ਸਾਓ ਪਾਓਲੋ (ਏਜੰਸੀ) : ਉੱਤਰੀ ਬ੍ਰਾਜ਼ੀਲ ਦੀ ਐਮਾਜ਼ੋਨ ਨਦੀ 'ਚ ਕਿਸ਼ਤੀ ਪਲਟਣ ਨਾਲ ਇਕ ਸਾਲ ਦੇ ਬੱਚੇ ਸਮੇਤ ਘੱਟੋ-ਘੱਟ 3 ਲੋਕਾਂ ਦੀ ਮੌਤ ਹੋ ਗਈ, 16 ਹੋਰ ਜ਼ਖਮੀ ਹੋ ਗਏ ਅਤੇ 9 ਹੋਰ ਲਾਪਤਾ ਦੱਸੇ ਜਾ ਰਹੇ ਹਨ। ਸਿਨਹੂਆ ਨਿਊਜ਼ ਏਜੰਸੀ ਨੇ ਦੱਸਿਆ ਕਿ ਕਿਸ਼ਤੀ "ਐੱਮ ਮੋਂਟੇਰੀਓ" 200 ਤੋਂ ਵੱਧ ਯਾਤਰੀਆਂ ਨੂੰ ਲੈ ਕੇ ਜਾ ਰਹੀ ਸੀ, ਜਦੋਂ ਸੋਮਵਾਰ ਨੂੰ ਅਮੇਜ਼ਨਸ ਰਾਜ ਵਿਚ ਯੂਰਿਨੀ ਦੀ ਨਗਰਪਾਲਿਕਾ ਨੇੜੇ ਇਕ ਧਮਾਕੇ ਤੋਂ ਬਾਅਦ ਇਸ ਵਿਚ ਅੱਗ ਲੱਗ ਗਈ। ਪੁਲਸ ਦੇ ਬੁਲਾਰੇ ਅਤੇ ਜਲ ਸੈਨਾ ਦੇ ਇਕ ਅਧਿਕਾਰੀ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਘੱਟੋ-ਘੱਟ 183 ਲੋਕ ਬਚਣ ਵਿਚ ਕਾਮਯਾਬ ਰਹੇ। ਇਹ ਜਹਾਜ਼ ਸ਼ਨੀਵਾਰ ਨੂੰ ਅਮੇਜ਼ਨਸ ਦੀ ਰਾਜਧਾਨੀ ਮਾਨੌਸ ਤੋਂ ਕੋਲੰਬੀਆ ਅਤੇ ਪੇਰੂ ਦੀ ਸਰਹੱਦ 'ਤੇ ਸਥਿਤ ਬ੍ਰਾਜ਼ੀਲ ਦੇ ਸ਼ਹਿਰ ਤਾਬਟਿੰਗਾ ਲਈ ਰਵਾਨਾ ਹੋਇਆ ਸੀ।
ਤਿੰਨ ਦਿਨਾਂ ਵਿਚ ਅਮੇਜ਼ਨਸ ਵਿਚ ਯਾਤਰੀ ਕਿਸ਼ਤੀ ਨੂੰ ਅੱਗ ਲੱਗਣ ਦੀ ਇਹ ਦੂਜੀ ਘਟਨਾ ਸੀ। ਸ਼ਨੀਵਾਰ ਨੂੰ "ਕਮਾਂਡੈਂਟੇ ਸੂਜ਼ਾ III" ਕਿਸ਼ਤੀ ਅੱਗ ਲੱਗਣ ਤੋਂ ਬਾਅਦ ਪਲਟ ਗਈ ਸੀ, ਜਿਸ ਨਾਲ ਚਾਰ ਲੋਕਾਂ ਦੀ ਮੌਤ ਹੋ ਗਈ ਅਤੇ ਪੰਜ ਲਾਪਤਾ ਹੋ ਗਏ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਸਤੀ ਚੀਨੀ ਦਰਾਮਦ ਦੇ ਪਰਛਾਵੇਂ ਨੇ ਥਾਈਲੈਂਡ ਅਤੇ ਅਫਰੀਕਾ ਦੀ ਆਰਥਿਕਤਾ ਨੂੰ ਮਾਰੀ ਵੱਡੀ ਸੱਟ
NEXT STORY 
