ਮੁੰਬਈ (ਬਿਊਰੋ) : ਸਾਲ 2020 ਕੋਰੋਨਾ ਮਹਾਮਾਰੀ ਨਾਲ ਸ਼ੁਰੂ ਹੋਇਆ ਤੇ ਮਹਾਮਾਰੀ ਨਾਲ ਹੀ ਆਪਣੀ ਵਿਦਾਈ ਲਈ ਤਿਆਰ ਹੈ। ਕੋਰੋਨਾ ਦੇ ਚੱਲਦਿਆਂ ਲੋਕਾਂ ਨੂੰ ਆਪਣੇ ਲਗਪਗ ਸਾਰੇ ਕੰਮਾਂ ਨੂੰ ਰੱਦ ਕਰਨਾ ਪਿਆ ਜਾਂ ਤਾਂ ਅੱਗੇ ਵਧਾਉਣਾ ਪਿਆ ਪਰ ਇਸ ਸਾਲ ਕੁਝ ਲੋਕਾਂ ਦੀ ਜ਼ਿੰਦਗੀਆਂ 'ਚ ਖੁਸ਼ੀਆਂ ਨੇ ਦਸਤਕ ਦਿੱਤੀ ਸੀ। ਇਸ ਸਾਲ ਆਮ ਲੋਕਾਂ ਤੋਂ ਲੈ ਕੇ ਸਿਤਾਰਿਆਂ ਤਕ ਦੇ ਘਰ 'ਚ ਵਿਆਹ ਦੀਆਂ ਸ਼ਹਿਨਾਈਆਂ ਗੂੰਜੀਆਂ। ਕਈ ਸਿਤਾਰਿਆਂ ਨੇ ਗੁਪਤ ਤਰੀਕੇ ਨਾਲ ਵਿਆਹ ਕਰਵਾਇਆ ਅਤੇ ਕਈ ਅਜਿਹੇ ਵੀ ਸਿਤਾਰੇ ਹਨ, ਜਿਨ੍ਹਾਂ ਨੇ ਪੂਰੇ ਧੂਮਧਾਮ ਨਾਲ ਵਿਆਹ ਕਰਵਾਇਆ। ਆਓ ਜਾਣਦੇ ਹਾਂ ਜਿਨ੍ਹਾਂ ਨੇ ਸਾਲ 2020 'ਚ ਵਿਆਹ ਕਰਵਾਇਆ।
ਕਾਜਲ ਅਗਰਵਾਲ ਤੇ ਗੌਤਮ ਕਿਚਲੂ
ਕਾਜਲ ਅਗਰਵਾਲ ਨੇ 30 ਅਕੂਤਬਰ ਨੂੰ ਮੁੰਬਈ ਦੇ ਤਾਜ ਹੋਟਲ 'ਚ ਬਿਜਨੈਸਮੈਨ ਗੌਤਮ ਕਿਚਲੂ ਨਾਲ ਵਿਆਹ ਕਰਵਾਇਆ। ਇਸ ਜੋੜੀ ਨੇ ਮਹਾਮਾਰੀ ਕਾਰਨ ਮੁੰਬਈ ਦੇ ਤਾਜ ਹੋਟਲ 'ਚ ਵਿਆਹ ਦਾ ਸਮਾਗਮ ਕਰਵਾਇਆ, ਜਿਸ 'ਚ ਸਿਰਫ਼ ਕਰੀਬੀ ਲੋਕ ਸ਼ਾਮਲ ਹੋਏ।
ਨੇਹਾ ਕੱਕੜ ਤੇ ਰੋਹਨਪ੍ਰੀਤ ਸਿੰਘ
ਬਾਲੀਵੁੱਡ ਦੀ ਮਸ਼ਹੂਰ ਗਾਇਕਾ ਨੇਹਾ ਕੱਕੜ ਤੇ ਪੰਜਾਬੀ ਗਾਇਕ ਰੋਹਨਪ੍ਰੀਤ ਸਿੰਘ ਦਾ ਵਿਆਹ ਸਾਲ ਦੀ ਸਭ ਤੋਂ ਵੱਡੀ ਤੇ ਚਰਚਿਤ ਵਿਆਹਾਂ 'ਚੋਂ ਇਕ ਸੀ। ਨੇਹਾ ਤੇ ਰੋਹਨਪ੍ਰੀਤ 24 ਅਕਤੂਬਰ ਨੂੰ ਵਿਆਹ ਦੇ ਬੰਧਨ 'ਚ ਬੰਨ੍ਹੇ।
ਪੂਜਾ ਬੈਨਰਜੀ ਤੇ ਕੁਨਾਲ ਵਰਮਾ
ਸਾਲ 2020 ਦੀ ਸ਼ੁਰੂਆਤ ਚ ਹੀ ਅਦਾਕਾਰਾ ਪੂਜਾ ਬਨਰਜੀ ਤੇ ਅਦਾਕਾਰ ਕੁਨਾਲ ਵਰਮਾ ਨੇ ਆਪਣਾ ਵਿਆਹ ਦਾ ਐਲਾਨ ਕੀਤਾ ਸੀ ਪਰ ਕੋਰੋਨਾ ਮਹਾਮਾਰੀ ਕਾਰਨ ਕੋਰਟ ਮੈਰਿਜ ਕੀਤੀ, ਜਿਸ ਦੀ ਜਾਣਕਾਰੀ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਤਸਵੀਰ ਸਾਂਝੀ ਕਰਕੇ ਦਿੱਤੀ। ਦੱਸ ਦੇਈਏ ਕਿ ਪੂਜਾ ਨੇ ਹਾਲ ਹੀ 'ਚ ਬੱਚੇ ਦਾ ਜਨਮ ਦਿੱਤਾ ਹੈ।
ਨਤਾਸ਼ਾ ਸਟੇਨਕੋਵਿਕ ਤੇ ਹਾਰਦਿਕ ਪਾਂਡਿਆ
ਬਾਲੀਵੁੱਡ ਅਦਾਕਾਰਾ ਨਤਾਸ਼ਾ ਸਟੇਨਕੋਵਿਕ ਤੇ ਇੰਡੀਅਨ ਕ੍ਰਿਕਟ ਟੀਮ ਦੇ ਪਲੇਅਰ ਹਾਰਦਿਕ ਪਾਂਡਿਆ ਨੇ ਆਪਣੀ ਪ੍ਰੇਮਿਕਾ ਤੇ ਬਾਲੀਵੁੱਡ ਅਦਾਕਾਰਾ ਨਤਾਸ਼ਾ ਸਟੇਨਕੋਵਿਕ ਨਾਲ ਤਾਲਾਬੰਦੀ ਦੌਰਾਨ ਗੁਪਤ ਤਰੀਕੇ ਨਾਲ ਵਿਆਹ ਕਰਵਾਇਆ ਸੀ। ਇਸ ਤੋਂ ਬਾਅਦ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋਈਆਂ ਸਨ।
ਆਦਿਤਿਆ ਨਾਰਾਇਣ ਤੇ ਸ਼ਵੇਤਾ ਅਗਰਵਾਲ
ਬਾਲੀਵੁੱਡ ਗਾਇਕ ਆਦਿਤਿਆ ਨਾਰਾਇਣ ਨੇ ਵੀ ਇਸੇ ਸਾਲ ਆਪਣੀ ਪ੍ਰੇਮਿਕਾ ਸ਼ਵੇਤਾ ਅਗਰਵਾਲ ਨਾਲ ਵਿਆਹ ਕਰਵਾਇਆ। ਦੱਸ ਦੇਈਏ ਕਿ ਆਦਿਤਿਆ ਤੇ ਸ਼ਵੇਤਾ ਦੋਵੇਂ 10 ਸਾਲ ਨਾਲ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਸਨ।
ਰਾਣਾ ਦੁੱਗਬਾਤੀ
ਸਾਊਥ ਤੋਂ ਬਾਲੀਵੁੱਡ ਫ਼ਿਲਮ ਇੰਡਸਟਰੀ ਤਕ ਆਪਣੀ ਖ਼ਾਸ ਪਛਾਣ ਬਣਾਉਣ ਵਾਲੇ ਅਦਾਕਾਰ ਰਾਣਾ ਦਗੁਬਾਤੀ ਨੇ ਆਪਣੀ ਪ੍ਰੇਮਿਕਾ ਤੇ ਇਟੀਰੀਅਰ ਮਿਹੇਕਾ ਬਜਾਜ ਨਾਲ ਵਿਆਹ ਕਰਵਾਇਆ ਸੀ। ਇਨ੍ਹਾਂ ਦੋਵਾਂ ਦੇ ਵਿਆਹ ਦੀਆਂ ਤਸਵੀਰਾਂ ਵੀ ਕਾਫ਼ੀ ਵਾਇਰਲ ਹੋਈਆਂ ਸਨ।
ਧਨਸ਼੍ਰੀ ਵਰਮਾ ਤੇ ਯੁਜਵਿੰਦਰ ਚਾਹਲ
ਕੋਰੀਓਗ੍ਰਾਫਰ ਧਨਸ਼੍ਰੀ ਵਰਮਾ ਤੇ ਭਾਰਤੀ ਸਪਿਨਰ ਯੁਜੇਂਵਦਰ ਚਹਿਲ ਬੀਤੇ ਮੰਗਲਵਾਰ ਨੂੰ ਵਿਆਹ ਦੇ ਬੰਧਨ 'ਚ ਬੱਝੇ ਹਨ। ਚਹਿਲ ਨੇ ਵਿਆਹ ਦੀਆਂ ਤਸਵੀਰਾਂ ਆਪਣੇ ਅਧਿਕਾਰਤ ਆਫੀਸ਼ੀਅਲ ਟਵਿੱਟਰ ਅਤੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀਆਂ ਹਨ।
ਸਨਾ ਖ਼ਾਨ ਤੇ ਮੁਫ਼ਤੀ ਅਨਸ ਸ਼ਾਇਦ
ਸਨਾ ਖ਼ਾਨ ਨੇ ਕੁਝ ਟਾਈਮ ਪਹਿਲਾਂ ਅਚਾਨਕ ਇੰਡਸਟਰੀ ਛੱਡਣ ਦਾ ਐਲਾਨ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਦੂਸਰਾ ਝਟਕਾ ਉਦੋਂ ਲੱਗਾ ਜਦੋਂ ਉਸ ਦੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਅਚਾਨਕ ਵਾਇਰਲ ਹੋਈਆਂ। ਉਨ੍ਹਾਂ ਨੇ ਅਨਸ ਨਾਲ ਵਿਆਹ ਕਰਵਾਇਆ। ਸਨਾ ਨੇ ਦੱਸਿਆ ਕਿ ਉਹ ਅਨਸ ਨਾਲ ਸਾਲ 2017 ’ਚ ਮੱਕਾ ’ਚ ਮਿਲੀ ਸੀ, ਜਿਸ ਦਿਨ ਸਨਾ ਭਾਰਤ ਵਾਪਸ ਆ ਰਹੀ ਸੀ ਤਾਂ ਉਸ ਦਿਨ ਦੋਵਾਂ ਦੀ ਇਕ ਛੋਟੀ ਜਿਹੀ ਮੁਲਾਕਾਤ ਹੋਈ ਸੀ।
ਸਪਨਾ ਚੌਧਰੀ ਤੇ ਵੀਰ ਸਾਹੂ
ਸਪਨਾ ਚੌਧਰੀ ਨੇ ਜਨਵਰੀ 'ਚ ਹਰਿਆਣਵੀ ਗਾਇਕ, ਰਾਈਟਰ ਅਤੇ ਮਾਡਲ ਵੀਰ ਸਾਹੂ ਨਾਲ ਕੋਰਟ ਮੈਰਿਜ ਕਰਵਾਈ ਸੀ। ਇਹ ਵਿਆਹ ਬੇਹੱਦ ਸਾਦਗੀ ਨਾਲ ਹੋਇਆ ਸੀ, ਜਿਸ ਕਰਕੇ ਇਸ ਦੀ ਖ਼ਬਰ ਕਿਸੇ ਨੂੰ ਨਹੀਂ ਲੱਗੀ ਸੀ। ਵਿਆਹ ਦਾ ਖ਼ੁਲਾਸਾ ਉਦੋਂ ਹੋਇਆ ਜਦੋਂ ਸਪਨਾ ਚੌਧਰੀ ਨੇ ਪੁੱਤਰ ਨੂੰ ਜਨਮ ਦਿੱਤਾ। ਸਪਨਾ ਨੇ ਵਿਆਹ ਤੋਂ ਬਾਅਦ ਕਰਵਾਚੌਥ 'ਤੇ ਪਹਿਲੀ ਵਾਰ ਪਤੀ ਨਾਲ ਤਸਵੀਰਾਂ ਸਾਂਝੀਆਂ ਕੀਤੀਆਂ ਸਨ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ 'ਚ ਦਿਓ ਜਵਾਬ।
ਹਾਰਪ ਫਾਰਮਰ ਦੀ ਤਸਵੀਰ ਸਾਂਝੀ ਕਰਕੇ ਸਵਰਾ ਭਾਸਕਰ ਨੇ ਉਡਾਇਆ ਭਾਜਪਾ ਦਾ ਮਜ਼ਾਕ
NEXT STORY 
