ਮੁੰਬਈ- ਅੱਲੂ ਅਰਜੁਨ ਦੀ ਉਡੀਕੀ ਜਾ ਰਹੀ ਫ਼ਿਲਮ 'ਪੁਸ਼ਪਾ 2: ਦਿ ਰੂਲ' ਦੀ ਰਿਲੀਜ਼ ਨੂੰ ਦਸੰਬਰ ਤੱਕ ਟਾਲ ਦਿੱਤਾ ਗਿਆ ਹੈ। ਪਹਿਲਾਂ ਇਹ ਫ਼ਿਲਮ 15 ਅਗਸਤ 2024 ਨੂੰ ਰਿਲੀਜ਼ ਹੋਣੀ ਸੀ। ਸੋਮਵਾਰ ਨੂੰ ਨਿਰਮਾਤਾਵਾਂ ਨੇ ਫ਼ਿਲਮ ਦੀ ਨਵੀਂ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ। ਇਹ ਫ਼ਿਲਮ ਹੁਣ 6 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ। ਪ੍ਰੋਡਕਸ਼ਨ ਟੀਮ ਨੇ ਇੱਕ ਨੋਟ ਵੀ ਸਾਂਝਾ ਕੀਤਾ, ਜਿਸ 'ਚ ਦੱਸਿਆ ਗਿਆ ਕਿ ਉਨ੍ਹਾਂ ਨੇ ਬਾਕੀ ਬਚੀ ਸ਼ੂਟਿੰਗ ਅਤੇ ਪੋਸਟ-ਪ੍ਰੋਡਕਸ਼ਨ ਦੇ ਕੰਮ ਕਾਰਨ ਰਿਲੀਜ਼ ਡੇਟ ਬਦਲ ਦਿੱਤੀ ਹੈ।
ਪ੍ਰੋਡਕਸ਼ਨ ਟੀਮ ਨੇ ਨੋਟ 'ਚ ਲਿਖਿਆ, 'ਪੁਸ਼ਪਾ 2: ਦਿ ਰੂਲ' ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਭਾਰਤੀ ਫਿਲਮਾਂ ਵਿੱਚੋਂ ਇੱਕ ਹੈ। ਪੁਸ਼ਪਾ: ਦਿ ਰਾਈਜ਼ ਦੀ ਸ਼ਾਨਦਾਰ ਸਫਲਤਾ ਤੋਂ ਬਾਅਦ, ਉੱਤਮਤਾ ਪ੍ਰਦਾਨ ਕਰਨ ਦੀ ਸਾਡੀ ਜ਼ਿੰਮੇਵਾਰੀ ਕਾਫੀ ਵੱਧ ਗਈ ਹੈ। ਅਸੀਂ ਫਿਲਮ ਨੂੰ ਪੂਰਾ ਕਰਨ ਦੀ ਉਡੀਕ ਕਰ ਰਹੇ ਹਾਂ ਅਤੇ ਅਸੀਂ ਇਸ ਨੂੰ ਸਮੇਂ ਸਿਰ ਰਿਲੀਜ਼ ਕਰਨ ਲਈ ਅਣਥੱਕ ਮਿਹਨਤ ਕਰ ਰਹੇ ਹਾਂ ਹਾਲਾਂਕਿ, ਬਾਕੀ ਸ਼ੂਟਿੰਗ ਅਤੇ ਬਾਅਦ ਦੇ ਪੋਸਟ-ਪ੍ਰੋਡਕਸ਼ਨ ਦੇ ਕਾਰਨ, ਅਸੀਂ ਫਿਲਮ, ਦਰਸ਼ਕਾਂ ਅਤੇ ਸਾਰੇ ਲੋਕਾਂ ਦੇ ਹਿੱਤ 'ਚ 15 ਅਗਸਤ, 2024 ਨੂੰ ਰਿਲੀਜ਼ ਨਹੀਂ ਕਰਾਂਗੇ।
ਨੋਟ 'ਚ ਇਹ ਵੀ ਲਿਖਿਆ ਗਿਆ ਹੈ, "ਸਾਰੀਆਂ ਭਾਸ਼ਾਵਾਂ 'ਚ ਸਾਡੇ ਟੀਜ਼ਰਾਂ ਅਤੇ ਗੀਤਾਂ ਨੂੰ ਮਿਲਿਆ ਭਰਵਾਂ ਹੁੰਗਾਰਾ ਉਤਸ਼ਾਹਜਨਕ ਰਿਹਾ ਹੈ ਅਤੇ ਅਸੀਂ ਇੱਕ ਅਜਿਹੀ ਫ਼ਿਲਮ ਪੇਸ਼ ਕਰਨ ਦਾ ਵਾਅਦਾ ਕਰਦੇ ਹਾਂ ਜਿਸ ਨੂੰ ਤੁਸੀਂ ਸੱਚਮੁੱਚ ਪਸੰਦ ਕਰੋਗੇ। ਅਸੀਂ ਦੁਨੀਆ ਭਰ ਦੇ ਦਰਸ਼ਕਾਂ ਅਤੇ ਹਿੱਤਧਾਰਕਾਂ ਦੇ ਅਟੁੱਟ ਸਮਰਥਨ ਲਈ ਧੰਨਵਾਦ ਕਰਦੇ ਹਾਂ। "ਮੀਡੀਆ ਅਤੇ ਫ਼ਿਲਮ ਇੰਡਸਟਰੀ ਨੇ ਵੀ ਬਹੁਤ ਮਦਦ ਕੀਤੀ ਹੈ। ਅਸੀਂ ਤੁਹਾਨੂੰ ਥੀਏਟਰਾਂ 'ਚ ਸਭ ਤੋਂ ਵਧੀਆ ਫ਼ਿਲਮ ਦੇਣ ਲਈ ਵਚਨਬੱਧ ਹਾਂ। ਸਿਰਫ਼ ਵਧੀਆ ਹੀ ਦੇਖਣ ਨੂੰ ਮਿਲੇਗਾ।"
ਈਦ ਮੌਕੇ ਸਿਨੇਮਾਘਰਾਂ 'ਚ 'Munjya' ਦਾ ਚੱਲਿਆ ਜਾਦੂ, 11 ਦਿਨਾਂ 'ਚ ਕੀਤਾ ਇੰਨੇ ਕਰੋੜ ਦਾ ਕਾਰੋਬਾਰ
NEXT STORY 
