ਮੁੰਬਈ- ਰੈਪਰ ਅਤੇ ਗਾਇਕ ਬਾਦਸ਼ਾਹ ਦੇ ਗੀਤਾਂ ਨੂੰ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਇਨ੍ਹਾਂ ਦਿਨੀਂ ਉਨ੍ਹਾਂ ਦਾ ਗੀਤ ‘ਮੋਰਨੀ’ ਕਾਫੀ ਮਸ਼ਹੂਰ ਹੋ ਰਿਹਾ ਹੈ। ਹਾਲ ਹੀ ‘ਚ ਬਾਦਸ਼ਾਹ ਨੇ ਦੱਸਿਆ ਕਿ ਇੱਕ ਸਮੇਂ ਉਹ ਆਪਣੇ ਕਰੀਅਰ ‘ਚ ਬੁਰੇ ਦੌਰ ‘ਚੋਂ ਗੁਜ਼ਰ ਰਹੇ ਸਨ। ਉਸ ਸਮੇਂ ਸ਼ਾਹਰੁਖ ਖਾਨ ਦੀ ਸਲਾਹ ਨੇ ਉਨ੍ਹਾਂ ਦੀ ਜ਼ਿੰਦਗੀ ਬਦਲ ਦਿੱਤੀ ਸੀ ਅਤੇ ਇਸ ਨੂੰ ਦੂਰ ਕਰਨ ‘ਚ ਕਾਫੀ ਹੱਦ ਤੱਕ ਮਦਦ ਕੀਤੀ ਸੀ। ਬਾਦਸ਼ਾਹ ਨੇ ਇਹ ਵੀ ਯਾਦ ਕੀਤਾ ਕਿ ਸ਼ਾਹਰੁਖ ਨੇ ਉਨ੍ਹਾਂ ਨੂੰ ਦੱਸਿਆ ਸੀ ਕਿ ਜਦੋਂ ਉਹ ਬ੍ਰੇਕ ‘ਤੇ ਸੀ, ਤਾਂ ਉਸ ਨੇ ਸਭ ਤੋਂ ਵਧੀਆ ਤਰੀਕੇ ਨਾਲ ਪਾਸਤਾ ਬਣਾਉਣਾ ਸਿੱਖਿਆ ਸੀ।ਬਾਦਸ਼ਾਹ ਦੇ ਇੰਟਰਵਿਊ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਉਹ ਕਹਿੰਦੇ ਹਨ, “ਹਾਲ ਹੀ ਵਿੱਚ ਮੈਂ ਇੱਕ ਫਲਾਈਟ ਵਿੱਚ ਸ਼ਾਹਰੁਖ ਖਾਨ ਨੂੰ ਮਿਲਿਆ ਅਤੇ ਉਨ੍ਹਾਂ ਨੇ ਮੇਰੀ ਬਹੁਤ ਮਦਦ ਕੀਤੀ। ਮੈਂ ਆਪਣੀ ਰਚਨਾਤਮਕਤਾ ਦੇ ਸਬੰਧ ਵਿੱਚ ਇੱਕ ਮੁਸ਼ਕਲ ਦੌਰ ਵਿੱਚੋਂ ਲੰਘ ਰਿਹਾ ਸੀ। ਉਨ੍ਹਾਂ ਦੀ ਮੈਨੇਜਰ ਪੂਜਾ ਡਡਲਾਨੀ ਪਹਿਲੇ ਆਈ। ਉਨ੍ਹਾਂ ਨੇ ਕਿਹਾ ਕੀ ਤੁਸੀਂ ਆਪਣੀ ਮਾਡਲਿੰਗ ਖ਼ਤਮ ਕਰ ਲਈ ਹੈ? ਫਿਰ ਉਹ ਵਾਪਸ ਚਲੀ ਗਈ ਅਤੇ ਮੈਨੂੰ ਵੀ ਬੁਲਾਇਆ। ਮੈਂ ਸੋਚਿਆ ਕਿ ਉਹ ਇਕੱਲੀ ਹੈ, ਪਰ ਫਿਰ ਮੈਂ ਦੇਖਿਆ ਕਿ ਸ਼ਾਹਰੁਖ ਖਾਨ ਵੀ ਉੱਥੇ ਬੈਠੇ ਸਨ।
ਇਹ ਵੀ ਪੜ੍ਹੋ-ਇਸ ਬਾਲੀਵੁੱਡ ਅਦਾਕਾਰ ਨੇ ਅਚਾਨਕ ਐਕਟਿੰਗ ਛੱਡਣ ਦਾ ਕੀਤਾ ਐਲਾਨ
ਸ਼ਾਹਰੁਖ ਖਾਨ ਨੇ ਕੀ ਦਿੱਤੀ ਸਲਾਹ?
ਸ਼ਾਹਰੁਖ ਖਾਨ ਨਾਲ ਹੋਈ ਗੱਲਬਾਤ ਨੂੰ ਯਾਦ ਕਰਦੇ ਹੋਏ ਬਾਦਸ਼ਾਹ ਨੇ ਕਿਹਾ, ‘ਮੈਂ ਇੱਕ ਗੀਤ ਬਣਾਇਆ ਸੀ, ਜੋ ਚੰਗਾ ਨਹੀਂ ਸੀ। ਹਾਲ ਹੀ ਵਿੱਚ ਜਦੋਂ ਮੈਂ ਇੱਕ ਫਲਾਈਟ ਵਿੱਚ ਸ਼ਾਹਰੁਖ਼ ਖਾਨ ਸਰ ਨੂੰ ਮਿਲਿਆ ਤਾਂ ਉਨ੍ਹਾਂ ਨੇ ਪੁੱਛਿਆ ਕਿ ਸੰਗੀਤ ਕਿਵੇਂ ਚੱਲ ਰਿਹਾ ਹੈ, ਮੈਂ ਕਿਹਾ, ਮੈਂ ਇੱਕ ਗੀਤ ਬਣਾਇਆ ਹੈ ਜੋ ਚੰਗਾ ਨਹੀਂ ਸੀ। ਫਿਰ ਉਨ੍ਹਾਂ ਨੇ ਮੈਨੂੰ ਕਿਹਾ ਨਾ ਬਣਾਓ। ਪਾਸਤਾ ਬਣਾਉਣ ਦਾ ਤਰੀਕਾ ਸਿੱਖਣ ਵਿੱਚ ਮੈਨੂੰ ਚਾਰ ਸਾਲ ਲੱਗ ਗਏ, ਇਸ ਲਈ ਜਦੋਂ ਵੀ ਤੁਸੀਂ ਇਸ ਨੂੰ ਪਸੰਦ ਕਰੋ ਇਸਨੂੰ ਬਣਾਓ। ਮੈਂ ਕੁਝ ਨਹੀਂ ਕੀਤਾ, ਬਸ ਪਾਸਤਾ ਬਣਾਇਆ ਹੈ।’
ਇਹ ਵੀ ਪੜ੍ਹੋ- ਤਲਾਕ ਦੀਆਂ ਖਬਰਾਂ ਵਿਚਾਲੇ ਐਸ਼ਵਰਿਆ ਦੀ ਅਣਜਾਣ ਸ਼ਖਸ਼ ਨਾਲ ਤਸਵੀਰ ਵਾਈਰਲ
ਇਸ ਫਿਲਮ ‘ਚ ਬਾਦਸ਼ਾਹ ਆਉਣਗੇ ਨਜ਼ਰ
ਬਾਦਸ਼ਾਹ ਨੇ ਅੱਗੇ ਕਿਹਾ ਕਿ ਸ਼ਾਹਰੁਖ ਖਾਨ ਦੇ ਇਨ੍ਹਾਂ ਸ਼ਬਦਾਂ ਨੇ ਉਨ੍ਹਾਂ ਦੀ ਮਦਦ ਕੀਤੀ। ਉਹ ਕਹਿੰਦੇ ਹਨ, ‘ਮੈਨੂੰ ਬਹੁਤ ਚੰਗਾ ਲੱਗਾ ਜਦੋਂ ਮੈਨੂੰ ਸ਼ਾਹਰੁਖ ਖਾਨ ਵਰਗੀ ਸ਼ਖਸੀਅਤ ਤੋਂ ਮਦਦ ਮਿਲੀ। ਜ਼ਿੰਦਗੀ ਵਿੱਚ ਕਿਸੇ ਵੀ ਚੀਜ਼ ਲਈ ਇਰਾਦਾ ਬਹੁਤ ਮਾਇਨੇ ਰੱਖਦਾ ਹੈ। ਦੱਸਿਆ ਜਾਂਦਾ ਹੈ ਕਿ ਬਾਦਸ਼ਾਹ ਧਰਮਾ ਪ੍ਰੋਡਕਸ਼ਨ ਦੀ ਫਿਲਮ ‘ਸੰਨੀ ਸੰਸਕਾਰੀ ਕੀ ਤੁਲਸੀ ਕੁਮਾਰੀ’ ‘ਚ ਐਕਟਿੰਗ ਕਰਦੇ ਨਜ਼ਰ ਆਉਣਗੇ। ਫਿਲਹਾਲ ਉਹ ‘ਇੰਡੀਅਨ ਆਈਡਲ 14’ ‘ਚ ਜੱਜ ਦੇ ਰੂਪ ‘ਚ ਨਜ਼ਰ ਆ ਰਹੇ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਤਲਾਕ ਦੀਆਂ ਖਬਰਾਂ ਵਿਚਾਲੇ ਐਸ਼ਵਰਿਆ ਦੀ ਅਣਜਾਣ ਸ਼ਖਸ਼ ਨਾਲ ਤਸਵੀਰ ਵਾਇਰਲ
NEXT STORY 
