ਮੁੰਬਈ: ਅਦਾਕਾਰਾ ਕਰੀਨਾ ਕਪੂਰ ਖ਼ਾਨ ਅਤੇ ਸੈਫ ਅਲੀ ਖ਼ਾਨ ਦੇ ਘਰ ਜਲਦ ਹੀ ਇਕ ਨੰਨ੍ਹਾ ਮਹਿਮਾਨ ਆਉਣ ਵਾਲਾ ਹੈ। ਜਿਸ ਨੂੰ ਲੈ ਕੇ ਜੋੜੇ ਨੇ ਤਿਆਰੀਆਂ ਵੀ ਕਰ ਲਈਆਂ ਹਨ। ਉੱਧਰ ਬੇਬੋ ਗਰਭ ਅਵਸਥਾ ਪੀਰੀਅਡ ਦਾ ਕਾਫ਼ੀ ਆਨੰਦ ਲੈ ਰਹੀ ਹੈ ਅਤੇ ਇਸ ਦੌਰਾਨ ਕਰੀਨਾ ਕੰਮ ਵੀ ਕਰ ਰਹੀ ਹੈ। ਪਿਛਲੇ ਦਿਨ ਅਦਾਕਾਰਾ ਦੀਆਂ ਬਹੁਤ ਸਾਰੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਈਆਂ। ਗਰਭ ਅਵਸਥਾ ਦੌਰਾਨ ਅਦਾਕਾਰਾ ਦਾ ਭਾਰ ਵੀ ਕਾਫ਼ੀ ਵਧ ਗਿਆ ਜਿਸ ਕਾਰਨ ਉਹ ਆਪਣੇ ਪੁਰਾਣੇ ਦਿਨਾਂ ਨੂੰ ਕਾਫ਼ੀ ਯਾਦ ਕਰ ਰਹੀ ਹੈ।
ਪੁਰਾਣੇ ਦਿਨਾਂ ਨੂੰ ਯਾਦ ਕਰ ਰਹੀ ਕਰੀਨਾ
ਹਾਲ ਹੀ ’ਚ ਕਰੀਨਾ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀ ’ਤੇ ਇਕ ਤਸਵੀਰ ਸਾਂਝੀ ਕੀਤੀ ਹੈ। ਅਦਾਕਾਰਾ ਦੀ ਇਹ ਥੋ੍ਰ-ਬੈਕ ਤਸਵੀਰ ਹੈ ਜਿਸ ’ਚ ਉਹ ਪੀਲੇ ਰੰਗ ਦੇ ਟਾਪ ਅਤੇ ਜੀਨਸ ’ਚ ਨਜ਼ਰ ਆ ਰਹੀ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਅਦਾਕਾਰਾ ਨੇ ਇਸ ਦੀ ਕੈਪਸ਼ਨ ’ਚ ਲਿਖਿਆ ਕਿ ਮੈਂ ਹੁਣ ਦੁਬਾਰਾ ਕਦੋਂ ਜੀਨਸ ਪਾਵਾਂਗੀ?
ਉਡੀਕ ਕਰ ਰਹੀ ਹੈ ਕਰੀਨਾ
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਕਰੀਨਾ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਇਕ ਪੋਸਟ ਸ਼ੇਅਰ ਕੀਤੀ ਸੀ ਜਿਸ ’ਚ ਅਦਾਕਾਰਾ ਬਲੈਕ ਡਰੈੱਸ ’ਚ ਨਜ਼ਰ ਆ ਰਹੀ ਹੈ ਅਤੇ ਉਹ ਸੋਫੇ ’ਤੇ ਬੈਠੀ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਕਰੀਨਾ ਨੇ ਲਿਖਿਆ ਕਿ ਮੈਂ ਉਡੀਕ ਕਰ ਰਹੀ ਹਾਂ’। ਇਸ ਤਸਵੀਰ ਨੂੰ ਵੀ ਪ੍ਰਸ਼ੰਸਕ ਖ਼ੂਬ ਪਿਆਰ ਕਰ ਰਹੇ ਹਨ। ਬੇਬੋ ਦੀ ਇਸ ਤਸਵੀਰ ’ਤੇ ਇਕ ਪਾਸੇ ਜਿਥੇ ਪ੍ਰਸ਼ੰਸਕ ਰਿਐਕਸ਼ਨ ਦੇ ਰਹੇ ਹਨ ਉੱਧਰ ਦੂਜੇ ਪਾਸੇ ਇਸ ’ਤੇ ਮਲਾਇਕਾ ਅਰੋੜਾ ਤੋਂ ਇਲਾਵਾ ਹੋਰ ਵੀ ਬਹੁਤ ਸਾਰੇ ਸਿਤਾਰਿਆਂ ਨੇ ਇਸ ’ਤੇ ਰਿਐਕਟ ਕੀਤਾ ਹੈ।
ਗਰਭ ਅਵਸਥਾ ਦੌਰਾਨ ਵੀ ਡਰੈੱਸ ਕਾਰਨ ਚਰਚਾ ’ਚ ਰਹਿੰਦੀ ਹੈ ਕਰੀਨਾ
ਅਦਾਕਾਰਾ ਕਰੀਨਾ ਕਪੂਰ ਖ਼ਾਨ ਗਰਭ ਅਵਸਥਾ ਦੌਰਾਨ ਵੀ ਆਪਣੇ ਫੈਸ਼ਨ ਦਾ ਪੂਰਾ ਖਿਆਲ ਰੱਖ ਰਹੀ ਹੈ। ਚਾਹੇ ਉਹ ਇਨੀਂ ਦਿਨੀਂ ਖੁੱਲ੍ਹੇ ਕੱਪੜੇ ਪਾ ਰਹੀ ਹੈ ਪਰ ਪ੍ਰਸ਼ੰਸਕ ਉਨ੍ਹਾਂ ਦੀ ਹਰ ਇਕ ਦਿੱਖ ਨੂੰ ਪਸੰਦ ਕਰ ਰਹੇ ਹਨ।
ਨੋਟ:ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦੱਸੋ।
ਗਰੀਬ ਪਰਿਵਾਰ ਲਈ ਫ਼ਰਿਸ਼ਤਾ ਬਣੇ ਸੋਨੂੰ ਸੂਦ, ਬੱਚਿਆਂ ਨੂੰ ਅਨਾਥ ਹੋਣ ਤੋਂ ਬਚਾਇਆ
NEXT STORY 
