ਮੁੰਬਈ - ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਸਵਰਗੀ ਵਿਨੋਦ ਖੰਨਾ ਦਾ ਪਰਿਵਾਰ ਅਕਸਰ ਲਾਈਮਲਾਈਟ ਤੋਂ ਦੂਰ ਰਹਿਣਾ ਪਸੰਦ ਕਰਦਾ ਹੈ ਪਰ ਉਨ੍ਹਾਂ ਦੇ ਛੋਟੇ ਬੇਟੇ ਅਤੇ ਅਕਸ਼ੈ ਖੰਨਾ ਦੇ ਭਰਾ ਰਾਹੁਲ ਖੰਨਾ ਨੇ ਹਾਲ ਹੀ 'ਚ ਕੁਝ ਅਜਿਹਾ ਕੀਤਾ ਹੈ ਜਿਸ ਨੇ ਇੰਟਰਨੈੱਟ 'ਤੇ ਹਲਚਲ ਮਚਾ ਦਿੱਤੀ ਹੈ। ਰਾਹੁਲ ਖੰਨਾ, ਜੋ ਕਿ ਆਪਣੇ ਕਲਾਸੀ ਲੁੱਕ ਅਤੇ ਫਿਟਨੈੱਸ ਲਈ ਜਾਣੇ ਜਾਂਦੇ ਹਨ, ਨੇ ਬਾਥਰੂਮ 'ਚ ਨਹਾਉਂਦੇ ਹੋਏ 15 ਮਿੰਟ ਦਾ ਲਾਈਵ ਵੀਡੀਓ ਸ਼ੂਟ ਕੀਤਾ ਹੈ, ਜਿਸ ਨੂੰ ਦੇਖ ਕੇ ਪ੍ਰਸ਼ੰਸਕ ਹੈਰਾਨ ਰਹਿ ਗਏ ਹਨ।
ਯੂਟਿਊਬ 'ਤੇ ਸ਼ੁਰੂ ਕੀਤਾ 'ਸ਼ਾਵਰ ਰੀਚੂਅਲ'
ਰਾਹੁਲ ਖੰਨਾ ਨੇ ਯੂਟਿਊਬ 'ਤੇ 'Art of Taking a Shower' ਨਾਂ ਨਾਲ ਆਪਣਾ ਨਵਾਂ ਚੈਨਲ ਸ਼ੁਰੂ ਕੀਤਾ ਹੈ। ਇਸ ਸਫ਼ਰ ਦੀ ਸ਼ੁਰੂਆਤ ਉਨ੍ਹਾਂ ਨੇ ਕਿਸੇ ਸਾਧਾਰਨ ਵੀਡੀਓ ਨਾਲ ਨਹੀਂ, ਸਗੋਂ 'Rahul Khanna Shower Ritual' ਸਿਰਲੇਖ ਹੇਠ ਇਕ ਲਾਈਵ ਸਟ੍ਰੀਮ ਨਾਲ ਕੀਤੀ। ਲਗਭਗ 15 ਮਿੰਟ ਤੱਕ ਚੱਲੇ ਇਸ ਲਾਈਵ ਸੈਸ਼ਨ 'ਚ ਰਾਹੁਲ ਨੇ ਸ਼ਾਵਰ ਲੈਣ ਤੋਂ ਲੈ ਕੇ ਸ਼ੇਵਿੰਗ ਕਰਨ ਤੱਕ ਦਾ ਆਪਣਾ ਰੋਜ਼ਾਨਾ ਦਾ ਰੁਟੀਨ ਦੁਨੀਆ ਦੇ ਸਾਹਮਣੇ ਰੱਖ ਦਿੱਤਾ। ਇਸ ਵੀਡੀਓ ਨੂੰ ਮਹਿਜ਼ 24 ਘੰਟਿਆਂ 'ਚ 4000 ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ।
ਪ੍ਰਸ਼ੰਸਕਾਂ ਦੇ ਆਏ ਅਜੀਬੋ-ਗਰੀਬ ਰਿਐਕਸ਼ਨ
ਰਾਹੁਲ ਦੇ ਇਸ ਬੇਬਾਕ ਅੰਦਾਜ਼ ਨੇ ਸੋਸ਼ਲ ਮੀਡੀਆ 'ਤੇ ਬਹਿਸ ਛੇੜ ਦਿੱਤੀ ਹੈ। ਜਿੱਥੇ ਕੁਝ ਯੂਜ਼ਰਸ ਉਨ੍ਹਾਂ ਦੀ ਫਿਟਨੈੱਸ ਅਤੇ ਲੁੱਕ ਦੀ ਤਾਰੀਫ਼ ਕਰਦੇ ਨਹੀਂ ਥੱਕ ਰਹੇ, ਉੱਥੇ ਹੀ ਕੁਝ ਇਸ ਨੂੰ ਪਬਲੀਸਿਟੀ ਸਟੰਟ ਦੱਸ ਰਹੇ ਹਨ। ਇਕ ਪ੍ਰਸ਼ੰਸਕ ਨੇ ਟਿੱਪਣੀ ਕਰਦਿਆਂ ਲਿਖਿਆ ਕਿ ਰਾਹੁਲ 'ਚ ਆਪਣੇ ਪਿਤਾ ਵਿਨੋਦ ਖੰਨਾ ਦੇ ਸ਼ਾਨਦਾਰ ਜੀਨਸ ਹਨ, ਜਦਕਿ ਇਕ ਹੋਰ ਨੇ ਲਿਖਿਆ ਕਿ ਉਨ੍ਹਾਂ ਦੀ ਹੌਟਨੈੱਸ ਅੱਗੇ ਅੱਜ ਦੇ ਬਾਲੀਵੁੱਡ ਸਟਾਰ ਫਿੱਕੇ ਹਨ।
ਕਰੀਅਰ 'ਤੇ ਇਕ ਨਜ਼ਰ
ਰਾਹੁਲ ਖੰਨਾ ਨੇ 1994 ਵਿੱਚ 'ਐਮਟੀਵੀ ਏਸ਼ੀਆ' ਨਾਲ ਬਤੌਰ ਵੀਜੇ (VJ) ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਨੇ ਦੀਪਾ ਮਹਿਤਾ ਦੀ ਫਿਲਮ '1947 ਅਰਥ' ਨਾਲ ਬਾਲੀਵੁੱਡ ਵਿੱਚ ਕਦਮ ਰੱਖਿਆ, ਜਿਸ ਲਈ ਉਨ੍ਹਾਂ ਨੂੰ ਸਰਵੋਤਮ ਡੈਬਿਊ ਅਦਾਕਾਰ ਦਾ ਫਿਲਮਫੇਅਰ ਐਵਾਰਡ ਵੀ ਮਿਲਿਆ। ਉਹ 'ਵੇਕ ਅਪ ਸਿਡ' ਅਤੇ ਅਮਰੀਕੀ ਟੀਵੀ ਸੀਰੀਜ਼ 'ਦਿ ਅਮੇਰੀਕਨਜ਼' ਵਰਗੇ ਪ੍ਰੋਜੈਕਟਾਂ 'ਚ ਵੀ ਨਜ਼ਰ ਆ ਚੁੱਕੇ ਹਨ। ਹਾਲਾਂਕਿ, ਹੁਣ ਉਹ ਇਕ ਸਟਾਈਲ ਆਈਕਨ ਅਤੇ ਮਾਡਲ ਵਜੋਂ ਵਧੇਰੇ ਸਰਗਰਮ ਹਨ।
'ਪਤੀ ਪਤਨੀ ਔਰ ਵੋਹ ਦੋ' ਦਾ ਨਵਾਂ ਗਾਣਾ "ਹਮਨੇ ਵਹੀ ਲਗਾਇਆ ਦਿਲ" ਰਿਲੀਜ਼
NEXT STORY 
