ਗੈਜੇਟ ਡੈਸਕ– ਰੀਅਲਮੀ ਨੇ ਅੱਜ ਭਾਰਤ ’ਚ ਫਲੈਗਸ਼ਿਪ ਰੀਅਲਮੀ ਐਕਸ ਦੇ ਨਾਲ ਬਜਟ ਸਮਾਰਟਫੋਨ Realme 3i ਲਾਂਚ ਕੀਤਾ ਹੈ। Realme 3i ਦੋ ਵੇਰੀਐਂਟਸ ’ਚ ਆਉਂਦਾ ਹੈ। ਇਸ ਦੇ 3 ਜੀ.ਬੀ. ਰੈਮ+32 ਜੀ.ਬੀ. ਸਟੋਰੇਜ ਵੇਰੀਐਂਟ ਦੀ ਕੀਮਤ 7,999 ਰੁਪਏ ਅਤੇ 4 ਜੀ.ਬੀ. ਰੈਮ+64 ਜੀ.ਬੀ. ਸਟੋਰੇਜ ਵੇਰੀਐਂਟ ਦੀ ਕੀਮਤ 9,999 ਰੁਪਏ ਹੈ। ਇਹ ਸਮਾਰਟਫੋਨ ਬਲੈਕ, ਬਲਿਊ ਅਤੇ ਰੈੱਡ ਕਲਰ ਆਪਸ਼ਨ ’ਚ ਆਉਂਦਾ ਹੈ। Realme 3i ਸਮਾਰਟਫੋਨ 3 ਜੁਲਾਈ ਤੋਂ ਫਲਿਪਕਾਰਟ ਅਤੇ Realme.Com ’ਤੇ ਦੁਪਹਿਰ 12 ਵਜੇ ਉਪਲੱਬਧ ਹੋਵੇਗਾ।
ਫੋਨ ’ਚ 6.2 ਇੰਚ ਦਾ HD ਪਲੱਸ ਡਿਸਪਲੇਅ ਹੈ ਜਿਸ ਦਾ ਸਕਰੀਨ ਰੈਜ਼ੋਲਿਊਸ਼ਨ 1520x720 ਪਿਕਸਲਸ ਹੈ। ਇਹ ਸਮਾਰਟਫੋਨ 2.0GHz ਆਕਟਾ-ਕੋਰ ਮੀਡੀਆਟੈੱਕ ਹੇਲੀਓ ਪੀ60 ਪ੍ਰੋਸੈਸਰ ’ਤੇ ਚੱਲਦਾ ਹੈ।
ਇਸ ਸਮਾਰਟਫੋਨ ’ਚ ਡਿਊਲ ਕੈਮਰਾ ਸੈੱਟਅਪ ਹੈ ਜਿਸ ਵਿਚ 13 ਮੈਗਾਪਿਕਸਲ ਦਾ ਪ੍ਰਾਈਮਰੀ ਸੈਂਸਰ ਐੱਫ/1.8 ਅਪਰਚਰ ਦੇ ਨਾਲ ਅਤੇ 2 ਮੈਗਾਪਿਕਸਲ ਦਾ ਸੈਕੇਂਡਰੀ ਸੈਂਸਰ ਹੈ। ਸੈਲਫੀ ਲਈ ਐੱਫ/2.0 ਅਪਰਚਰ, 1.12 ਮਾਈਕ੍ਰੋਫੋਨ ਪਿਕਸਲ ਦੇ ਨਾਲ 13 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੈ।
Realme 3i ’ਚ 4230mAh ਦੀ ਬੈਟਰੀ ਹੈ ਅਤੇ ਇਹ ਐਂਡਰਾਇਡ 9.0 ਪਾਈ ’ਤੇ ਚੱਲਦਾ ਹੈ, ਜੋ ਕਿ ਕਲਰ ਓ.ਐੱਸ. 6.0 ’ਤੇ ਆਧਾਰਿਤ ਹੈ। ਕੁਨੈਕਟੀਵਿਟੀ ਲਈ ਸਮਾਰਟਫੋਨ ’ਚ ਬਲੂਟੁੱਥ 4.2, 4ਜੀ ਐੱਲ.ਟੀ.ਈ., ਜੀ.ਪੀ.ਐੱਸ.,ਵਾਈ-ਫਾਈ, ਗਲੋਨਾਸ, ਮਾਈਕ੍ਰੋ ਯੂ.ਐੱਸ.ਬੀ. ਪੋਰਟ ਅਤੇ 3.5 ਐੱਮ.ਐੱਮ.ਆਡੀਓ ਜੈੱਕ ਦੀ ਸੁਵਿਧਾ ਹੈ।
Kia Seltos ਦੀ ਬੁਕਿੰਗ ਕਲ ਤੋਂ ਸ਼ੁਰੂ, ਮਿਲਣਗੇ 37 ਸਮਾਰਟ ਫੀਚਰਜ਼
NEXT STORY 
