ਮੁੰਬਈ (ਬਿਊਰੋ)– ਹਾਲ ਹੀ ’ਚ ਰਿਲੀਜ਼ ਹੋਈ ਰਣਬੀਰ ਕਪੂਰ ਦੀ ਫ਼ਿਲਮ ‘ਸ਼ਮਸ਼ੇਰਾ’ ਬਾਕਸ ਆਫਿਸ ’ਤੇ ਖ਼ਾਸ ਕਮਾਲ ਨਹੀਂ ਦਿਖਾ ਸਕੀ। ਫ਼ਿਲਮ ਦੀ ਪ੍ਰਮੋਸ਼ਨ ਤਾਂ ਜ਼ੋਰਾਂ-ਸ਼ੋਰਾਂ ’ਤੇ ਕੀਤੀ ਗਈ ਸੀ ਪਰ ਫ਼ਿਲਮ ਸਿਨੇਮਾਘਰਾਂ ਤਕ ਦਰਸ਼ਕਾਂ ਨੂੰ ਖਿੱਚਣ ’ਚ ਨਾਕਾਮ ਰਹੀ। ਫ਼ਿਲਮ ’ਚ ਰਣਬੀਰ ਤੋਂ ਇਲਾਵਾ ਵਾਣੀ ਕਪੂਰ ਤੇ ਸੰਜੇ ਦੱਤ ਵੀ ਮੁੱਖ ਭੂਮਿਕਾ ’ਚ ਦਿਖੇ ਸਨ। ਇਹ ਫ਼ਿਲਮ ਮਹੀਨੇ ਭਰ ਦੇ ਅੰਦਰ ਹੀ ਓ. ਟੀ. ਟੀ. ਪਲੇਟਫਾਰਮ ’ਤੇ ਆ ਗਈ। ਹੁਣ ਸੋਸ਼ਲ ਮੀਡੀਆ ’ਤੇ ਫ਼ਿਲਮ ਦਾ ਇਕ ਸੀਨ ਵਾਇਰਲ ਹੋਣ ਲੱਗਾ ਹੈ, ਜਿਸ ਨੂੰ ਲੋਕ ਵੱਡੀ ਗਲਤੀ ਦੱਸ ਰਹੇ ਹਨ। ਇਸ ਫਾਈਟ ਸੀਨ ’ਤੇ ਲੋਕ ਰੱਜ ਕੇ ਆਪਣੀ ਮਜ਼ੇਦਾਰ ਪ੍ਰਤੀਕਿਰਿਆ ਦੇ ਰਹੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਬਾਬੇ ਕੋਲ ਪਹੁੰਚੇ ਇੰਦਰਜੀਤ ਨਿੱਕੂ, ਰੋਂਦਿਆਂ ਸੁਣਾਏ ਦੁੱਖ, ਦੇਖੋ ਵੀਡੀਓ
ਅਸਲ ’ਚ ਫ਼ਿਲਮ ਦੇ ਇਕ ਫਾਈਟ ਸੀਨ ’ਚ ਵਾਣੀ ਦੀ ਗੋਦ ’ਚ ਨਵਜੰਮਾ ਬੱਚੇ ਨੂੰ ਦਿਖਾਇਆ ਗਿਆ ਹੈ। ਲੋਕਾਂ ਦਾ ਮੰਨਣਾ ਹੈ ਕਿ ਇਸ ਸੀਨ ’ਚ ਵਾਣੀ ਦੇ ਹੱਥ ’ਚ ਬੱਚਾ ਨਹੀਂ, ਸਿਰਫ ਕੱਪੜਾ ਹੈ। ਇਸ ਦੇ ਨਾਲ ਹੀ ਲੋਕ ਡਾਇਰੈਕਟਰ ਦਾ ਵੀ ਮਜ਼ਾਕ ਬਣਾ ਰਹੇ ਹਨ। ਉਹ ਕਹਿ ਰਹੇ ਹਨ ਕਿ ਡਾਇਰੈਕਟਰ ਕੋਲ ਇੰਨਾ ਪੈਸਾ ਵੀ ਨਹੀਂ ਸੀ ਕਿ ਉਹ ਬੱਚੇ ਨੂੰ ਦਿਖਾਉਣ ਲਈ ਇਕ ਗੁੱਡੀ ਹੀ ਖਰੀਦ ਲੈਂਦਾ। ਇਕ ਟਵਿਟਰ ਯੂਜ਼ਰ ਨੇ ਇਸ ਸੀਨ ਨੂੰ ਸਾਂਝਾ ਕਰਦਿਆਂ ਲਿਖਿਆ, ‘‘ਚਲੋ ਮੰਨ ਲੈਂਦੇ ਹਾਂ ਕਿ ਉਹ ਇਕ ਬੱਚਾ ਹੈ।’’
ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਦੀ ਇਸ ’ਤੇ ਮਜ਼ੇਦਾਰ ਪ੍ਰਤੀਕਿਰਿਆ ਵੀ ਸਾਹਮਣੇ ਆ ਰਹੀ ਹੈ। ਇਕ ਯੂਜ਼ਰ ਨੇ ਕੁਮੈਂਟ ਕਰਦਿਆਂ ਲਿਖਿਆ, ‘‘ਬਾਲੀਵੁੱਡ ਵਾਲਿਆਂ ਨੂੰ ਪਤਾ ਨਹੀਂ ਕੀ ਹੋ ਗਿਆ ਹੈ। ਮਿਹਨਤ ਹੀ ਨਹੀਂ ਕਰਨੀ।’’ ਦੂਜੇ ਯੂਜ਼ਰ ਨੇ ਲਿਖਿਆ, ‘‘ਬੱਚਾ ਆਪਣੀ ਜੰਗ ਖ਼ੁਦ ਲੜ ਰਿਹਾ ਹੈ।’’ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘‘ਬੱਚੇ ਦਾ ਬਜਟ ਨਹੀਂ ਸੀ ਇਕ ਗੁੱਡੀ ਹੀ ਖਰੀਦ ਕੇ ਦੇ ਦਿੰਦੇ।’’ ਇਸ ਤਰ੍ਹਾਂ ਨਾਲ ਲੋਕ ‘ਸ਼ਮਸ਼ੇਰਾ’ ਦੇ ਇਸ ਸੀਨ ਦਾ ਮਜ਼ਾਕ ਉਡਾ ਰਹੇ ਹਨ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਭਾਰਤ ’ਚ ਢੇਰ ‘ਲਾਲ ਸਿੰਘ ਚੱਢਾ’ ਨੇ ਅੰਤਰਰਾਸ਼ਟਰੀ ਬਾਕਸ ਆਫਿਸ ’ਤੇ ਬਣਾਇਆ ਕਮਾਈ ਦਾ ਰਿਕਾਰਡ
NEXT STORY 
