ਇੰਟਰਨੈਸ਼ਨਲ ਡੈਸਕ- ਕੈਨੇਡਾ ਵਿੱਚ ਭਾਰਤੀ ਮੂਲ ਦੇ ਲੋਕਾਂ ਦੀਆਂ ਗੱਡੀਆਂ 'ਤੇ "ਬਿਸ਼ਨੋਈ" ਉਪਨਾਮ ਵਾਲੀਆਂ ਨਿੱਜੀ ਲਾਇਸੈਂਸ ਪਲੇਟਾਂ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਲਾਰੈਂਸ ਗੈਂਗ ਦੀਆਂ ਵਧਦੀਆਂ ਅਪਰਾਧਿਕ ਗਤੀਵਿਧੀਆਂ ਅਤੇ ਸੁਰੱਖਿਆ ਚਿੰਤਾਵਾਂ ਦੇ ਹਵਾਲੇ ਨਾਲ ਬ੍ਰਿਟਿਸ਼ ਕੋਲੰਬੀਆ ਦੀ ਸਰਕਾਰੀ ਆਟੋ ਬੀਮਾ ਏਜੰਸੀ (ICBC) ਨੇ ਭਾਰਤੀ ਨਾਗਰਿਕ ਮੰਜੂ ਬਿਸ਼ਨੋਈ ਨੂੰ ਆਪਣੀ 'BIS9E' ਲਿਖੀ ਨੰਬਰ ਪਲੇਟ ਬਦਲਣ ਜਾਂ ਹਟਾਉਣ ਦੀ ਸਿਫਾਰਸ਼ ਕੀਤੀ ਹੈ। ਏਜੰਸੀ ਦਾ ਕਹਿਣਾ ਹੈ ਕਿ ਗਲਤਫਹਿਮੀ ਕਾਰਨ ਉਨ੍ਹਾਂ 'ਤੇ ਨਫ਼ਰਤੀ ਹਮਲਾ ਹੋਣ ਦਾ ਖ਼ਤਰਾ ਹੈ।
ਮੰਜੂ ਬਿਸ਼ਨੋਈ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੇ ਇਹ ਨੰਬਰ ਪਲੇਟ 2023 ਵਿੱਚ ਆਪਣੇ ਪਰਿਵਾਰਕ ਉਪਨਾਮ ਵਜੋਂ ਲਈ ਸੀ ਅਤੇ ਲੰਬੇ ਸਮੇਂ ਤੱਕ ਕੋਈ ਸਮੱਸਿਆ ਨਹੀਂ ਆਈ। ਹਾਲਾਂਕਿ ਹਾਲ ਹੀ ਵਿੱਚ ਇੰਡੋ-ਕੈਨੇਡੀਅਨ ਭਾਈਚਾਰੇ ਦੇ ਹੀ ਕੁਝ ਮੁੰਡਿਆਂ ਨੇ ਉਨ੍ਹਾਂ ਨੂੰ ਘੇਰ ਕੇ ਨੰਬਰ ਪਲੇਟ ਨੂੰ ਲੈ ਕੇ ਬਹਿਸ ਕੀਤੀ ਅਤੇ ਉਨ੍ਹਾਂ 'ਤੇ ਹਮਲਾ ਵੀ ਕੀਤਾ। ਮੰਜੂ ਨੇ ਸਵਾਲ ਚੁੱਕਿਆ ਕਿ 'ਬਿਸ਼ਨੋਈ' ਇੱਕ ਆਮ ਉਪਨਾਮ ਹੈ ਅਤੇ ਉਨ੍ਹਾਂ ਦਾ ਕਿਸੇ ਗੈਂਗ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਆਪਣੀ ਪਛਾਣ ਲੁਕਾਉਣਾ ਕੋਈ ਹੱਲ ਨਹੀਂ ਹੈ, ਸਗੋਂ ਨਾਗਰਿਕਾਂ ਦੀ ਸੁਰੱਖਿਆ ਕਰਨਾ ਅਤੇ ਨਫ਼ਰਤ ਫੈਲਾਉਣ ਵਾਲਿਆਂ ਖ਼ਿਲਾਫ਼ ਕਾਰਵਾਈ ਕਰਨਾ ਸਰਕਾਰ ਤੇ ਪੁਲਿਸ ਦੀ ਜ਼ਿੰਮੇਵਾਰੀ ਹੈ। ਨੰਬਰ ਪਲੇਟ ਬਦਲਣ ਦੀ ਸਲਾਹ ਨੂੰ ਸਵੀਕਾਰ ਕਰਨ ਦੀ ਬਜਾਏ,ਮੰਜੂ ਨੇ ਇਸਦੇ ਪਿੱਛੇ ਦੀ ਸੋਚ 'ਤੇ ਸਵਾਲ ਉਠਾਇਆ ਹੈ। ਉਸਨੇ ਕਿਹਾ ਕਿ ਜੇਕਰ ਕੋਈ ਇੱਕ ਮਾਸੂਮ ਨਾਗਰਿਕ ਨੂੰ ਇੱਕ ਆਮ ਉਪਨਾਮ ਦੇ ਅਧਾਰ ਤੇ ਇੱਕ ਗਿਰੋਹ ਨਾਲ ਜੋੜਦਾ ਹੈ, ਤਾਂ ਸਮੱਸਿਆ ਉਸ ਵਿਅਕਤੀ ਦੀ ਧਾਰਨਾ ਵਿੱਚ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਭਾਰਤੀ ਮੂਲ ਦਾ ਸ਼ਖਸ ਹੋਵੇਗਾ ਅਮਰੀਕਾ ਦਾ ਅਗਲਾ ਰਾਸ਼ਟਰਪਤੀ ! ਰੋ ਖੰਨਾ ਦਾ ਦਾ ਵੱਡਾ ਬਿਆਨ
ਜ਼ਿਕਰਯੋਗ ਹੈ ਕਿ ਕੈਨੇਡੀਅਨ ਸਰਕਾਰ ਨੇ 29 ਸਤੰਬਰ, 2025 ਨੂੰ ਲਾਰੈਂਸ ਬਿਸ਼ਨੋਈ ਗੈਂਗ ਨੂੰ ਅੱਤਵਾਦੀ ਸੰਗਠਨ ਘੋਸ਼ਿਤ ਕੀਤਾ ਸੀ। ਅਧਿਕਾਰਤ ਦਸਤਾਵੇਜ਼ਾਂ ਵਿੱਚ 'ਬਿਸ਼ਨੋਈ' ਨਾਮ ਦਰਜ ਹੋਣ ਕਾਰਨ ਆਮ ਲੋਕ ਇਸ ਉਪਨਾਮ ਨੂੰ ਅਪਰਾਧਿਕ ਗਿਰੋਹ ਨਾਲ ਜੋੜ ਕੇ ਦੇਖ ਰਹੇ ਹਨ, ਜਿਸ ਕਾਰਨ ਇਹ ਵਿਵਾਦ ਹੋਰ ਗੰਭੀਰ ਰੂਪ ਧਾਰਨ ਕਰ ਰਿਹਾ ਹੈ। ਇੱਥੇ ਦੱਸ ਦਈਏ ਕਿ ਬ੍ਰਿਟਿਸ਼ ਕੋਲੰਬੀਆ ਨੇ ਨਿੱਜੀ ਨੰਬਰ ਪਲੇਟਾਂ ਲਈ ਨਿਯਮ ਸਥਾਪਤ ਕੀਤੇ ਹਨ। ਨਿਯਮਾਂ ਮੁਤਾਬਕ ਹਿੰਸਾ, ਅਪਰਾਧ, ਗਿਰੋਹ, ਅੱਤਵਾਦ, ਅਸ਼ਲੀਲਤਾ ਜਾਂ ਨਫ਼ਰਤ ਨੂੰ ਉਤਸ਼ਾਹਿਤ ਕਰਨ ਵਾਲੇ ਸ਼ਬਦ ਮਨਜ਼ੂਰ ਨਹੀਂ ਹਨ। ਕਿਸੇ ਵੀ ਭਾਈਚਾਰੇ, ਜਾਤ, ਧਰਮ ਜਾਂ ਨਸਲ ਦੇ ਵਿਰੁੱਧ ਵਿਤਕਰੇ ਵਾਲੇ ਸੰਦੇਸ਼ ਵੀ ਸਵੀਕਾਰਯੋਗ ਨਹੀਂ ਹਨ। ਇੱਕ ਪਲੇਟ ਨੂੰ ਮਨਜ਼ੂਰੀ ਮਿਲਣ ਤੋਂ ਬਾਅਦ ਜੇਕਰ ਇਸਦੀ ਵਰਤੋਂ ਜਾਂ ਅਰਥ ਬਾਅਦ ਵਿੱਚ ਇਤਰਾਜ਼ਯੋਗ ਮੰਨਿਆ ਜਾਂਦਾ ਹੈ, ਤਾਂ ਸਬੰਧਤ ਏਜੰਸੀ ਇਸਨੂੰ ਰੱਦ ਕਰਨ ਲਈ ਕਾਰਵਾਈ ਕਰ ਸਕਦੀ ਹੈ।
ਪਰ 'ਬਿਸ਼ਨੋਈ' ਮਾਮਲੇ ਦੀ ਸਮੱਸਿਆ ਇਹ ਹੈ ਕਿ ਇਹ ਸ਼ਬਦ ਸਿਰਫ਼ ਇੱਕ ਗਿਰੋਹ ਦੀ ਪਛਾਣ ਨਹੀਂ ਹੈ। ਇਹ ਭਾਰਤੀ ਸਮਾਜ ਵਿੱਚ ਵਰਤਿਆ ਜਾਣ ਵਾਲਾ ਇੱਕ ਪਰਿਵਾਰਕ ਉਪਨਾਮ ਵੀ ਹੈ। ਇਸ ਲਈ, ਸਵਾਲ ਉੱਠਦਾ ਹੈ: ਕੀ ਕਿਸੇ ਅਪਰਾਧਿਕ ਸੰਗਠਨ ਦੇ ਨਾਮ 'ਤੇ ਵਰਤਿਆ ਜਾਣ ਵਾਲਾ ਆਮ ਉਪਨਾਮ ਉਸ ਉਪਨਾਮ ਵਾਲੇ ਹਰ ਵਿਅਕਤੀ ਨੂੰ ਸ਼ੱਕੀ ਬਣਾ ਸਕਦਾ ਹੈ?
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
10ਵੀਂ-12ਵੀਂ 'ਚ ਫੇਲ੍ਹ, ਫ਼ਿਰ ਵੀ ਬਣ ਗਏ IPS ! ਹੁਣ ਅੰਸਾਰੀ ਨੂੰ US 'ਚ ਕੀਤਾ ਜਾਵੇਗਾ ਸਨਮਾਨਿਤ
NEXT STORY 
