ਗੈਜੇਟ ਡੈਸਕ– ਗੂਗਲ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਹੈ ਕਿ ਉਸ ਦੇ ਨੈਕਸਟ ਜਨਰੇਸ਼ਨ ਦੇ ਮੋਬਾਇਲ ਆਪਰੇਟਿੰਗ ਸਿਸਟਮ ਦਾ ਨਾਂ Android Q ਨਹੀਂ ਸਗੋਂ Android 10 ਹੋਵੇਗਾ। ਐਂਡਰਾਇਡ ਪ੍ਰੋਡਕਟ ਮੈਨੇਜਮੈਂਟ ਦੇ ਵਾਈਸ ਪ੍ਰੈਜ਼ੀਡੈਂਟ ਸਮੀਰ ਸਾਮਤ ਨੇ ਇਕ ਬਲਾਕ ਪੋਸਟ ’ਚ ਕਿਹਾ ਕਿ ਇਕ ਗਲੋਬਲ ਆਪਰੇਟਿੰਗ ਸਿਸਟਮ ਦੇ ਤੌਰ ’ਤੇ ਇਹ ਨਾਂ ਕੁਝ ਅਜਿਹੇ ਹੋਣੇ ਚਾਹੀਦੇ ਹਨ ਜੋ ਸਪੱਸ਼ਟ ਹੋਣ ਅਤੇ ਦੁਨੀਆ ’ਚ ਹਰ ਕੋਈ ਇਸ ਨਾਲ ਰਿਲੇਟ ਕਰ ਸਕੇ। ਅਜਿਹੇ ’ਚ ਐਂਡਰਾਇਡ ਦੇ ਅਗਲੇ ਵਰਜ਼ਨ ਲਈ ਸਾਧਾਰਣ ਤੌਰ ’ਤੇ ਨੰਬਰ ਦਾ ਇਸਤੇਮਾਲ ਕੀਤਾ ਜਾਵੇਗਾ ਅਤੇ ਇਸ ਨੂੰ ਐਂਡਰਾਇਡ 10 ਦੇ ਨਾਂ ਨਾਲ ਜਾਣਿਆ ਜਾਵੇਗਾ। ਅਸੀਂ ਉਮੀਦ ਕਰਦੇ ਹਾਂ ਕਿ ਇਸ ਬਦਲਾਅ ਨਾਲ ਸਾਡੇ ਗਲੋਬਲ ਕਮਿਊਨਿਟੀ ਨੂੰ ਆਸਾਨ ਨਾਂ ਰਿਲੀਜ਼ ਕਰਨ ’ਚ ਮਦਦ ਮਿਲੇਗੀ।
ਐਂਡਰਾਇਡ ਦਾ ਲੋਗੋ ਵੀ ਹੋਵੇਗਾ ਅਪਡੇਟ
ਨਵੇਂ ਆਈਡੀਆ ਤਹਿਤ ਦਿੱਗਜ ਕੰਪਨੀ ਗੂਗਲ ਦੇ ਨਾਲ ਹੀ ਐਂਡਰਾਇਡ ਲੋਗੋ ਨੂੰ ਵੀ ਅਪਡੇਟ ਕਰਨ ਵਾਲੀ ਹੈ। ਇਹ ਲੋਗੋ ਪਹਿਲਾਂ ਨਾਲੋਂ ਜ਼ਿਆਦਾ ਮਾਡਰਨ ਅਤੇ ਐਕਸੈਸੀਬਲ ਲੁੱਕ ’ਚ ਹੋਵੇਗਾ। ਨਵਾਂ ਸਾਫਟਵੇਅਰ ਕਦੋਂ ਤਕ ਉਪਲੱਬਧ ਹੋਵੇਗਾ, ਫਿਲਹਾਲ ਇਸ ਦੀ ਕੋਈ ਰਿਲੀਜ਼ ਡੇਟ ਸਾਹਮਣੇ ਨਹੀਂ ਆਈ ਪਰ ਪੋਸਟ ਮੁਤਾਬਕ, ਇਸ ਨੂੰ ਆਉਣ ਵਾਲੇ ਹਫਤਿਆਂ ’ਚ ਐਂਡਰਾਇਡ 10 ਦੇ ਫਾਈਨਲ ਰਿਲੀਜ਼ ਦੇ ਨਾਲ ਜਾਰੀ ਕਰ ਦਿੱਤਾ ਜਾਵੇਗਾ।
ਹਰ ਵਾਰ ਸਵੀਡ ਯਾਨੀ ਮਿੱਠੇ ਨਾਲ ਜੁੜਿਆ ਨਾਂ ਰੱਖਣ ਦੀ ਪਰੰਪਰਾ
ਗੂਗਲ ਹੁਣ ਤਕ ਆਪਣੇ ਐਂਡਰਾਇਡ ਦੇ ਹਰ ਨਵੇਂ ਵਰਜ਼ਨ ਨੂੰ ਅਲਫਾਬੈਟਿਕਲੀ ਆਰਡਰ ਦੇ ਨਾਲ ਨਵਾਂ ਨਾਂ ਦਿੰਦਾ ਆਇਆ ਹੈ। ਇਨ੍ਹਾਂ ਨਾਵਾਂ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਸੀ ਕਿ ਇਹ ਕਿਸੇ ਨਾ ਕਿਸੇ ਸਵੀਟ ਯਾਨੀ ਮਿੱਠੇ ਨਾਲ ਜੁੜੇ ਹੁੰਦੇ ਸਨ। ਉਦਾਹਰਣ ਲਈ ਪੁਰਾਣਾ ਐਂਡਰਾਇਡ ਵਰਜ਼ਨ P ਤੋਂ ਸ਼ੁਰੂ ਹੋਇਆਸੀ ਅਤੇ ਉਸ ਦਾ ਨਾਂ Pie ਰੱਖਿਆ ਗਿਆ ਸੀ। ਉਥੇ ਹੀ ਇਸ ਤੋਂ ਪਹਿਲਾਂ ਵਾਲੇ ਵਰਜ਼ਨ ਦਾ ਨਾਂ O ਤੋਂ ਸ਼ੁਰੂ ਹੋਇਆ ਸੀ ਅਤੇ ਉਸ ਦਾ ਨਾਂ ਓਰਿਓ ਰੱਖਿਆ ਗਿਆਸੀ ਜੋ ਬਾਜ਼ਾਰ ’ਚ ਮਿਲਣਵਾਲੀ ਕੂਕੀਜ਼ ਦਾ ਪ੍ਰਕਾਰ ਹੈ। ਇੰਝ ਹੀ ਇਸ ਤੋਂ ਪਹਿਲਾਂ ਨੂਗਟ ਅਤੇ ਮਾਰਸ਼ਮੈਲੋ ਵਰਗੇ ਨਾਂ ਵੀ ਦੇਖਣ ਨੂੰ ਮਿਲੇ ਸਨ ਪਰ ਹੁਣਗੂਗਲ ਨੇ ਇਸ ਪਰੰਪਰਾ ਨੂੰ ਛੱਡਦੇ ਹੋਏ ਨੰਬਰ ’ਚ ਨਾਂ ਰੱਖਣ ਦਾ ਫੈਸਲਾ ਕੀਤਾ ਹੈ।
ਐਂਡਰਾਇਡ 10 ’ਚ ਮਿਲਣ ਵਾਲੇ ਹਨ ਕਈ ਖਾਸ ਫੀਚਰਜ਼
ਦੱਸ ਦੇਈਏ ਕਿ ਗੂਗਲ ਨੇ ਆਪਣੇ ਸਾਫਟਵੇਅਰ ਦਾ ਪਹਿਲਾ ਪ੍ਰੀਵਿਊ ਵਰਜ਼ਨ ਮਾਰਚ ’ਚ ਰਿਲੀਜ਼ ਕੀਤਾ ਸੀ ਅਤੇ ਮਈ ’ਚ ਆਯੋਜਿਤ I/O 2019 ਡਿਵੈੱਲਪਰ ਕਾਨਫਰੰਸ ’ਚ ਇਸ ਦੇ ਕਈ ਫੀਚਰਜ਼ ਦੇ ਡੈਮੋ ਵੀ ਦਿੱਤੇ ਗਏ ਸਨ। ਇਨ੍ਹਾਂ ’ਚੋਂ ਐਂਡਰਾਇਜ 10 ਦੇ ਸਭ ਤੋਂ ਖਾਸ ਫੀਚਰ ਦੇ ਤੌਰ ’ਤੇ ਪਰਸਨਲ ਇਨਫਾਰਮੇਸ਼ਨ ਨੂੰ ਪ੍ਰਾਈਵੇਟ ਰੱਖਣ ਵਾਲਾ ਫੀਚਰ ਸਾਹਮਣੇ ਆਇਆਸੀ। ਜੀ ਹਾਂ, ਐਂਡਰਾਇਡ 10 ਦੇ ਨਵੇਂ ਪ੍ਰਾਈਵੇਸੀ ਫੀਚਰਜ਼ ਲੋਕੇਸ਼ਨ ਕੰਟਰੋਲ ਅਤੇ ਡੈਡੀਕੇਟਿਡ ਪ੍ਰਾਈਵੇਸੀ ਸੈਟਿੰਗ ਦੇ ਨਾਲ ਆਉਣਗੇ। ਇਸ ਦੇ ਨਾਲ ਹੀ ਐਂਡਰਾਇਡ 10 ਫੋਲਡੇਬਲ ਸਕਰੀਨ, ਫਾਸਟਰ ਐਪ ਲਾਂਚ ਅਤੇ ਫੁਲ-ਆਨ ਗੈਸਚਰ ਨੈਵਿਗੇਸ਼ਨ ਨੂੰ ਸਪੋਰਟ ਕਰੇਗਾ। ਇੰਨਾ ਹੀ ਨਹੀਂ, ਨਵੇਂ ਆਪਰੇਟਿੰਗ ਸਿਸਟਮ ’ਚ ਤੁਹਾਨੂੰ ਬਬਲ ਨੋਟੀਫਿਕੇਸ਼ਨ ਅਤੇ ਸਲਾਈਟ ਲਾਈਨ ਕੈਪਸ਼ਨ ਫੀਚਰ ਵੀ ਮਿਲਣ ਵਾਲੇ ਹਨ।
ਕਈ ਕੰਪਨੀਆਂ ਗੂਗਲ ਦੇ ਨਾਲ ਕਰ ਰਹੀ ਹੈ ਕੰਮ
ਨਵੇਂ ਅਪਡੇਟ ਦੇ ਹਿਸਾਬ ਨਾਲ ਆਪਣੇ ਡਿਵਾਈਸ ਤਿਆਰ ਕਰਨ ਲਈ ਕਈ ਕੰਪਨੀਆਂ ਗੂਗਲ ਦੇ ਨਾਲ ਬੀਟਾ ਪ੍ਰੋਸੈਸ ’ਤੇ ਕੰਮ ਕਰ ਰਹੀ ਹੈ। ਇਨ੍ਹਾਂ ਕੰਪਨੀਆਂ ’ਚ ਹੁਵਾਵੇਈ ਅਤੇ ਵਨਪਲੱਸ ਦੇ ਨਾਂ ਵੀ ਸ਼ਾਮਲ ਹਨ ਜਿਨ੍ਹਾਂ ਦੇ ਨਵੇਂ ਡਿਵਾਈਸ ਪਹਿਲਾਂ ਤੋਂ ਹੀ 10 ਬੀਟਾ ਪ੍ਰੋਗਰਾਮ ਲਈ ਸਰਟੀਫਾਈਡ ਹਨ। ਹਾਲਾਂਕਿ, ਗੂਗਲ ਨੇ ਇਸ ਲਈ ਕੋਈ ਟਾਈਮਲਾਈਨ ਨਹੀਂ ਦਿੱਤੀ ਪਰ ਨੋਕੀਆ 2019 ਦੀ ਚੌਥੀ ਤਿਮਾਹੀ ’ਚ ਆਪਣੇ Nokia 7.1, 8.1 ਅਤੇ 9 ਪਿਓਰਵਿਊ ਫੋਨ ਨੂੰ ਅਪਡੇਟ ਕਰਨ ਦੀ ਤਿਆਰੀ ਕਰ ਰਹੀ ਹੈ।
4,000mAh ਬੈਟਰੀ ਨਾਲ ਲਾਂਚ ਹੋਏ Samsung Galaxy A50s, Galaxy A30s
NEXT STORY