ਆਟੋ ਡੈਸਕ– ਮਾਰੂਤੀ ਸੁਜ਼ੂਕੀ ਨੇ ਅੱਜ (ਬੁੱਧਵਾਰ) ਆਪਣੀ ਨਵੀਂ ਕਾਰ XL6 ਲਾਂਚ ਕਰ ਦਿੱਤੀ ਹੈ। ਇਸ ਦੀ ਸ਼ੁਰੂਆਤੀ ਕੀਮਤ 9.79 ਲੱਖ ਰੁਪਏ ਹੈ। ਇਹ 6 ਸੀਟਰ ਪ੍ਰੀਮੀਅਮ MPV (ਮਲਟੀ ਪਰਪਜ਼ ਵ੍ਹੀਕਲ) ਹੈ। ਇਸ ਨੂੰ ਸਿਰਫ ਪੈਟਰੋਲ ਇੰਜਣ ਦੇ ਨਾਲ ਬਾਜ਼ਾਰ ’ਚ ਉਤਾਰਿਆ ਗਿਆ ਹੈ। ਮਾਰੂਤੀ XL6 ਕੰਪਨੀ ਦੀ 7 ਸੀਟਰ ਵਾਲੀ ਅਰਟਿਗਾ ’ਤੇ ਆਧਾਰਿਤ ਹੈ ਪਰ ਇਸ ਦੀ ਲੁੱਕ ਕਾਫੀ ਹੱਦ ਤਕ ਵੱਖਰੀ ਹੈ। XL6 ਨੂੰ ਮਾਰੂਤੀ ਸੁਜ਼ੂਕੀ ਦੀ ਪ੍ਰੀਮੀਅਮ ਡੀਲਰਸ਼ਿਪ ਨੈਕਸਾ ਤੋਂ ਵੇਚਿਆ ਜਾਵੇਗਾ।
ਮਾਰੂਤੀ ਐਕਸ ਐੱਲ6 ਦੀ ਲੁੱਕ ਐੱਸ.ਯੂ.ਵੀ. ਦੀ ਤਰ੍ਹਾਂ ਬੋਲਡ ਹੈ। ਇਹ ਸਪੋਰਟੀ ਅਤੇ ਪ੍ਰੀਮੀਅਮ ਦਿਸਦੀ ਹੈ। ਇਸ ਨੂੰ ਕੰਪਨੀ ਦੇ ਲੇਟੈਸਟ ਹਾਰਟੈਕਟ ਪਲੇਟਫਾਰਮ ’ਤੇ ਬਣਾਇਆ ਗਿਆ ਹੈ। ਇਸ ਵਿਚ ਨਵੀਂ ਕਵਾਡ-ਐੱਲ.ਈ.ਡੀ. ਹੈੱਡਲਾਈਟਸ, ਐੱਲ.ਈ.ਡੀ. ਡੀ.ਆਰ.ਐੱਲ., ਨਵੀਂ ਸ਼ੇਪ ਦਾ ਬੋਨਟ ਅਤੇ ਨਵੀਂ ਗਰਿੱਲ ਦਿੱਤੀ ਗਈ ਹੈ। ਵੱਡੀ ਗਰਿੱਲ ਅਤੇ ਪਲਾਸਟਿਕ ਕਲੈਡਿੰਗ ਦੇ ਨਾਲ ਦਿੱਤੇ ਗਏ ਨਵੇਂ ਡਿਜ਼ਾਈਨ ਦਾ ਬੰਪਰ ਕਾਰ ਦੀ ਫਰੰਟ ਲੁੱਕ ਨੂੰ ਸ਼ਾਨਦਾਰ ਬਣਾਉਂਦਾ ਹੈ। ਗਰਿੱਲ ’ਚ ਲੰਬੀ ਕ੍ਰੋਮ ਪੱਟੀ ਹੈ, ਜੋ ਹੈੱਡਲਾਈਟ ਯੂਨਿਟ ’ਚ ਦਿੱਤੇ ਗਏ ਐੱਲ.ਈ.ਡੀ. ਡੀ.ਆਰ.ਐੱਲ. (ਡੇਅਟਾਈਮ ਰਨਿੰਗ ਲਾਈਟਾਂ) ’ਚ ਮਿਲਦੀ ਹੈ।
ਸਾਈਟ ’ਚ ਦਿੱਤੀ ਗਈ ਗਹਿਰੀ ਲਾਈਨ ਇਸ ਦੀ ਸਾਈਡ ਲੁੱਕ ਨੂੰ ਸ਼ਾਨਦਾਰ ਬਣਾਉਂਦੀ ਹੈ। ਐਕਸ ਐੱਲ6 ’ਚ ਫਲੋਟਿੰਗ ਰੂਫ, ਰੂਫ ਰੇਲਸ ਅਤੇ ਬਲੈਕ ਅਲੌਏ ਵ੍ਹੀਲਜ਼ ਦਿੱਤੇ ਗਏ ਹਨ। ਪਿਛਲੇ ਪਾਸੋਂ ਇਹ ਕਾਫੀ ਹੱਦ ਤਕ ਅਰਟਿਗਾ ਦੀ ਤਰ੍ਹਾਂ ਦਿਖਾਈ ਦਿੰਦੀ ਹੈ ਪਰ ਇਸ ਵਿਚ ਦਿੱਤੇ ਗਏਬਲੈਕ ਇੰਸਰਟਸ ਇਸ ਦੀ ਰੀਅਰ ਲੁੱਕ ਨੂੰ ਸਪੋਰਟੀ ਬਣਾਉਂਦੇ ਹਨ. ਐਕਸ ਐੱਲ6 ਦਾ ਰੀਅਰ ਬੰਪਰ ਵੀ ਨਵਾਂ ਹੈ। ਇਹ ਕਾਰ 6 ਰੰਗਾਂ ’ਚ ਉਪਲੱਬਧ ਹੈ।
ਇੰਟੀਰੀਅਰ
XL6 MPV ਦਾ ਕੈਬਿਨ ਬਲੈਕ ਰੰਗ ’ਚ ਹੈ। ਡੈਸ਼ ਬੋਰਡ ’ਤੇ ਪ੍ਰੀਮੀਅਮ ਸਟੋਨ ਫਿਨਿਸ਼ ਦਿੱਤੀ ਗਈ ਹੈ। ਐੱਮ.ਪੀ.ਵੀ. ’ਚ 3 ਲਾਈਨਾਂ ’ਚ ਸੀਟਾਂ ਹਨ। ਦੂਜੀ ਲਾਈਨ ’ਚ ਆਰਮ ਰੈਸਟ ਦੇ ਨਾਲ ਦੋ ਵੱਥ-ਵੱਖ ਕੈਪਟਨ ਸੀਟਾਂ ਦਿੱਤੀਆਂ ਗਈਆਂ ਹਨ। ਦੂਜੀ ਲਾਈਨ ਵਾਲੀਆਂ ਸੀਟਾਂ ਝੁਕਾਈਆਂ ਜਾ ਸਕਦੀਆਂ ਹਨ, ਜਿਸ ਨਾਲ ਤੀਜੀ ਲਾਈਨ ਵਾਲੀਆਂ ਸੀਟਾਂ ’ਤੇ ਬੈਠਣ ਵਾਲਿਆਂ ਨੂੰ ਆਸਾਨੀ ਰਹੇ। ਸਟੀਅਰਿੰਗ ਵ੍ਹੀਲ ’ਤੇ ਲੈਦਰ ਫਿਨਿਸ਼ ਦਿੱਤੀ ਗਈ ਹੈ।
ਫੀਚਰਜ਼
ਇਸ ਪ੍ਰੀਮੀਅਮ ਕਾਰ ’ਚ ਤੁਹਾਨੂੰ ਨਵਾਂ ਸਮਾਰਟ ਪਲੇਅ ਸਟੂਡੀਓ ਇੰਫੋਟੇਨਮੈਂਟ ਸਿਸਟਮ, ਆਟੋਮੈਟਿਕ ਕਲਾਈਮੇਟ ਕੰਟਰੋਲ, ਪੁੱਸ਼ ਬਟਨ ਸਟਾਰਟ/ਸਟਾਪ ਦੇ ਨਾਲ ਕੀਅ-ਲੈੱਸ ਐਂਟਰੀ ਅਤੇ ਰੀਅਰ ਏਸੀ ਵੈਂਟਸ ਵਰਗੀਆਂ ਸੁਵਿਧਾਵਾਂ ਮਿਲਣਗੀਆਂ। ਸੇਫਟੀ ਲਈ ਡਿਊਲ ਫਰੰਟ ਏਅਰਬੈਗਸ, ਈ.ਬੀ.ਡੀ. ਦੇ ਨਾਲ ਏ.ਬੀ.ਐੱਸ, ISOFIX ਚਾਈਲਡ ਸੀਟ ਮਾਊਂਟਸ, ਰੀਅਰ ਪਾਰਕਿੰਗ ਸੈਂਸਰਜ਼, ਸੀਟ ਬੈਲਟ ਰਿਮਾਇੰਡਰ ਅਤੇ ਹਾਈ ਸਪੀਡ ਵਾਰਨਿੰਗ ਅਲਰਟ ਵਰਗੇ ਫੀਚਰਜ਼ ਸਟੈਂਡਰਡ ਯਾਨੀ ਸਾਰੇ ਵੇਰੀਐਂਟਸ ’ਚ ਦਿੱਤੇ ਗਏ ਹਨ।
ਵੇਰੀਐਂਟ ਅਤੇ ਕੀਮਤ
ਮਾਰੂਤੀ XL6 ਨੂੰ 2 ਵੇਰੀਐਂਟ ਲੈਵਲ (Zeta, Alpha) ’ਚ ਬਾਜ਼ਾਰ ’ਚ ਉਤਾਰਿਆ ਗਿਆ ਹੈ। ਮੈਨੁਅਲ ਅਤੇ ਆਟੋਮੈਟਿਕ ਗਿਅਰਬਾਕਸ ਦੇ ਆਧਾਰ ’ਤੇ ਇਹ 4 ਆਪਸ਼ਨ ’ਚ ਉਪਲੱਬਧ ਹੈ। ਜ਼ੈਟਾ-ਮੈਨੁਅਲ ਗਿਅਰਬਾਕਸ ਦੀ ਕੀਮਤ 9,79,689 ਰੁਪਏ ਅਤੇ ਆਟੋਮੈਟਿਕ ਦੀ ਕੀਮਤ 10,89,689 ਰੁਪਏ ਹੈ। ਅਲਫਾ-ਮੈਨੁਅਲ ਗਿਅਰਬਾਕਸ ਦੀ ਕੀਮਤ 10,36,189 ਰੁਪਏ ਅਤੇ ਆਟੋਮੈਟਿਕ ਦੀ ਕੀਮਤ 11,46,189 ਰੁਪਏ ਹੈ।
ਇੰਜਣ
ਮਾਰੂਤੀ XL6 ’ਚ 1.5 ਲੀਟਰ ਸਮਾਰਟ ਹਾਈਬ੍ਰਿਡ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ। ਇਹ ਇੰਜਣ 105bhp ਦੀ ਪਾਵਰ ਅਤੇ 138Nm ਦਾ ਪੀਕ ਟਾਰਕ ਜਨਰੇਟ ਕਰਦਾ ਹੈ। ਇਸ ਕਾਰ ’ਚ 5-ਸਪੀਡ ਮੈਨੁਅਲ ਅਤੇ 4-ਸਪੀਡ ਆਟੋਮੈਟਿਕ ਗਿਅਰਬਾਕਸ ਦੇ ਆਪਸ਼ਨ ਦਿੱਤੇ ਗਏ ਹਨ। ਇੰਜਣ BS-6 ਹੈ।
ਤੁਹਾਡੇ ਫੋਨ ਲਈ ਖਤਰਨਾਕ ਹਨ ਇਹ 27 Apps, ਜਲਦੀ ਕਰੋ ਡਿਲੀਟ
NEXT STORY