ਜਲੰਧਰ - ਕਮਰ ਦਰਦ ਹੋਣਾ ਕਈ ਲੋਕਾਂ ਨੂੰ ਆਮ ਗੱਲ ਲੱਗਦੀ ਪਰ ਜੇਕਰ ਇਹ ਦਰਦ ਕੰਟਰ੍ਰੋਲ ਤੋਂ ਬਾਹਰ ਹੋ ਜਾਵੇ ਤਾਂ ਕਈ ਬਹੁਤ ਸਾਰਿਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਕਈ ਵਾਰ ਘੰਟਿਆ ਤੱਕ ਬੈਠੇ ਰਹਿਣ ਨਾਲ ਕਮਰ ਦਰਦ ਹੋਣੀ ਸ਼ੁਰੂ ਹੋ ਜਾਂਦੀ ਹੈ। ਇਸ ਤੋਂ ਇਲਾਵਾ ਗਲਤ ਲਾਈਫ ਸਟਾਈਲ ਖਾਣ-ਪੀਣ 'ਚ ਪੋਸ਼ਕ ਤੱਤਾਂ ਦੀ ਕਮੀ ਹੋਣ ਨਾਲ ਵੀ ਕਮਰ ਦਰਦ ਦੀ ਸਮੱਸਿਆ ਹੋ ਜਾਂਦੀ ਹੈ, ਜਿਸ ਨਾਲ ਉੱਠਣ-ਬੈਠਣ 'ਚ ਪ੍ਰੇਸ਼ਾਨੀ ਅਤੇ ਕੰਮ ਕਰਨ 'ਚ ਦਿੱਕਤ ਆਉਣ ਲੱਗਦੀ ਹੈ। ਸਹੀਂ ਸਮੇਂ 'ਤੇ ਇਸ ਦਾ ਇਲਾਜ ਨਾ ਕੀਤਾ ਜਾਵੇ ਤਾਂ ਇਹ ਦਰਦ ਹੋਰ ਵਧਣ ਲੱਗਦਾ ਹੈ। ਅੱਜ ਅਸੀਂ ਤੁਹਾਨੂੰ ਉਹ ਘਰੇਲੂ ਨੁਸਖੇ ਦੱਸਣ ਜਾ ਰਹੇ ਹਾਂ, ਜਿਸ ਦੀ ਵਰਤੋਂ ਕਰਕੇ ਤੁਸੀਂ ਦਰਦ ਤੋਂ ਰਾਹਤ ਪਾ ਸਕਦੇ ਹੋ।
ਤੇਜ਼ ਪੱਤੇ ਦਾ ਕਾੜਾ
ਤੇਜ਼ ਪੱਤੇ ਦੇ ਕਾੜੇ ਦੀ ਵਰਤੋਂ ਕਰਨ ਨਾਲ ਕਮਰ ਦਰਦ ਇਕ ਘੰਟੇ ਦੇ ਅੰਦਰ-ਅੰਦਰ ਠੀਕ ਹੋ ਜਾਂਦਾ ਹੈ। ਠੰਡ 'ਚ ਹੋਣ ਵਾਲੇ ਕਮਰ ਦਰਦ ਤੋਂ ਛੁਟਕਾਰਾਂ ਪਾਉਣ ਲਈ ਵੀ ਤੇਜ਼ ਪੱਤੇ ਦਾ ਕਾੜਾ ਪੀਣਾ ਚਾਹੀਦਾ ਹੈ। ਤੇਜ਼ ਪੱਤੇ ਦਾ ਕਾੜਾ ਬਣਾਉਣ ਲਈ 10 ਗ੍ਰਾਮ ਅਜਵਾਇਨ, 5 ਗ੍ਰਾਮ ਸੌਂਫ ਅਤੇ 10 ਗ੍ਰਾਮ ਤੇਜ ਪੱਤੇ ਨੂੰ ਇਕੱਠਾ ਕਰਕੇ ਪੀਸ ਲਓ ਅਤੇ ਫਿਰ ਉਸ ਨੂੰ ਇਕ ਲੀਟਰ ਪਾਣੀ 'ਚ ਉਬਾਲ ਲਵੋਂ। ਕਾਫੀ ਸਮੇਂ ਤੱਕ ਉਬਾਲਣ 'ਤੇ 100-150 ਗ੍ਰਾਮ ਪਾਣੀ ਰਹਿ ਜਾਣ 'ਤੇ ਇਸ ਨੂੰ ਠੰਡਾ ਕਰਕੇ ਪੀ ਲਓ।
ਅਜਵਾਈਨ
ਕਮਰ ਵਿਚ ਦਰਦ ਹੈ ਤਾਂ ਇਕ ਛੋਟਾ ਜਿਹਾ ਚਮੱਚ ਅਜਵਾਈਨ ਲੈ ਕੇ ਤਵੇ 'ਤੇ ਸੇਕ ਲਓ। ਜਦੋਂ ਇਹ ਠੰਡੀ ਹੋ ਜਾਵੇ ਤਾਂ ਇਸ ਨੂੰ ਹੌਲੀ-ਹੌਲੀ ਚਬਾਉਂਦੇ ਹੋਏ ਖਾਓ। 7 ਦਿਨ ਲਗਾਤਾਰ ਇਸ ਦੀ ਵਰਤੋਂ ਕਰਨ ਨਾਲ ਦਰਦ ਤੋਂ ਰਾਹਤ ਮਿਲਦੀ ਹੈ।
ਗਰਮ ਪਾਣੀ ਦਾ ਲਵੋਂ ਸੇਕ
ਕਮਰ ਦਰਦ ਤੋਂ ਛੁਟਕਾਰਾਂ ਪਾਉਣ ਲਈ ਤੁਸੀਂ ਗਰਮ ਪਾਣੀ ਦਾ ਸੇਕ ਵੀ ਲੈ ਸਕਦੇ ਹੋ। ਪਾਣੀ 'ਚ ਲੂਣ ਮਿਲਾ ਕੇ ਉਸ ਨੂੰ ਗਰਮ ਕਰ ਲਵੋ। ਫਿਰ ਉਸ 'ਚ ਤੋਲੀਆ ਪਾ ਕੇ ਨਿਚੋੜ ਲਵੋ ਅਤੇ ਕਮਰ ਨੂੰ ਸੇਕ ਦੇਵੋਂ। ਅਜਿਹਾ ਕਰਨ ਨਾਲ ਦਰਜ ਜਲਦ ਠੀਕ ਹੋ ਜਾਵੇਗਾ।
ਸਿਕਾਈ
ਦਰਦ ਤੋਂ ਰਾਹਤ ਪਾਉਣ ਲਈ ਉਸ ਥਾਂ 'ਤੇ ਪਾਣੀ ਦੀ ਸਿਕਾਈ ਕਰੋ। ਧਿਆਨ ਰੱਖੋ ਕਿ ਪਾਣੀ ਜ਼ਿਆਦਾ ਗਰਮ ਨਾ ਹੋਵੇ। ਇਸ ਦੇ ਨਾਲ ਹੀ ਬਾਸੀ ਖਾਣੇ ਤੋਂ ਪਰਹੇਜ਼ ਕਰੋ।
ਸੈਰ ਵੀ ਜ਼ਰੂਰੀ
ਸਵੇਰ ਦੀ ਸੈਰ ਕਰਨ ਨਾਲ ਸਿਹਤ ਸੰਬੰਧੀ ਕਈ ਸਮੱਸਿਆਵਾਂ ਦੂਰ ਹੁੰਦੀਆਂ ਹਨ। ਕਮਰ ਦਰਦ ਤੋਂ ਬਚਣ ਲਈ ਰੋਜ਼ਾਨਾ ਸਵੇਰੇ 2 ਮੀਲ ਸੈਰ ਜ਼ਰੂਰ ਕਰੋ।
ਸਰੋਂ ਦਾ ਤੇਲ
ਸਰੋਂ ਦੇ ਤੇਲ ਵਿਚ ਲੱਸਣ ਦੀ ਤਿੰਨ-ਚਾਰ ਕਲੀਆਂ ਪਾ ਕੇ ਗਰਮ ਕਰ ਲਓ ਅਤੇ ਠੰਡਾ ਹੋਣ 'ਤੇ ਇਸ ਤੇਲ ਨਾਲ ਕਮਰ ਦੀ ਮਾਲਿਸ਼ ਕਰੋ।
ਕੈਲਸ਼ੀਅਮ
ਕੈਲਸ਼ੀਅਮ ਦੀ ਕਮੀ ਨਾਲ ਵੀ ਕਮਰ ਵਿਚ ਦਰਦ ਹੋਣ ਲੱਗਦਾ ਹੈ। ਅਜਿਹੇ ਵਿਚ ਆਪਣੀ ਡਾਈਟ ਵਿਚ ਕੈਲਸ਼ੀਅਮ ਵਾਲੇ ਆਹਾਰ ਨੂੰ ਸ਼ਾਮਲ ਕਰੋ।
ਡੇਂਗੂ ਤੋਂ ਬਚਾਉਂਦਾ ਹੈ ਪੀਲੀ ਮੂੰਗ ਦੀ ਦਾਲ ਦਾ ਪਾਣੀ, ਜਾਣੋ ਹੋਰ ਵੀ ਲਾਜਵਾਬ ਫਾਇਦੇ
NEXT STORY 
