ਮੁੰਬਈ (ਏਜੰਸੀ) - ਅਦਾਕਾਰ ਅਤੇ ਨਿਰਮਾਤਾ ਅਰਬਾਜ਼ ਖਾਨ ਅਤੇ ਉਨ੍ਹਾਂ ਦੀ ਪਤਨੀ ਸ਼ੂਰਾ ਖਾਨ ਨੇ ਬੁੱਧਵਾਰ ਨੂੰ ਆਪਣੀ ਨਵਜੰਮੀ ਧੀ, ਸਿਪਾਰਾ ਖਾਨ ਦੀ ਪਹਿਲੀ ਝਲਕ ਦਿਖਾਈ। ਇਸ ਜੋੜੇ ਨੇ 5 ਅਕਤੂਬਰ ਨੂੰ ਆਪਣੀ ਬੇਟੀ ਦਾ ਸਵਾਗਤ ਕੀਤਾ ਸੀ। ਉਨ੍ਹਾਂ ਨੇ ਇੱਕ ਦਿਲ ਨੂੰ ਛੂਹਣ ਵਾਲੀ ਤਸਵੀਰ ਸਾਂਝੀ ਕੀਤੀ ਜਿਸ ਵਿੱਚ ਬੱਚੀ ਦੇ ਛੋਟੇ ਪੈਰਾਂ ਅਤੇ ਹੱਥਾਂ ਨੂੰ ਕੈਪਚਰ ਕੀਤਾ ਗਿਆ ਹੈ। ਨਵੇਂ ਮਾਪਿਆਂ ਨੇ ਤਸਵੀਰਾਂ ਦੇ ਨਾਲ ਲਿਖਿਆ, “The tiniest hands and feet, but the biggest part of our heart #sipaarakhan”।
ਪਹਿਲੀ ਤਸਵੀਰ ਵਿੱਚ, ਅਰਬਾਜ਼ ਅਤੇ ਸ਼ੂਰਾ ਆਪਣੀ ਬੇਟੀ ਦੇ ਛੋਟੇ ਪੈਰਾਂ ਨੂੰ ਪਿਆਰ ਨਾਲ ਫੜਦੇ ਹੋਏ ਦਿਖਾਈ ਦਿੰਦੇ ਹਨ। ਅਗਲੀ ਤਸਵੀਰ ਵਿੱਚ, ਛੋਟੀ ਬੱਚੀ ਆਪਣੇ ਪਿਤਾ ਦਾ ਅੰਗੂਠਾ ਫੜੀ ਹੋਈ ਨਜ਼ਰ ਆ ਰਹੀ ਹੈ। ਜੋੜੇ ਨੇ 8 ਅਕਤੂਬਰ ਨੂੰ ਇੱਕ ਸਾਂਝੀ ਪੋਸਟ ਵਿੱਚ ਆਪਣੀ ਧੀ ਦੇ ਨਾਮ ਦਾ ਖੁਲਾਸਾ ਕੀਤਾ ਸੀ। ਨਾਮ ਦਾ ਐਲਾਨ ਕਰਦਿਆਂ ਉਨ੍ਹਾਂ ਨੇ ਇੱਕ ਨੋਟ ਸਾਂਝਾ ਕੀਤਾ ਸੀ, ਜਿਸ ਵਿੱਚ ਲਿਖਿਆ ਸੀ: “Welcome baby girl Sipaara Khan. With love Shura and Arbaaz.”।
ਇਹ ਵੀ ਪੜ੍ਹੋ: 'ਵੀਰਾਨਾ' ਦੀ ਖੂਬਸੂਰਤ ਭੂਤਨੀ ਜੈਸਮੀਨ, ਇੰਡਸਟਰੀ 'ਚੋਂ ਅਚਾਨਕ ਹੋ ਗਈ ਗਾਇਬ, 37 ਸਾਲਾਂ ਤੋਂ ਹੈ ਗੁੰਮਨਾਮ
ਅਰਬਾਜ਼ ਅਤੇ ਸ਼ੂਰਾ ਨੇ 24 ਦਸੰਬਰ 2023 ਨੂੰ ਅਰਪਿਤਾ ਖਾਨ ਸ਼ਰਮਾ ਦੇ ਮੁੰਬਈ ਸਥਿਤ ਘਰ ਵਿੱਚ ਇੱਕ ਨਿੱਜੀ ਨਿਕਾਹ ਸਮਾਰੋਹ ਵਿੱਚ ਵਿਆਹ ਕਰਵਾਇਆ ਸੀ। ਦੱਸ ਦੇਈਏ ਕਿ ਅਰਬਾਜ਼ ਨੇ ਲਗਭਗ 22 ਸਾਲਾਂ ਬਾਅਦ ਦੁਬਾਰਾ ਪਿਤਾ ਬਣੇ ਹਨ। ਉਹ ਆਪਣੀ ਸਾਬਕਾ ਪਤਨੀ ਮਲਾਇਕਾ ਅਰੋੜਾ ਨਾਲ ਪਿਛਲੇ ਵਿਆਹ ਤੋਂ 22 ਸਾਲ ਦੇ ਪੁੱਤਰ ਅਰਹਾਨ ਖਾਨ ਦੇ ਪਿਤਾ ਹਨ।
ਇਹ ਵੀ ਪੜ੍ਹੋ: ਈਰਾਨ ਦਾ ਭਾਰਤ ਨੂੰ ਵੱਡਾ ਝਟਕਾ ! ਖਤਮ ਕਰ'ਤੀ ਇਹ 'ਖ਼ਾਸ' ਸਹੂਲਤ, 22 ਨਵੰਬਰ ਤੋਂ ਬਾਅਦ...
ਇੰਟਰਵਿਊ 'ਚ ਧਰਮਿੰਦਰ ਨੇ ਕਹੀ ਅਜਿਹੀ ਗੱਲ ਕਿ ਸੁਣ ਸ਼ਰਮਾ ਗਏ ਬੌਬੀ ਦਿਓਲ ! 8 ਸਾਲ ਪੁਰਾਣੀ ਵੀਡੀਓ ਮੁੜ ਵਾਇਰਲ
NEXT STORY 
