ਵਾਸ਼ਿੰਗਟਨ (ਬਿਊਰੋ): ਕੋਰੋਨਾਵਾਇਰਸ ਕਾਰਨ ਜ਼ਿਆਦਾਤਰ ਦੇਸ਼ ਲੌਕਡਾਊਨ ਹੋ ਚੁੱਕੇ ਹਨ। ਇਸ ਵਾਇਰਸ ਨੇ ਲੋਕਾਂ ਦੀ ਜ਼ਿੰਦਗੀ ਪੂਰੀ ਤਰ੍ਹਾਂ ਬਦਲ ਦਿੱਤੀ ਹੈ। ਲੌਕਡਾਊਨ ਅਤੇ ਕੁਆਰੰਟੀਨ ਦਾ ਅਸਰ ਨੌਜਵਾਨਾਂ ਦੀ ਡੇਟਿੰਗ ਅਤੇ ਲਵ ਲਾਈਫ 'ਤੇ ਬਹੁਤ ਪਿਆ ਹੈ।ਪਿਆਰ ਕਰਨ ਵਾਲੇ ਨੌਜਵਾਨ-ਕੁੜੀਆਂ ਇਕ-ਦੂਜੇ ਨੂੰ ਮਿਲ ਨਹੀਂ ਪਾ ਰਹੇ ਅਤੇ ਨਾ ਹੀ ਇਕ-ਦੂਜੇ ਨੂੰ ਪ੍ਰਪੋਜ਼ ਕਰ ਪਾ ਰਹੇ ਹਨ। ਇਹ ਵੀ ਸੱਚ ਹੈ ਕਿ ਪਿਆਰ ਕਰਨ ਵਾਲਿਆਂ ਨੂੰ ਜੰਜ਼ੀਰਾਂ ਵਿਚ ਜ਼ਿਆਦਾ ਦਿਨ ਕੈਦ ਵਿਚ ਨਹੀਂ ਰੱਖਿਆ ਜਾ ਸਕਦਾ। ਉਹ ਇਕ-ਦੂਜੇ ਤੱਕ ਪਹੁੰਚਣ ਦਾ ਕੋਈ ਨਾ ਕੋਈ ਰਸਤਾ ਲੱਭ ਹੀ ਲੈਂਦੇ ਹਨ।
ਇਸੇ ਤਰ੍ਹਾਂ ਦਾ ਇਕ ਮਾਮਲਾ ਅਮਰੀਕਾ ਦੇ ਨਿਊਯਾਰਕ ਸ਼ਹਿਰ ਦਾ ਸਾਹਮਣੇ ਆਇਆ ਹੈ। ਇੱਥੇ ਬਰੁਕਲਿਨ ਵਿਚ ਰਹਿਣ ਵਾਲੇ ਇਕ ਨੌਜਵਾਨ ਨੇ ਕੁਆਰੰਟੀਨ ਵਿਚ ਰਹਿੰਦੇ ਹੋਏ ਇਕ ਕੁੜੀ ਨੂੰ ਅਨੋਖੇ ਅੰਦਾਜ ਵਿਚ ਆਪਣਾ ਫੋਨ ਨੰਬਰ ਦਿੱਤਾ ਅਤੇ ਪ੍ਰਪੋਜ਼ ਕੀਤਾ। ਜਿਸ ਬਾਰੇ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਇਸ ਸਬੰਧੀ ਟਿਕਟਾਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਇਨੀ ਦਿਨੀਂ ਕਾਫੀ ਵਾਇਰਲ ਹੋ ਰਹੀ ਹੈ।
ਵੀਡੀਓ ਵਿਚ ਜੇਰੇਮੀ ਨੇ ਪੂਰੀ ਘਟਨਾ ਦੇ ਬਾਰੇ ਵਿਚ ਦੱਸਿਆ ਹੈ।ਵੀਡੀਓ ਮੁਤਾਬਕ ਨੌਜਵਾਨ ਇਕ ਡਰੋਨ ਦੀ ਵਰਤੋਂ ਕਰਦਾ ਹੈ ਅਤੇ ਕੁੜੀ ਨੂੰ ਆਪਣਾ ਫੋਨ ਨੰਬਰ ਭੇਜਦਾ ਹੈ। ਸਭ ਤੋਂ ਪਹਿਲਾਂ ਨੌਜਵਾਨ ਆਪਣੇ ਕਮਰੇ ਦੀ ਖਿੜਕੀ ਤੋਂ ਬਾਹਰ ਇਕ ਕੁੜੀ ਨੂੰ ਨੱਚਦਿਆਂ ਦੇਖਦਾ ਹੈ ਅਤੇ ਉਸ ਨੂੰ ਹੈਲੋ ਕਹਿੰਦਾ ਹੈ।
ਕੁੜੀ ਵੀ ਜਵਾਬ ਵਿਚ ਹੈਲੋ ਬੋਲਦੀ ਹੈ। ਇਸ ਦੇ ਬਾਅਦ ਜੇਰੇਮੀ ਡਰੋਨ 'ਤੇ ਆਪਣਾ ਨੰਬਰ ਚਿਪਕਾ ਕੇ ਕੁੜੀ ਨੂੰ ਭੇਜਦਾ ਹੈ ਅਤੇ ਇਕ ਘੰਟੇ ਦੇ ਬਾਅਦ ਉਸ ਕੋਲ ਕੁੜੀ ਦਾ ਮੈਸੇਜ ਆਉਂਦਾ ਹੈ। ਵੀਡੀਓ ਨੂੰ ਜੇਰੇਮੀ ਕੋਹੇਨ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਵੀ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਨੂੰ ਹੁਣ ਤੱਕ ਲੱਖਾਂ ਲੋਕ ਦੇਖ ਚੁੱਕੇ ਹਨ।
ਵੀਡੀਓ ਦੇ ਸਿਰਲੇਖ ਵਿਚ ਕੁਆਰੰਟੀਨ ਕਿਯੂਟੀ ਦੀ ਲਵ ਸਟੋਰੀ ਲਿਖੀ ਹੈ। ਇਸ ਵੀਡੀਓ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਕੋਰੋਨਾਵਾਇਰਸ ਨੇ ਦੁਨੀਆ ਭਰ ਵਿਚ ਖੌਫ ਦਾ ਮਾਹੌਲ ਪੈਦਾ ਕੀਤਾ ਹੋਇਆ ਹੈ।ਇਸ ਵਿਚ ਇਹ ਵੀਡੀਓ ਲੋਕਾਂ ਨੂੰ ਇਕ ਨਵੀਂ ਊਰਜਾ ਦੇ ਰਹੀ ਹੈ।
'ਕੋਰੋਨਾ' ਕਾਰਨ ਅਮਰੀਕੀ ਕੰਪਨੀ ਨੇ ਚੀਨ 'ਤੇ ਠੋਕਿਆ 20 ਟ੍ਰਿਲੀਅਨ ਡਾਲਰ ਦਾ ਮੁਕੱਦਮਾ
NEXT STORY 
