ਮੁੰਬਈ- ਸਾਊਥ ਅਤੇ ਬਾਲੀਵੁੱਡ ਅਦਾਕਾਰਾ ਸਮੰਥਾ ਰੂਥ ਪ੍ਰਭੂ ਨੇ ਇੱਕ ਬੁਰੀ ਖ਼ਬਰ ਸਾਂਝੀ ਕੀਤੀ ਹੈ। ਅਦਾਕਾਰਾ ਦੇ ਪਿਤਾ ਦਾ ਦੇਹਾਂਤ ਹੋ ਗਿਆ ਹੈ। ਸ਼ੋਕ ਸੰਦੇਸ਼ ਸਾਂਝਾ ਕਰਦੇ ਹੋਏ, ਸਮੰਥਾ ਨੇ ਸੋਸ਼ਲ ਮੀਡੀਆ 'ਤੇ ਟੁੱਟੇ ਦਿਲ ਦਾ ਇਮੋਜੀ ਪਾਇਆ ਹੈ। ਅਭਿਨੇਤਰੀ ਲਈ ਇਹ ਬਹੁਤ ਮੁਸ਼ਕਲ ਸਮਾਂ ਹੈ। ਸਮੰਥਾ ਪਿਛਲੇ ਕੁਝ ਸਾਲਾਂ ਤੋਂ ਮਾਈਓਸਾਈਟਿਸ ਨਾਮਕ ਖਤਰਨਾਕ ਆਟੋਇਮਿਊਨ ਬਿਮਾਰੀ ਤੋਂ ਪੀੜਤ ਹੈ। ਉਸ ਦਾ ਕੁਝ ਸਾਲ ਪਹਿਲਾਂ ਅਦਾਕਾਰ ਨਾਗਾ ਚੈਤਨਿਆ ਨਾਲ ਵੀ ਤਲਾਕ ਹੋ ਗਿਆ ਸੀ। ਉਹ ਔਖੇ ਸਮੇਂ ਬਾਰੇ ਕਈ ਵਾਰ ਗੱਲ ਕਰ ਚੁੱਕੀ ਹੈ। ਇਸ ਦੌਰਾਨ ਅਦਾਕਾਰਾ ਦੇ ਪਿਤਾ ਦੇ ਅਚਾਨਕ ਦਿਹਾਂਤ ਨੇ ਉਸ ਦੇ ਦਰਦ ਨੂੰ ਹੋਰ ਵਧਾ ਦਿੱਤਾ ਹੈ।
ਸੰਮਥਾ ਨੇ ਹਾਰਟ ਬ੍ਰੇਕ ਇਮੋਜੀ ਸ਼ੇਅਰ ਕੀਤਾ ਹੈ।
ਸਮੰਥਾ ਰੂਥ ਪ੍ਰਭੂ ਦਾ ਜਨਮ ਚੇਨਈ ਦੇ ਵਸਨੀਕ ਜੋਸੇਫ਼ ਪ੍ਰਭੂ ਅਤੇ ਨਿਨੇਟ ਪ੍ਰਭੂ ਦੇ ਘਰ ਹੋਇਆ ਸੀ। ਅਭਿਨੇਤਰੀ ਨੇ ਆਪਣੇ ਸਟਾਰਡਮ ਦੇ ਸਫ਼ਰ ਵਿੱਚ ਆਪਣੇ ਪਾਲਣ-ਪੋਸ਼ਣ ਅਤੇ ਆਪਣੇ ਮਾਤਾ-ਪਿਤਾ ਦੀ ਭੂਮਿਕਾ ਬਾਰੇ ਕਈ ਵਾਰ ਗੱਲ ਕੀਤੀ ਹੈ। ਜੋਸਫ਼ ਐਂਗਲੋ-ਇੰਡੀਅਨ ਸਨ। ਬੇਟੀ ਸਾਮੰਥਾ ਦੀ ਜ਼ਿੰਦਗੀ 'ਚ ਉਨ੍ਹਾਂ ਦੀ ਵੱਡੀ ਭੂਮਿਕਾ ਸੀ। ਕੁਝ ਸਮਾਂ ਪਹਿਲਾਂ ਅਦਾਕਾਰਾ ਨੇ ਆਪਣੇ ਪਿਤਾ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਗੱਲ ਕੀਤੀ ਸੀ। ਸਾਮੰਥਾ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦੀ ਬਚਪਨ ਦੀ ਇਨਸਕਿਓਰਿਟੀ ਉਨ੍ਹਾਂ ਦੇ ਪਿਤਾਂ ਦੇ ਸਖਤ ਸ਼ਬਦਾਂ ਕਾਰਨ ਆਈ ਸੀ।
ਸਮੰਥਾ ਨੇ ਇਕ ਮੀਡੀਆ ਚੈਨਲ ਨਾਲ ਗੱਲਬਾਤ ਦੌਰਾਨ ਕਿਹਾ ਸੀ, 'ਮੇਰੀ ਪੂਰੀ ਜ਼ਿੰਦਗੀ ਮੈਨੂੰ ਪ੍ਰਮਾਣਿਕਤਾ ਲਈ ਲੜਨਾ ਪਿਆ ਹੈ। ਮੇਰੇ ਪਿਤਾ ਦੂਜੇ ਭਾਰਤੀ ਮਾਪਿਆਂ ਵਾਂਗ ਸਨ। ਉਹ ਸੋਚਦੇ ਹਨ ਕਿ ਉਹ ਤੁਹਾਡੀ ਰੱਖਿਆ ਕਰ ਰਹੇ ਹਨ। ਉਹ ਤੁਹਾਨੂੰ ਕਹਿੰਦੇ ਹਨ - ਤੁਸੀਂ ਵੈਸੇ ਵੀ ਇੰਨੇ ਹੁਸ਼ਿਆਰ ਨਹੀਂ ਹੋ। ਮੇਰੇ ਪਿਤਾ ਜੀ ਨੇ ਅਸਲ ਵਿੱਚ ਮੈਨੂੰ ਕਿਹਾ - ਤੁਸੀਂ ਇੰਨੇ ਹੁਸ਼ਿਆਰ ਨਹੀਂ ਹੋ। ਅਦਾਕਾਰਾ ਨੇ ਦੱਸਿਆ ਸੀ ਕਿ ਸਾਰੀ ਉਮਰ ਵੈਲੀਡੇਸ਼ਨ ਲਈ ਲੜਨ ਤੋਂ ਬਾਅਦ ਜਦੋਂ ਉਸ ਨੂੰ ਆਪਣੇ ਕੰਮ ਦੀ ਤਾਰੀਫ ਮਿਲਣ ਲੱਗੀ ਤਾਂ ਉਸ ਨੂੰ ਸਮਝ ਨਹੀਂ ਆ ਰਹੀ ਸੀ ਕਿ ਇਸ ਨੂੰ ਸਹੀ ਤੇ ਸਹੀ ਕਿਵੇਂ ਮੰਨ ਲਿਆ ਜਾਵੇ।
ਸਾਲ 2021 ਵਿੱਚ ਨਾਗਾ ਚੈਤੰਨਿਆ ਨਾਲ ਸਮੰਥਾ ਰੂਥ ਪ੍ਰਭੂ ਦੇ ਤਲਾਕ ਦਾ ਉਨ੍ਹਾਂ ਦੇ ਪਿਤਾ ਜੋਸੇਫ਼ ਪ੍ਰਭੂ ਉੱਤੇ ਵੀ ਵੱਡਾ ਪ੍ਰਭਾਵ ਪਿਆ ਸੀ। ਜੋਸੇਫ਼ ਨੇ ਸਮੰਥਾ ਅਤੇ ਚੈਤੰਨਿਆ ਦੇ ਵੱਖ ਹੋਣ ਦੀ ਖਬਰ 'ਤੇ ਵੱਖਰੀ ਪ੍ਰਤੀਕਿਰਿਆ ਦਿੱਤੀ ਸੀ। ਉਨ੍ਹਾਂ ਨੇ ਕੋਈ ਬਿਆਨ ਜਾਰੀ ਕਰਨ ਦੀ ਬਜਾਏ ਫੇਸਬੁੱਕ 'ਤੇ ਕਵਿਤਾ ਲਿਖ ਕੇ ਆਪਣੀਆਂ ਭਾਵਨਾਵਾਂ ਦਾ ਪ੍ਰਗਟਾਵਾ ਕੀਤਾ ਸੀ।
ਹਿਮਾਂਸ਼ੀ ਖੁਰਾਣਾ ਨੂੰ ਮੁੜ ਵੱਡਾ ਝਟਕਾ, ਆਸਿਮ ਰਿਆਜ਼ ਨੇ ਕਰ 'ਤਾ ਇਹ ਕਾਂਡ
NEXT STORY 
