ਮੁੰਬਈ- ਬਾਲੀਵੁੱਡ ਅਦਾਕਾਰਾ ਤਮੰਨਾ ਭਾਟੀਆ ਅਤੇ ਵਿਜੇ ਵਰਮਾ ਨੂੰ ਅਕਸਰ ਇਕੱਠੇ ਕੁਆਲਿਟੀ ਟਾਈਮ ਬਿਤਾਉਂਦੇ ਦੇਖਿਆ ਜਾਂਦਾ ਹੈ। ਦੋਵੇਂ ਈਵੈਂਟਸ 'ਚ ਵੀ ਇਕੱਠੇ ਨਜ਼ਰ ਆਉਂਦੇ ਹਨ। ਹੁਣ ਫੈਨਜ਼ ਦੋਵਾਂ ਦੇ ਵਿਆਹ ਦਾ ਇੰਤਜ਼ਾਰ ਕਰ ਰਹੇ ਹਨ। ਹਾਲਾਂਕਿ, ਜੋੜੇ ਨੇ ਅਜੇ ਤੱਕ ਆਪਣੇ ਵਿਆਹ ਦੀ ਯੋਜਨਾ ਬਾਰੇ ਕੋਈ ਵੀ ਖੁਲਾਸਾ ਨਹੀਂ ਕੀਤਾ ਹੈ ਪਰ ਤਮੰਨਾ ਭਾਟੀਆ ਨੇ ਹਾਲ ਹੀ 'ਚ ਇਕ ਇੰਟਰਵਿਊ ਦੌਰਾਨ ਆਪਣੇ ਵਿਆਹ ਦੀ ਯੋਜਨਾ 'ਤੇ ਚੁੱਪੀ ਤੋੜੀ ਹੈ।
ਇਹ ਵੀ ਪੜ੍ਹੋ- ਕੰਸਰਟ ਤੋਂ ਬਾਅਦ ਦਿਲਜੀਤ ਨੇ ਨਿਮਰਤ ਕੌਰ ਤੋਂ ਪੁੱਛਿਆ ਇਹ ਸਵਾਲ
ਤਮੰਨਾ ਭਾਟੀਆ ਨੇ ਵਿਆਹ ਦੀ ਯੋਜਨਾ 'ਤੇ ਤੋੜੀ ਚੁੱਪੀ
ਦਰਅਸਲ, ਇਕ ਨਿੱਜੀ ਚੈਨਲ ਨਾਲ ਗੱਲਬਾਤ ਦੌਰਾਨ ਤਮੰਨਾ ਨੇ ਕਿਹਾ, ''ਵਿਆਹ ਵੀ ਹੋ ਸਕਦਾ ਹੈ, ਕਿਉਂ ਨਹੀਂ? ਅਦਾਕਾਰਾ ਨੇ ਅੱਗੇ ਕਿਹਾ, ''ਮੇਰੇ ਲਈ ਵਿਆਹ ਅਤੇ ਕਰੀਅਰ ਵਿਚਾਲੇ ਕੋਈ ਸਬੰਧ ਨਹੀਂ ਹੈ। ਮੈਂ ਅਭਿਲਾਸ਼ੀ ਹਾਂ ਅਤੇ ਵਿਆਹ ਤੋਂ ਬਾਅਦ ਵੀ ਐਕਟਿੰਗ ਜਾਰੀ ਰੱਖਾਂਗੀ।'' ਹਾਲਾਂਕਿ ਅਦਾਕਾਰਾ ਨੇ ਵਿਜੇ ਨਾਲ ਆਪਣੇ ਵਿਆਹ ਦੇ ਬਾਰੇ 'ਚ ਜਾਣਕਾਰੀ ਦੇਣ ਨੂੰ ਨਜ਼ਰਅੰਦਾਜ਼ ਕੀਤਾ, ਪਰ ਇਕ ਛਪੀ ਖਬਰ ਮੁਤਾਬਕ ਜੋੜੇ ਦੇ ਕਰੀਬੀ ਸੂਤਰਾਂ ਨੇ ਖੁਲਾਸਾ ਕੀਤਾ ਹੈ ਕਿ ਇਹ ਜੋੜਾ 2025 ਵਿੱਚ ਵਿਆਹ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ।
ਵਿਜੇ ਅਤੇ ਤਮੰਨਾ ਮੁੰਬਈ ਵਿੱਚ ਲੱਭ ਰਹੇ ਹਨ ਅਪਾਰਟਮੈਂਟ
ਖਬਰਾਂ ਮੁਤਾਬਕ ਤਮੰਨਾ ਅਤੇ ਵਿਜੇ ਵਿਆਹ ਤੋਂ ਬਾਅਦ ਮੁੰਬਈ 'ਚ ਸੈਟਲ ਹੋਣ ਲਈ ਅਪਾਰਟਮੈਂਟ ਲੱਭ ਰਹੇ ਹਨ। ਹਾਲਾਂਕਿ ਇਸ ਮਾਮਲੇ 'ਤੇ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ ਪਰ ਖਬਰਾਂ ਮੁਤਾਬਕ ਇਹ ਜੋੜਾ ਸੱਚਮੁੱਚ ਵਿਆਹ ਵੱਲ ਕਦਮ ਵਧਾ ਰਿਹਾ ਹੈ।
ਫਿਲਮ ਦੇ ਸੈੱਟ 'ਤੇ ਵਿਜੇ-ਤਮੰਨਾ ਨੂੰ ਹੋ ਗਿਆ ਸੀ ਪਿਆਰ
ਦੱਸ ਦੇਈਏ ਕਿ ਵਿਜੇ ਅਤੇ ਤਮੰਨਾ ਨੂੰ ਲਸਟ ਸਟੋਰੀਜ਼ 2 ਦੇ ਸੈੱਟ 'ਤੇ ਪਿਆਰ ਹੋ ਗਿਆ ਸੀ ਅਤੇ ਇਸ ਜੋੜੇ ਨੇ ਆਪਣੇ ਅਫੇਅਰ ਨੂੰ ਲੁਕਾਇਆ ਨਹੀਂ ਸੀ। ਦੋਵਾਂ ਨੂੰ ਅਕਸਰ ਜਨਤਕ ਤੌਰ 'ਤੇ ਇਕ-ਦੂਜੇ 'ਤੇ ਪਿਆਰ ਦੀ ਵਰਖਾ ਕਰਦੇ ਹੋਏ ਦੇਖਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ- ਨਹੀਂ ਰਹੀ 28 ਸਾਲਾ ਮਸ਼ਹੂਰ Influencer
ਕੰਮ ਦੀ ਗੱਲ ਕਰੀਏ ਤਾਂ ਤਮੰਨਾ ਨੂੰ ਆਖਰੀ ਵਾਰ Stree 2 ਦੇ ਡਾਂਸ ਨੰਬਰ 'ਆਜ ਕੀ ਰਾਤ' ਵਿੱਚ ਦੇਖਿਆ ਗਿਆ ਸੀ। ਹੁਣ ਅਦਾਕਾਰਾ ਦੀ 29 ਨਵੰਬਰ ਨੂੰ ਨੈੱਟਫਲਿਕਸ ਕ੍ਰਾਈਮ ਡਰਾਮਾ ਸਿਕੰਦਰ ਕਾ ਮੁਕੱਦਰ ਰਿਲੀਜ਼ ਹੋਣ ਜਾ ਰਹੀ ਹੈ। ਨੀਰਜ ਪਾਂਡੇ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਵਿੱਚ ਅਵਿਨਾਸ਼ ਤਿਵਾਰੀ ਅਤੇ ਜਿੰਮੀ ਸ਼ੇਰਗਿੱਲ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਵਿਜੇ ਵਰਮਾ ਨੂੰ ਆਖਰੀ ਵਾਰ IC 814: The Kandahar Hijack ਵਿੱਚ ਦੇਖਿਆ ਗਿਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ।
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਆਖ਼ਰ ਕਿਸ ਕਾਰਨ ਗਾਇਕ ਸਿੰਗਾ ਦਾ ਹੋਇਆ ਇਹ ਹਾਲ, ਜਾਣੋ ਕਾਰਨ
NEXT STORY 
