ਗੈਜੇਟ ਡੈਸਕ - itel ਨੇ ਭਾਰਤੀ ਬਾਜ਼ਾਰ 'ਚ ਨਵਾਂ ਆਈਟੇਲ ਕੇਅਰ ਮੋਬਾਈਲ ਫੋਨ ਲਾਂਚ ਕੀਤਾ ਹੈ। ਕੰਪਨੀ ਨੇ ਇਹ ਡਿਵਾਈਸ ਖਾਸ ਤੌਰ 'ਤੇ ਸੀਨੀਅਰ ਨਾਗਰਿਕਾਂ ਲਈ ਤਿਆਰ ਕੀਤਾ ਹੈ। ਇਸ ਨਾਲ ਉਨ੍ਹਾਂ ਲਈ ਕਾਲ ਕਰਨਾ, ਮੈਸੇਦ ਪੜ੍ਹਨਾ ਅਤੇ ਐਮਰਜੈਂਸੀ 'ਚ ਮਦਦ ਲੈਣਾ ਆਸਾਨ ਹੋ ਜਾਂਦਾ ਹੈ। ਇਸ ਫੋਨ 'ਚ ਇਕ ਵੱਡੀ ਡਿਸਪਲੇਅ, ਵੱਡੇ ਬਟਨ, ਵਾਇਸ ਗਾਈਡੈਂਸ ਅਤੇ ਇਕ ਸਮਰਪਿਤ SOS ਬਟਨ ਵਰਗੇ ਫੀਚਰਜ਼ ਹਨ। ਖਾਸ ਗੱਲ ਇਹ ਹੈ ਕਿ ਇਸ ਫੋਨ ਦੀ ਕੀਮਤ ਸਿਰਫ ₹1,499 ਹੈ। ਆਓ ਇਸ ਫੋਨ ਦੇ ਬਾਕੀ ਫੀਚਰਜ਼ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਹਾਸਲ ਕਰੀਏ।
ਸਪੈਸੀਫਿਕੇਸ਼ਨਾਂ ਦੇ ਮਾਮਲੇ 'ਚ, ਆਈਟੇਲ ਕੇਅਰ ਫੋਨ 'ਚ 2-ਇੰਚ ਦੀ ਮੈਗਨੀਫਾਈਡ ਡਿਸਪਲੇਅ ਹੈ। ਇਸ ਫੋਨ 'ਚ ਵੱਡੇ ਬਟਨ ਅਤੇ ਵੱਡੇ ਇੰਟਰਫੇਸ ਆਈਕਨ ਵੀ ਹਨ, ਜਿਸ ਨਾਲ ਨੰਬਰ ਦੇਖਣਾ ਅਤੇ ਟਾਈਪ ਕਰਨਾ ਆਸਾਨ ਹੋ ਜਾਂਦਾ ਹੈ। ਮੋਬਾਈਲ ਦੀ ਫੋਨਬੁੱਕ 'ਚ 500 ਸੰਪਰਕਾਂ ਨੂੰ ਸੁਰੱਖਿਅਤ ਕੀਤਾ ਜਾ ਸਕਦਾ ਹੈ। ਸੰਪਰਕਾਂ ਦੇ ਨਾਲ ਉਨ੍ਹਾਂ ਦੀਆਂ ਫੋਟੋਆਂ ਵੀ ਰੱਖੀਆਂ ਜਾ ਸਕਦੀਆਂ ਹਨ, ਜਿਸ ਨਾਲ ਬਜ਼ੁਰਗ ਲੋਕ ਆਸਾਨੀ ਨਾਲ ਪਛਾਣ ਸਕਦੇ ਹਨ ਕਿ ਕੌਣ ਕਾਲ ਕਰ ਰਿਹਾ ਹੈ।
ਇਸ ਤੋਂ ਇਲਾਵਾ, ਇਸ ਨਵੇਂ ਆਈਟੇਲ ਕੇਅਰ ਫੋਨ ਦੇ ਪਿਛਲੇ ਪਾਸੇ ਇਕ ਸਮਰਪਿਤ ਲਾਲ SOS ਬਟਨ ਵੀ ਹੈ। ਇਸ ਨੂੰ ਲਗਭਗ ਦੋ ਸਕਿੰਟਾਂ ਲਈ ਦਬਾਉਣ ਨਾਲ ਪੰਜ ਪਹਿਲਾਂ ਤੋਂ ਸੁਰੱਖਿਅਤ ਕੀਤੇ ਸੰਪਰਕਾਂ ਨੂੰ ਐਮਰਜੈਂਸੀ ਚੇਤਾਵਨੀ ਮੈਸੇਜ ਭੇਜਿਆ ਜਾਵੇਗਾ। ਫਿਰ ਇਨ੍ਹਾਂ ਨੰਬਰਾਂ 'ਤੇ ਇਕ-ਇਕ ਕਰਕੇ ਕਾਲਾਂ ਕੀਤੀਆਂ ਜਾਣਗੀਆਂ। ਇਹ ਬਜ਼ੁਰਗ ਉਪਭੋਗਤਾਵਾਂ ਨੂੰ ਐਮਰਜੈਂਸੀ 'ਚ ਮਦਦ ਲਈ ਪਰਿਵਾਰ ਜਾਂ ਅਜ਼ੀਜ਼ਾਂ ਤੱਕ ਆਸਾਨੀ ਨਾਲ ਪਹੁੰਚ ਕਰਨ ਦੀ ਆਗਿਆ ਦੇਵੇਗਾ।
ਇਸ ਤੋਂ ਇਲਾਵਾ, ਇਸ ਫੀਚਰ ਫੋਨ 'ਚ ਕਿੰਗ ਵਾਇਸ ਨਾਮਕ ਇਕ ਵਾਇਸ ਅਸਿਸਟੈਂਟ ਵੀ ਹੈ। ਇਹ ਸਹਾਇਕ ਮੀਨੂ ਵਿਕਲਪਾਂ, ਆਉਣ ਵਾਲੇ ਮੈਸੇਜਾਂ ਅਤੇ ਆਉਣ ਵਾਲੇ ਕਾਲ ਵੇਰਵਿਆਂ ਨੂੰ ਉੱਚੀ ਆਵਾਜ਼ 'ਚ ਪੜ੍ਹੇਗਾ। ਇਹ ਹਿੰਦੀ ਅਤੇ ਅੰਗਰੇਜ਼ੀ ਦੋਵਾਂ ਲਈ ਵਾਇਸ ਸਪੋਰਟ ਦੀ ਪੇਸ਼ਕਸ਼ ਕਰਦਾ ਹੈ। ਇਹ ਫੀਚਰ ਘੱਟ ਨਜ਼ਰ ਵਾਲੇ ਜਾਂ ਪੜ੍ਹਨ 'ਚ ਮੁਸ਼ਕਲਾਂ ਵਾਲੇ ਉਪਭੋਗਤਾਵਾਂ ਲਈ ਖਾਸ ਤੌਰ 'ਤੇ ਮਦਦਗਾਰ ਹੋ ਸਕਦੀ ਹੈ।
ਇਸ ਫੋਨ 'ਚ 2030 ਬਾਕਸ ਸਪੀਕਰ ਅਤੇ ਇੱਕ ਆਡੀਓ ਪਾਵਰ ਐਂਪਲੀਫਾਇਰ ਹੈ। ਕਾਲਾਂ ਦੌਰਾਨ ਆਲੇ-ਦੁਆਲੇ ਦੇ ਸ਼ੋਰ ਨੂੰ ਘਟਾਉਣ ਲਈ AI ENC ਸਪੋਰਟ ਵੀ ਉਪਲਬਧ ਹੈ, ਜੋ ਇਸਨੂੰ ਹੋਰ ਵੀ ਖਾਸ ਬਣਾਉਂਦਾ ਹੈ। ਇਸ ਫੋਨ 'ਚ 1,150mAh ਬੈਟਰੀ, ਇਕ USB ਟਾਈਪ-ਸੀ ਚਾਰਜਿੰਗ ਪੋਰਟ, ਇਕ VGA ਕੈਮਰਾ ਅਤੇ ਇਕ ਦੋਹਰਾ-LED ਫਲੈਸ਼ਲਾਈਟ ਹੈ।
ਇਸ ਫੋਨ 'ਚ ਵਾਇਰਲੈੱਸ FM ਰੇਡੀਓ ਅਤੇ ਰਿਕਾਰਡਿੰਗ, ਬਲੂਟੁੱਥ, ਅਤੇ 3.5mm ਹੈੱਡਫੋਨ ਜੈਕ ਵੀ ਹੈ। ਇਹ ਡਿਵਾਈਸ ਸਿੰਗਲ ਸਿਮ ਸਪੋਰਟ ਦੇ ਨਾਲ ਆਉਂਦੀ ਹੈ ਅਤੇ 2G ਨੈੱਟਵਰਕਸ ਨੂੰ ਸਪੋਰਟ ਕਰਦੀ ਹੈ। ਨਾਲ ਹੀ, ਸਟੋਰੇਜ ਨੂੰ ਮਾਈਕ੍ਰੋਐੱਸਡੀ ਕਾਰਡ ਰਾਹੀਂ 32GB ਤੱਕ ਵਧਾਇਆ ਜਾ ਸਕਦਾ ਹੈ।
ਇਨ੍ਹਾਂ ਕੈਟੇਗਰੀ 'ਤੇ ਲਾਗੂ ਨਹੀਂ ਹੋਵੇਗਾ 0.4% MDR, 2,000 ਤੋਂ ਵੱਧ ਦੀ ਟ੍ਰਾਂਜੈਕਸ਼ਨ 'ਤੇ ਲੱਗੇਗਾ ਇੰਨਾ ਚਾਰਜ
NEXT STORY 
