ਸਿਡਨੀ— ਭਿਆਨਕ ਅੱਗ ਨਾਲ ਜੂਝ ਰਹੇ ਆਸਟ੍ਰੇਲੀਆ 'ਚ ਨਿਊ ਸਾਊਥ ਵੇਲਜ਼ ਸਰਕਾਰ ਨੇ ਜਾਨਵਰਾਂ ਦੀ ਸਹਾਇਤਾ ਲਈ ਕਦਮ ਚੁੱਕੇ ਹਨ। ਸੂਬੇ 'ਚ ਕਰੋੜਾਂ ਜਾਨਵਰਾਂ ਦੀ ਮੌਤ ਹੋ ਚੁੱਕੀ ਹੈ ਤੇ ਬਾਕੀ ਬਚੇ ਜਾਨਵਰਾਂ ਨੂੰ ਬਚਾਉਣ ਲਈ ਕਾਰਜ ਚੱਲ ਰਹੇ ਹਨ। ਕਈ ਅਜਿਹੇ ਜਾਨਵਰ ਵੀ ਹਨ ਜਿਨ੍ਹਾਂ ਦਾ ਭੋਜਨ ਜੰਗਲ 'ਚ ਹੀ ਸੀ ਪਰ ਹੁਣ ਉਨ੍ਹਾਂ ਕੋਲ ਖਾਣ ਲਈ ਕੁਝ ਨਹੀਂ ਹਨ।
ਅਜਿਹੇ 'ਚ ਹੈਲੀਕਾਪਟਰਾਂ ਰਾਹੀਂ ਇਨ੍ਹਾਂ ਜਾਨਵਰਾਂ ਲਈ ਗਾਜਰਾਂ ਅਤੇ ਸ਼ਕਰਕੰਦੀਆਂ ਸੁੱਟੀਆਂ ਜਾ ਰਹੀਆਂ ਹਨ। ਅੱਗ ਪ੍ਰਭਾਵਿਤ ਖੇਤਰਾਂ 'ਚ ਬ੍ਰਸ਼ ਟੇਲਡ ਰਾਕ ਵਾਲਬੀ ਲਈ ਹਜ਼ਾਰਾਂ ਕਿਲੋ ਗਾਜਰਾਂ ਅਤੇ ਸ਼ਕਰਕੰਦੀਆਂ ਭੇਜੀਆਂ ਜਾ ਰਹੀਆਂ ਹਨ। ਜ਼ਿਕਰਯੋਗ ਹੈ ਕਿ ਬ੍ਰਸ਼ ਟੇਲਡ ਰਾਕ ਵਾਲਬੀ ਕੰਗਾਰੂਆਂ ਦੀ ਨਸਲ ਹੈ, ਇਹ ਆਕਾਰ 'ਚ ਕਾਫੀ ਛੋਟੇ ਹੁੰਦੇ ਹਨ। ਅੱਗ ਕਾਰਨ ਕੰਗਾਰੂਆਂ ਦੀ ਇਹ ਨਸਲ ਖਤਰੇ 'ਚ ਆ ਗਈ ਹੈ।
ਦੂਜੇ ਪਾਸੇ ਸੰਸਦ ਮੈਂਬਰ ਮੈਟ ਕੀਨ ਵਲੋਂ ਵੀ ਕੈਪਰਟੀ ਅਤੇ ਵੋਲਗਨ ਘਾਟੀ 'ਚ ਸਥਿਤ 6 ਵੱਖ-ਵੱਖ ਕਲੋਨੀਆਂ 'ਚ ਰਾਕ ਵਾਲਬੀ ਲਈ ਇਕ ਹਜ਼ਾਰ ਕਿਲੋ ਸ਼ਕਰਕੰਦੀਆਂ ਅਤੇ ਗਾਜਰਾਂ, ਇਸ ਦੇ ਨਾਲ ਹੀ ਯੇਂਗੋ ਨੈਸ਼ਨਲ ਪਾਰਕ 'ਚ ਸਥਿਤ ਕੰਗਾਰੂ ਵੈਲੀ 'ਚ 100 ਕਿਲੋ ਖਾਣਯੋਗ ਸਮੱਗਰੀ ਅਤੇ ਪਾਣੀ ਪਹੁੰਚਾਇਆ ਗਿਆ ਹੈ।
ਬਹੁਤ ਸਾਰੇ ਜਾਨਵਰਾਂ ਨੂੰ ਰੈਸਕਿਊ ਕਰਕੇ ਸੁਰੱਖਿਅਤ ਥਾਵਾਂ 'ਤੇ ਰੱਖਿਆ ਗਿਆ ਹੈ।
ਟਰੰਪ ਵਿਰੁੱਧ ਮਹਾਦੋਸ਼ ਦੀ ਸੁਣਵਾਈ ਲਈ ਮਿਲੇ ਲੋੜੀਂਦੇ ਸਬੂਤ : ਨੈਨਸੀ
NEXT STORY