ਮਨੋਰੰਜਨ ਡੈਸਕ - ਸਾਊਥ ਸਿਨੇਮਾ ਦੇ ਮਸ਼ਹੂਰ ਸਿਤਾਰਿਆਂ ਵਿਜੇ ਦੇਵਰਕੋਂਡਾ ਅਤੇ ਰਸ਼ਮਿਕਾ ਮੰਦਾਨਾ ਦੀ ਹੈਦਰਾਬਾਦ 'ਚ ਹੋਈ ਰਿਸੈਪਸ਼ਨ ਪਾਰਟੀ ਦੀਆਂ ਤਸਵੀਰਾਂ ਇਸ ਸਮੇਂ ਸੋਸ਼ਲ ਮੀਡੀਆ 'ਤੇ ਛਾਈਆਂ ਹੋਈਆਂ ਹਨ। ਇਸ ਸ਼ਾਨਦਾਰ ਸਮਾਗਮ 'ਚ ਸਾਊਥ ਅਤੇ ਬਾਲੀਵੁੱਡ ਦੇ ਕਈ ਦਿੱਗਜ ਸਿਤਾਰੇ ਆਪਣੇ ਸਟਾਈਲਿਸ਼ ਅੰਦਾਜ਼ 'ਚ ਪਹੁੰਚੇ ਪਰ ਸਭ ਤੋਂ ਵੱਧ ਚਰਚਾ ਸੁਪਰਸਟਾਰ ਰਾਮ ਚਰਨ ਦੀ ਹੋ ਰਹੀ ਹੈ, ਜੋ ਪਾਰਟੀ ਵਿੱਚ ਨੰਗੇ ਪੈਰੀਂ ਸ਼ਾਮਲ ਹੋਏ।
ਰਾਮ ਚਰਨ ਦੀ ਸਾਦਗੀ ਨੇ ਜਿੱਤਿਆ ਦਿਲ
ਸੁਪਰਸਟਾਰ ਰਾਮ ਚਰਨ ਕਾਲੇ ਰੰਗ ਦੇ ਸਾਦੇ ਮੈਂਡਰਿਨ ਕਾਲਰ ਕੁੜਤੇ ਅਤੇ ਪੈਂਟ 'ਚ ਆਪਣੀ ਪਤਨੀ ਉਪਾਸਨਾ ਨਾਲ ਪਹੁੰਚੇ ਸਨ। ਰਾਮ ਚਰਨ ਦੇ ਨੰਗੇ ਪੈਰੀਂ ਆਉਣ ਪਿੱਛੇ ਇਕ ਖਾਸ ਵਜ੍ਹਾ ਹੈ। ਦਰਅਸਲ, ਉਹ ਇਨ੍ਹੀਂ ਦਿਨੀਂ 'ਅਯੱਪਾ ਦੀਕਸ਼ਾ' ਦਾ ਪਾਲਣ ਕਰ ਰਹੇ ਹਨ। ਇਸ ਧਾਰਮਿਕ ਵਰਤ ਦੇ ਨਿਯਮਾਂ ਅਨੁਸਾਰ 41 ਦਿਨਾਂ ਤੱਕ ਸ਼ਰਧਾਲੂਆਂ ਨੂੰ ਨੰਗੇ ਪੈਰੀਂ ਰਹਿਣਾ ਪੈਂਦਾ ਹੈ ਅਤੇ ਕਾਲੇ ਜਾਂ ਨੀਲੇ ਕੱਪੜੇ ਪਹਿਨਣੇ ਹੁੰਦੇ ਹਨ। ਉਹ ਭਗਵਾਨ ਅਯੱਪਾ ਦੇ ਸਬਰੀਮਾਲਾ ਮੰਦਰ 'ਚ ਦਰਸ਼ਨਾਂ ਲਈ ਜਾਣ ਤੋਂ ਪਹਿਲਾਂ ਇਸ ਨਿਯਮ ਦਾ ਪਾਲਣ ਕਰ ਰਹੇ ਹਨ।
ਪਰਿਵਾਰਾਂ ਸਮੇਤ ਪਹੁੰਚੇ ਦਿੱਗਜ
ਸਮਾਗਮ 'ਚ ਅਦਾਕਾਰ ਨਾਗਾਰਜੁਨ ਆਪਣੀ ਪਤਨੀ ਅਮਾਲਾ ਅਤੇ ਬੇਟੇ ਨਾਗਾ ਚੈਤਨਿਆ ਨਾਲ ਪਹੁੰਚੇ। ਇਸੇ ਤਰ੍ਹਾਂ ਰਾਣਾ ਦੱਗੂਬਾਤੀ ਅਤੇ ਉਨ੍ਹਾਂ ਦੀ ਪਤਨੀ ਮੀਹਿਕਾ ਬਜਾਜ ਨੀਲੇ ਰੰਗ ਦੇ ਪਹਿਰਾਵੇ 'ਚ ਇਕੋ ਜਿਹੇ (ਟਵਿਨਿੰਗ) ਨਜ਼ਰ ਆਏ। ਅਦਾਕਾਰਾ ਸ਼੍ਰੀਲੀਲਾ ਅਨਾਰਕਲੀ ਸੂਟ 'ਚ ਬੇਹੱਦ ਪਿਆਰੀ ਲੱਗ ਰਹੀ ਸੀ, ਜਦਕਿ ਮਹੇਸ਼ ਬਾਬੂ ਦੀ ਪਤਨੀ ਨਮਰਤਾ ਸ਼ਿਰੋਡਕਰ ਆਪਣੀ ਬੇਟੀ ਸਿਤਾਰਾ ਨਾਲ ਇਸ ਜਸ਼ਨ ਦਾ ਹਿੱਸਾ ਬਣੀ।
ਸੋਸ਼ਲ ਮੀਡੀਆ 'ਤੇ ਇਸ ਰਿਸੈਪਸ਼ਨ ਦੀਆਂ ਤਸਵੀਰਾਂ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ ਅਤੇ ਸਿਤਾਰਿਆਂ ਦੇ ਵੱਖ-ਵੱਖ ਲੁੱਕਸ ਦੀ ਚਰਚਾ ਹੋ ਰਹੀ ਹੈ।
'ਈਰਾਨੀ ਸ਼ਾਸਨ ਇਕ ਕੈਂਸਰ ਹੈ!' ਮੰਦਨਾ ਕਰੀਮੀ ਦੇ ਇਸ ਬਿਆਨ ਨੇ ਦੁਨੀਆ ਭਰ 'ਚ ਮਚਾਈ ਹਲਚਲ
NEXT STORY 
