ਮਹਾਨ ਅਦਾਕਾਰ ਓਮ ਪੁਰੀ ਦੀ ਅੱਜ ਬਰਸੀ ਹੈ। 6 ਜਨਵਰੀ 2017 ਨੂੰ ਇਸ ਫ਼ਾਨੀ ਦੁਨੀਆ ਨੂੰ ਅਲਵਿਦਾ ਕਹਿਣ ਵਾਲੇ ਓਮ ਪੁਰੀ ਨੇ ਆਪਣੇ 4 ਦਹਾਕਿਆਂ ਦੇ ਕਰੀਅਰ ਵਿੱਚ ਲਗਭਗ 200 ਫਿਲਮਾਂ ਵਿੱਚ ਕੰਮ ਕੀਤਾ। ਪਰ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਅਦਾਕਾਰੀ ਦੀ ਦੁਨੀਆ ਦਾ ਇਹ ਚਮਕਦਾ ਸਿਤਾਰਾ ਕਦੇ ਰੇਲਵੇ ਡਰਾਈਵਰ ਬਣਨ ਦੇ ਸੁਪਨੇ ਵੇਖਦਾ ਸੀ।
ਇਹ ਵੀ ਪੜ੍ਹੋ: ਕੈਂਸਰ ਨਾਲ ਜੂਝ ਰਹੀ ਹਿਨਾ ਖਾਨ ਦੀ ਵਿਗੜੀ ਸਿਹਤ, ਸਾਹ ਲੈਣ 'ਚ ਹੋ ਰਹੀ ਤਕਲੀਫ
ਬਚਪਨ ਦੇ ਕਸ਼ਟ ਅਤੇ ਰੇਲਵੇ ਨਾਲ ਲਗਾਅ
18 ਅਕਤੂਬਰ 1950 ਨੂੰ ਅੰਬਾਲਾ (ਹਰਿਆਣਾ) ਵਿੱਚ ਜਨਮੇ ਓਮ ਪੁਰੀ ਦਾ ਬਚਪਨ ਬਹੁਤ ਗਰੀਬੀ ਵਿੱਚ ਗੁਜ਼ਰਿਆ। ਪਰਿਵਾਰ ਦੀਆਂ ਲੋੜਾਂ ਪੂਰੀਆਂ ਕਰਨ ਲਈ ਉਨ੍ਹਾਂ ਨੂੰ ਇੱਕ ਢਾਬੇ 'ਤੇ ਨੌਕਰੀ ਵੀ ਕਰਨੀ ਪਈ, ਪਰ ਮਾਲਕ ਨੇ ਉਨ੍ਹਾਂ 'ਤੇ ਚੋਰੀ ਦਾ ਝੂਠਾ ਇਲਜ਼ਾਮ ਲਗਾ ਕੇ ਕੱਢ ਦਿੱਤਾ। ਬਚਪਨ ਵਿੱਚ ਉਹ ਅਕਸਰ ਘਰੋਂ ਭੱਜ ਕੇ ਰੇਲਵੇ ਯਾਰਡ ਵਿੱਚ ਖੜ੍ਹੀਆਂ ਟ੍ਰੇਨਾਂ ਵਿੱਚ ਸੌਂ ਜਾਂਦੇ ਸਨ, ਜਿਸ ਕਾਰਨ ਉਨ੍ਹਾਂ ਦਾ ਟ੍ਰੇਨਾਂ ਪ੍ਰਤੀ ਇੰਨਾ ਲਗਾਅ ਵਧ ਗਿਆ ਕਿ ਉਹ ਵੱਡੇ ਹੋ ਕੇ ਰੇਲਵੇ ਡਰਾਈਵਰ ਬਣਨਾ ਚਾਹੁੰਦੇ ਸਨ।
ਇਹ ਵੀ ਪੜ੍ਹੋ: 'ਦਿ ਕੇਰਲਾ ਸਟੋਰੀ-2' ਦੀ ਰਿਲੀਜ਼ ਡੇਟ ਆਈ ਸਾਹਮਣੇ ! ਇਸ ਦਿਨ ਸਿਨੇਮਾਘਰਾਂ 'ਚ ਦੇਵੇਗੀ ਦਸਤਕ
ਪਟਿਆਲਾ ਤੇ ਖਾਲਸਾ ਕਾਲਜ ਨਾਲ ਰਿਸ਼ਤਾ
ਓਮ ਪੁਰੀ ਨੇ ਆਪਣੀ ਮੁੱਢਲੀ ਸਿੱਖਿਆ ਪੰਜਾਬ ਦੇ ਪਟਿਆਲਾ ਵਿੱਚ ਆਪਣੇ ਨਾਨਕੇ ਘਰ ਰਹਿ ਕੇ ਪੂਰੀ ਕੀਤੀ। ਇੱਥੇ ਹੀ ਉਨ੍ਹਾਂ ਦਾ ਰੁਝਾਨ ਨਾਟਕਾਂ ਵੱਲ ਵਧਿਆ। ਜਦੋਂ ਉਹ ਖਾਲਸਾ ਕਾਲਜ ਵਿੱਚ ਪੜ੍ਹਦੇ ਸਨ, ਤਾਂ ਉਹ ਇੱਕ ਵਕੀਲ ਕੋਲ ਮੁਨਸ਼ੀ ਦਾ ਕੰਮ ਕਰਦੇ ਸਨ, ਪਰ ਨਾਟਕ ਵਿੱਚ ਹਿੱਸਾ ਲੈਣ ਕਾਰਨ ਉਨ੍ਹਾਂ ਨੂੰ ਨੌਕਰੀ ਤੋਂ ਹਟਾ ਦਿੱਤਾ ਗਿਆ। ਇਸ ਤੋਂ ਬਾਅਦ ਕਾਲਜ ਦੇ ਪ੍ਰਿੰਸੀਪਲ ਨੇ ਉਨ੍ਹਾਂ ਦੀ ਮਦਦ ਕੀਤੀ ਅਤੇ ਉਨ੍ਹਾਂ ਨੂੰ ਕੈਮਿਸਟਰੀ ਲੈਬ ਵਿੱਚ ਸਹਾਇਕ ਦੀ ਨੌਕਰੀ ਦਿੱਤੀ। ਇੱਥੇ ਹੀ ਉਨ੍ਹਾਂ ਦੀ ਮੁਲਾਕਾਤ ਹਰਪਾਲ ਅਤੇ ਨੀਨਾ ਤਿਵਾਣਾ ਨਾਲ ਹੋਈ, ਜਿਨ੍ਹਾਂ ਰਾਹੀਂ ਉਹ 'ਪੰਜਾਬ ਕਲਾ ਮੰਚ' ਨਾਲ ਜੁੜੇ।
ਇਹ ਵੀ ਪੜ੍ਹੋ: ‘ਨੋਰਾ ਫਤੇਹੀ ਤੁਹਾਡੀ ਕੀ ਲੱਗਦੀ...?’; ਫੇਰਿਆਂ ਵਿਚਾਲੇ ਜਦੋਂ ਅਚਾਨਕ ਪੰਡਿਤ ਨੇ ਲਾੜੇ ਨੂੰ ਪੁੱਛ ਲਿਆ ਇਹ ਸਵਾਲ
ਸੰਘਰਸ਼ ਤੋਂ ਸਫਲਤਾ ਤੱਕ
ਦਿੱਲੀ ਦੇ ਨੈਸ਼ਨਲ ਸਕੂਲ ਆਫ ਡਰਾਮਾ (NSD) ਅਤੇ ਪੁਣੇ ਫਿਲਮ ਇੰਸਟੀਚਿਊਟ (FTII) ਤੋਂ ਸਿਖਲਾਈ ਲੈਣ ਤੋਂ ਬਾਅਦ ਉਨ੍ਹਾਂ ਨੇ 1976 ਵਿੱਚ ਫਿਲਮ 'ਘਾਸੀਰਾਮ ਕੋਤਵਾਲ' ਨਾਲ ਆਪਣੇ ਸਫਰ ਦੀ ਸ਼ੁਰੂਆਤ ਕੀਤੀ। ਸਾਲ 1980 ਵਿੱਚ ਆਈ ਫਿਲਮ 'ਆਕ੍ਰੋਸ਼' ਉਨ੍ਹਾਂ ਦੇ ਕਰੀਅਰ ਦੀ ਪਹਿਲੀ ਹਿੱਟ ਸਾਬਤ ਹੋਈ, ਜਿਸ ਲਈ ਉਨ੍ਹਾਂ ਨੂੰ ਫਿਲਮਫੇਅਰ ਐਵਾਰਡ ਮਿਲਿਆ। ਇਸ ਤੋਂ ਬਾਅਦ 1983 ਵਿੱਚ ਫਿਲਮ 'ਅਰਧ ਸੱਤਿਆ' ਵਿੱਚ ਇੱਕ ਪੁਲਸ ਇੰਸਪੈਕਟਰ ਦੀ ਭੂਮਿਕਾ ਲਈ ਉਨ੍ਹਾਂ ਨੂੰ ਨੈਸ਼ਨਲ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ।
ਇਹ ਵੀ ਪੜ੍ਹੋ: B'day Spl; ਪਿੰਡ ਦੋਸਾਂਝ ਕਲਾਂ ਤੋਂ ਨਿਕਲ ਕੇ ਦੁਸਾਂਝਾਂਵਾਲਾ ਕਿਵੇਂ ਬਣਿਆ 'ਗਲੋਬਲ ਸਟਾਰ', ਜਾਣੋ ਦਿਲਚਸਪ ਸਫ਼ਰ
ਹਾਲੀਵੁੱਡ ਵਿੱਚ ਵੀ ਗੱਡੇ ਝੰਡੇ
ਓਮ ਪੁਰੀ ਨੇ ਨਾ ਸਿਰਫ਼ ਹਿੰਦੀ ਅਤੇ ਪੰਜਾਬੀ ਫਿਲਮਾਂ ਵਿੱਚ ਨਾਮ ਕਮਾਇਆ, ਸਗੋਂ ਉਹ ਇੱਕ ਅੰਤਰਰਾਸ਼ਟਰੀ ਕਲਾਕਾਰ ਵਜੋਂ ਵੀ ਉੱਭਰੇ। ਉਨ੍ਹਾਂ ਨੇ 'ਈਸਟ ਇਜ਼ ਈਸਟ', 'ਸਿਟੀ ਆਫ ਜੁਆਏ' ਅਤੇ 'ਵੋਲਫ' ਵਰਗੀਆਂ ਕਈ ਚਰਚਿਤ ਹਾਲੀਵੁੱਡ ਫਿਲਮਾਂ ਵਿੱਚ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਇਆ। ਭਾਰਤੀ ਸਿਨੇਮਾ ਵਿੱਚ ਉਨ੍ਹਾਂ ਦੇ ਵੱਡਮੁੱਲੇ ਯੋਗਦਾਨ ਲਈ 1990 ਵਿੱਚ ਉਨ੍ਹਾਂ ਨੂੰ 'ਪਦਮ ਸ਼੍ਰੀ' ਨਾਲ ਨਿਵਾਜਿਆ ਗਿਆ।
ਇਹ ਵੀ ਪੜ੍ਹੋ: ਮਨੋਰੰਜਨ ਜਗਤ 'ਚ ਪਸਰਿਆ ਮਾਤਮ; 1000 ਫਿਲਮਾਂ 'ਚ ਕੰਮ ਕਰ ਚੁੱਕੇ ਇਸ ਦਿੱਗਜ ਅਦਾਕਾਰ ਨੇ ਛੱਡੀ ਦੁਨੀਆ
ਲਵ ਫਿਲਮਜ਼ ਨੇ 'ਵਧ 2' ਦਾ ਨਵਾਂ ਪੋਸਟਰ ਕੀਤਾ ਰਿਲੀਜ਼
NEXT STORY 
