ਕਾਬੁਲ (ਏ.ਪੀ.)- ਪਾਕਿਸਤਾਨ ਸਰਹੱਦ ਨਾਲ ਲੱਗਦੇ ਅਫਗਾਨਿਸਤਾਨ ਦੇ ਪੂਰਬੀ ਸੂਬੇ ਪਕਤੀਆ ਵਿਚ ਹੋਏ ਇਕ ਹਵਾਈ ਹਮਲੇ ਵਿਚ ਘੱਟੋ-ਘੱਟ 10 ਨਾਗਰਿਕਾਂ ਦੀ ਮੌਤ ਹੋ ਗਈ। ਅਫਗਾਨ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਸੂਬਾ ਕੌਂਸਲ ਦੇ ਇਕ ਸਾਬਕਾ ਮੈਂਬਰ ਸ਼ਾਉਸਤਾ ਜਾਨ ਅਹਦੀ ਨੇ ਕਿਹਾ ਕਿ ਸ਼ਨੀਵਾਰ ਨੂੰ ਹੋਏ ਹਮਲੇ ਵਿਚ ਜਾਨ ਗਵਾਉਣ ਵਾਲਿਆਂ ਵਿਚ ਔਰਤਾਂ ਅਤੇ ਬੱਚੇ ਵੀ ਸ਼ਾਮਲ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਐਤਵਾਰ ਨੂੰ ਸਥਾਨਕ ਲੋਕਾਂ ਨੇ ਲਾਸ਼ਾਂ ਦੇ ਨਾਲ ਵਿਰੋਧ ਪ੍ਰਦਰਸ਼ਨ ਕੀਤੇ।
ਸੂਬਾ ਸਰਕਾਰ ਦੇ ਬੁਲਾਰੇ ਅਬਦੁੱਲਾ ਹਸਰਤ ਨੇ ਕਿਹਾ ਕਿ ਹਵਾਈ ਹਮਲੇ ਵਿਚ ਚਾਰ ਬਾਗੀਆਂ ਦੀ ਮੌਤ ਹੋ ਗਈ ਅਤੇ ਨਾਗਰਿਕਾਂ ਦੀ ਮੌਤ ਦੇ ਮਾਮਲੇ ਵਿਚ ਜਾਂਚ ਸ਼ੁਰੂ ਕੀਤੀ ਗਈ ਹੈ। ਸੂਬਾ ਸਰਕਾਰ ਦੇ ਬੁਲਾਰੇ ਉਮਰ ਜਵਾਕ ਮੁਤਾਬਕ ਇਕ ਵੱਖਰੀ ਘਟਨਾ ਵਿਚ ਦੱਖਣੀ ਹੇਲਮੰਡ ਸੂਬੇ ਵਿਚ ਹੋਏ ਹਵਾਈ ਹਮਲੇ ਵਿਚ ਤਾਲੀਬਾਨ ਦੇ ਸ਼ੈਡੋ ਗਵਰਨਰ ਅਤੇ ਉਨ੍ਹਾਂ ਦੇ ਦੋ ਗਾਰਡ ਮਾਰੇ ਗਏ। ਇਸ ਨੂੰ ਲੈ ਕੇ ਅਜੇ ਤੱਕ ਤਾਲੀਬਾਨ ਵਲੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ, ਜੋ ਦੇਸ਼ ਦੇ ਇਸ ਤਕਰੀਬਨ ਅੱਧੇ ਹਿੱਸੇ ਨੂੰ ਕੰਟਰੋਲ ਵਿਚ ਲੈ ਕੇ ਇਕ ਬਰਾਬਰ ਸਰਕਾਰ ਚਲਾ ਰਿਹਾ ਹੈ।
ਭਾਰਤ-ਯੂ.ਏ.ਈ. ਸਾਂਝੀ ਕਮਿਸ਼ਨ ਦੀ ਮੀਟਿੰਗ ਦੀ ਸਹਿ-ਪ੍ਰਧਾਨਗੀ ਕਰੇਗੀ ਸੁਸ਼ਮਾ ਸਵਰਾਜ
NEXT STORY 
