ਸਿਡਨੀ (ਭਾਸ਼ਾ): ਜੇਕਰ ਤੁਹਾਨੂੰ ਕੋਵਿਡ ਵੈਕਸੀਨ ਦਾ ਦੂਜਾ ਟੀਕਾ ਲਗਵਾਏ ਛੇ ਮਹੀਨੇ ਹੋ ਗਏ ਹਨ ਤਾਂ ਇਹੀ ਸਮਾਂ ਹੈ ਕਿ ਤੁਸੀਂ ਆਪਣੀ ਬੂਸਟਰ ਵੈਕਸੀਨ ਲੈਣ ਬਾਰੇ ਸੋਚੋ।ਇਹ ਕੋਵਿਡ ਖ਼ਿਲਾਫ਼ ਵਾਧੂ ਸੁਰੱਖਿਆ ਪ੍ਰਦਾਨ ਕਰੇਗਾ, ਜਿਸ ਵਿਚ ਨਵੇਂ Omicron ਵੇਰੀਐਂਟ ਵੀ ਸ਼ਾਮਲ ਹੈ।ਹਾਲਾਂਕਿ ਇਸ ਸਬੰਧ ਵਿਚ ਸਬੂਤ ਹਾਲੇ ਸਾਹਮਣੇ ਆ ਰਹੇ ਹਨ, ਸ਼ੁਰੂਆਤੀ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਫਾਈਜ਼ਰ ਬੂਸਟਰ ਓਮੀਕਰੋਨ ਖ਼ਿਲਾਫ਼ ਉਹੀ ਸੁਰੱਖਿਆ ਪ੍ਰਦਾਨ ਕਰ ਸਕਦਾ ਹੈ ਜਿਵੇਂ ਕਿ ਅਸਲ ਵਾਇਰਸ ਦੇ ਵਿਰੁੱਧ ਡਬਲ-ਡੋਜ਼ ਟੀਕਾਕਰਨ ਨੇ ਦਿੱਤਾ ਸੀ।
ਬੂਸਟਰ ਡੋਜ਼ ਕਿਉਂ ਲਈਏ?
ਜਦੋਂ ਤੁਸੀਂ ਕੋਵਿਡ ਵੈਕਸੀਨ ਦੀ ਆਪਣੀ ਪਹਿਲੀ ਖੁਰਾਕ ਲਗਵਾਉਂ ਹੋ ਤਾਂ ਤੁਹਾਡਾ ਸਰੀਰ ਸਪਾਈਕ ਪ੍ਰੋਟੀਨ ਨਾਮਕ ਵਾਇਰਸ ਦੇ ਇੱਕ ਹਿੱਸੇ ਦੇ ਵਿਰੁੱਧ ਪ੍ਰਤੀਰੋਧਕ ਪ੍ਰਤੀਕਿਰਿਆ ਪੈਦਾ ਕਰਦਾ ਹੈ। ਅਜਿਹੇ ਵਿਚ ਜੇਕਰ ਤੁਸੀਂ SARS-CoV-2 ਵਾਇਰਸ ਦੇ ਸੰਪਰਕ ਵਿੱਚ ਆਉਂਦੇ ਹੋ ਤਾਂ ਤੁਹਾਡਾ ਇਮਿਊਨ ਸਿਸਟਮ ਵਾਇਰਸ ਨੂੰ ਜਲਦੀ ਪਛਾਣ ਸਕਦਾ ਹੈ ਅਤੇ ਉਸ ਨਾਲ ਲੜ ਸਕਦਾ ਹੈ। ਕੋਵਿਡ ਵੈਕਸੀਨ ਦੀ ਇੱਕ ਖੁਰਾਕ ਪ੍ਰਤੀਰੋਧਕ ਪ੍ਰਤੀਕਿਰਿਆ ਆਮ ਤੌਰ 'ਤੇ ਥੋੜ੍ਹੇ ਸਮੇਂ ਲਈ ਹੁੰਦੀ ਹੈ। ਇਸ ਲਈ ਇੱਕ ਮਜ਼ਬੂਤ ਅਤੇ ਲੰਬੇ ਸਮੇਂ ਤੱਕ ਚੱਲਣ ਵਾਲੀ ਪ੍ਰਤੀਕਿਰਿਆ ਲਈ ਦੂਜੀ ਖੁਰਾਕ ਦੀ ਲੋੜ ਹੁੰਦੀ ਹੈ। ਸਮੇਂ ਦੇ ਨਾਲ ਤੁਹਾਡੇ ਸਰੀਰ ਵਿੱਚ ਐਂਟੀਬਾਡੀਜ਼ ਦੀ ਮਾਤਰਾ ਘੱਟ ਜਾਂਦੀ ਹੈ - ਇਸ ਨੂੰ ਕਮਜ਼ੋਰ ਪ੍ਰਤੀਰੋਧਕ ਸ਼ਕਤੀ ਕਿਹਾ ਜਾਂਦਾ ਹੈ।
ਜੇਕਰ ਇਮਿਊਨ ਪ੍ਰਤੀਕਿਰਿਆ ਕੋਵਿਡ ਖ਼ਿਲਾਫ਼ ਜ਼ਰੂਰੀ ਪੱਧਰ ਤੋਂ ਘੱਟ ਹੋ ਜਾਂਦੀ ਹੈ ਤਾਂ ਤੁਹਾਡਾ ਇਮਿਊਨ ਸਿਸਟਮ ਵਾਇਰਸ ਦੇ ਸੰਪਰਕ ਵਿੱਚ ਆਉਣ 'ਤੇ ਲਾਗ ਨੂੰ ਰੋਕਣ ਦੇ ਯੋਗ ਨਹੀਂ ਰਹਿੰਦਾ। ਸ਼ੁਰੂਆਤੀ ਕੋਰਸ ਤੋਂ ਥੋੜ੍ਹੀ ਦੇਰ ਬਾਅਦ ਦਿੱਤੀ ਗਈ ਵੈਕਸੀਨ ਦੀ ਇੱਕ ਖੁਰਾਕ ਐਂਟੀਬਾਡੀ ਦੇ ਪੱਧਰ ਨੂੰ ਸੁਰੱਖਿਆਤਮਕ ਸੀਮਾ ਤੋਂ ਉੱਪਰ ਚੁੱਕਣ ਵਿੱਚ ਮਦਦ ਕਰਦੀ ਹੈ।
ਦੂਜੀ ਖੁਰਾਕ ਲੈਣ ਤੋਂ ਕਿੰਨੀ ਦੇਰ ਬਾਅਦ ਪ੍ਰਤੀਰੋਧਕ ਸਮਰੱਥਾ ਘੱਟ ਜਾਂਦੀ ਹੈ?
ਕੋਵਿਡ ਵੈਕਸੀਨ ਦੀ ਦੂਜੀ ਖੁਰਾਕ ਲਗਵਾਉਣ ਤੋਂ ਬਾਅਦ ਛੇ ਮਹੀਨਿਆਂ ਜਾਂ ਇਸ ਤੋਂ ਵੱਧ ਸਮੇਂ ਵਿੱਚ ਐਂਟੀਬਾਡੀਜ਼ ਘੱਟ ਜਾਂਦੇ ਹਨ। ਟੀਕਾਕਰਨ ਨੂੰ ਪੂਰਾ ਕਰਨ ਦੇ ਛੇ ਮਹੀਨਿਆਂ ਬਾਅਦ, ਕੋਵਿਡ ਦੀ ਲਾਗ ਖ਼ਿਲਾਫ਼ ਟੀਕੇ ਦੀ ਪ੍ਰਭਾਵਸ਼ੀਲਤਾ ਔਸਤਨ 18.5 ਪ੍ਰਤੀਸ਼ਤ ਘੱਟ ਜਾਂਦੀ ਹੈ। ਇੱਕ ਸਕਾਰਾਤਮਕ ਤੱਥ ਇਹ ਹੈ ਕਿ ਹਸਪਤਾਲ ਵਿਚ ਦਾਖਲ ਹੋਣ ਜਾਂ ਮੌਤ ਸਮੇਤ ਕੋਵਿਡ ਤੋਂ ਗੰਭੀਰ ਬਿਮਾਰੀ ਤੋਂ ਬਚਾਅ, ਇਸ ਮਿਆਦ ਵਿਚ ਉਸ ਪੱਧਰ ਤੱਕ ਘੱਟ ਨਾ ਹੋ ਕਿ ਸਿਰਫ ਲੱਗਭਗ 8 ਫੀਸਦੀ ਤੱਕ ਘੱਟ ਹੁੰਦੀ ਦਿਸ ਰਹੀ ਹੈ। ਇਹ ਇਸ ਲਈ ਸੰਭਵ ਹੈ ਕਿਉਂਕਿ ਇਮਿਊਨ ਰਿਸਪਾਂਸ ਦੇ ਹੋਰ ਘਟਕ (ਟੀ ਸੈੱਲ ਅਤੇ ਇਮਿਊਨ ਮੈਮੋਰੀ ਸੈੱਲ) ਸਰੀਰ ਵਿੱਚ ਐਂਟੀਬਾਡੀਜ਼ ਨਾਲੋਂ ਜ਼ਿਆਦਾ ਸਮੇਂ ਤੱਕ ਰਹਿੰਦੇ ਹਨ ਅਤੇ ਗੰਭੀਰ ਬਿਮਾਰੀਆਂ ਨੂੰ ਰੋਕਦੇ ਹਨ। ਬਜ਼ੁਰਗਾਂ ਅਤੇ ਕਮਜ਼ੋਰ ਪ੍ਰਤੀਰੋਧਕ ਸ਼ਕਤੀ ਵਾਲੇ ਲੋਕਾਂ ਵਿੱਚ ਸੁਰੱਖਿਆ ਦੀ ਘਾਟ ਚਿੰਤਾ ਦਾ ਵਿਸ਼ਾ ਹੈ ਕਿਉਂਕਿ ਜਵਾਨ, ਸਿਹਤਮੰਦ ਲੋਕਾਂ ਦੇ ਮੁਕਾਬਲੇ ਉਹਨਾਂ ਦੀ ਵੈਕਸੀਨ ਪ੍ਰਤੀ ਕਮਜ਼ੋਰ ਪ੍ਰਤੀਰੋਧਕ ਪ੍ਰਤੀਕਿਰਿਆ ਹੁੰਦੀ ਹੈ।
ਪੜ੍ਹੋ ਇਹ ਅਹਿਮ ਖਬਰ- ਕੈਨੇਡਾ 'ਚ ਮਹਿੰਗਾਈ 'ਚ ਵਾਧੇ ਦੀ ਸੰਭਾਵਨਾ, 2022 'ਚ ਭੋਜਨ ਲਈ ਲੋਕਾਂ ਨੂੰ ਕਰਨਾ ਹੋਵੇਗਾ ਜ਼ਿਆਦਾ ਭੁਗਤਾਨ
ਬੂਸਟਰ ਡੋਜ਼ ਕਿੰਨੀ ਪ੍ਰਭਾਵੀ ਹੈ?
ਬੂਸਟਰ ਡੋਜ਼ ਲੈਣ ਦੇ ਬਾਅਦ ਐਂਟੀਬੌਡੀ ਦਾ ਪੱਧਰ ਸ਼ੁਰੂਆਤੀ ਟੀਕਾਕਰਨ ਦੇ ਬਾਅਦ ਦੀ ਤੁਲਨਾ ਵਿਚ ਜ਼ਿਆਦਾ ਹੁੰਦਾ ਹੈ। ਭਾਵੇਂਕਿ ਹਾਲਾਂਕਿ ਅਸਲ ਵਾਇਰਸ ਦੇ ਵਿਰੁੱਧ ਜਿੰਨੀ ਸੁਰੱਖਿਆ ਮਿਲੀ ਸੀ, ਡੈਲਟਾ ਇਨਫੈਕਸ਼ਨ ਖ਼ਿਲਾਫ਼ ਇਹ ਥੋੜ੍ਹੀ ਘੱਟ ਸੀ ਪਰ ਇਕ ਇੱਕ ਬੂਸਟਰ ਵੈਕਸੀਨ ਉਸੇ ਪੱਧਰ ਦੀ ਸੁਰੱਖਿਆ ਨੂੰ ਬਹਾਲ ਕਰਦੀ ਹੈ। ਇਜ਼ਰਾਈਲ ਵਿੱਚ, ਜਿਨ੍ਹਾਂ ਲੋਕਾਂ ਨੂੰ ਬੂਸਟਰ ਵੈਕਸੀਨ (ਟੀਕਾਕਰਨ ਪੂਰਾ ਕਰਨ ਤੋਂ ਪੰਜ ਜਾਂ ਵੱਧ ਮਹੀਨੇ ਬਾਅਦ) ਮਿਲੀ ਸੀ, ਉਨ੍ਹਾਂ ਵਿੱਚ ਸ਼ੁਰੂਆਤੀ ਦੋ ਖੁਰਾਕਾਂ ਲਗਵਾਉਣ ਵਾਲਿਆਂ ਨਾਲੋਂ ਲਾਗ ਦੀ ਦਰ ਦਸ ਗੁਣਾ ਘੱਟ ਸੀ। ਸੁਰੱਖਿਆ ਦੇ ਦ੍ਰਿਸ਼ਟੀਕੋਣ ਤੋਂ, ਬੂਸਟਰ ਖੁਰਾਕ ਤੋਂ ਬਾਅਦ ਮਾੜੇ ਪ੍ਰਭਾਵਾਂ ਦੀ ਕਿਸਮ ਅਤੇ ਬਾਰੰਬਾਰਤਾ ਪਹਿਲੀ ਅਤੇ ਦੂਜੀ ਖੁਰਾਕਾਂ ਵਾਂਗ ਹੀ ਰਹੀ।
ਬੂਸਟਰ ਡੋਜ਼ ਦੇ ਤੌਰ 'ਤੇ ਕਿਹੜਾ ਟੀਕਾ ਲਗਵਾਉਣਾ ਚਾਹੀਦਾ ਹੈ?
ਆਸਟ੍ਰੇਲੀਆ ਵਿਚ ਉਪਲਬਧ ਦੋ mRNA ਕੋਵਿਡ ਵੈਕਸੀਨ - ਫਾਈਜ਼ਰ ਅਤੇ ਮੋਡੇਰਨਾ - ਨੂੰ ਹੁਣ ਬੂਸਟਰ ਡੋਜ਼ ਵਜੋਂ ਵਰਤਣ ਲਈ ਮਨਜ਼ੂਰੀ ਦਿੱਤੀ ਗਈ ਹੈ। ਹਾਲ ਹੀ ਵਿੱਚ ਇੱਕ ਕਲੀਨਿਕਲ ਟ੍ਰਾਇਲ ਦਰਸਾਉਂਦਾ ਹੈ ਕਿ ਕਈ ਕੋਵਿਡ ਵੈਕਸੀਨ, ਜਿਹਨਾਂ ਵਿੱਚੋਂ ਤਿੰਨੋਂ ਵਰਤਮਾਨ ਵਿੱਚ ਆਸਟ੍ਰੇਲੀਆ ਵਿੱਚ ਉਪਲਬਧ ਹਨ (ਫਾਈਜ਼ਰ, ਮੋਡਰਨਾ ਅਤੇ ਐਸਟਰਾਜ਼ੇਨੇਕਾ), ਅਤੇ ਨੋਵਾਵੈਕਸ ਅਤੇ ਜੈਨਸੇਨ ਵੈਕਸੀਨ, ਫਾਈਜ਼ਰ ਜਾਂ ਐਸਟਰਾਜ਼ੇਨੇਕਾ ਟੀਕਿਆਂ ਦੇ ਕੋਰਸ ਤੋਂ ਬਾਅਦ ਮਜ਼ਬੂਤ ਇਮਿਊਨ ਪ੍ਰਤੀਕਿਰਿਆਵਾਂ ਪੈਦਾ ਕਰਦੇ ਹਨ। ਕੋਵਿਡ ਵੈਕਸੀਨਾਂ ਪ੍ਰਤੀ ਪ੍ਰਤੀਰੋਧਕ ਪ੍ਰਤੀਕ੍ਰਿਆਵਾਂ ਬਾਰੇ ਅਸੀਂ ਹੁਣ ਤੱਕ ਜੋ ਜਾਣਦੇ ਹਾਂ ਉਸ ਦੇ ਆਧਾਰ 'ਤੇ, ਬੂਸਟਰ ਦੇ ਤੌਰ 'ਤੇ ਇਹਨਾਂ ਵਿੱਚੋਂ ਕੋਈ ਵੀ ਟੀਕਾ ਤੁਹਾਡੇ ਲਾਗ ਦੇ ਜੋਖਮ ਨੂੰ ਘਟਾਉਣ ਲਈ ਪ੍ਰਭਾਵਸ਼ਾਲੀ ਹੋਣਾ ਚਾਹੀਦਾ ਹੈ, ਚਾਹੇ ਤੁਸੀਂ ਸ਼ੁਰੂਆਤ ਵਿੱਚ ਕੋਈ ਵੀ ਵੈਕਸੀਨ ਪ੍ਰਾਪਤ ਕੀਤੀ ਹੋਵੇ। mRNA ਵੈਕਸੀਨਾਂ ਨਾਲ ਸਭ ਤੋਂ ਵੱਧ ਪ੍ਰਤੀਰੋਧਕ ਪ੍ਰਤਿਕਿਰਿਆਵਾਂ ਦੇਖੀਆਂ ਗਈਆਂ ਸਨ ਪਰ ਇਹ ਦੱਸਣਾ ਬਹੁਤ ਜਲਦੀ ਹੈ ਕੀ ਇਹ ਬੂਸਟਰ ਵਜੋਂ ਵਰਤੇ ਜਾਣ 'ਤੇ ਕੋਵਿਡ ਦੀ ਲਾਗ ਖ਼ਿਲਾਫ਼ ਬਿਹਤਰ ਸੁਰੱਖਿਆ ਪ੍ਰਦਾਨ ਕਰਦੇ ਹਨ, ਜਾਂ ਹੋਰ ਟੀਕਿਆਂ ਦੀ ਤੁਲਨਾ ਵਿੱਚ ਪ੍ਰਤੀਰੋਧਕ ਪ੍ਰਤੀਕ੍ਰਿਆਵਾਂ ਕਿੰਨੀ ਜਲਦੀ ਖ਼ਤਮ ਹੋ ਜਾਣਗੀਆਂ।
ਪੜ੍ਹੋ ਇਹ ਅਹਿਮ ਖਬਰ- ਆਸਟ੍ਰੇਲੀਆਈ ਫ਼ੌਜ ਨੇ ਯੂਰਪੀਅਨ ਦੀ ਥਾਂ ਅਮਰੀਕੀ ਹੈਲੀਕਾਪਟਰਾਂ ਦੀ ਵਰਤੋਂ ਕੀਤੀ ਸ਼ੁਰੂ
ਬੂਸਟਰ ਡੋਜ਼ ਲੈਣ ਦਾ ਸਹੀ ਸਮਾਂ ਕਦੋਂ ਹੈ?
ਬੂਸਟਰ ਡੋਜ਼ ਤੁਹਾਡੇ ਐਂਟੀਬੌਡੀ ਦੇ ਪੱਧਰ ਨੂੰ ਉਦੋਂ ਤੱਕ ਵਧਾਉਣ ਦੇ ਯੋਗ ਹੁੰਦੀ ਹੈ ਜਦੋਂ ਤੱਕ ਉਹ ਆਪਣੀ ਸੁਰੱਖਿਆ ਸੀਮਾ ਤੋਂ ਹੇਠਾਂ ਨਹੀਂ ਆਉਂਦੇ। ਕੋਵਿਡ ਨਾਲ ਮੁਸ਼ਕਲ ਇਹ ਹੈ ਕਿ ਅਸੀਂ ਅਜੇ ਤੱਕ ਇਹ ਨਹੀਂ ਜਾਣਦੇ ਕਿ ਸੁਰੱਖਿਆ ਪ੍ਰਤੀਰੋਧਕ ਥ੍ਰੈਸ਼ਹੋਲਡ ਕੀ ਹੈ। ਹਾਲਾਂਕਿ ਇਸ ਦਿੱਤੇ ਗਏ ਸਮੇਂ ਵਿੱਚ ਹੋਰ ਕਾਰਕ ਵੀ ਸ਼ਾਮਲ ਹੁੰਦੇ ਹਨ ਜਿਵੇਂ ਕਿ ਸਮਾਜ ਵਿੱਚ ਬਿਮਾਰੀ ਦੀ ਸੀਮਾ ਅਤੇ ਵੈਕਸੀਨਾਂ ਦੀ ਉਪਲਬਧਤਾ। ਕੁਝ ਦੇਸ਼, ਜਿਵੇਂ ਕਿ ਯੂਨਾਈਟਿਡ ਕਿੰਗਡਮ, ਸ਼ੁਰੂਆਤੀ ਦੋ ਵੈਕਸੀਨ ਕੋਰਸਾਂ ਦੇ ਪੂਰਾ ਹੋਣ ਤੋਂ ਤਿੰਨ ਮਹੀਨਿਆਂ ਬਾਅਦ ਹੀ ਇੱਕ ਬੂਸਟਰ ਡੋਜ਼ ਦੀ ਸਿਫਾਰਸ਼ ਕਰਦੇ ਹਨ। ਹਾਲਾਂਕਿ, ਇਸ ਛੋਟੀ ਮਿਆਦ ਦਾ ਮਤਲਬ ਇਹ ਹੋ ਸਕਦਾ ਹੈ ਕਿ ਇਮਿਊਨ ਪ੍ਰਤੀਕ੍ਰਿਆ ਵਿੱਚ ਵਾਧਾ ਇੰਨਾ ਜ਼ਿਆਦਾ ਜਾਂ ਲੰਬੇ ਸਮੇਂ ਤੱਕ ਚੱਲਣ ਵਾਲਾ ਨਹੀਂ ਹੈ। ਕੋਵਿਡ ਵੈਕਸੀਨ ਦੀਆਂ ਪਹਿਲੀਆਂ ਅਤੇ ਦੂਜੀਆਂ ਖੁਰਾਕਾਂ ਵਿਚਕਾਰ ਜਿੰਨਾ ਲੰਬਾ ਅੰਤਰਾਲ ਹੋਵੇਗਾ, ਓਨਾ ਹੀ ਜ਼ਿਆਦਾ ਪ੍ਰਭਾਵਸ਼ਾਲੀ ਹੋਵੇਗਾ। ਇਹ ਦੇਖਦੇ ਹੋਏ ਕਿ ਆਸਟ੍ਰੇਲੀਆ ਵਿਚ ਕੋਵਿਡ ਵਾਇਰਸ ਦੂਜੇ ਦੇਸ਼ਾਂ ਦੇ ਮੁਕਾਬਲੇ ਬਹੁਤ ਘੱਟ ਹੈ ਅਤੇ ਵੈਕਸੀਨ ਕਵਰੇਜ ਆਮ ਤੌਰ 'ਤੇ ਜ਼ਿਆਦਾ ਹੈ, ਸ਼ੁਰੂਆਤੀ ਟੀਕਾਕਰਨ ਤੋਂ ਛੇ ਮਹੀਨਿਆਂ ਬਾਅਦ ਬੂਸਟਰ ਡੋਜ਼ ਉਚਿਤ ਜਾਪਦੀ ਹੈ।
ਕੀ ਬੂਸਟਰ ਓਮੀਕਰੋਨ ਤੋਂ ਬਚਾਏਗਾ?
ਸ਼ੁਰੂਆਤੀ ਪ੍ਰਯੋਗਸ਼ਾਲਾ ਅਧਿਐਨਾਂ ਤੋਂ ਪਤਾ ਚੱਲਦਾ ਹੈ ਕਿ ਫਾਈਜ਼ਰ ਵੈਕਸੀਨ ਦੀਆਂ ਦੋ ਖੁਰਾਕਾਂ ਓਮੀਕਰੋਨ ਖ਼ਿਲਾਫ਼ ਕੁਝ ਪ੍ਰਤੀਰੋਧ ਪ੍ਰਦਾਨ ਕਰਦੀਆਂ ਹਨ ਪਰ ਪਿਛਲੇ ਇਨਫੈਕਸ਼ਨਾਂ ਦੇ ਮੁਕਾਬਲੇ ਜ਼ਿਆਦਾ ਨਹੀਂ। ਇਸਦਾ ਮਤਲਬ ਇਹ ਹੈ ਕਿ ਸਾਨੂੰ ਉਹਨਾਂ ਲੋਕਾਂ ਵਿੱਚ ਵਧੇਰੇ ਇਨਫੈਕਸ਼ਨ ਦੇਖਣ ਦਾ ਖਦਸ਼ਾ ਹੈ ਜੋ ਪੂਰੀ ਤਰ੍ਹਾਂ ਟੀਕਾਕਰਨ ਕਰਵਾ ਚੁੱਕੇ ਹਨ। ਹਾਲਾਂਕਿ ਇੱਕ ਬੂਸਟਰ ਡੋਜ਼ ਪੂਰੀ ਤਰ੍ਹਾਂ ਟੀਕਾਕਰਣ ਵਾਲੇ ਲੋਕਾਂ ਵਿੱਚ ਪ੍ਰਤੀਰੋਧਕ ਪ੍ਰਤੀਕ੍ਰਿਆ ਨੂੰ ਪਿਛਲੇ ਇਨਫੈਕਸ਼ਨਾਂ ਦੇ ਮੁਕਾਬਲੇ ਦੇ ਪੱਧਰਾਂ ਤੱਕ ਸੁਧਾਰਦੀ ਹੈ ਅਤੇ ਗੰਭੀਰ ਬਿਮਾਰੀ ਦੇ ਵਿਰੁੱਧ ਚੰਗੀ ਸੁਰੱਖਿਆ ਪ੍ਰਦਾਨ ਕਰਨ ਦੀ ਉਮੀਦ ਕੀਤੀ ਜਾਂਦੀ ਹੈ। ਹਾਲਾਂਕਿ, ਇਹ ਜਾਣਨਾ ਇੱਕ ਰਾਹਤ ਦੀ ਗੱਲ ਹੈ ਕਿ ਸ਼ੁਰੂਆਤੀ ਅੰਕੜੇ ਦੱਸਦੇ ਹਨ ਕਿ ਵਾਇਰਸ ਦਾ ਇਹ ਵੇਰੀਐਂਟ ਪਿਛਲੇ ਵਾਲੇ ਨਾਲੋਂ ਘੱਟ ਗੰਭੀਰ ਹੈ।
UN ਮੁਖੀ ਨੇ ਬੀਜਿੰਗ ਓਲੰਪਿਕ 'ਚ ਹਿੱਸਾ ਲੈਣ ਦਾ ਸੱਦਾ ਕੀਤਾ ਸਵੀਕਾਰ
NEXT STORY 
