ਮੁੰਬਈ (ਏਜੰਸੀ) : ਵੈੱਬ ਸੀਰੀਜ਼ 'ਮਟਕਾ ਕਿੰਗ' ਨੂੰ ਦਰਸ਼ਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਇਸ ਸੀਰੀਜ਼ ਦੀ ਕਾਮਯਾਬੀ ਦੇ ਨਾਲ-ਨਾਲ ਹੁਣ ਇਸ ਦੇ ਮੁੱਖ ਕਲਾਕਾਰ ਵਿਜੇ ਵਰਮਾ ਅਤੇ ਕ੍ਰਿਤਿਕਾ ਕਾਮਰਾ ਆਪਣੀ ਆਫ਼-ਸਕ੍ਰੀਨ ਬੌਂਡਿੰਗ ਅਤੇ ਇੱਕ-ਦੂਜੇ ਦੇ ਕੰਮ ਪ੍ਰਤੀ ਸਤਿਕਾਰ ਨੂੰ ਲੈ ਕੇ ਚਰਚਾ ਵਿੱਚ ਹਨ। ਮਟਕਾ ਕਿੰਗ ਹਾਲ ਹੀ ਵਿਚ ਅਮੇਜ਼ਨ ਪ੍ਰਾਈਮ ਵੀਡੀਓ 'ਤੇ ਰਿਲੀਜ਼ ਹੋਈ ਹੈ।
ਇੱਕ ਹਾਲੀਆ ਇੰਟਰਵਿਊ ਦੌਰਾਨ ਕ੍ਰਿਤਿਕਾ ਕਾਮਰਾ ਨੇ ਵਿਜੇ ਵਰਮਾ ਦੀ ਅਦਾਕਾਰੀ ਦੇ ਤਰੀਕੇ ਦੀ ਰੱਜ ਕੇ ਤਾਰੀਫ਼ ਕੀਤੀ। ਉਨ੍ਹਾਂ ਕਿਹਾ, "ਵਿਜੇ ਬਹੁਤ ਹੀ ਸ਼ਾਰਪ (ਤੇਜ਼) ਐਕਟਰ ਹਨ। ਉਹ ਹਮੇਸ਼ਾ ਸੀਨ ਨੂੰ ਪਹਿਲ ਦਿੰਦੇ ਹਨ, ਨਾ ਕਿ ਖ਼ੁਦ ਨੂੰ। ਇਹ ਉਨ੍ਹਾਂ ਦੀ ਟ੍ਰੇਨਿੰਗ ਅਤੇ ਉਦਾਰ ਸੁਭਾਅ ਦਾ ਹੀ ਨਤੀਜਾ ਹੈ ਕਿ ਉਹ ਸੀਨ ਨੂੰ ਬਿਹਤਰ ਬਣਾਉਣ ਲਈ ਕੰਮ ਕਰਦੇ ਹਨ। ਉਨ੍ਹਾਂ ਨਾਲ ਕੰਮ ਕਰਨਾ ਰਚਨਾਤਮਕ ਤੌਰ 'ਤੇ ਬਹੁਤ ਸੰਤੁਸ਼ਟੀਜਨਕ ਰਿਹਾ।"
ਦੂਜੇ ਪਾਸੇ, ਵਿਜੇ ਵਰਮਾ ਨੇ ਵੀ ਕ੍ਰਿਤਿਕਾ ਦੀ ਮਿਹਨਤ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਹ ਹਰ ਟੇਕ ਵਿੱਚ ਕੁਝ ਨਵਾਂ ਲੈ ਕੇ ਆਉਂਦੀ ਹੈ। ਵਿਜੇ ਮੁਤਾਬਕ, ਕ੍ਰਿਤਿਕਾ ਇੱਕ ਸਹਿ-ਕਲਾਕਾਰ ਵਜੋਂ ਉਨ੍ਹਾਂ ਨੂੰ ਲਗਾਤਾਰ ਚੁਣੌਤੀ ਦਿੰਦੀ ਹੈ। ਉਸ ਦੀ 'ਅਨਪ੍ਰੇਡਿਕਟੇਬਿਲਟੀ' ਅਤੇ ਕੰਮ ਪ੍ਰਤੀ ਵਚਨਬੱਧਤਾ ਕਾਰਨ ਉਹ ਮੇਰੀਆਂ ਪਸੰਦੀਦਾ ਅਦਾਕਾਰਾਂ ਵਿੱਚੋਂ ਇੱਕ ਹੈ। ਇਸ ਨਾਲ ਸੀਨ ਦੀ ਐਨਰਜੀ ਹਮੇਸ਼ਾ ਬਣੀ ਰਹਿੰਦੀ ਹੈ। ਦੋਵਾਂ ਅਦਾਕਾਰਾਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਦਾ ਮੁੱਖ ਟੀਚਾ ਕਹਾਣੀ ਨੂੰ ਬਿਹਤਰ ਤਰੀਕੇ ਨਾਲ ਪੇਸ਼ ਕਰਨਾ ਹੈ। ਇਹੀ ਕਾਰਨ ਹੈ ਕਿ ਉਨ੍ਹਾਂ ਦੀ ਆਫ਼-ਸਕ੍ਰੀਨ ਬੌਂਡਿੰਗ ਹੁਣ ਪਰਦੇ 'ਤੇ ਸ਼ਾਨਦਾਰ ਕੈਮਿਸਟਰੀ ਦੇ ਰੂਪ ਵਿੱਚ ਨਜ਼ਰ ਆ ਰਹੀ ਹੈ, ਜਿਸ ਨੂੰ ਲੋਕ ਖ਼ੂਬ ਪਸੰਦ ਕਰ ਰਹੇ ਹਨ।
'ਟੌਕਸਿਕ: ਏ ਫੇਅਰੀਟੇਲ ਫਾਰ ਗ੍ਰੋਨ-ਅਪਸ': ਰਾਕਿੰਗ ਸਟਾਰ ਯਸ਼ ਨੇ ਖੋਲ੍ਹੇ ਫਿਲਮ ਦੀ ਕਹਾਣੀ ਤੇ ਐਕਸ਼ਨ ਦੇ ਰਾਜ਼
NEXT STORY 
