ਸਿਡਨੀ (ਬਿਊਰੋ)— ਆਸਟ੍ਰੇਲੀਆ ਦੀ ਇਕ ਫੋਟੋਗ੍ਰਾਫਰ ਹੀਦਰ ਸਵਾਨ (50) ਨੇ ਵਿੰਗਸੂਟ ਪਹਿਨ ਕੇ ਅੰਟਾਰਟਿਕਾ ਦੇ ਗਲੇਸ਼ੀਅਰਾਂ ਦੇ ਉੱਪਰੋਂ ਉਡਾਣ ਭਰੀ। ਅਜਿਹਾ ਕਰਨ ਵਾਲੀ ਉਹ ਦੁਨੀਆ ਦੀ ਪਹਿਲੀ ਮਹਿਲਾ ਬਣ ਗਈ। ਸਾਲ 1995 ਵਿਚ ਹੀਦਰ ਦਾ ਵਿਆਹ ਗਲੇਨ ਸਿੰਗਲਮੈਨ ਨਾਲ ਹੋਇਆ ਸੀ। ਇਸ ਤੋਂ ਪਹਿਲਾਂ ਹੀਦਰ ਨੂੰ ਸਕਾਈਡਾਈਵਿੰਗ ਦਾ ਕੋਈ ਅਨੁਭਵ ਨਹੀਂ ਸੀ। ਵਿਆਹ ਦੇ 23 ਸਾਲ ਬਾਅਦ ਉਸ ਨੇ ਸਕਾਈਡਾਈਵਿੰਗ ਕਰ ਕੇ ਇਤਿਹਾਸ ਰਚ ਦਿੱਤਾ। ਹੀਦਰ ਨਾਲ ਉਸ ਦੇ ਪਤੀ ਨੇ ਵੀ ਅੰਟਾਰਟਿਕਾ 'ਤੇ ਉਡਾਣ ਭਰੀ।
ਹੀਦਰ ਤੇ ਗਲੇਨ ਨੇ ਕਰੀਬ 12 ਹਜ਼ਾਰ ਫੁੱਟ ਉੱਪਰੋਂ ਦੀ ਛਾਲ ਮਾਰੀ। ਉਡਾਣ ਭਰਨ ਦੌਰਾਨ ਉਨ੍ਹਾਂ ਦੀ ਗਤੀ ਕਰੀਬ 160 ਕਿਲੋਮੀਟਰ ਪ੍ਰਤੀ ਘੰਟਾ ਸੀ ਅਤੇ ਤਾਪਮਾਨ ਮਾਈਨਸ 35 ਡਿਗਰੀ ਸੈਲਸੀਅਸ ਸੀ।
ਨੀਲੇ ਆਸਮਾਨ ਅਤੇ ਬਰਫ ਦੀ ਸਫੇਦ ਚਾਦਰ ਵਿਚ ਉਡਾਣ ਭਰਨ ਦੇ ਬਾਰੇ ਵਿਚ ਹੀਦਰ ਦੱਸਦੀ ਹੈ,''ਜਿਸ ਨਾਲ ਮੈਂ ਸਭ ਤੋਂ ਜ਼ਿਆਦਾ ਪਿਆਰ ਕਰਦੀ ਹਾਂ ਉਸ ਨਾਲ ਅੰਟਾਰਟਿਕਾ 'ਤੇ ਉਡਾਣ ਭਰਨਾ ਮੇਰੇ ਲਈ ਜ਼ਿਆਦਾ ਵੱਡੀ ਗੱਲ ਰਿਹਾ। ਅੰਟਾਰਟਿਕਾ ਹਮੇਸ਼ਾ ਤੋਂ ਲੋਕਾਂ ਲਈ ਸੁਪਨੇ ਵਾਂਗ ਰਿਹਾ ਹੈ।''
ਹੀਦਰ ਮੁਤਾਬਕ,''ਗਲੇਸ਼ੀਅਰ ਦੇ ਉੱਪਰ ਉਡਾਣ ਭਰਨਾ ਸ਼ਾਨਦਾਰ ਅਨੁਭਵ ਰਿਹਾ। ਬੀਤੇ 18 ਸਾਲਾਂ ਵਿਚ ਇਹ ਮੇਰੀ ਸਭ ਤੋਂ ਸ਼ਾਨਦਾਰ ਸਕਾਈਡਾਈਵਿੰਗ ਰਹੀ। ਅੰਟਾਰਟਿਕਾ ਦੇ ਅੰਦਰੂਨੀ ਇਲਾਕੇ ਤੱਕ ਕਾਫੀ ਘੱਟ ਲੋਕ ਪਹੁੰਚ ਪਾਉਂਦੇ ਹਨ।
ਮੈਂ ਅਤੇ ਗਲੇਨ ਅਜਿਹਾ ਕਰ ਪਾਉਣ ਵਿਚ ਸਫਲ ਹੋਏ। ਲਿਹਾਜਾ ਮੈਂ ਬਹੁਤ ਮਾਣ ਮਹਿਸੂਸ ਕਰ ਰਹੀ ਹਾਂ।'' ਇੱਥੇ ਦੱਸ ਦਈਏ ਕਿ ਹੀਦਰ ਬੀਤੇ ਸਾਲਾਂ ਵਿਚ ਹਿਮਾਲਿਆ, ਆਸਟ੍ਰੇਲੀਆ ਦੇ ਪਹਾੜੀ ਇਲਾਕਿਆਂ, ਅਮਰੀਕਾ ਦੇ ਗ੍ਰੈਂਡ ਕੈਨੀਅਨ ਸਮੇਤ ਕਈ ਥਾਵਾਂ 'ਤੇ ਸਕਾਈਡਾਈਵਿੰਗ ਕਰ ਚੁੱਕੀ ਹੈ।
ਹੁਣ ਹੀਦਰ ਵਿੰਗਸੂਟ ਪਹਿਨ ਕੇ ਮਾਊਂਟ ਐਵਰੈਸਟ 'ਤੇ ਵੀ ਉਡਾਣ ਭਰਨਾ ਚਾਹੁੰਦੀ ਹੈ।
ਕੈਨੇਡਾ 'ਚ ਦਿਨ-ਦਿਹਾੜੇ ਭੰਗੜਾ ਪ੍ਰਮੋਟਰ ਰੰਜੀਵ ਸੰਘਾ ਦਾ ਕਤਲ
NEXT STORY 
