ਮੁੰਬਈ (ਬਿਊਰੋ) - ਬਾਲੀਵੁੱਡ ਦੀ ਮਸ਼ਹੂਰ ਦੀਪਿਕਾ ਪਾਦੁਕੋਣ ਨੂੰ ਸੋਮਵਾਰ ਦੇਰ ਰਾਤ ਅਚਾਨਕ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਸੀ। ਅਦਾਕਾਰਾ ਨੂੰ ਘਬਰਾਹਟ ਦੀ ਸ਼ਿਕਾਇਤ ਤੋਂ ਬਾਅਦ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਹੁਣ ਉਨ੍ਹਾਂ ਦੀ ਹਾਲਤ 'ਚ ਸੁਧਾਰ ਦੱਸਿਆ ਗਿਆ ਹੈ। ਦੀਪਿਕਾ ਪਾਦੂਕੋਣ ਹੁਣ ਬਿਹਤਰ ਮਹਿਸੂਸ ਕਰ ਰਹੀ ਹੈ ਪਰ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਦੀਪਿਕਾ ਦੀ ਸਿਹਤ ਵਿਗੜੀ ਹੋਵੇ। ਇਸ ਤੋਂ ਪਹਿਲਾਂ ਵੀ ਉਨ੍ਹਾਂ ਨੂੰ ਅਚਾਨਕ ਬੇਚੈਨੀ ਦੀ ਸ਼ਿਕਾਇਤ ਤੋਂ ਬਾਅਦ ਹਸਪਤਾਲ ਲਿਜਾਇਆ ਗਿਆ ਸੀ ਪਰ ਸਵਾਲ ਇਹ ਉੱਠਦਾ ਹੈ ਕਿ ਦੀਪਿਕਾ ਨਾਲ ਵਾਰ-ਵਾਰ ਅਜਿਹਾ ਕਿਉਂ ਹੁੰਦਾ ਹੈ। ਆਖਿਰ ਸਭ ਦੀ ਚਹੇਤੀ ਦੀਪਿਕਾ ਨੂੰ ਕੀ ਬੀਮਾਰੀ ਹੈ? ਆਪਣੀ ਇਸ ਰਿਪੋਰਟ 'ਚ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਦੀਪਿਕਾ ਪਾਦੂਕੋਣ ਕਿਸ ਬੀਮਾਰੀ ਤੋਂ ਪੀੜਤ ਹੈ।
ਇਸ ਬੀਮਾਰੀ ਤੋਂ ਪੀੜਤ ਹੈ ਦੀਪਿਕਾ
ਦੀਪਿਕਾ ਪਾਦੂਕੋਣ ਦੀ ਹਾਲਤ ਵਿਗੜਨ ਤੋਂ ਬਾਅਦ ਹਸਪਤਾਲ 'ਚ ਉਸ ਦਾ ਵੱਖ-ਵੱਖ ਇਲਾਜ ਕੀਤਾ ਜਾ ਰਿਹਾ ਹੈ ਪਰ ਰਿਪੋਰਟ ਮੁਤਾਬਕ ਹੁਣ ਉਨ੍ਹਾਂ ਦੀ ਸਿਹਤ 'ਚ ਸੁਧਾਰ ਹੋ ਰਿਹਾ ਹੈ ਅਤੇ ਪ੍ਰਸ਼ੰਸਕ ਵੀ ਅਦਾਕਾਰਾਂ ਦੇ ਠੀਕ ਹੋਣ ਦੀ ਕਾਮਨਾ ਕਰ ਰਹੇ ਹਨ। ਦੀਪਿਕਾ ਨੂੰ ਪਹਿਲਾਂ ਵੀ ਦਿਲ ਦੀ ਧੜਕਨ ਵਧਣ ਦੀ ਸਮੱਸਿਆ ਕਾਰਨ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਸੀ। ਮੈਡੀਕਲ ਭਾਸ਼ਾ 'ਚ ਦੀਪਿਕਾ ਨੂੰ ਹਾਰਟ ਅਰੀਥਮੀਆ (ਦਿਲ ਅਰੀਥਮੀਆ) ਨਾਂ ਦੀ ਬੀਮਾਰੀ ਹੈ, ਜਿਸ ਕਾਰਨ ਪਿਛਲੇ ਦਿਨੀਂ ਕਈ ਸਿਤਾਰਿਆਂ ਦੀ ਮੌਤ ਹੋ ਚੁੱਕੀ ਹੈ।
ਕੀ ਹੈ ਹਾਰਟ ਅਰੀਥਮੀਆ ਅਤੇ ਇਹ ਬੀਮਾਰੀ ਕਿੰਨੀ ਖ਼ਤਰਨਾਕ ਹੈ?
ਦੀਪਿਕਾ ਨੂੰ ਜੋ ਬੀਮਾਰੀ ਹੈ ਉਸ ਨੂੰ ਹਾਰਟ ਅਰੀਥਮੀਆ ਕਿਹਾ ਜਾਂਦਾ ਹੈ। ਇਹ ਦਿਲ ਦਾ ਇੱਕ ਵਿਕਾਰ ਹੈ, ਜਿਸ 'ਚ ਦਿਲ ਦੀ ਧੜਕਨ ਦੀ ਗਤੀ ਅਤੇ ਤਾਲਮੇਲ ਵਿਗੜ ਜਾਂਦਾ ਹੈ। ਦਿਲ ਦੀ ਇਸ ਗਤੀ ਅਤੇ ਤਾਲ ਦੇ ਪਿੱਛੇ ਦਿਲ ਦੀ ਬਿਜਲਈ ਪ੍ਰਕਿਰਿਆ ਹੈ, ਜੋ ਬਿਜਲਈ ਪ੍ਰਭਾਵ ਚਲਾਉਂਦੀ ਹੈ।
ਦੱਸ ਦਈਏ ਕਿ ਦਿਲ ਦੇ ਬਿਜਲਈ ਪ੍ਰਭਾਵ ਇੱਕ ਨਿਰਧਾਰਤ ਮਾਰਗ ਤੋਂ ਗੁਜ਼ਰਦੇ ਹਨ। ਇਹ ਸੰਕੇਤ ਦਿਲ ਦੀਆਂ ਮਾਸਪੇਸ਼ੀਆਂ ਦੀ ਗਤੀਵਿਧੀ ਦਾ ਤਾਲਮੇਲ ਕਰਦੇ ਹਨ, ਤਾਂ ਜੋ ਦਿਲ ਆਰਾਮ ਨਾਲ ਖੂਨ ਨੂੰ ਅੰਦਰ ਅਤੇ ਬਾਹਰ ਪੰਪ ਕਰ ਸਕੇ। ਅਰੀਥਮੀਆ ਦੀ ਸਮੱਸਿਆ ਇਨ੍ਹਾਂ ਰਸਤਿਆਂ ਜਾਂ ਬਿਜਲੀ ਦੇ ਆਗਾਜ਼ਾਂ 'ਚ ਸਮੱਸਿਆਵਾਂ ਕਾਰਨ ਹੁੰਦੀ ਹੈ। ਜ਼ਿਆਦਾਤਰ ਮਾਮਲਿਆਂ 'ਚ ਦਿਲ ਦੀ ਅਰੀਥਮੀਆ ਨੁਕਸਾਨ ਨਹੀਂ ਪਹੁੰਚਾਉਂਦੀ ਪਰ ਜਦੋਂ ਇਹ ਸਮੱਸਿਆ ਦਿਮਾਗ, ਫੇਫੜਿਆਂ, ਦਿਲ ਜਾਂ ਹੋਰ ਜ਼ਰੂਰੀ ਅੰਗਾਂ 'ਚ ਖੂਨ ਦੇ ਪ੍ਰਵਾਹ 'ਚ ਸਮੱਸਿਆ ਦਾ ਕਾਰਨ ਬਣ ਜਾਂਦੀ ਹੈ, ਤਾਂ ਇਹ ਜਾਨਲੇਵਾ ਵੀ ਸਾਬਤ ਹੋ ਸਕਦੀ ਹੈ।
ਕੀ ਹਨ ਬੀਮਾਰੀ ਦੇ ਲੱਛਣ ਅਤੇ ਕਾਰਨ
ਇਸ ਦੇ ਲੱਛਣਾਂ ਦੀ ਗੱਲ ਕਰੀਏ ਤਾਂ ਦਿਲ ਦੀ ਧੜਕਨ ਘੱਟ ਹੋਣਾ, ਗਰਦਨ ਜਾਂ ਛਾਤੀ ਦੀਆਂ ਨਾੜੀਆਂ 'ਚ ਫੜਫੜਾਹਟ ਹੋਣਾ, ਤੇਜ਼ ਜਾਂ ਹੌਲੀ ਦਿਲ ਦੀ ਧੜਕਨ ਆਦਿ ਹਨ। ਇਨ੍ਹਾਂ ਤੋਂ ਇਲਾਵਾ ਛਾਤੀ 'ਚ ਦਰਦ, ਸਾਹ ਲੈਣ 'ਚ ਤਕਲੀਫ਼, ਬੇਹੋਸ਼ੀ, ਥਕਾਵਟ, ਜ਼ਿਆਦਾ ਪਸੀਨਾ ਆਉਣਾ ਵਰਗੇ ਲੱਛਣ ਵੀ ਮਹਿਸੂਸ ਹੁੰਦੇ ਹਨ। ਇਸ ਦਾ ਕਾਰਨ ਹਾਈ ਬਲੱਡ ਪ੍ਰੈਸ਼ਰ, ਡਿਪਰੈਸ਼ਨ, ਕਸਰਤ, ਤਣਾਅ ਜਾਂ ਚਿੰਤਾ ਤੋਂ ਲੈ ਕੇ ਐਲਰਜੀ, ਜ਼ੁਕਾਮ ਤੱਕ ਹੋ ਸਕਦਾ ਹੈ।
ਰਾਜਸਥਾਨ ਫ਼ਿਲਮ ਫ਼ੈਸਟੀਵਲ ’ਚ ਛਾਈ ਪੰਜਾਬੀ ਅਦਾਕਾਰਾ ਤਾਨੀਆ, ‘ਸੁਫ਼ਨਾ’ ਲਈ ਮਿਲਿਆ ਐਵਾਰਡ
NEXT STORY 
