ਮਾਸਕੋ- ਰੂਸ-ਯੂਕ੍ਰੇਨ ਜੰਗ ਦੇ ਢਾਈ ਸਾਲ ਬੀਤ ਜਾਣ ਦੇ ਬਾਵਜੂਦ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਪੱਛਮੀ ਦੇਸ਼ਾਂ ਵਿਰੁੱਧ ਮੋਰਚਾ ਖੋਲ੍ਹਣਾ ਜਾਰੀ ਰੱਖਿਆ ਹੋਇਆ ਹੈ। ਪੱਛਮੀ ਦੇਸ਼ਾਂ ਦੀਆਂ ਪਾਬੰਦੀਆਂ ਅਤੇ ਕੌਮਾਂਤਰੀ ਅਦਾਲਤ ਵੱਲੋਂ ਜੰਗੀ ਅਪਰਾਧੀ ਐਲਾਨੇ ਜਾਣ ਦੇ ਬਾਵਜੂਦ ਕਜ਼ਾਨ ਵਿੱਚ ਬ੍ਰਿਕਸ ਸੰਮੇਲਨ ਕਰਵਾ ਕੇ ਪੁਤਿਨ ਨੇ ਇਹ ਸੁਨੇਹਾ ਦਿੱਤਾ ਹੈ ਕਿ ਰੂਸ ਇਕੱਲਾ ਨਹੀਂ ਹੈ। ਬ੍ਰਿਕਸ ਸੰਮੇਲਨ 'ਚ ਰਾਸ਼ਟਰਪਤੀ ਪੁਤਿਨ ਨੇ ਨਾ ਸਿਰਫ ਦੁਨੀਆ ਭਰ ਦੇ 36 ਦੇਸ਼ਾਂ ਦੇ ਮੁਖੀਆਂ ਦੀ ਮੇਜ਼ਬਾਨੀ ਕੀਤੀ ਸਗੋਂ ਅਮਰੀਕੀ ਡਾਲਰ ਖ਼ਿਲਾਫ਼ ਮੁਦਰਾ ਯੁੱਧ (ਕਰੰਸੀ ਵਾਰ) ਵੀ ਸ਼ੁਰੂ ਕਰ ਦਿੱਤੀ ਹੈ। ਇਸ ਸੰਮੇਲਨ ਦਾ ਉਦੇਸ਼ ਡਾਲਰ ਦੇ ਲੈਣ-ਦੇਣ ਨੂੰ ਘਟਾਉਣ ਦੇ ਤਰੀਕਿਆਂ ਨੂੰ ਤੇਜ਼ ਕਰਨਾ ਸੀ। ਪੁਤਿਨ ਨੇ ਕਿਹਾ ਕਿ ਡਾਲਰ ਦੀ ਬਜਾਏ ਸਥਾਨਕ ਮੁਦਰਾਵਾਂ ਦੀ ਵਰਤੋਂ ਅੱਜ ਦੀ ਦੁਨੀਆ ਦੇ ਸੰਦਰਭ ਵਿੱਚ ਆਰਥਿਕ ਵਿਕਾਸ ਨੂੰ ਰਾਜਨੀਤੀ ਤੋਂ ਮੁਕਤ ਰੱਖਣ ਵਿੱਚ ਮਦਦ ਕਰਦੀ ਹੈ। ਰੂਸ ਨੇ ਦਾਅਵਾ ਕੀਤਾ ਹੈ ਕਿ 159 ਦੇਸ਼ ਬ੍ਰਿਕਸ ਸਮੂਹ ਦੁਆਰਾ ਵਿਕਸਤ ਕੀਤੇ ਜਾਣ ਵਾਲੇ ਬ੍ਰਿਕਸ ਪੇ ਭੁਗਤਾਨ ਪ੍ਰਣਾਲੀ ਨੂੰ ਅਪਣਾਉਣ ਲਈ ਤਿਆਰ ਹਨ।
ਅਮਰੀਕੀ ਸਵਿਫਟ ਭੁਗਤਾਨ ਪ੍ਰਣਾਲੀ ਨੂੰ ਬਾਈਪਾਸ ਕਰਨ ਦੀ ਤਿਆਰੀ
2022 ਵਿੱਚ ਯੂਕ੍ਰੇਨ 'ਤੇ ਰੂਸ ਦੇ ਹਮਲੇ ਤੋਂ ਬਾਅਦ, ਪੱਛਮੀ ਦੇਸ਼ਾਂ ਨੇ ਰੂਸੀ ਸੰਪਤੀਆਂ ਦੇ 282 ਬਿਲੀਅਨ ਡਾਲਰ ਦੀ ਰੂਸੀ ਸੰਪੱਤੀ ਨੂੰ ਫ੍ਰੀਜ ਕਰ ਦਿੱਤਾ ਅਤੇ ਰੂਸੀ ਬੈਂਕਾਂ ਨੂੰ SWIFT ਤੋਂ ਕੱਟ ਦਿੱਤਾ, ਜਿਸਦੀ ਵਰਤੋਂ ਲਗਭਗ 11,000 ਬੈਂਕਾਂ ਦੁਆਰਾ ਸਰਹੱਦ ਪਾਰ ਭੁਗਤਾਨਾਂ ਲਈ ਕੀਤੀ ਜਾਂਦੀ ਹੈ। ਅਮਰੀਕਾ ਨੇ ਰੂਸ ਦੇ ਯੁੱਧ ਯਤਨਾਂ ਦਾ ਸਮਰਥਨ ਕਰਨ ਵਾਲੇ ਦੂਜੇ ਦੇਸ਼ਾਂ ਦੇ ਬੈਂਕਾਂ 'ਤੇ ਪਾਬੰਦੀਆਂ ਲਗਾਉਣ ਦੀ ਧਮਕੀ ਦਿੱਤੀ ਹੈ। ਇਸ ਸੁਨਾਮੀ ਨੇ ਕੇਂਦਰੀ ਬੈਂਕਾਂ ਨੂੰ ਸੋਨਾ ਜਮਾਂ ਕਰਨ ਅਤੇ ਅਮਰੀਕਾ ਦੇ ਵਿਰੋਧੀਆਂ ਨੂੰ ਭੁਗਤਾਨ ਲਈ ਡਾਲਰਦੀ ਵਰਤੋਂ ਕਰਨ ਤੋਂ ਦੂਰ ਜਾਣ ਲਈ ਪ੍ਰੇਰਿਤ ਕੀਤਾ ਹੈ, ਜਿਸ ਨੂੰ ਚੀਨ ਆਪਣੀਆਂ ਸਭ ਤੋਂ ਵੱਡੀਆਂ ਕਮਜ਼ੋਰੀਆਂ ਵਿਚੋਂ ਇਕ ਮੰਨਦਾ ਹੈ। ਪੁਤਿਨ ਬ੍ਰਿਕਸ ਸੰਮੇਲਨ ਵਿਚ ਡਾਲਰ ਪ੍ਰਤੀ ਅਸੰਤੁਸ਼ਟੀ ਦਾ ਫ਼ਾਇਦਾ ਚੁੱਕਣ ਦੀ ਉਮੀਦ ਕਰ ਰਹੇ ਹਨ। ਰੂਸ ਬ੍ਰਿਕਸ ਦੇਸ਼ਾਂ ਦੀ ਆਪਣੀ ਸਵਿਫਟ ਭੁਗਤਾਨ ਪ੍ਰਣਾਲੀ ਬਣਾਉਣ 'ਤੇ ਕੰਮ ਕਰ ਰਿਹਾ ਹੈ ਜੋ ਬੈਲਜੀਅਮ ਸਥਿਤ ਪੱਛਮੀ ਦੇਸ਼ਾਂ ਦੀ ਮੌਜੂਦਾ ਸਵਿਫਟ ਭੁਗਤਾਨ ਪ੍ਰਣਾਲੀ ਨੂੰ ਬਾਈਪਾਸ ਕਰ ਸਕਦਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਪਾਕਿਸਤਾਨ ਦੀ ਦੋਸਤੀ ਏਰਦੋਗਨ ਨੂੰ ਪਈ ਭਾਰੀ, ਭਾਰਤ ਨੇ ਬ੍ਰਿਕਸ 'ਚ ਰੋਕੀ ਤੁਰਕੀ ਦੀ ਮੈਂਬਰਸ਼ਿਪ
ਬਿਕਸ ਪੇਮੈਂਟ ਬ੍ਰਿਜ ਐਂਬ੍ਰਿਜ 'ਤੇ ਅਧਾਰਤ ਹੋ ਸਕਦਾ ਹੈ: ਚੀਨੀ ਮੀਡੀਆ
ਚੀਨੀ ਮੀਡੀਆ ਦਾ ਕਹਿਣਾ ਹੈ ਕਿ ਬ੍ਰਿਕਸ ਦੀ ਨਵੀਂ ਭੁਗਤਾਨ ਪ੍ਰਣਾਲੀ ਐਂਬ੍ਰਿਜ 'ਤੇ ਆਧਾਰਿਤ ਹੋ ਸਕਦੀ ਹੈ। ਜੋ ਕਿ ਬੀ.ਆਈ.ਐਸ ਦੁਆਰਾ ਚੀਨ, ਹਾਂਗਕਾਂਗ, ਥਾਈਲੈਂਡ ਅਤੇ ਯੂ.ਏ.ਈ ਦੇ ਕੇਂਦਰੀ ਬੈਂਕਾਂ ਨਾਲ ਵਿਕਸਤ ਭੁਗਤਾਨ ਪ੍ਰਣਾਲੀ ਹੈ। ਬੀ.ਆਈ.ਐਸ ਦਾ ਇਹ ਪ੍ਰਯੋਗ 2019 ਵਿੱਚ ਸ਼ੁਰੂ ਕੀਤਾ ਗਿਆ ਸੀ। ਜੂਨ ਵਿੱਚ, ਸਾਊਦੀ ਅਰਬ ਦਾ ਕੇਂਦਰੀ ਬੈਂਕ ਪੰਜਵੇਂ ਭਾਗੀਦਾਰ ਵਜੋਂ ਸ਼ਾਮਲ ਹੋਇਆ। ਪਲੇਟਫਾਰਮ ਨੇ ਹੁਣ ਤੱਕ ਸੈਂਕੜੇ ਲੈਣ-ਦੇਣ ਕੀਤੇ ਹਨ।
ਇੱਕ ਵਾਰ ਸਮਝੌਤਾ ਹੋ ਜਾਣ 'ਤੇ ਇਸ ਦਾ ਇਮਾਨਦਾਰੀ ਨਾਲ ਸਨਮਾਨ ਕੀਤਾ ਜਾਣਾ ਚਾਹੀਦਾ ਹੈ: ਜੈਸ਼ੰਕਰ
ਕਜ਼ਾਨ, ਰੂਸ ਵਿੱਚ ਬ੍ਰਿਕਸ ਆਊਟਰੀਚ ਸੈਸ਼ਨ ਵਿੱਚ, ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਵਿਵਾਦਾਂ ਨੂੰ ਸੁਲਝਾਉਣ ਲਈ ਗੱਲਬਾਤ ਦੀ ਲੋੜ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਇਕ ਵਾਰ ਸਮਝੌਤੇ ਕੀਤੇ ਜਾਣ ਤੋਂ ਬਾਅਦ ਉਨ੍ਹਾਂ ਦੀ ਪੂਰੀ ਤਰ੍ਹਾਂ ਪਾਲਣਾ ਕੀਤੀ ਜਾਣੀ ਚਾਹੀਦੀ ਹੈ। ਮੀਟਿੰਗ ਵਿੱਚ ਏਸ਼ੀਆਈ, ਅਫਰੀਕੀ, ਪੱਛਮੀ ਏਸ਼ੀਆਈ ਅਤੇ ਲਾਤੀਨੀ ਅਮਰੀਕੀ ਦੇਸ਼ਾਂ ਦੇ ਨੇਤਾਵਾਂ ਸਮੇਤ ਲਗਭਗ 36 ਦੇਸ਼ਾਂ ਦੇ ਪ੍ਰਤੀਨਿਧਾਂ ਨੇ ਹਿੱਸਾ ਲਿਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸੰਤ ਕੁਲਵੰਤ ਰਾਮ ਭਰੋ ਮਜਾਰਾ ਦਾ ਰੋਮ ਪਹੁੰਚਣ ਮੌਕੇ ਸੰਗਤਾਂ ਵੱਲੋਂ ਮੋਹ ਭਿੱਜਾ ਸਵਾਗਤ
NEXT STORY 
