ਢਾਕਾ (ਪੀ. ਟੀ. ਆਈ.)- ਬੰਗਲਾਦੇਸ਼ ਵਿੱਚ ਬੇਮਿਸਾਲ ਸਰਕਾਰ ਵਿਰੋਧੀ ਪ੍ਰਦਰਸ਼ਨਾਂ ਦੌਰਾਨ ਯਾਤਰੀਆਂ ਲਈ ਬੰਦ ਰਹਿਣ ਤੋਂ ਇੱਕ ਮਹੀਨੇ ਬਾਅਦ ਢਾਕਾ ਮੈਟਰੋ ਨੇ ਐਤਵਾਰ ਨੂੰ ਆਪਣੀਆਂ ਸੇਵਾਵਾਂ ਮੁੜ ਸ਼ੁਰੂ ਕਰ ਦਿੱਤੀਆਂ। ਇੱਕ ਅਧਿਕਾਰਤ ਨੋਟੀਫਿਕੇਸ਼ਨ ਅਨੁਸਾਰ ਦੋ ਸਟੇਸ਼ਨ - ਮੀਰਪੁਰ 10 ਅਤੇ ਕਾਜ਼ੀਪਾੜਾ - ਬੰਦ ਰਹਿਣਗੇ। ਮੈਟਰੋ ਸੇਵਾ ਮੁੜ ਸ਼ੁਰੂ ਹੋਣ ਨਾਲ ਵਿਦਿਆਰਥੀਆਂ ਅਤੇ ਦਫ਼ਤਰ ਜਾਣ ਵਾਲਿਆਂ ਨੂੰ ਰਾਹਤ ਮਿਲੀ ਕਿਉਂਕਿ ਉਨ੍ਹਾਂ ਨੂੰ ਆਪਣੀ ਮੰਜ਼ਿਲ ਤੱਕ ਪਹੁੰਚਣ ਲਈ ਰੋਜ਼ਾਨਾ ਢਾਕਾ ਦੇ ਭਾਰੀ ਟ੍ਰੈਫਿਕ ਜਾਮ ਵਿੱਚੋਂ ਲੰਘਣਾ ਪੈਂਦਾ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ- PM ਮੋਦੀ ਦਾ ਜਹਾਜ਼ ਪਾਕਿਸਤਾਨੀ ਹਵਾਈ ਖੇਤਰ ਤੋਂ ਲੰਘਿਆ
ਅਧਿਕਾਰਤ ਨੋਟੀਫਿਕੇਸ਼ਨ ਅਨੁਸਾਰ,ਮੈਟਰੋ ਸੇਵਾਵਾਂ ਸਵੇਰੇ 7 ਵਜੇ ਦੇ ਕਰੀਬ ਬਹਾਲ ਹੋ ਗਈਆਂ। ਜੁਲਾਈ 'ਚ ਸਰਕਾਰ ਵਿਰੋਧੀ ਪ੍ਰਦਰਸ਼ਨਾਂ ਦੌਰਾਨ ਮੀਰਪੁਰ-10 ਅਤੇ ਕਾਜ਼ੀਪਾੜਾ ਸਟੇਸ਼ਨਾਂ 'ਤੇ ਭੰਨਤੋੜ ਕੀਤੀ ਗਈ ਸੀ। ਢਾਕਾ ਮੈਟਰੋ ਸੇਵਾਵਾਂ ਜੁਲਾਈ ਦੇ ਤੀਜੇ ਹਫ਼ਤੇ ਯਾਤਰੀਆਂ ਲਈ ਬੰਦ ਕਰ ਦਿੱਤੀਆਂ ਗਈਆਂ ਸਨ। ਅੰਤਰਿਮ ਸਰਕਾਰ ਵਿੱਚ ਸੜਕੀ ਆਵਾਜਾਈ ਦੇ ਸਲਾਹਕਾਰ ਮੁਹੰਮਦ ਫੌਜ਼ੁਲ ਕਬੀਰ ਖਾਨ ਨੇ ਕਿਹਾ, "ਅਸੀਂ ਮੈਟਰੋ ਰੇਲ ਦੇ ਬੁਨਿਆਦੀ ਢਾਂਚੇ ਦੀ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਕਰਨ ਦੀ ਯੋਜਨਾ ਬਣਾ ਰਹੇ ਹਾਂ ਤਾਂ ਜੋ ਇਸ ਨੂੰ ਕਿਸੇ ਵੀ ਤਰ੍ਹਾਂ ਦੀ ਭੰਨਤੋੜ ਦੀ ਘਟਨਾ ਤੋਂ ਬਚਾਇਆ ਜਾ ਸਕੇ।" ਖਾਨ ਨੇ ਕਿਹਾ ਕਿ ਅੰਤਰਿਮ ਸਰਕਾਰ ਸੇਵਾ ਵਿੱਚ ਕਿਸੇ ਵੀ ਵਿਘਨ ਨੂੰ ਰੋਕਣ ਲਈ ਮੈਟਰੋ ਰੇਲ ਸੰਚਾਲਨ ਨੂੰ ਇੱਕ ਜ਼ਰੂਰੀ ਸੇਵਾ ਘੋਸ਼ਿਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਉਸਨੇ ਅਰਾਗਨ ਸਟੇਸ਼ਨ ਤੋਂ ਬੰਗਲਾਦੇਸ਼ ਸਕੱਤਰੇਤ ਤੱਕ ਮੈਟਰੋ ਵਿੱਚ ਸਫ਼ਰ ਵੀ ਕੀਤਾ। ਢਾਕਾ ਹਾਈ ਕੋਰਟ ਦੇ ਇਕ ਅਧਿਕਾਰੀ ਨੇ ਪੀ.ਟੀ.ਆਈ ਨੂੰ ਦੱਸਿਆ ਕਿ ਉਸ ਨੇ ਐਤਵਾਰ ਨੂੰ ਆਪਣੇ ਦਫ਼ਤਰ ਜਾਣ ਲਈ ਮੈਟਰੋ ਦੀ ਵਰਤੋਂ ਕੀਤੀ ਅਤੇ ਸੇਵਾ ਦੀ ਬਹਾਲੀ ਨਾਲ ਉਸ ਵਰਗੇ ਰੋਜ਼ਾਨਾ ਯਾਤਰੀਆਂ ਨੂੰ ਵੱਡੀ ਰਾਹਤ ਮਿਲੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸ਼ਖਸ ਨੇੇ ਲਕੜਬੱਘੇ ਨਾਲ ਕਰ ਲਈ ਦੋਸਤੀ, ਦਿਨਾਂ ਬਾਅਦ ਮਿਲਣ ’ਤੇ ਗਲ਼ਾਂ ਚੱਟਣ ਲੱਗਾ ਖੁੰਖਾਰ ਸ਼ਿਕਾਰੀ
NEXT STORY 
