ਮੁੰਬਈ (ਬਿਊਰੋ) - ਬਾਲੀਵੁੱਡ ਦੇ ਕਈ ਸਿਤਾਰੇ ਅਜਿਹੇ ਹਨ, ਜਿਨ੍ਹਾਂ ਨੇ ਆਪਣੇ ਮਾਤਾ-ਪਿਤਾ ਦਾ ਮਾਣ ਵਧਾਇਆ ਹੈ। ਉਥੇ ਹੀ ਇੱਕ ਬਾਲੀਵੁੱਡ ਅਭਿਨੇਤਾ, ਜਿਸ ਦਾ ਪਿਤਾ ਇੱਕ ਕ੍ਰਿਕਟਰ ਸੀ ਪਰ ਉਸ ਦੀ ਮਾਂ ਕਰਕੇ ਅਦਾਕਾਰੀ ਵੱਲ ਉਸ ਦਾ ਰਾਹ ਆਸਾਨ ਹੋ ਗਿਆ। ਫ਼ਿਲਮੀ ਪਿਛੋਕੜ ਤੋਂ ਆਉਣ ਵਾਲੇ ਇਸ ਅਦਾਕਾਰ ਨੇ ਸਾਲ 1993 'ਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਅਦਾਕਾਰ ਨੇ ਰੋਮਾਂਟਿਕ ਹੀਰੋ ਦੀ ਭੂਮਿਕਾ ਨਿਭਾ ਕੇ ਕਾਫ਼ੀ ਤਾਰੀਫ਼ਾਂ ਹਾਸਲ ਕੀਤੀਆਂ ਪਰ ਹੁਣ ਖਲਨਾਇਕ ਬਣਨ ਤੋਂ ਬਾਅਦ ਇਸ ਅਦਾਕਾਰ ਨੇ ਆਪਣੀ ਨਵੀਂ ਪਾਰੀ ਸ਼ੁਰੂ ਕੀਤੀ ਹੈ। ਖਲਨਾਇਕ ਬਣ ਕੇ ਅਭਿਨੇਤਾ ਨੇ ਮੁੱਖ ਹੀਰੋ ਨੂੰ ਵੀ ਪਛਾੜ ਦਿੱਤਾ ਸੀ।
ਇਹ ਖ਼ਬਰ ਵੀ ਪੜ੍ਹੋ - ਮੂਸੇਵਾਲਾ ਦੇ ਛੋਟੇ ਭਰਾ ਸਿੱਧੂ ਲਈ ਫੈਨਜ਼ ਨੇ ਭੇਜੀਆਂ ਖ਼ਾਸ ਰੱਖੜੀਆਂ, ਮਾਂ ਚਰਨ ਕੌਰ ਨੇ ਸਾਂਝੀ ਕੀਤੀ ਝਲਕ
ਬਾਲੀਵੁੱਡ 'ਚ ਹਰ ਕਿਰਦਾਰ 'ਚ ਜਾਨ ਪਾਉਣ ਵਾਲਾ ਅਭਿਨੇਤਾ ਕੋਈ ਹੋਰ ਨਹੀਂ ਸਗੋਂ ਸੈਫ ਅਲੀ ਖ਼ਾਨ ਹੈ। 16 ਅਗਸਤ 1970 ਨੂੰ ਜਨਮੇ ਸੈਫ ਅਲੀ ਖ਼ਾਨ 54 ਸਾਲ ਦੇ ਹੋ ਗਏ ਹਨ। ਫ਼ਿਲਮ 'ਆਸ਼ਿਕ ਆਵਾਰਾ' ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਸੈਫ ਨੇ ਆਪਣੀ ਪਹਿਲੀ ਹੀ ਫ਼ਿਲਮ ਨਾਲ ਆਪਣਾ ਨਾਂ ਕਮਾਇਆ। ਇੱਕ ਪ੍ਰਤਿਭਾਸ਼ਾਲੀ ਅਭਿਨੇਤਾ ਹੋਣ ਤੋਂ ਇਲਾਵਾ, ਉਹ ਭਾਰਤ ਦੀਆਂ ਅਮੀਰ ਹਸਤੀਆਂ 'ਚ ਵੀ ਸ਼ਾਮਲ ਹੈ। ਦੋ ਵਾਰ ਪਿਆਰ ਕਰਨ, ਵਿਆਹ ਕਰਨ ਅਤੇ ਫਿਰ 4 ਬੱਚਿਆਂ ਦੇ ਪਿਤਾ ਬਣਨ ਵਾਲੇ ਸੈਫ ਕੋਲ 1200 ਕਰੋੜ ਰੁਪਏ ਤੋਂ ਵੱਧ ਦੀ ਜਾਇਦਾਦ ਹੈ। ਇਸ 'ਚੋਂ ਉਨ੍ਹਾਂ ਕੋਲ 5000 ਕਰੋੜ ਰੁਪਏ ਦੀ ਜੱਦੀ ਜਾਇਦਾਦ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਅਦਾਕਾਰ ਆਪਣੀ ਜਾਇਦਾਦ ਆਪਣੇ ਬੱਚਿਆਂ 'ਚ ਨਹੀਂ ਵੰਡ ਸਕਦੇ। ਸੈਫ ਦਾ ਜਨਮ 54 ਸਾਲ ਪਹਿਲਾਂ ਮਨਸੂਰ ਅਲੀ ਖ਼ਾਨ ਪਟੌਦੀ ਅਤੇ ਦਿੱਗਜ ਅਦਾਕਾਰਾ ਸ਼ਰਮੀਲਾ ਟੈਗੋਰ ਦੇ ਘਰ ਹੋਇਆ ਸੀ। ਮਨਸੂਰ ਅਲੀ ਖ਼ਾਨ ਨਵਾਬੀ ਪਰਿਵਾਰ ਨਾਲ ਸਬੰਧਤ ਸਨ। ਇਸ ਲਈ ਸੈਫ ਪਟੌਦੀ ਦੇ ਦਸਵੇਂ ਨਵਾਬ ਬਣੇ।
ਇਹ ਖ਼ਬਰ ਵੀ ਪੜ੍ਹੋ - 'ਸਤ੍ਰੀ 2' ਦੇ ਸਾਹਮਣੇ ਅਕਸ਼ੈ-ਜੌਨ ਦੀਆਂ ਫ਼ਿਲਮਾਂ ਦਾ ਨਹੀਂ ਚੱਲਿਆ ਜਾਦੂ, 2 ਦਿਨਾਂ 'ਚ ਕੀਤੀ ਬਸ ਇੰਨਾ ਹੀ ਕੀਤਾ ਕਲੈਕਸ਼ਨ
ਮੀਡੀਆ ਰਿਪੋਰਟਾਂ ਮੁਤਾਬਕ, ਸੈਫ ਅਲੀ ਖ਼ਾਨ ਕੋਲ ਕਰੀਬ 5 ਹਜ਼ਾਰ ਕਰੋੜ ਰੁਪਏ ਦੀ ਜੱਦੀ ਜਾਇਦਾਦ ਹੈ, ਜਿਸ 'ਚ ਹਰਿਆਣਾ ਦੇ ਪਟੌਦੀ ਪੈਲੇਸ ਤੋਂ ਇਲਾਵਾ ਭੋਪਾਲ 'ਚ ਵੀ ਕਾਫੀ ਜਾਇਦਾਦ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸੈਫ ਆਪਣੇ ਬੱਚਿਆਂ, ਧੀ ਸਾਰਾ ਅਲੀ ਖ਼ਾਨ ਅਤੇ ਬੇਟੇ ਇਬਰਾਹਿਮ ਅਲੀ, ਤੈਮੂਰ ਅਲੀ ਅਤੇ ਜੇਹ ਅਲੀ ਨੂੰ ਆਪਣੀ ਜਾਇਦਾਦ 'ਚੋਂ ਇੱਕ ਪੈਸਾ ਵੀ ਹਿੱਸਾ ਨਹੀਂ ਦੇ ਸਕਦੇ ਹਨ। ਦਰਅਸਲ, ਸੈਫ ਦਾ ਲਗਜ਼ਰੀ ਘਰ ਪਟੌਦੀ ਪੈਲੇਸ 1968 ਦੇ Enemy Property Dispute Act ਦੇ ਤਹਿਤ ਆਉਂਦਾ ਹੈ ਅਤੇ ਕੋਈ ਵੀ ਅਜਿਹੀ ਜਾਇਦਾਦ 'ਤੇ ਆਪਣਾ ਹੱਕ ਨਹੀਂ ਜਤਾ ਸਕਦਾ। ਇਸ ਐਕਟ ਅਨੁਸਾਰ ਦੇਸ਼ ਦੀ ਵੰਡ ਜਾਂ 1965 ਅਤੇ 1971 ਦੀਆਂ ਜੰਗਾਂ ਤੋਂ ਬਾਅਦ ਪਾਕਿਸਤਾਨ ਚਲੇ ਗਏ ਅਤੇ ਉਥੋਂ ਦੀ ਨਾਗਰਿਕਤਾ ਲੈਣ ਵਾਲਿਆਂ ਦੀਆਂ ਸਾਰੀਆਂ ਅਚੱਲ ਜਾਇਦਾਦਾਂ ਨੂੰ Enemy Property Dispute ਘੋਸ਼ਿਤ ਕਰ ਦਿੱਤਾ ਗਿਆ। ਹੁਣ ਕੋਈ ਵੀ ਵਿਅਕਤੀ ਇਸ ਜਾਇਦਾਦ 'ਤੇ ਕਬਜ਼ਾ ਕਰਵਾਉਣ ਲਈ ਹਾਈਕੋਰਟ, ਸੁਪਰੀਮ ਕੋਰਟ ਜਾਂ ਭਾਰਤ ਦੇ ਰਾਸ਼ਟਰਪਤੀ ਕੋਲ ਜਾ ਸਕਦਾ ਹੈ ਪਰ ਇਸ ਦੇ ਬਾਵਜੂਦ ਇਸ 'ਤੇ ਕੋਈ ਕਾਰਵਾਈ ਕਰਨਾ ਬਹੁਤ ਮੁਸ਼ਕਲ ਹੋਵੇਗਾ।
ਇਹ ਖ਼ਬਰ ਵੀ ਪੜ੍ਹੋ - ਕੰਗਨਾ ਰਣੌਤ ਮੁੜ ਪੰਜਾਬ ਦਾ ਮਾਹੌਲ ਵਿਗਾੜਨ ਦੀ ਫਿਰਾਕ 'ਚ!
ਸੈਫ ਦੇ ਪੜਦਾਦਾ ਹਮੀਦੁੱਲਾ ਖ਼ਾਨ ਬ੍ਰਿਟਿਸ਼ ਸ਼ਾਸਨ ਦੌਰਾਨ ਇੱਕ ਨਵਾਬ ਸਨ ਅਤੇ ਉਹ ਆਪਣੀ ਸਾਰੀ ਜਾਇਦਾਦ ਦੀ ਵਸੀਅਤ ਨਹੀਂ ਬਣਾ ਸਕੇ ਸਨ। ਇਹੀ ਕਾਰਨ ਹੈ ਕਿ ਜੇਕਰ ਸੈਫ ਇਨ੍ਹਾਂ ਜਾਇਦਾਦਾਂ ਨੂੰ ਆਪਣੇ ਬੱਚਿਆਂ ਦੇ ਨਾਂ 'ਤੇ ਟਰਾਂਸਫਰ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਪਟੌਦੀ ਪਰਿਵਾਰ ਖਾਸਕਰ ਪਾਕਿਸਤਾਨ 'ਚ ਸੈਫ ਦੀ ਪੜਦਾਦੀ ਦੇ ਵੰਸ਼ਜ ਇਸ ਮਾਮਲੇ 'ਚ ਵਿਵਾਦ ਖੜ੍ਹਾ ਕਰ ਸਕਦੇ ਹਨ। ਸ਼ਰਮੀਲਾ ਟੈਗੋਰ ਨੇ ਵੀ ਇੱਕ ਵਾਰ ਇੱਕ ਇੰਟਰਵਿਊ 'ਚ ਇਸ ਮਾਮਲੇ ਬਾਰੇ ਗੱਲ ਕੀਤੀ ਸੀ। ਉਸ ਨੇ ਕਿਹਾ ਸੀ ਕਿ ਉਹ ਵੀ ਆਪਣੀ ਜਾਇਦਾਦ ਆਪਣੇ ਬੱਚਿਆਂ ਨੂੰ ਟਰਾਂਸਫਰ ਨਹੀਂ ਕਰ ਸਕਦੀ। ਦਰਅਸਲ, ਇਸਲਾਮ 'ਚ ਵਸੀਅਤ ਬਣਾਉਣ ਦੀ ਇਜਾਜ਼ਤ ਨਹੀਂ ਹੈ। ਤੁਸੀਂ ਉਨ੍ਹਾਂ ਨੂੰ ਦੇ ਸਕਦੇ ਹੋ ਜੋ ਤੁਹਾਡੇ ਵਾਰਸ ਨਹੀਂ ਹਨ ਪਰ ਤੁਹਾਡੇ ਵਾਰਸਾਂ ਨੂੰ ਨਹੀਂ। 25 ਪ੍ਰਤੀਸ਼ਤ, 50 ਪ੍ਰਤੀਸ਼ਤ ਵਾਂਗ ਕੁਝ ਚਲਦਾ ਹੈ। ਇਸ ਗੱਲ ਦਾ ਖੁਲਾਸਾ ਸ਼ਰਮੀਲਾ ਟੈਗੋਰ ਨੇ ਕੀਤਾ।
ਜੱਦੀ ਜਾਇਦਾਦ ਤੋਂ ਇਲਾਵਾ ਸੈਫ ਦੀ ਆਪਣੀ ਜਾਇਦਾਦ ਵੀ ਹੈ। ਜੇਕਰ ਅਸੀਂ ਪਟੌਦੀ ਪੈਲੇਸ ਅਤੇ ਮੁੰਬਈ ਦੀ ਜਾਇਦਾਦ ਨੂੰ ਜੋੜੀਏ ਤਾਂ ਸੈਫ 1,120 ਕਰੋੜ ਰੁਪਏ ਦੀ ਜਾਇਦਾਦ ਦੇ ਮਾਲਕ ਹਨ। ਰਿਪੋਰਟਾਂ ਦੀ ਮੰਨੀਏ ਤਾਂ ਸੈਫ ਹਰ ਮਹੀਨੇ 3 ਕਰੋੜ ਰੁਪਏ ਅਤੇ ਸਾਲਾਨਾ 30 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਕਮਾਈ ਕਰਦੇ ਹਨ। ਆਪਣੀਆਂ ਫ਼ਿਲਮਾਂ ਤੋਂ ਇਲਾਵਾ, ਸੈਫ ਬ੍ਰਾਂਡ ਐਂਡੋਰਸਮੈਂਟਸ ਸਮੇਤ ਕਈ ਹੋਰ ਸਰੋਤਾਂ ਤੋਂ ਪ੍ਰਤੀ ਮਹੀਨਾ ਕਰੋੜਾਂ ਰੁਪਏ ਕਮਾਉਂਦੇ ਹਨ। ਉਹ ਸਭ ਤੋਂ ਵੱਧ ਟੈਕਸ ਅਦਾ ਕਰਨ ਵਾਲੇ ਅਦਾਕਾਰਾਂ 'ਚੋਂ ਇੱਕ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਕੋਲਕਾਤਾ ਡਾਕਟਰ ਕਤਲ ਮਾਮਲੇ 'ਚ ਗਾਇਕ ਏਪੀ ਢਿੱਲੋਂ ਨੇ ਆਪਣੇ ਗੀਤ ਰਾਹੀਂ ਕੱਢੀ ਭੜਾਸ
NEXT STORY 
