ਵਾਸ਼ਿੰਗਟਨ-ਡੋਨਾਲਡ ਟਰੰਪ ਨੇ ਰਾਸ਼ਟਰਪਤੀ ਅਹੁਦੇ ਨੂੰ ਬਚਾਉਣ ਲਈ ਮਿਸ਼ੀਗਨ ’ਚ ਅੱਧੀ ਰਾਤ ਨੂੰ ਹੋਈ ਚੋਣ ਰੈਲੀ ’ਚ ਇਕ ਵਾਰ ਫਿਰ ਤੋਂ ਇਹ ਭਵਿੱਖਵਾਣੀ ਕੀਤੀ ਕਿ ਉਨ੍ਹਾਂ ਦੀ ਜਿੱਤ ‘ਰਾਜਨੀਤੀ ਦੇ ਇਤਿਹਾਸ ’ਚ ਸਭ ਤੋਂ ਵੱਡੀ ਜਿੱਤ ’ਚੋਂ ਇਕ’ ਹੋਵੇਗੀ। ਟਰੰਪ ਨੇ ਇਸ ਚੋਣ ਰੈਲੀ ’ਚ ਇਕ ਲਾਲ ਰੰਗ ਦੀ ਟੋਪੀ ਪਾਈ ਹੋਈ ਸੀ ਜਿਸ ’ਤੇ ਲਿਖਿਆ ਸੀ, ‘ਅਮਰੀਕਾ ਨੂੰ ਫਿਰ ਤੋਂ ਮਹਾਨ ਬਣਾਓ।’ ਜਿਸ ਵੇਲੇ ਮਿਸ਼ੀਗਨ ’ਚ ਅਮਰੀਕੀ ਰਾਸ਼ਟਰਪਤੀ ਟਰੰਪ ਰੂਸ ਦੀ ਜਾਂਚ ਅਤੇ ਮਹਾਦੋਸ਼ ਨਾਲ ਜੁੜੀਆਂ ਸ਼ਿਕਾਇਤਾਂ ਨੂੰ ਹਵਾ ਦੇ ਰਹੇ ਸਨ, ਠੀਕ ਉਸੇ ਵੇਲੇ 12.15 ਵਜੇ ਹਿਲੇਰੀ ਕਲਿੰਟਨ ਅਤੇ ਟਰੰਪ ਦੇ ਵਿਰੋਧੀ ਜੋ ਬੀਡੇਨ ਇਕ ਚਿਤਾਵਨੀ ਭਰਿਆ ਟਵੀਟ ਕਰ ਰਹੇ ਸਨ। ਉਨ੍ਹਾਂ ਨੇ ਲਿਖਿਆ ਕਿ ਜੇਕਰ ਅਸੀਂ ਡੋਨਾਲਡ ਟਰੰਪ ਨੂੰ ਵ੍ਹਾਈਟ ਹਾਊਸ ’ਚ ਫਿਰ ਤੋਂ ਚਾਰ ਸਾਲ ਦਾ ਸਮਾਂ ਦਿੰਦੇ ਹਨ ਤਾਂ ਉਹ ਹਮੇਸ਼ਾ ਲਈ ਸਾਡੇ ਰਾਸ਼ਟਰ ਦੇ ਚਰਿੱਤਰ ਨੂੰ ਬਦਲ ਹੇਵੇਗਾ। ਅਸੀਂ ਅਜਿਹਾ ਨਹੀਂ ਹੋਣ ਦੇਵਾਂਗੇ।
ਡੋਨਾਲਡ ਟਰੰਪ ਦਾ ਇਕ ਡਾਂਸ ਵੀਡੀਓ ‘ਵੋਟ, ਵੋਟ, ਵੋਟ’ ਜਾਰੀ ਕੀਤਾ ਗਿਆ ਹੈ। ਇਹ ਵੀਡੀਓ ਵਾਇਰਲ ਹੋ ਰਿਹਾ ਹੈ।
ਪ੍ਰੀ-ਪੋਲ ਸਰਵੇਅ ’ਚ ਬੀਡੇਨ ਜਿੱਤੇ
ਟਰੰਪ ਨੇ ਉਪ ਚੋਣ ਪੋਲ ਨੂੰ ਖਾਰਿਜ ਕਰ ਦਿੱਤਾ ਜਿਸ ’ਚ ਬੀਡੇਨ ਨੂੰ ਮਿਸ਼ੀਗਨ ’ਚ ਅਤੇ ਰਾਸ਼ਟਰੀ ਪੱਧਰ ’ਤੇ ਜਿੱਤਦਾ ਹੋਇਆ ਦਿਖਾਇਆ ਜਾ ਰਿਹਾ ਹੈ। ਟਰੰਪ ਨੇ ਮਿਸ਼ੀਗਨ ’ਚ ਸਮਰਥਕਾਂ ਦੀ ਭੀੜ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਇਹ ਭੀੜ ਉਸ ਆਦਮੀ ਦੀ ਰੈਲੀ ਦੀ ਨਹੀਂ ਹੋ ਸਕਦੀ ਹੈ ਜੋ ਮਿਸ਼ੀਗਨ ਦੀਆਂ ਚੋਣਾਂ ਹਾਰਨ ਜਾ ਰਿਹਾ ਹੈ। ਇਸ ’ਤੇ ਉਨ੍ਹਾਂ ਦੇ ਸਮਰਥਕਾਂ ਨੇ ਮਾਸਕ ਅਤੇ ਸੋਸ਼ਲ ਡਿਸਟੈਂਸਿੰਗ ਨੂੰ ਗਲਤ ਦੱਸਦੇ ਹੋਏ ਕਿਹਾ ‘ਚਾਰ ਹੋਰ ਸਾਲ! ਹੋਰ ਚਾਰ ਸਾਲ!’
ਟਰੰਪ ਨੇ ਰੈਲੀ ’ਚ ਕਿਹਾ ਕਿ ਇਕ ਟਿਪੀਕਲ ਰਾਜਨੇਤਾ ਦੀ ਤਰ੍ਹਾਂ ਗੱਲ ਨਹੀਂ ਕਰਦੇ, ਉਸ ਦਾ ਕਾਰਣ ਇਹ ਹੈ ਕਿ ਉਹ ਸਿਰਫ ਰਾਜਨੀਤਿਕ ਨਹੀਂ ਹੈ। ਟਰੰਪ ਨੇ ਰਾਤ ਨੂੰ ਕਰੀਬ ਸਵਾ ਇਕ ਵਜੇ ਇਸ ਚੋਣ ਦੀ ਆਪਣੀ ਆਖਿਰੀ ਰੈਲੀ ਖਤਮ ਕੀਤੀ ਅਤੇ ਉਸ ਦੇ ਕੁਝ ਸਮੇਂ ਬਾਅਦ ਉਨ੍ਹਾਂ ਨੂੰ ਡਿਕਸਵਿਲ ਨਾਚ ’ਚ ਪਹਿਲੀ ਚੋਣ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਹ ਇਕ ਛੋਟਾ ਜਿਹਾ ਹੈਂਪਸ਼ਾਇਰ ਟਾਊਨਸ਼ਿਪ ਹੈ ਜਿਥੇ ਵੋਟਾਂ ਬੀਡੇਨ ਦੇ ਖਾਤੇ ’ਚ ਗਈਆਂ।
ਅਮਰੀਕੀ ਚੋਣਾਂ : ਜਦੋਂ ਓਬਾਮਾ ਨੇ 8 ਮਹੀਨੇ ਦੇ ਬੱਚੇ ਨਾਲ ਕੀਤੀ ਫੋਨ 'ਤੇ ਗੱਲ (ਵੀਡੀਓ)
NEXT STORY 
