ਇੰਟਰਨੈਸ਼ਨਲ ਡੈਸਕ - ਅਮਰੀਕਾ ਵਿੱਚ ਇੱਕ 7 ਸਾਲ ਦੀ ਬੱਚੀ ਥਰਡ ਡਿਗਰੀ ਬਰਨ ਤੋਂ ਬਾਅਦ ਕੋਮਾ ਵਿੱਚ ਚਲੀ ਗਈ ਜਦੋਂ ਉਸ ਦੇ ਚਿਹਰੇ 'ਤੇ ਨੀਦੋਹ ਕਿਊਬ (NeeDoh Cube) ਨਾਮ ਦਾ ਇੱਕ ਮਸ਼ਹੂਰ ਖਿਡੌਣਾ ਫਟ ਗਿਆ। ਇਹ ਖੌਫਨਾਕ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਬੱਚੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਟ੍ਰੈਂਡ ਨੂੰ ਦੁਹਰਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ। ਇਸ ਖ਼ਤਰਨਾਕ ਚੁਣੌਤੀ ਵਿੱਚ, ਸਕਵਿਸ਼ੀ ਖਿਡੌਣੇ (ਜੋ ਜੈਲੀ ਵਰਗੇ ਅਤੇ ਲਚਕੀਲੇ ਹੁੰਦੇ ਹਨ) ਨੂੰ ਫ੍ਰੀਜ਼ਰ ਵਿੱਚ ਫ੍ਰੀਜ਼ ਕੀਤਾ ਜਾਂਦਾ ਹੈ ਅਤੇ ਫਿਰ ਮਾਈਕ੍ਰੋਵੇਵ ਕੀਤਾ ਜਾਂਦਾ ਹੈ।
ਨਿਊਯਾਰਕ ਪੋਸਟ ਦੀ ਰਿਪੋਰਟ ਮੁਤਾਬਕ ਇਹ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਫੇਸਟਸ, ਮਿਸੂਰੀ ਵਿੱਚ ਵਾਪਰੀ। ਸਕਾਰਲੇਟ ਸੇਲਬੀ ਨਾਮ ਦੀ ਇਸ ਕੁੜੀ ਨੇ ਟਿੱਕਟੌਕ 'ਤੇ ਲੋਕਾਂ ਦੇ ਨਿਡੋਹ ਕਿਊਬਸ (NeeDoh Cube) ਦੀ ਸ਼ਕਲ ਬਦਲਣ ਦੇ ਵੀਡੀਓ ਦੇਖੇ ਸਨ, ਜਿਸ ਵਿੱਚ ਖਿਡੌਣੇ ਨੂੰ ਫ੍ਰੀਜ਼ ਕੀਤਾ ਗਿਆ ਸੀ ਅਤੇ ਫਿਰ ਮਾਈਕ੍ਰੋਵੇਵ ਕੀਤਾ ਗਿਆ ਸੀ।
ਬੱਚੀ ਦੇ ਚਿਹਰੇ 'ਤੇ ਫਟ ਗਿਆ ਖਿਡੌਣਾ
ਸੇਲਬੀ ਨੇ ਉਸੇ ਪ੍ਰਕਿਰਿਆ ਨੂੰ ਦੁਹਰਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਖਿਡੌਣੇ ਨੂੰ ਮਾਈਕ੍ਰੋਵੇਵ ਵਿੱਚ ਰੱਖਿਆ। ਪਰ ਜਿਵੇਂ ਹੀ ਇਸ ਨੂੰ ਓਵਨ ਵਿੱਚੋਂ ਕੱਢਿਆ ਗਿਆ, ਕਿਊੂਬ ਫਟ ਗਿਆ ਅਤੇ ਇਸ ਵਿੱਚ ਭਰਿਆ ਗਰਮ ਚਿਪਚਿਪਾ ਪਦਾਰਥ ਲੜਕੀ ਦੀ ਛਾਤੀ ਅਤੇ ਚਿਹਰੇ 'ਤੇ ਚਿਪਕ ਗਿਆ। ਬੱਚੀ ਦੀ ਚੀਕ ਸੁਣ ਕੇ ਪਿਤਾ ਜੋਸ਼ ਸੋਲਬੀ ਦੌੜ ਕੇ ਉਸ ਕੋਲ ਆਇਆ ਤਾਂ ਉਸ ਦੀ ਹਾਲਤ ਦੇਖ ਕੇ ਘਬਰਾ ਗਿਆ।
ਕੋਮਾ 'ਚ ਚਲੀ ਗਈ ਕੁੜੀ!
ਪਿਤਾ ਜੋਸ਼ ਨੇ ਦੱਸਿਆ ਕਿ ਉਨ੍ਹਾਂ ਤੁਰੰਤ ਲੜਕੀ ਦੇ ਸਰੀਰ ਅਤੇ ਉਸ ਦੇ ਕੱਪੜਿਆਂ ਤੋਂ ਗਰਮ ਚਿਪਚਿਪਾ ਪਦਾਰਥ ਕੱਢਣ ਦੀ ਕੋਸ਼ਿਸ਼ ਕੀਤੀ। ਇਸ ਤੋਂ ਬਾਅਦ ਉਹ ਉਸ ਨੂੰ ਲੈ ਕੇ ਹਸਪਤਾਲ ਵੱਲ ਭੱਜੇ, ਜਿੱਥੇ ਡਾਕਟਰਾਂ ਨੇ ਲੜਕੀ ਨੂੰ ਕੋਮਾ ਵਿਚ ਰੱਖਿਆ ਕਿਉਂਕਿ ਉਨ੍ਹਾਂ ਨੂੰ ਡਰ ਸੀ ਕਿ ਉਸ ਦੇ ਮੂੰਹ ਦੇ ਕੋਲ ਸੜਨ ਕਾਰਨ ਉਸ ਦੀ ਹਵਾ ਦੀ ਪਾਈਪ ਵਿਚ ਸੋਜ ਹੋ ਸਕਦੀ ਹੈ।
ਸਰੀਰ 'ਤੇ ਡੂੰਘੇ ਨਿਸ਼ਾਨ
ਬੱਚੀ ਖਤਰੇ ਤੋਂ ਬਾਹਰ ਹੈ ਪਰ ਮਾਂ ਅਮਾਂਡਾ ਬਲੈਕਨਸ਼ਿਪ ਉਸਦੇ ਡੂੰਘੇ ਜ਼ਖਮਾਂ ਨੂੰ ਦੇਖ ਕੇ ਹੈਰਾਨ ਰਹਿ ਗਈ। ਉਨ੍ਹਾਂ ਕਿਹਾ ਕਿ ਜ਼ਖਮ ਇੰਨੇ ਡੂੰਘੇ ਸਨ ਕਿ ਪਦਾਰਥ ਅਜੇ ਵੀ ਉਸ ਦੀ ਚਮੜੀ 'ਤੇ ਚਿਪਕਿਆ ਹੋਇਆ ਸੀ। ਡਾਕਟਰਾਂ ਨੇ ਜੋੜੇ ਨੂੰ ਬੱਚੀ ਦੇ 12 ਸਾਲ ਦੇ ਹੋਣ ਦਾ ਇੰਤਜ਼ਾਰ ਕਰਨ ਦੀ ਸਲਾਹ ਦਿੱਤੀ ਹੈ, ਕਿਉਂਕਿ ਉਸ ਤੋਂ ਬਾਅਦ ਹੀ ਉਹ ਕੋਈ ਵੀ ਸਰਜਰੀ ਕਰ ਸਕਣਗੇ।
ਬੱਚੀ ਦੇ ਮਾਪਿਆਂ ਨੇ ਕੀਤੀ ਇਹ ਅਪੀਲ
ਸੇਲਬੀ ਨਾਲ ਵਾਪਰੀ ਇਸ ਦੁਖਦਾਈ ਘਟਨਾ ਤੋਂ ਬਾਅਦ ਉਸ ਦੇ ਮਾਤਾ-ਪਿਤਾ ਲੋਕਾਂ ਨੂੰ ਅਪੀਲ ਕਰ ਰਹੇ ਹਨ ਕਿ ਉਹ ਨਿਦੋਹ ਦੇ ਖਿਡੌਣਿਆਂ ਨੂੰ ਆਪਣੇ ਬੱਚਿਆਂ ਤੋਂ ਦੂਰ ਰੱਖਣ ਕਿਉਂਕਿ ਇਸ ਦੇ ਗੰਭੀਰ ਨਤੀਜੇ ਹੋ ਸਕਦੇ ਹਨ। ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਖਿਡੌਣੇ ਦੇ ਅੰਦਰਲੀ ਸਮੱਗਰੀ ਗਰਮ ਹੋਣ 'ਤੇ ਇੱਕ ਗੋਂਦ ਵਾਂਗ ਵਿਹਾਰ ਕਰਦੀ ਹੈ, ਜੇਕਰ ਇਹ ਫਟ ਜਾਂਦੀ ਹੈ ਤਾਂ ਬੱਚਿਆਂ ਨੂੰ ਗੰਭੀਰ ਜਲਣ ਦਾ ਖ਼ਤਰਾ ਹੁੰਦਾ ਹੈ।
ਇੱਟਾਂ ਦੀਆਂ ਵਿਕਟਾਂ ਨਾਲ PM ਨੇ ਖੇਡਿਆ ਗਲੀ ਕ੍ਰਿਕਟ, ਖੂਬ ਲਗਾਏ ਚੌਕੇ-ਛੱਕੇ
NEXT STORY 
