ਮੁੰਬਈ- ਬੀ-ਟਾਊਨ ਦੇ ਪ੍ਰੇਮੀ ਰਿਚਾ ਚੱਢਾ ਅਤੇ ਅਲੀ ਫਜ਼ਲ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਸ਼ੁਰੂ ਹੋ ਗਏ ਹਨ। ਇਸ ਜੋੜੇ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦਿੱਲੀ ’ਚ ਹੋ ਰਹੇ ਹਨ। ਜਿੱਥੇ 29 ਸਤੰਬਰ ਨੂੰ ਰਿਚਾ ਦੇ ਹੱਥਾਂ ’ਤੇ ਮਹਿੰਦੀ ਲਗਾਈ ਗਈ ਸੀ। 30 ਸਤੰਬਰ ਨੂੰ ਜੋੜੇ ਦਾ ਸੰਗੀਤ ਸਮਾਰੋਹ ਸੀ।
ਜੋੜੇ ਦੇ ਇਸ ਸਮਾਰੋਹ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਇਨ੍ਹਾਂ ਤਸਵੀਰਾਂ ’ਚ ਰਿਚਾ ਅਤੇ ਅਲੀ ਦੀ ਸ਼ਾਨਦਾਰ ਲੁੱਕ ਦੇਖਣ ਨੂੰ ਮਿਲੀ। ਲੁੱਕ ਦੀ ਗੱਲ ਕਰੀਏ ਤਾਂ ਰਿਚਾ ਪੀਲੇ ਰੰਗ ਦੀ ਸਾੜ੍ਹੀ ’ਚ ਕਾਫ਼ੀ ਖੂਬਸੂਰਤ ਲੱਗ ਰਹੀ ਸੀ।
ਇਹ ਵੀ ਪੜ੍ਹੋ : ਰਿਚਾ ਅਤੇ ਅਲੀ ਦੇ ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ, ਅਦਾਕਾਰਾ ਨੇ ਮਹਿੰਦੀ ਵਾਲੇ ਹੱਥਾਂ ਦੀ ਪਾਈ ਇੰਸਟਾ 'ਤੇ ਸਟੋਰੀ
ਇਸ ਦੇ ਨਾਲ ਮਿਨੀਮਲ ਮੇਕਅੱਪ ਕੀਤਾ ਹੋਇਆ ਹੈ। ਇਸ ਦੌਰਾਨ ਸਭ ਦੀਆਂ ਨਜ਼ਰਾਂ ਰਿਚਾ ਦੀ ਮੰਗਣੀ ਦੀ ਡਾਇਮੰਡ ਰਿੰਗ ’ਤੇ ਵੀ ਟਿਕੀਆਂ ਹੋਈਆਂ ਸਨ।
ਅਲੀ ਨੇ ਰਿਚਾ ਨੂੰ ਆਪਣੀ ਮੰਗਣੀ ਲਈ ਗੋਲ ਆਕਾਰ ਦੀ ਹੀਰੇ ਦੀ ਅੰਗੂਠੀ ਦਿੱਤੀ ਸੀ। ਇਸ ਦੇ ਨਾਲ ਹੀ ਅਲੀ ਫਜ਼ਲ ਵੀ ਕਿਸੇ ਨਵਾਬ ਤੋਂ ਘੱਟ ਨਹੀਂ ਲੱਗ ਰਹੇ।
ਅਲੀ ਨੇ ਚਿੱਟੀ ਸ਼ੇਰਵਾਨੀ ਅਤੇ ਉਸ ’ਤੇ ਕਢਾਈ ਵਾਲੀ ਜੈਕਟ ਪਾਈ ਹੈ। ਕੈਮਰੇ ਅੱਗੇ ਪੋਜ਼ ਦਿੰਦੇ ਹੋਏ ਜੋੜਾ ਕਾਫ਼ੀ ਮੁਸਕਰਾ ਰਿਹਾ ਹੈ। ਜੋੜੇ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਪ੍ਰਸ਼ੰਸਕ ਕਾਫ਼ੀ ਪਸੰਦ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਰਿਚਾ ਅਤੇ ਅਲੀ ਦੇ ਚਿਹਰੇ ’ਤੇ ਵਿਆਹ ਦਾ ਨੂਰ ਆਇਆ ਨਜ਼ਰ, ਇਕ ਦੂਜੇ ਨਾਲ ਦੇ ਰਹੇ ਸ਼ਾਨਦਾਰ ਪੋਜ਼
ਇਸ ਤੋਂ ਪਹਿਲਾਂ ਰਿਚਾ ਨੇ ਆਪਣੇ ਹੋਣ ਵਾਲੇ ਪਤੀ ਅਲੀ ਨਾਲ ਕੁਝ ਸ਼ਾਨਦਾਰ ਤਸਵੀਰਾਂ ਸਾਂਝੀਆਂ ਕੀਤੀਆਂ ਸਨ।
ਦੱਸ ਦੇਈਏ ਰਿਚਾ ਅਤੇ ਅਲੀ ਦੀ ਮੁਲਾਕਾਤ ਫੁਕਰੇ ਦੇ ਸੈੱਟ ’ਤੇ ਹੋਈ ਸੀ ਅਤੇ ਉਥੋਂ ਹੀ ਉਨ੍ਹਾਂ ਦੀ ਪ੍ਰੇਮ ਕਹਾਣੀ ਸ਼ੁਰੂ ਹੋਈ ਸੀ। ਜੋੜੇ ਨੇ 2020 ’ਚ ਵਿਆਹ ਕਰਵਾਉਣ ਵਾਲੇ ਸਨ ਪਰ ਕੋਵਿਡ ਕਾਰਨ ਮੁਲਤਵੀ ਕਰਨਾ ਪਿਆ। ਜੋੜੇ ਦੇ ਵਿਆਹ ਦੀ ਤਾਰੀਖ਼ ਨੂੰ ਲੈ ਕੇ ਅਜੇ ਵੀ ਪ੍ਰਸ਼ੰਸਕ ਇੰਤਜ਼ਾਰ ’ਚ ਹਨ।
ਪਹਿਲਾਂ ਕਿਹਾ ਜਾ ਰਿਹਾ ਸੀ ਕਿ ਵਿਆਹ 4 ਅਕਤੂਬਰ ਨੂੰ ਹੋਵੇਗਾ ਪਰ ਮਹਿੰਦੀ ਸੈਰੇਮਨੀ ਨੂੰ ਦੇਖਦੇ ਹੋਏ ਲੱਗਦਾ ਹੈ ਕਿ ਵਿਆਹ 1 ਜਾਂ 2 ਅਕਤੂਬਰ ਨੂੰ ਹੋ ਸਕਦਾ ਹੈ।
ਦਿਲਜੀਤ ਦੋਸਾਂਝ ਨੇ ‘ਬਾਬੇ ਭੰਗੜਾ ਪਾਉਂਦੇ ਨੇ’ ਫ਼ਿਲਮ ਨੂੰ ਲੈ ਕੇ ਸਾਂਝੀਆਂ ਕੀਤੀਆਂ ਮਜ਼ੇਦਾਰ ਗੱਲਾਂ
NEXT STORY 
